TV
అనకాపల్లి టౌన్‌: జిల్లాలో ఎన్నికలను ప్రశాంతంగా, సమర్థవంతంగా నిర్వహించడమే లక్ష్యంగా చర్యలు చేపట్టినట్లు జిల్లా ఎన్నికల పరిశీలకుడు రోణంకి గోపాలకృష్ణ తెలిపారు.జీవీఎంసీ జోనల్‌ కార్యాలయంలో జరుగుతున్న నామినేషన్ల ప్రక్రియను ఆదివారం ఆయన పరిశీలించారు. ఈ సందర్భంగా మాట్లాడుతూ ఎన్నికల ప్రవర్తనా నియమావళి అమల్లో ఉందని, రాజకీయ పార్టీల నాయకులు, అభ్యర్థులు, కార్యకర్తలు తప్పనిసరి గా ఎన్నికల నిబంధనలను పాటించాలని సూచించారు. ఈ కార్యక్రమంలో జోనల్‌ కమిషనర్‌ కె.చక్రవర్తి, తదితరులు పాల్గొన్నారు.
ఎస్పీ కార్యాలయంలో డిసెంబర్‌ 3 వరకు పీజీఆర్‌ఎస్‌ రద్దు
అనకాపల్లి: జిల్లాలో స్థానిక సంస్థల ఎన్నికల ప్రవర్తనా నియమావళి అమలులో ఉన్నందున డిసెంబర్‌ 3 వరకు ప్రతి సోమవారం ఎస్పీ కార్యాలయంలో నిర్వహించే ప్రజా ఫిర్యాదుల పరిష్కార వేదిక(పీజీఆర్‌ఎస్‌)ను తాత్కాలికంగా రద్దు చేసినట్లు ఎస్పీ తుహిన్‌ సిన్హా ఆదివారం ఒక ప్రకటనలో తెలిపారు. ఎన్నికల కోడ్‌ ముగిసే వరకు ప్రభుత్వ ఆదేశాల మేరకు ఈ నిర్ణయం తీసుకున్నట్లు పేర్కొన్నారు. స్థానిక సంస్థల ఎన్నికలు ప్రశాంత వాతావరణంలో సజావుగా జరిగేలా జిల్లా వ్యాప్తంగా పోలీసులు విస్తృత బందోబస్తు, భద్రతా విధుల్లో నిమగ్నమై ఉన్నట్లు వెల్లడించారు.
పెయిడ్‌ న్యూస్‌పై నిఘా
డాబాగార్డెన్స్‌: జీవీఎంసీ ఎన్నికల మీడియా పర్యవేక్షణను సమర్థంగా నిర్వహించాలని జిల్లా ఎన్నికల పరిశీలకుడు ఎ.భార్గవతేజ, ఎన్నికల వ్యయ పరిశీలకుడు పి.వెంకట సందీప్‌రెడ్డి సూచించారు. ఆదివారం జీవీఎంసీ ప్రధాన కార్యాలయంలో ఏర్పాటు చేసిన ఎంసీఎంసీ కేంద్రం, మీడియా రూమ్‌లను వారు పరిశీలించారు. ఈ సందర్భంగా వారు మాట్లాడుతూ ఎన్నికల ప్రవర్తనా నియమావళికి అనుగుణంగా మీడియా పర్యవేక్షణ చేపట్టాలని, రాజకీయ ప్రకటనల ధ్రువీకరణలో ఎన్నికల సంఘం మార్గదర్శకాలను కచ్చితంగా పాటించాలని సూచించారు. పెయిడ్‌ న్యూస్‌, రాజకీయ ప్రకటనలు, ఇతర ప్రచార అంశాలపై నిబంధనల ప్రకారం నిఘా ఉంచాలన్నారు.
