మీసాల వెంట్రుకలతో సూటు.. ఎంత అందంగా ఉందో చూడండి!

Suit Made For Hair Of Human Mustache Is Very Beautiful - Sakshi

Suit Made of Men's Mustache: తలపై జుట్టు ఉన్నప్పుడు, చాలా అందంగా కనిపిస్తుంది. అవే వెంట్రుకలు ధరించే దుస్తులపై కనిసిస్తే చాలా ఆసహ్యంగా ఉంటుంది కదూ! కానీ, మొత్తం మీసాల వెంట్రుకలతో తయారైన ఈ సూటు ఎంత అందంగా ఉందో చూడండి! ఫొటోలో ఉన్న ఈ సూట్‌ పేరు ‘పొలిటిక్స్‌ మువెంబర్‌’. నో షేవ్‌ నవంబర్‌లో భాగంగా ఎంతోమంది క్యాన్సర్‌ రోగులకు దానం చేసే వెంట్రుకలను ఉపయోగించి, మెల్‌బోర్న్‌కు చెందిన విజువల్‌ ఆర్టిస్ట్‌ పమేలా క్లీమన్‌ పాస్సీ దీనిని రూపొందించారు.

నిజానికి ఈ రూపకల్పన వెనుక ఓ కథ ఉంది. క్యాన్సర్‌పై అవగాహన కల్పించకపోవడమే తన భర్త క్యాన్సర్‌తో మరణించడానికి కారణమైందని పమేలా భావించింది. ఆ అవగాహనా కార్యక్రమమేదో తానే మొదలుపెట్టాలని నిర్ణయించుకుంది. అలా 2016 నుంచి వివిధ సెలూన్ల నుంచి మీసాల వెంట్రుకలను పోగు చేయసాగింది. రీసైక్లింగ్‌ ద్వారా వీటిని శుభ్రం చేసి, కాటన్‌తో కలిపి నేయించి, ఓ ప్రత్యేకమైన ఫ్యాబ్రిక్‌ను తయారుచేసింది.

ఇందుకు ప్రముఖ సంస్థ ‘పొలిటిక్స్‌’ సహకారం అందించడంతో అద్భుతమైన ఈ సూటు రూపొందింది. ప్రస్తుతం ఈ విషయం తెలిసిన ఎంతోమంది ఆమెకు నేరుగా వెంట్రుకలను పంపిస్తున్నారు. వీటిని ఉపయోగించి మరెన్నో డిజైన్స్‌ను రూపొందించి, మరింత అవగాహన కల్పిస్తానని డిజైనర్‌ పమేలా క్లీమన్‌ పాస్సీ చెప్పింది.

Read latest International News and Telugu News | Follow us on FaceBook, Twitter, Telegram



 

Read also in:
Back to Top