TV
అహ్మాదాబాద్‌ : భార్య లావుగా ఉందన్న కారణంగా ఆమెను ఇంటినుంచి బయటకు గెంటేశాడో భర్త. ఈ సంఘటన గుజరాత్‌లోని అహ్మదాబాద్‌లో బుధవారం వెలుగులోకి వచ్చింది. పోలీసులు తెలిపిన వివరాల మేరకు.. అహ్మదాబాద్‌, మహిళా వెస్ట్‌ పోలీస్‌ స్టేషన్‌లో పరిధిలోని వస్న రెసిడెంట్‌కు చెందిన ఓ మహిళకు 2017లో వివాహం అయింది. ఆరు నెలలు భార్యభర్తలిద్దరూ బాగానే ఉన్నారు. ఆ తర్వాత లావుగా ఉన్నావంటూ భర్త ఆమెను వేధించటం మొదలుపెట్టాడు. (భర్తకు గండం ఉందని వివాహిత మెడలో తాళి కట్టి..)
తన తల్లిదండ్రుల బలవంతం కారణంగానే ఆమెను పెళ్లి చేసుకున్నానని చెప్పి ఎగతాళి చేసేవాడు. ఓ నెల క్రితం ఇళ్లు కొనడానికి ఆమె వద్దనుంచి దాదాపు 3 లక్షల రూపాయలు ఇప్పించుకున్నాడు. ఆ వెంటనే ఆమెను ఇంటినుంచి బయటకు గెంటేశాడు. దీంతో ఆమె పోలీసులను ఆశ్రయించి, భర్త, అతడి సోదరులపై ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు.
