కొత్త బైక్‌ కొన్న శ్రీహాస్‌.. ఆ పాటతో పార్టీ అడిగిన సిరి, వీడియో వైరల్‌

Bigg Boss Fame Shrihan Buy A New Bike - Sakshi

బుల్లితెర జోడి శ్రీహాన్, సిరి హన‍్మంత్‌ల ప్రేమ వ్యవహారం అందరికీ తెలిసిందే. కెరీర్‌ ప్రారంభంలో పలు షార్ట్‌ ఫిల్మ్స్‌లో కలిసి నటించిన ఈ జంట రియల్‌ లైఫ్‌లోనూ ప్రేమికులుగా మారారు. అయితే  ఈ జంటకు బాగా పేరొచ్చింది మాత్రం బిగ్‌బాస్‌ రియాల్టీ షో వల్లే. బిగ్‌బాస్‌ ఐదో సీజన్‌లో సిరి, ఆరో సీజన్‌లో శ్రీహాన్‌ పాల్గొన్నారు. అక్కడ వీరిద్దరు తమదైన ఆటతీరుతో ఆకట్టుకున్నారు. శ్రీహాన్‌ అయితే చివరి వరకు హౌస్‌లో ఉండి రన్నరఫ్‌గా నిలిచాడు. వాస్తవానికి అతను కూడా విన్నరనే చెప్పాలి. ఆడియన్స్‌ వేసిన ఓట్ల పరంగా శ్రీహాన్‌ విజేతగా నిలిచినప్పటికీ.. నాగార్జున ఆఫర్‌ చేసిన రూ.40 లక్షల సూట్ కేసుకి తలొంచడంతో రేవంత్‌ విజేతగా నిలిచాడు.

మొత్తానికి బిగ్‌బాస్‌ కారణంగా శ్రీహాన్‌.. అటు అభిమానుల్ని పెంచుకోవడంతో పాటు, ఇటు డబ్బులు కూడా బాగానే సంపాదించాడు. ప్రస్తుతం ఆ డబ్బుతో లైఫ్‌ని బాగా ఎంజాయ్‌ చేస్తున్నాడు. తాజాగా శ్రీహాన్‌ కొత్త బైక్‌ని కొన్నాడు. ప్రియురాలు సిరి, అతని కుమారుడు(సిరి, శ్రీహాన్‌ కలిసి ఓ పిల్లాడిని దత్తత తీసుకున్నారు)తో కలిసి కొత్త బైక్‌కి పూజలు కూడా చేయించారు.  దీనికి సంబంధించిన వీడియోని సిరి తన ఇన్‌స్టాలో షేర్‌ చేస్తూ.. ‘వేర్‌ ఈజ్‌ ద పార్టీ’పాట రూపంలో బాయ్‌ఫ్రేండ్‌ని పార్టీ అడిగింది. ప్రస్తుతం ఈ వీడియో నెట్టింట చక్కర్లు కొడుతోంది. 

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top