23 పట్టణ స్థానిక సంస్థలకు వచ్చేనెలలో ఎన్నికలు

సాక్షి, అమరావతి: కోర్టు కేసులు తదితర కారణాలతో మొదటి విడతలో ఎన్నికలు జరగని 23 పట్టణ స్థానిక సంస్థలకు వచ్చేనెలలో ఎన్నికలు నిర్వహించాలని రాష్ట్ర ఎన్నికల కమిషన్‌ (ఎస్‌­ఈసీ) కసరత్తు చేస్తోంది. కోర్టు కేసుల చిక్కులు వీడడంతో ఎన్నికల నిర్వహ­ణపై దృష్టి పెట్టింది. 

రాజమహేంద్రవరం, కాకినాడ, శ్రీకాకుళం, మంగళగిరి–తాడేపల్లి నగరాలు, 19 మున్సిపాలిటీలు, నగర పంచాయతీల్లో ఎన్నికలకు ఈ నెలలోనే నోటిఫికేషన్‌ జారీచేసి, డిసెంబరు మొదటి లేదా రెండో వారంలో పోలింగ్‌ నిర్వహించాలని సన్నాహాలు చేస్తోంది. ఈ నెల 20వ తేదీ తరువాత నోటిఫికేషన్‌ వెలువడే అవకాశం ఉందని అధికారవర్గాల ద్వారా తెలిసింది. ఎన్నికలు జరగనున్న 23 పట్టణ స్థానిక సంస్థల్లో మొత్తం 24.93 లక్షల మంది ఓటర్లున్నారు.