క్రేజీ అప్‌డేట్‌: ఆ డైరెక్టర్‌తో ధనుష్ మరో సినిమా

‘కర్ణన్‌’ మూవీతో తనకు సూపర్‌హిట్‌ అందించిన దర్శకుడు మారి సెల్వరాజ్‌తో హీరో ధనుష్‌ మరోసారి జతట్టనున్నాడు. ఈ విషయాన్ని స్వయంగా ధనుష్‌ సోషల్‌ మీడియా వేదికగా ప్రకటించాడు. శుక్రవారం ఆయన ట్వీట్‌ చేశాడు. ‘మారి సెల్వరాజ్‌తో మరో సినిమా చేయడం చాలా సంతోషంగా ఉంది. ప్రస్తుతం ఈ సినిమాకు సంబంధించిన ప్రీ ప్రొడక్షన్‌ పనులు జరుగుతున్నాయి.

వచ్చే ఏడాది ఈ సినిమా చిత్రీకరణను మొదలు పెట్టాలని ఆలోచిస్తున్నాం’ అంటు రాసుకొచ్చాడు. ‘కర్ణన్‌’ సినిమా కోలీవుడ్‌లో సూపర్‌ హిట్‌ టాక్‌ తెచ్చుకున్న సంగతి తెలిసిందే. థియేటర్‌ సీటింగ్‌ సామర్థ్యం కేవలం యాభై శాతం అయినప్పటికీ ఈ చిత్రం మెరుగైన వసూళ్లు సాధించడం విశేషం. ప్రస్తుతం హాలీవుడ్‌ మూవీ ‘ది గ్రే మ్యాన్‌’ షూటింగ్‌ నిమిత్తం ధనుష్‌ క్యాలిఫోర్నియాలో ఉన్న సంగతి తెలిసిందే.