వైఎస్‌ జగన్‌మోహన్‌రెడ్డితో ఆత్మీయ కలయిక

గన్నవరం: వైఎస్సార్‌ సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డిని గురువారం గుంటూరు జిల్లా తాడేపల్లిలోని పార్టీ కేంద్ర కార్యాలయంలో ఆ పార్టీ కృష్ణా జిల్లా అధ్యక్షుడు పేర్ని నాని, మాజీ ఎమ్మెల్యే వల్లభనేని వంశీమోహన్‌తో కలిసి గన్నవరం జెడ్పీటీసీ సభ్యుడిగా ఎన్నికై న అనగాని రవి మర్యాద పూర్వకంగా కలిశారు. ఈ సందర్భంగా జగన్‌మోహన్‌రెడ్డికి శాలువా కప్పి సత్కరించారు. కూటమి కుట్రలను ఎదుర్కొని జెడ్పీటీసీగా గెలుపొందిన రవిని జగన్‌ ప్రత్యేకంగా అభినందించారు. పార్టీ రాష్ట్ర కార్యదర్శి కాట్రు శేషుకుమార్‌, విద్యార్థి విభాగం కృష్ణా జిల్లా అధ్యక్షుడు అనగాని సుందర చైతన్య పాల్గొన్నారు.