విరుష్క జంటపై బీగ్‌ బీ ఫన్నీ కామెంట్‌!

Apr 04, 2021, 15:12 IST

ముంబై: సోషల్ మీడియాలో ఎప్పుడూ యాక్టివ్‌గా ఉండే అమితాబ్ బచ్చన్, విరాట్ కోహ్లీ పేరుపై జోక్‌ వేశాడు. బచ్చన్ తరచూ రోజువారిగా జరిగిన సంఘటనలను, తన బ్లాగ్‌లో, సోషల్ మీడియాలో సరదాగా నెటిజన్లతో పంచుకుంటాడు. శనివారం ఓ ఆసక్తి కరమైన విషయాన్ని పోస్ట్‌ చేశాడు బీగ్‌ బీ. అదేంటంటే "అనుష్కకు భారీ అపార్ట్మెంట్ ఉంది!"అని సోషల్‌ మీడియాలో రాసుకొచ్చాడు. ఏంటి ఇక్కడ జోక్‌ ఏం ఉందని ఆలోచిస్తున్నారా..! అసలు విషయం ఏంటంటే హిందీలో ‘ అనుష్క కే పాస్‌ విరాట్‌ ఖోలీ హై’ ను ఇంగ్లీషులో అనుష్క హాజ్‌ ఏ యూజ్‌ అపార్ట్‌మెంట్‌ అని అనువాదించాడు.

ఇక్కడ కోహ్లీ పేరును హిందీలో ఖోలీగా రాశాడు. ఖోలీ అంటే హిందీలో గది అని, విరాట్‌ను ఇంగ్లీషులో హ్యూజ్‌ అని రాసుకొచ్చాడు. ఈ పోస్ట్‌ను ఇన్‌స్టాగ్రామ్‌లో షేర్‌ చేశాడు. బీగ్‌ బీ సెన్స్‌ ఆఫ్‌ హ్యూమర్‌కి నెటిజన్లు ఫిదా అవుతున్నారు. అంతేకాకుండా తన పోస్ట్‌లో హోళీ పండుగ గురించి రాశాడు. కాగా, ప్రస్తుతం బిగ్‌ బీ రష్మికా మందనతో ఓ సినిమా షూటింగ్‌ మొదలుకానుంది.