వృద్ధులు, వికలాంగుల కోసం సరికొత్త ఎలక్ట్రిక్ స్కూటర్

ప్రముఖ ఎలక్ట్రిక్ తయారీ సంస్థ కొమాకి వృద్ధులు వికలాంగుల కోసం ప్రత్యేకంగా రూపొందించిన కొత్త ఈవీని మార్కెట్లోకి తీసుకొనివచ్చింది. మెకానికల్ పార్కింగ్ వంటి అనేక భద్రతా ఫీచర్లతో కొత్త ఎక్స్ జీటీ ఎక్స్5ను కోమాకి లాంఛ్ చేసింది. ఈ ఎక్స్ జీటీ-ఎక్స్5 (72వి24ఎహెచ్) ఎలక్ట్రిక్ స్కూటర్ వేరియంట్ ధర రూ.90,500(ఎక్స్ షోరూమ్), ఎక్స్ జీటీ-ఎక్స్5 జీఈఎల్ రిటైల్స్ ధర రూ.72,500 (ఎక్స్ షోరూమ్). ఇప్పటివరకు ఎక్స్ జీటీ ఎక్స్5 1,000 యూనిట్లను ఇప్పటికే విక్రయించట్లు ఈవి తయారీదారు ప్రకటించింది.

ఈ మోడల్ దేశవ్యాప్తంగా కంపెనీ అన్ని షోరూమ్ కొనుగోలు చేయడానికి లభ్యం అవుతుంది. ఈ స్కూటర్ ను ఆన్‌లైన్‌ లో ఉచితంగా బుక్ చేస్తే సమీప డీలర్ ద్వారా మీకు డెలివరీ చేయనున్నారు. కోమాకి మోడల్స్ పై ఈఎమ్ఐ సౌకర్యం అందుబాటులో ఉన్నట్లు కంపెనీ పేర్కొంది. కొత్త కోమాకి ఎక్స్ జీటీ-ఎక్స్5 రెండు(ఎరుపు, బూడిద) రంగుల్లో కొనుగోలు చేయవచ్చు. ఈ స్కూటర్ ను ఒకసారి ఛార్జ్ చేస్తే 80-90 కిలోమీటర్ల దూరం వెళ్లనున్నట్లు కంపెనీ పేర్కొంది. ఇది విఆర్ఎల్ఎజెల్ బ్యాటరీలు, లిథియం-అయాన్ బ్యాటరీలతో రెండింటితో పనిచేస్తుంది. దీనిలో రీజనరేటివ్ బ్రేకింగ్ సిస్టమ్ ఉంది.