రైల్వే ఉద్యోగి ఆత్మహత్య

ఇల్లంతకుంట(సిరిసిల్ల): ఇల్లంతకుంట మండలం రేపాకకు చెందిన కల్యాడపు హనుమవ్వ (80) వృద్ధురాలు సోమవారం రాత్రి ఇంట్లో ఉరేసుకొని ఆత్మహత్యకు పాల్పడింది. స్థానికులు, పోలీసులు తెలిపిన వివరాల ప్రకారం.. హనుమవ్వకు ఐదుగురు కొడుకులు, ఒక కూతురు ఉన్నారు. ఒక కొడుకు రేపాకలోనే అనారోగ్యంగా అచేతనంగా ఉంటాడు. ఒక కొడుకు చనిపోగా, మిగతా ముగ్గురు ముంబైకి ఉపాధి నిమిత్తం వెళ్లారు. కొన్ని రోజులుగా అనారోగ్యంతో బాధపడుతున్న హనుమవ్వ సోమవారం రాత్రి ఇంట్లో ఉరేసుకొని ఆత్మహత్య చేసుకుంది. మంగళవారం ఉదయం చుట్టుపక్కల వారు గమనించి తంగళ్లపల్లిలోని కూతురుకు తెలియజేశారు. మృతురాలి కూతురు ఆది లక్ష్మి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఇల్లంతకుంట ఎస్సై ఉపేంద్రచారి తెలిపారు. ధర్మారం: పెద్దపల్లి జిల్లా ధర్మారం మండలం ఎర్రగుంటపల్లి శివారులో ఆగిఉన్న లారీని ఢీకొని చొప్పదండి మండలం రాగంపేట గ్రామానికి చెందిన తమ్మనవేని శ్రీనాథ్‌(27) మరణించినట్లు ఎస్సై శ్రీకాంత్‌ తెలిపారు. ఎస్సై, స్థానికుల కథనం ప్రకారంగా.. రాగంపేట గ్రామానికి చెందిన తమ్మనవేని లక్ష్మి– మల్లయ్య దంపతులకు ఇద్దరు కుమారులు. చిన్న కుమారుడు శ్రీనాథ్‌ మంచిర్యాల జిల్లా చెన్నూరులోని తెలంగాణ గ్రామీణ బ్యాంకులో ఉద్యోగి. రెండు రోజుల క్రితం మరోబ్యాంకులో ఉద్యోగం సాధించాడు. జగిత్యాలలో పనిచేస్తూ రాగంపేటలోని తన ఇంటి నుంచి ద్విచక్రవాహనంపై వచ్చిపోతున్నాడు. ఈ క్రమంలో విధులు ముగించుకుని సోమవారం సాయంత్రం స్వగ్రామానికి బయలు దేరాడు. ఎర్రగుంటపల్లి గ్రామ శివారులోకి రాగానే రోడ్డుపక్కన నిర్లక్ష్యంగా పార్కింగ్‌ చేసిన మహారాష్ట్రకు చెందిన లారీని చీకట్లో కనిపించక ఢీకొన్నాడు. తీవ్రగాయాలు కాగా 108లో కరీంనగర్‌లోని ఆస్పత్రికి తరలించగా చికిత్స పొందుతూ మృతి చెందాడు. మృతుడి తండ్రి ఫిర్యాదు మేరకు కేసు నమోదు చేసినట్లు ఎస్సై వివరించారు.