Weekly Horoscope In Telugu: ఈ వారం మీ రాశి ఫలాలు ఎలా ఉన్నాయంటే..?

మేషం...
పనులు వేగవంతంగా  పూర్తి కాగలవు. కొంత శ్రమ పడ్డా ఆశించిన∙ఫలితం కనిపిస్తుంది. విద్యార్థుల యత్నాలు అనుకూలిస్తాయి. కీలక సమావేశాలకు హాజరవుతారు. బంధువులతో ఉల్లాసంగా గడుపుతారు.. పలుకుబడి పెరుగుతుంది. స్వయంగా కొన్ని నిర్ణయాలు తీసుకుంటారు. మీకు మద్దతునిచ్చే వారు పెరుగుతారు. వ్యాపారాలలో కొత్త పెట్టుబడులు, బ్యాంకు రుణాలు అందుతాయి. ఉద్యోగులకు కొత్త బాధ్యతలు రావచ్చు.  క్రీడాకారులు,  రాజకీయవర్గాలకు శుభవార్తలు. వారం చివరిలో వ్యయప్రయాసలు. అనారోగ్యం. ఎరుపు, నేరేడు రంగులు,  గణేశాష్టకం పఠించండి.

వృషభం...
అనుకున్నది సాధించాలన్న తపన పెరుగుతుంది. ఆత్మీయులు మరింత చేయూతనందిస్తారు. సంఘంలో గౌరవప్రతిష్ఠలు పెరుగుతాయి. కొంతకాలంగా వాయిదా వేస్తున్న  పనులు పూర్తి కాగలవు. వాహనాలు, విలువైన వస్తువులు కొంటారు. జీవిత భాగస్వామి సలహాలతో నిర్ణయాలు తీసుకుంటారు. ఆలయాలు సందర్శిస్తారు. శుభకార్యాలకు హాజరవుతారు. వ్యాపారాలలో లాభాలు అందుతాయి. భాగస్వామ్యాలలో ఇబ్బందులు తీరతాయి. ఉద్యోగులకు ఉన్నత హోదాలు.  కళాకారులు,  రాజకీయవర్గాలకు కొత్త ఆశలు. వారం మధ్యలో వృథా ఖర్చులు. స్వల్ప అనారోగ్యం. ఆకుపచ్చ, ఎరుపు రంగులు, విష్ణుసహస్రనామ పారాయణ చేయండి.

మిథునం....
వీరి కృషి ఫలించి ఉత్సాహంగా ముందుకు సాగుతారు. యత్నకార్యసిద్ధి. ఆస్తి వ్యవహారాలలో ఒప్పందాలు చేసుకుంటారు. గృహయోగ సూచనలు. ప్రముఖులతో పరిచయాలు సంతోషం కలిగిస్తాయి. మీ నైపుణ్యాన్ని  చాటుకునేందుకు తగిన సమయం. విద్యార్థులు, నిరుద్యోగులకు అనుకూల సమాచారం. ఆర్థిక విషయాలు ఆశాజనకంగా ఉంటాయి. బంధువులతో వివాదాలు తీరతాయి. వ్యాపారాలలో లాభాలు. ఉద్యోగులకు పైస్థాయి వారి ప్రశంసలు అందుతాయి. పారిశ్రామికవర్గాలకు విదేశీ పర్యటనలు. వారం చివరిలో  ధనవ్యయం. కుటుంబంలో చికాకులు. పసుపు, లేత ఆకుపచ్చరంగులు,  లక్ష్మీ నృసింహస్తోత్రాలు పఠించండి.

కర్కాటకం...
ఉత్సాహంగా అనుకున్న  కార్యక్రమాలు పూర్తి చేస్తారు. ఆత్మీయుల నుండి పిలుపు రావచ్చు.  చిన్ననాటి స్నేహితులతో ఆనందంగా గడుపుతారు. ఆస్తి వివాదాలు కొలిక్కి వస్తాయి. ఆలోచనలు కార్యరూపం దాలుస్తాయి. రాబడి మరింత సంతృప్తినిస్తుంది. ఇంటి నిర్మాణయత్నాలు సానుకూలం. వ్యాపారాలు వృద్ధి చెందుతాయి. ఉద్యోగులకు పదోన్నతులు రావచ్చు. పారిశ్రామికవర్గాల కృషి ఫలిస్తుంది. వారం చివరిలో స్వల్ప అనారోగ్యం. ధనవ్యయం. పసుపు, నేరేడు రంగులు, దేవీస్తుతి మంచిది.

సింహం....
కార్యక్రమాలలో అవాంతరాలు తొలగుతాయి. ఆర్థిక విషయాలలో పురోగతి కనిపిస్తుంది.  బంధువుల నుంచి కీలక సమాచారం అందుతుంది. రియల్‌ ఎస్టేట్‌ రంగం వారికి ప్రోత్సాహకరంగా ఉంటుంది. విద్యార్థులు, నిరుద్యోగులకు కొత్త ఆశలు చిగురిస్తాయి. సభలు, సమావేశాలలో పాల్గొంటారు. మీ కార్యదీక్షకు కుటుంబసభ్యులు ఆశ్చర్యపోతారు. వాహనాలు, ఆభరణాలు కొంటారు. వ్యాపారాలు లాభసాటిగా కొనసాగుతాయి. ఉద్యోగులకు హోదాలు పెరుగుతాయి. క్రీడాకారులు, కళాకారులకు అవకాశాలు పెరుగుతాయి. వారం ప్రారంభంలో వృథా ఖర్చులు, అనారోగ్యం. నీలం, నేరేడు రంగులు, గణేశ్‌స్తోత్రాలు పఠించండి.

కన్య....
రాబడి ఆశాజకనంగా ఉంటుంది. అనుకున్న కార్యక్రమాలను పట్టుదలగా  పూర్తి చేస్తారు. చిన్ననాటి మిత్రులతో ఉత్సాహంగా గడుపుతారు. ఎంతటి వారినైనా మాటలతో ఆకట్టుకుంటారు. ఆధ్యాత్మిక కార్యక్రమాలలో పాల్గొంటారు. విద్యార్థులకు శుభవార్తలు అందుతాయి. కొన్ని వివాదాలు చాకచక్యంగా పరిష్కరించుకుంటారు. ఒక చిన్ననాటి  సంఘటన గుర్తుకు తెచ్చుకుంటారు. వ్యాపారాలు విస్తరిస్తారు. ఉద్యోగులకు అనుకూల మార్పులు ఉంటాయి. పారిశ్రామికవర్గాలకు కొత్త ఆశలు చిగురిస్తాయి. వారం మధ్యలో అనారోగ్యం. కుటుంబంలో చికాకులు. గులాబీ, నేరేడు రంగులు.  దక్షిణామూర్తి స్తోత్రాలు పఠించండి.

తుల....
కొన్ని వ్యవహారాలు స్వయంగా పూర్తి చేస్తారు.  సంఘంలో ప్రతిష్ఠ పెరుగుతుంది. ఆర్థిక పరిస్థితి మెరుగ్గా ఉంటుంది. ఆసక్తికర సంఘటనలు ఎదురవుతాయి. వేడుకలకు హాజరవుతారు. ఆలయాలు సందర్శిస్తారు. కాంట్రాక్టర్లకు అనుకూల సమయం. తీర్థయాత్రలు చేస్తారు. చిన్ననాటి మిత్రులతో ఉత్సాహంగా గడుపుతారు. వ్యాపారాలలో లాభాలు దక్కుతాయి. ఉద్యోగులకు శుభవార్తలు. పారిశ్రామికవర్గాలకు విదేశీ పర్యటనలు. వారం చివరిలో ధనవ్యయం. కుటుంబంలో చికాకులు. నలుపు, లేత నీలం రంగులు,  హనుమాన్‌ చాలీసా పఠించండి.

వృశ్చికం...
చేపట్టిన  ముఖ్య కార్యక్రమాలను ఎవరి సాయం లేకుండానే పూర్తి కాగల సూచనలు. బంధువులు లేదా స్నేహితుల నుంచి కీలక సమాచారం అందుతుంది. బాధ్యతలు సమర్థవంతంగా నిర్వహిస్తారు. భూములు, వాహనాలు కొనుగోలు చేస్తారు. ఆర్థిక పరిస్థితి మెరుగ్గా ఉంటుంది. దీర్ఘకాలిక సమస్య నుంచి బయటపడతారు. వ్యాపారాలు లాభసాటిగా ఉంటాయి. బ్యాంకు రుణాల కోసం యత్నాలు సఫలం. ఉద్యోగులకు మంచి గుర్తింపు లభిస్తుంది.. కళాకారులు, రియల్‌ ఎస్టేట్‌ల వారికి శుభవార్తలు. వారం ప్రారంభంలో వృథా ఖర్చులు. ఆరోగ్యభంగం. ఆకుపచ్చ, లేత పసుపు రంగులు, ఆంజనేయస్వామి దండకం పఠించండి.

ధనుస్సు...
రాబడి ఆశాజనకంగా ఉండి ఎలాంటి ఖర్చులైనా భరిస్తారు.  ముఖ్య కార్యక్రమాలు సజావుగా పూర్తి చేస్తారు. గత సంఘటనలు గుర్తుకు వస్తాయి. సభలు, సమావేశాలలో పాల్గొంటారు. ఆస్తి వ్యవహారాలలో విజయం సాధిస్తారు. దూరపు బంధువులను కలుసుకుని ఉత్సాహంగా గడుపుతారు. మీలోని ప్రతిభ వెలుగులోకి వస్తుంది. విద్యార్థుల యత్నాలు సఫలం. వ్యాపారాలు విస్తరిస్తారు. ఉద్యోగులకు అనుకోని బాధ్యతలు దక్కుతాయి .వైద్యులు, రాజకీయవర్గాలకు మంచి గుర్తింపు రాగలదు. వారం చివరిలో ధనవ్యయం. స్వల్ప వివాదాలు. ఆరోగ్య సమస్యలు.  లేత ఎరుపు, నేరేడు రంగులు, దుర్గాదేవి స్తోత్రాలు పఠించండి.

మకరం...
అనుకున్న కార్యక్రమాలు నెమ్మదిగా పూర్తి చేస్తారు. ఆలోచనలు అమలులో కొంత శ్రమ పడాల్సివస్తుంది. రాబడి ఆశాజనకమే. రుణభారాలు తొలగుతాయి. చిరకాల ప్రత్యర్థులు మీకు మద్దతుగా నిలుస్తారు. కుటుంబంలో శుభకార్యాలపై చర్చలు సాగిస్తారు. రియల్‌ఎస్టేట్, కాంట్రాక్టర్లకు కొంత అనుకూల సమయం. తీర్థయాత్రలు చేస్తారు. వ్యాపారాలు లాభసాటిగా సాగుతాయి. ఉద్యోగులకు అనుకూల మార్పులు ఉంటాయి. కళాకారుల యత్నాలలో కదలికలు. వారం మధ్యలో ఆరోగ్యసమస్యలు. వ్యయప్రయాసలు. నీలం, తెలుపు రంగులు,  శివాష్టకం పఠించండి.

కుంభం..
కొన్ని వ్యవహారాలలో  ఆటంకాలు ఎదురుకావచ్చు. ఆర్థిక విషయాలలో ఆచితూచి వ్యవహరించండి. తొందరపాటు మాటలు వద్దు. ఆప్తులతో వివాదాలు. ఆరోగ్యంపై శ్రద్ధ చూపండి. చిన్ననాటి మిత్రులతో ముఖ్య విషయాలు చర్చిస్తారు. ఒక ఆసక్తికర సమాచారం అందుతుంది. నిర్ణయాలు కొన్ని మార్చుకుంటారు. ఆధ్యాత్మిక కార్యక్రమాలలో పాల్గొంటారు. వ్యాపారాలలో స్వల్ప లాభాలు అందుతాయి. ఉద్యోగులకు మార్పులు ఉంటాయి. రాజకీయవర్గాలకు చికాకులు తప్పకపోవచ్చు. వారం మధ్యలో విందువినోదాలు. వాహనయోగం. దైవదర్శనాలు. గులాబీ, లేత ఎరుపు.  విష్ణుధ్యానం చేయండి.

మీనం....
కొన్ని సమస్యలు వచ్చినా నేర్పుగా పరిష్కరించుకుంటారు. బంధువులు, మిత్రులతో  ఉత్తరప్రత్యుత్తరాలు సాగిస్తారు. కార్యక్రమాలు కొన్ని సకాలంలో పూర్తి కాగలవు. ఆలోచనలు అమలు చేస్తారు. ఆస్తి వ్యవహారాలలో ఒప్పందాలు చేసుకుంటారు. సోదరులు, తల్లి తరఫు వారి నుంచి శుభవార్తలు అందుతాయి. వాహనయోగం. వ్యాపారాలలో అవరోధాలు అధిగమిస్తారు. ఉద్యోగులకు మంచి గుర్తింపు రాగలదు. కళాకారులు అనుకున్న అవకాశాలు దక్కించుకుంటారు. వారం చివరిలో  వృథా ఖర్చులు. మానసిక అశాంతి. ఆకుపచ్చ, పసుపు రంగులు,  ఆదిత్య హృదయం పఠించండి.