TV
వేములవాడ: రాజన్న సిరిసిల్ల జిల్లా వేములవాడలో ప్రభుత్వ జూనియర్‌ కళాశాల మైదానంలో 52వ రాష్ట్రస్థాయి బాలుర కబడ్డీ పోటీలు, 36వ రాష్ట్రస్థాయి బాలికల కబడ్డీ పోటీలు శుక్రవారం అట్టహాసంగా ప్రారంభమయ్యాయి. రాష్ట్రవ్యాప్తంగా వివిధ జిల్లాల నుంచి సుమారు 68 జట్లకు చెందిన 1,300 మందికి పైగా క్రీడాకారులు, కోచ్‌లు, మేనేజర్లు, పీఈటీలు, పీడీలు ఈ పోటీల్లో పాల్గొంటున్నారని నిర్వాహకులు తెలిపారు. ఈ సందర్భంగా ఉమ్మడి జిల్లా పరిధిలోని హనుమకొండ, జనగామ, భూపాలపల్లి, మహబూబాబాద్‌, ములుగు జిల్లాల క్రీడాకారులు చేసిన మార్చ్‌ఫాస్ట్‌ ఆకట్టుకుంది.
