TV
ప్రముఖ పోలీసాఫీసర్‌ అవినాష్‌ మిశ్రా జీవితం ఆధారంగా ఓ వెబ్‌ సిరీస్‌ తెరకెక్కనుంది. ఈ వెబ్‌ సిరీస్‌లో టైటిల్‌ రోల్‌లో బాలీవుడ్ నటుడు రణ్‌దీప్‌ హుడా నటించనున్నారు. ఈ సిరీస్‌ ద్వారా వెబ్‌ ప్రపంచంలోకి అడుగుపెడుతున్నారు రణ్‌దీప్‌. నీరజ్‌ పతాక్‌ దర్శకత్వం వహించనున్న ఈ సిరీస్‌కు ‘ఇన్‌స్పెక్టర్‌ అవినాష్‌’ అనే టైటిల్‌ ఫిక్స్‌ చేశారు. డిసెంబర్‌లో చిత్రీకరణ ప్రారంభం కానుంది. ఉత్తర్‌ ప్రదేశ్‌లో చిత్రీకరణ జరగనుంది. ‘‘ఇదో స్ఫూర్తివంతమైన కథ. ఇలాంటి సూపర్‌ పోలీస్‌ కథను అందరికీ చెప్పడం చాలా సంతోషంగా ఉంది’’ అన్నారు రణ్‌దీప్‌ హుడా.
