కిసాన్‌ మేళాకు పకడ్బందీ ఏర్పాట్లు

వరంగల్‌ కలెక్టర్‌ డాక్టర్‌ సత్యశారద

న్యూశాయంపేట: వ్యవసాయ సాంకేతిక యాజ మాన్య సంస్థ (ఆత్మ) ఆధ్వర్యంలో నిర్వహించనున్న కిసాన్‌ మేళాకు పకడ్బందీ ఏర్పాట్లు చేయాలని వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. మంగళవారం కలెక్టరేట్‌లోని కిసాన్‌ మేళా ముందస్తు ప్రణాళిక ఏర్పాట్లపై సంబంధిత అధికారులతో సమీక్ష నిర్వహించారు. ప్రస్తుత వాతావరణ పరిస్థితుల నేపథ్యంలో రైతులకు ఎల్‌నినోపై అవగాహనతో పాటు వివిధ శాఖల ఆధ్వర్యంలో ప్రత్యేక స్టాళ్లను ఏర్పాటు చేయాలని సూచించారు. ఆరుతడి పంటల సాగు ద్వారా పెట్టుబడి వ్యయాన్ని తగ్గించుకుంటూ మెరుగైన దిగుబడులు సాధించే విధానాలను వివరించాలన్నారు. ఆత్మ పీడీ విజయనిర్మల, డీసీఓ నీరజ, విద్యుత్‌ శాఖ ఎస్‌ఈ ఆనందం, ఆర్‌డబ్ల్యూఎస్‌ ఈఈ నిర్మల, ఉద్యాన శాఖాధికారి శ్రీనివాస్‌రావు, వ్యవసాయశాఖాధికారి విజయభాస్కర్‌ పాల్గొన్నారు.