TV
Chiranjeevi Acharya Movie Release Date: మెగాస్టార్‌ చిరంజీవి-కొరటాల శివ కాంబినేషన్‌లో ప్రతిష్టాత్మకంగా తెరకెక్కుతోన్న చిత్రం ‘ఆచార్య’. ఇప్పటికే ఈ సినిమాలోని 'లాహే లాహే', 'నీలాంబరి' సాంగ్స్‌ ప్రేక్షకులను విశేషంగా ఆకట్టుకున్నాయి. 'లాహే లాహే' పాట అయితే యూట్యూబ్‌లో 60 మిలియన్‌ వ్యూస్‌తో ట్రెండింగ్‌లో ఉంది. అయితే పాటలు, నటీనటుల లుక్స్‌ రివీల్‌ చేసిన చిత్ర యూనిట్ సినిమా విడుదలపై ఇప్పటివరకు క్లారిటీ ఇవ్వలేదని చర్చ నడుస్తోంది. ఈ క్రమంలో ఆచార్య రిలీజ్‌ డేట్‌ను ప్రకటించారు మేకర్స్‌. ఆచార్య సినిమాను ఫిబ్రవరి 04, 2022న ప్రపంచవ్యాప్తంగా విడుదల చేయనున్నట్లు చిత్ర దర్శకనిర్మాతలు ప్రకటించారు.
అలాగే ఈ చిత్రంలో మెగా పవర్ స్టార్‌ రామ్ చరణ్‌ కూడా నటిస్తున్న సంగతి తెలిసిందే. ఈ సినిమాలో చెర్రీ నక్సలైట్‌ సిద్ధగా కనిపించనున్నారు. ఇవాళ సినిమా విడుదల తేది ప్రకటన తర్వాత సిద్ధ పాత్రకు సంబంధించిన టీజర్‌ను నవంబర్ 28న రిలీజ్‌ చేయనున్నట్లు మేకర్స్‌ వెల్లడించారు. దీనిని 'ధర్మమే సిద్ధ' అంటూ మెగాస్టార్‌ చిరింజీవి షేర్‌ చేయగా, 'గుర్తుండిపోయే పాత్ర సిద్ధ. పవర్‌ఫుల్‌ టీజర్‌ రానుంది'. అని రామ్ చరణ్‌ ట్వీటారు.
Siddha is a memorable character for many reasons.
— Ram Charan (@AlwaysRamCharan) November 24, 2021
Powerful Teaser is on its way!#SiddhasSaga on Nov 28th.#Acharya #AcharyaOnFeb4th
Megastar @KChiruTweets #Sivakoratala @MsKajalAggarwal @hegdepooja #ManiSharma #NiranjanReddy @MatineeEnt @KonidelaPro @adityamusic pic.twitter.com/gUs7iiJOaK
ఇదిలా ఉంటే తొలుత దర్శకుడు ఆచార్యను డిసెంబర్‌ 24వ తేదీన విడుదల చేయాలని అనుకున్నారు. అయితే రాజమౌళి ‘ఆర్‌ఆర్‌ఆర్‌’ చిత్రం జనవరి 7వ తేదీకి రిలీజ్‌ చేస్తున్నట్లు ఇటీవల అధికారిక ప్రకటించిన సంగతి తెలిసిందే. దీంతో ఈ రెండు తేదీలకు పెద్దగా గ్యాప్‌ లేకపోవడంతో డిసెంబర్‌ 17న ‘ఆచార్య’ విడుదల చేయాలని కొరటాల నిర్ణయించారట. అయితే ఇదే తేదిన ‘పుష్ప’ ఫస్ట్‌ పార్ట్‌ కూడా రిలీజ్‌ చేస్తామని అప్పట‍్లో మేకర్స్‌ తెలిపారు. కానీ పుష్ప షూటింగ్‌ను ఇంకా పూర్తి చేసుకోలేదు. డిసెంబర్‌ 17 వరకు పుష్ప షూటింగ్‌ పూర్తవుతుందా లేదా అనేది క్లారిటీ లేదు. అందుకే చివరిగా ఫిబ్రవరి 04, 2022ను ఖరారు చేసుకున్నట్లు తెలుస్తోంది.
ఇది చదవండి: యూట్యూబ్‌ను షేక్‌ చేస్తున్న 'లాహే లాహే' సాంగ్‌
