మక్కలకు మహర్దశ

ఖమ్మంవ్యవసాయం: మొక్కజొన్నకు డిమాండ్‌ అమాంతం పెరిగింది. మునుపెన్నడూ లేని విధంగా ఖమ్మం వ్యవసాయ మార్కెట్‌లో సోమవారం మొక్కజొన్న క్వింటాకు గరిష్టంగా రూ.2,600 రికార్డు ధర పలికింది. కేంద్ర ప్రభుత్వం ఈ ఏడాది కనీస మద్దతు ధర(ఎంఎస్‌పీ) రూ.2,400గా ప్రకటిస్తే, మార్కెట్‌లో అంతకు మించి నమోదైంది. ఎల్‌నినో కారణంగా వర్షాభావ పరిస్థితులతో దేశవ్యాప్తంగా మొక్కజొన్న సాగు విస్తీర్ణం గణనీయంగా పడిపోయింది. అయితే, పారిశ్రామిక, పౌల్ట్రీ రంగాల్లో మొక్కజొన్న అవసరం పెరగడంతో డిమాండ్‌ ధర నమోదవుతోందని భావిస్తున్నారు. వరంగల్‌ ఏనుమాముల వ్యవసాయ మార్కెట్‌లో గత శుక్రవారం రూ.2,970 రికార్డు ధర పలకగా, ఖమ్మంలో తొలిసారి రూ.2,600గా నమోదైంది. ప్రస్తుత వానాకాలం జిల్లాలో కేవలం 560 ఎకరాల్లో మాత్రమే మొక్కజొన్న సాగైంది.

క్వింటాకు రూ.2,600 రికార్డు ధర