TV
గోదావరిఖని: రామగుండం కార్పొరేషన్‌లోని జనగామలో చేతిపంపు కుంగింది. యాదవనగర్‌లో మంచినీటి కోసం ఓ మహిళ బోరు వద్దకు వెళ్లిబో రు కొడుతుండగా అకస్మాత్తుగా కుంగింది. దీంతో ఆ ప్రాంత వాసులు ఆందోళనకు గురయ్యారు. సింగరేణి భూగర్భ గని ఉండటంతో బోరువెల్‌ ఉన్న ప్రాంతంలో భూమి కుంగిందని, తమ ఇళ్ల పరిస్థితి ఏమిటని ఆందోళన చెందారు. దీనిపై విచారణ జరిపి వాస్తవాలు తెలపాల్సిన బాధ్యత సింగరేణిపై ఉందని గ్రామస్తులు డిమాండ్‌ చేస్తున్నారు. ఈ విషయంపై ఆర్జీ–1 జీఎం లలిత్‌కుమార్‌ మాట్లాడుతూ, సింగరేణి సర్వే, జియాలజీ బృందంతో శనివారం సర్వే చేయిస్తామన్నారు.
గనులపై ఏఐటీయూసీ సభ్యత్వ సేకరణ
గోదావరిఖని: ఏఐటీయూసీ నాయకులు శుక్రవారం గనులపై సభ్వత్య సేకరణ ప్రారంభించారు. కార్యక్రమాన్ని యూనియన్‌ డిప్యూటీ జనరల్‌సెక్రటరీ మ డ్డి ఎల్లాగౌడ్‌ ప్రారంభించారు. నాయకులు రంగు శ్రీను, సంకె అశోక్‌, బోగ సతీశ్‌ బాబు, మాదన మహేశ్‌, ఎస్‌.వెంకట్‌రెడ్డి, సిద్దమల్ల రాజు, దొంత సాయన్న, ఎం.చక్రపాణి, చెప్యాల భాస్కర్‌, సిర్ర మల్లికార్జున్‌, బిట్టి వెంకటేశ్వర్లు పాల్గొన్నారు.
