TV
‘బిచ్చగాడు, కిల్లర్‌’ చిత్రాల ఫేమ్‌ విజయ్‌ ఆంటోని హీరోగా నటించిన తాజా చిత్రం ‘విజయ రాఘవన్’. ఇందులో ఆత్మిక హీరోయిన్‌గా నటించారు. ఆనంద్‌ కృష్ణన్‌ దర్శకత్వంలో టీడీ రాజా, డీఆర్‌ సంజయ్‌కుమార్‌ నిర్మించిన ఈ సినిమా విడుదల తేదీ ఖరారైంది. ‘విజయ రాఘవన్ ’ చిత్రాన్ని మే 14న విడుదల చేస్తున్నట్లు చిత్రబృందం అధికారికంగా ప్రకటించింది.
ఈ సందర్భంగా విజయ్‌ ఆంటోని మాట్లాడుతూ – ‘‘ఓ మాస్‌ ఏరియాలో పిల్లలు పక్కదారులు పట్టకుండా చదువు గొప్పతనాన్ని వారికి వివరించి, ఆ పిల్లల ఉన్నతికి పాటుపడే యువకుడి కథే ‘విజయ రాఘవన్ ’. ప్రస్తుతం పోస్ట్‌ ప్రొడక్షన్‌ కార్యక్రమాలు జరుగుతున్నాయి. మే 14న తమిళ, తెలుగు భాషల్లో సినిమాను విడుదల చేయనున్నాం’’ అన్నారు.
