బెర్లిన్‌: యూరప్‌ దేశాల్లో వడగాడ్పుల తీవ్రత కొనసాగుతోంది. ఇప్పటివరకు స్పెయిన్‌లో నలుగురు, ఇటలీ, ఫ్రాన్స్‌లో ఇద్దరు చొప్పున ప్రాణాలు కోల్పోయారు. కార్చిచ్చు ముప్పు పొంచి ఉండటంతో ప్రభుత్వాలు ముందు జాగ్రత్త చర్యలకు ఉపక్రమించాయి. స్విట్జర్లాండ్‌లోని బెజ్‌నౌ అణు రియాక్టర్‌ను మూసివేశారు. మరో అణు రియాక్టర్‌లో విద్యుదుత్పత్తిని సగానికి తగ్గించారు. స్పెయిన్‌లోని కాటలోనియా ప్రాంతంలో కార్చిచ్చుతో ఇద్దరు చనిపోయారు. ఎండల వేడిమికి తాళలేక 300 మంది ఆస్పత్రి పాలయ్యారని ఫ్రాన్స్‌ మంత్రి ఒకరు వివరించారు. ఇటలీ ప్రభుత్వం 18 నగరాల్లో రెడ్‌ అలెర్ట్‌ ప్రకటించింది. జర్మనీలోని అత్యధిక ప్రాంతాల్లో ఉష్ణోగ్రతలు 40 డిగ్రీల సెల్సియస్‌ దాటాయి. దీంతో, జనం వేడి నుంచి ఉపశమనం కోసం ఓపెన్‌ ఎయిర్‌ స్విమ్మింగ్‌ పూల్స్, సరస్సులను ఆశ్రయిస్తున్నారు. జర్మనీలోని చాలా ప్రాంతాల్లో స్కూళ్లను మూసివేశారు. బ్రాండెన్‌బర్గ్, సాగ్జనీల్లో పలు ప్రాంతాల్లో మొదలైన కార్చిచ్చును ఫైర్‌ సిబ్బంది అదుపులోకి తెచ్చారు. పర్యాటక ప్రాంతాలైన పారిస్‌లోని ఈఫిల్‌ టవర్‌తోపాటు బ్రస్సెల్స్‌లోని అటోమియంను మూసివేశారు.

భారత మహిళల జట్టు సొంతగడ్డలో ఐర్లాండ్‌పై ‘వైల్డ్‌ ఫైర్‌’ అయ్యింది. టాప్‌–4 బ్యాటర్లు గర్జించడంతో మన జట్టు వన్డేల్లో తమ అత్యధిక రికార్డు స్కోరును నమోదు చేసింది. ఓవరాల్‌గా అంతర్జాతీయ మహిళల వన్డే క్రికెట్లో మూడో అత్యధిక స్కోరు సాధించింది. మిడిలార్డర్‌ బ్యాటర్‌ జెమీమా రోడ్రిగ్స్‌ శతకంతో... ఓపెనర్లు స్మృతి మంధాన, ప్రతీక రావల్, వన్‌డౌన్‌లో హర్లీన్‌ డియోల్‌ ‘ఫిఫ్టీ’లతో చెలరేగారు. బౌలింగ్‌లో దీప్తి శర్మ, ప్రియా మిశ్రాలు ఐర్లాండ్‌ బ్యాటర్ల పని పట్టారు. దీంతో రెండో వన్డేలో స్మృతి మంధాన బృందం భారీ విజయాన్ని నమోదు చేసింది. తొలి రెండు వన్డేల్లో గెలుపుతో ద్వైపాక్షిక సిరీస్‌ను సొంతం చేసుకున్న భారత జట్టు ఈనెల 15న జరిగే చివరిదైన మూడో వన్డేలో క్లీన్‌స్వీప్‌ లక్ష్యంగా బరిలోకి దిగనుంది. రాజ్‌కోట్‌: భారత టాపార్డర్‌ టాప్‌ లేపే ప్రదర్శనతో ఐర్లాండ్‌ మహిళల్ని చితగ్గొట్టింది. రెండో వన్డేలో ఓపెనింగ్‌ జోడీ సహా తర్వాత వచ్చిన మూడు, నాలుగో వరుస బ్యాటర్లూ ఆకాశమే హద్దుగా చెలరేగడంతో రాజ్‌కోట్‌ వేదిక పరుగుల ‘పొంగల్‌’ చేసుకుంది. ఆదివారం జరిగిన రెండో వన్డేలో భారత మహిళల జట్టు 116 పరుగుల భారీ తేడాతో ఐర్లాండ్‌పై ఘనవిజయం సాధించింది. మిడిలార్డర్‌ బ్యాటర్, ‘ప్లేయర్‌ ఆఫ్‌ ద మ్యాచ్‌’ జెమీమా రోడ్రిగ్స్‌ (91 బంతుల్లో 102; 12 ఫోర్లు) తన కెరీర్‌లో తొలి శతకం సాధించగా... హర్లీన్‌ డియోల్‌ (84 బంతుల్లో 89; 12 ఫోర్లు), కెప్టెన్‌ స్మృతి మంధాన (54 బంతుల్లో 73; 10 ఫోర్లు, 2 సిక్స్‌లు), ప్రతీక రావల్‌ (61 బంతుల్లో 67; 8 ఫోర్లు, 1 సిక్స్‌) అర్ధసెంచరీలతో అదరగొట్టారు. దీంతో ముందుగా బ్యాటింగ్‌ చేపట్టిన భారత్‌ నిర్ణిత 50 ఓవర్లలో 5 వికెట్ల నష్టానికి 370 పరుగుల భారీస్కోరు చేసింది. గతంలో భారత జట్టు ‘బెస్ట్‌’ స్కోరు 358. 2017లో ఐర్లాండ్‌పై 358/2 చేసిన అమ్మాయిల జట్టు గత నెల విండీస్‌పై కూడా 358/5తో ఆ ‘బెస్ట్‌’ను సమం చేసింది. తర్వాత కొండంత లక్ష్యాన్ని ఛేదించలేక ఐర్లాండ్‌ 50 ఓవర్లలో 7 వికెట్లు కోల్పోయి 254 పరుగులకు పరిమితమైంది. క్రిస్టీనా కూల్టర్‌ (113 బంతుల్లో 80; 10 ఫోర్లు) ఒంటరి పోరాటం చేసింది. దీప్తి శర్మ 3, ప్రియా మిశ్రా 2 వికెట్లు తీశారు. తొలి వన్డే గెలిచిన స్మృతి సేన తాజా విజయంతో 2–0తో సిరీస్‌ వశం చేసుకుంది. 15న చివరి వన్డే జరగనుంది. స్మృతి, ప్రతీక ఫైర్‌ బ్యాటింగ్‌కు దిగగానే ఓపెనర్లు స్మృతి, ప్రతీక ఐర్లాండ్‌ బౌలింగ్‌ను తుత్తునీయలు చేస్తూ భారీస్కోరుకు గట్టి పునాది వేశారు. దీంతో 7.2 ఓవర్లలో 50 స్కోరు చేసిన భారత్‌ 100కు (13 ఓవర్లలో) చేరేందుకు ఎంతోసేపు పట్టలేదు. స్మృతి 35 బంతుల్లో, ప్రతీక 53 బంతుల్లో అర్ధసెంచరీలు పూర్తి చేసుకున్నారు. ఇలా ఓపెనర్లిద్దరే తొలి 19 ఓవర్లలో 156 పరుగులు జోడించి శుభారంభం ఇచ్చారు. అదే స్కోరు వద్ద వరుస బంతుల్లో ఇద్దరు నిష్క్రమించారు. ఇక్కడ ముగిసింది సినిమాల్లోలాగా ఫస్టాఫే! అంటే విశ్రాంతి. తర్వాత శుభం కార్డు జెమీమా, హర్లీన్‌ల జోరు చూపించింది. దీంతో 28 ఓవర్ల పాటు (19.1 నుంచి 47.1 ఓవర్‌ వరకు) వాళ్లిద్దరు మూడో వికెట్‌కు జతచేసిన 183 పరుగుల భాగస్వామ్యం స్కోరును కొండంతయ్యేలా చేసింది. హర్లీన్‌ 58 బంతుల్లో ఫిఫ్టీ కొడితే... జెమీమా 62 బంతుల్లో 50... 90 బంతుల్లో సెంచరీ సాధించింది.స్కోరు వివరాలుభారత్‌ ఇన్నింగ్స్‌: స్మృతి (సి) జార్జినా (బి) ప్రెండెర్‌గాస్ట్‌ 73; ప్రతీక (ఎల్బీడబ్ల్యూ) (బి) జార్జినా 67; హర్లీన్‌ (సి) లౌరా (బి) కెల్లీ 89; జెమీమా (బి) కెల్లీ 102; రిచా ఘోష్‌ (సి) ఫ్రెయా (బి) ప్రెండర్‌గాస్ట్‌ 10; తేజల్‌ (నాటౌట్‌) 2; సయాలీ (నాటౌట్‌) 2; ఎక్స్‌ట్రాలు 25; మొత్తం (50 ఓవర్లలో 5 వికెట్లకు) 370. వికెట్ల పతనం: 1–156, 2–156, 3–339, 4–358, 5–368. బౌలింగ్‌: వోర్లా ప్రెండర్‌గాస్ట్‌ 8–0–75–2, అవా క్యానింగ్‌ 10–0–51–0, అర్లెన్‌ కెల్లీ 10–0–82–2, ఫ్రెయా సర్జెంట్‌ 9–0–77–0, అలానా డాల్జెల్‌ 5–0–41–0, జార్జినా 8–0–42–1. ఐర్లాండ్‌ ఇన్నింగ్స్‌: సారా (బి) దీప్తి 38; గాబీ లూయిస్‌ (సి) రిచా (బి) సయాలీ 12; క్రిస్టీనా (బి) టిటాస్‌ సాధు 80; వోర్లా (సి) సయాలీ (బి) ప్రియా 3; లౌరా (ఎల్బీడబ్ల్యూ) (బి) దీప్తి 37; లీ పాల్‌ (నాటౌట్‌) 27; కెల్లీ (బి) దీప్తి 19; అవ క్యానింగ్‌ (బి) ప్రియా 11; జార్జినా (నాటౌట్‌) 6; ఎక్స్‌ట్రాలు 21; మొత్తం (50 ఓవర్లలో 7 వికెట్లకు) 254. వికెట్ల పతనం: 1–32, 2–87, 3–101, 4–184, 5–188, 6–218, 7–234. బౌలింగ్‌: టిటాస్‌ సాధు 10–0–48–1, సయాలీ 9–1–40–1, సైమా ఠాకూర్‌ 9–0–50–0, ప్రియా మిశ్రా 10–0–53–2, దీప్తి శర్మ 10–0–37–3, ప్రతీక 2–0–12–0.

లాస్ ఏంజిల్స్: అమెరికాలోని లాస్‌ ఏంజిల్స్‌, కాలిఫోర్నియాలలోని అడవుల్లో కార్చిచ్చు చల్లారడంలేదు. ఈ కార్చిచ్చుకు ప్రభావితమైన పదివేల మందిలో నటులు, సంగీతకారులు, ఇతర ప్రముఖులు ఉన్నారు. ఈ ప్రమాదంలో ఐదుగురు మృతిచెందారు. పాలిసాడ్స్, ఈటన్ తదితర ప్రాంతాల్లో గాలి వేగం చాలా ఎక్కువగా ఉండటంతో అటవీ మంటలు అదుపులోనికి రావడంలేదు. గడచిన 24 గంటల్లో లాస్ ఏంజిల్స్, కాలిఫోర్నియాలోని గ్రేటర్ లాస్ ఏంజిల్స్ ప్రాంతాల నుండి 70 వేల మందికి పైగా ప్రజలను సురక్షిత ప్రాంతాలకు తరలించారు.ఇళ్లను విడిచిపెట్టిన పదివేల మంది పరిస్థితిని అదుపులోకి తీసుకువచ్చేందుకు కాలిఫోర్నియా(California) ప్రాంతంలో అత్యవసర పరిస్థితిని విధించారు.అలాగే అనుభవం ఉన్న రిటైర్డ్ అగ్నిమాపక సిబ్బందిని సహాయం కోసం పిలిపించారు. కాలిఫోర్నియా నగరం చుట్టూ చెలరేగిన మంటల కారణంగా వెయ్యికిపైగా భవనాలు కాలిబూడిదయ్యాయి. పదివేల మంది తమ ఇళ్లను విడిచి వెళ్లాల్సిన పరిస్థితి ఏర్పడింది. పలు ప్రాంతాల్లో పరిస్థితి ఉద్రిక్తంగా ఉంది. అటవీ మంటల నుంచి వెలువడుతున్న పొగ ఆకాశాన్నంతా కమ్మేసింది. పరిస్థితిని అదుపు చేయడానికి అగ్నిమాపక సిబ్బంది నిరంతరం కృషి చేస్తున్నారు.వందల మీటర్ల మేర ఎగిరిపడుతున్న నిప్పురవ్వలుహాలీవుడ్ ప్రముఖులు అమితంగా ఇష్టపడే కాలిఫోర్నియాలోని రియల్ ఎస్టేట్‌ నేలమట్టమయ్యింది. బలమైన గాలులు మంటలను మరింతగా వ్యాపింపజేశాయి. వందల మీటర్ల మేరకు నిప్పురవ్వలు ఎగిరి పడుతున్నాయి. లాస్ ఏంజిల్స్ కౌంటీ ఫైర్ చీఫ్ ఆంథోనీ మర్రోన్ తెలిపిన వివరాల ప్రకారం మంటలు విస్తరిస్తున్న తీరు అగ్నిమాపక సిబ్బంది(Firefighters)కే ఆశ్చర్యం కలిగిస్తోంది. అయినప్పటికీ సిబ్బంది ఏమాత్రం వెనక్కి తగ్గక అగ్నికీలలను అదుపుచేసే ప్రయత్నం చేస్తున్నారు.చుట్టుపక్కల ప్రాంతాలకు అగ్నికీలలుపసిఫిక్ పాలిసాడ్స్‌లో చెలరేగిన మంటలు బుధవారం మధ్యాహ్నం నాటికి దాదాపు 16 వేల ఎకరాలను దగ్ధం చేశాయి. వెయ్యి ఇళ్లు , వ్యాపార స్థలాలు నాశనమయ్యాయి. నగరానికి ఉత్తరాన ఉన్న అల్టాడెనా సమీపంలోని 10,600 ఎకరాల అడవులు తగలబడిపోతున్నాయి. ఈ మంటలు చుట్టుపక్కల ప్రాంతాలకు విస్తరిస్తున్నాయి. లాస్ ఏంజిల్స్ కౌంటీ షెరీఫ్ రాబర్ట్ లూనా మీడియాతో మాట్లాడుతూ ఈ అగ్ని ప్రమాదాల్లో తొలుత ఇద్దరు మరణించారని, మరిన్ని మరణాలు సంభవించే అవకాశం ఉందని ఆందోళన వ్యక్తం చేశారు.సురక్షిత ప్రాంతాలకు నటులుహాలీవుడ్ ఈవెంట్లలో నిత్యం కళకళలాడే లాస్‌ ఏంజిల్స్‌(Los Angeles) లో పమేలా ఆండర్సన్ సినిమా ప్రీమియర్‌తో పాటు పలు కార్యక్రమాలు రద్దయ్యాయి. ప్రముఖ గాయని, నటి మాండీ మూర్ ఇన్‌స్టాగ్రామ్‌లో తన అభిమానులతో చాట్‌ చేస్తూ అల్టాడెనాలో వ్యాపిస్తున్న మంటలను చూసి తాను తన పిల్లలు, పెంపుడు జంతువులతో పాటు సురక్షిత ‍ప్రాంతానికి తరలివెళ్లానని తెలిపారు. ఎమ్మీ విజేత, నటుడు జేమ్స్ వుడ్స్ తన ఇంటి సమీపంలోని చెట్లు దహనవడాన్ని సోషల్‌ మీడియాలో వీడియో ద్వారా చూపించారు. తాను తన ఇంటిని ఖాళీ చేశానని తెలిపారు.ఆస్కార్ నామినేషన్ల ఆవిష్కరణ వాయిదా‘స్టార్ వార్స్’ స్టార్ మార్క్ హామిల్ తన ఇంటిని మంటలు చుట్టుముట్టే పరిస్థితులు ఉండటంతో తన భార్య, పెంపుడు కుక్కతోపాటు సురక్షిత ప్రాంతానికి వెళ్లానని తెలిపారు. ఆస్కార్ విజేత జామీ లీ కర్టిస్ కూడా అయిష్టంగా తన ఇంటిని ఖాళీ చేయవలసి వచ్చింది. కాగా అగ్నిప్రమాదాల బారిన పడిన అకాడమీ సభ్యులు తమ బ్యాలెట్లను వేయడానికి మరింత సమయం ఇచ్చారు. ఆస్కార్ నామినేషన్ల ఆవిష్కరణను జనవరి 19కి వాయిదా వేశారు.ఇది కూడా చదవండి: దేశంలో జరిగిన తొక్కిసలాటలు.. మిగిల్చిన విషాదాలు

లాస్‌ ఏంజెలెస్‌: అమెరికాలోని లాస్‌ ఏంజెలెస్‌ నగరంలో కార్చిచ్చు రగలింది. వేగంగా విరుచుకుపడిన దావానలం ధాటికి వందలాది నివాస గృహాలు కాలి బూడిదయ్యాయి. ఇద్దరు మృత్యువాత పడ్డారు. నాలుగు వైపుల నుంచి మంటలు దూసుకొస్తున్నాయి. వేలాది మంది ప్రజలు సురక్షిత ప్రాంతాలకు తరలివెళ్తున్నారు. మంగళవారం సాయంత్రం లాస్‌ఏంజెలెస్‌కు ఈశాన్య ప్రాంతంలోని ఇన్‌లాండ్‌ ఫూట్‌హిల్స్‌లో ఉన్న చిట్టడవిలో మంటలు చెలరేగాయి. క్రమంగా నగరం వైపు దూసుకొచ్చాయి. బలమైన ఈదురు గాలులు వీచడంతో మంటల తీవ్రత మరింత పెరిగినట్లు తెలిసింది. బుధవారం ఉదయం కల్లా పరిస్థితి విషమించింది. మరికొన్ని ప్రాంతాల నుంచి మంటలు వ్యాప్తి చెందాయి. సముద్ర తీరం వెంబడి హాలీవుడ్‌ నటులు, సంపన్నులు నివాసం ఉండే పసిఫిక్‌ పాలీసేడ్స్‌ ఏరియాలోనూ మంటలు వ్యాపించాయి. ఈటాన్‌ కెన్యాన్‌ సమీపంలోని అల్టాడెనా, సిల్మార్‌ సబర్బ్‌ వరకు విస్తరించాయి. మొత్తానికి లాస్‌ఏంజెలెస్‌ సిటీని మంటలు చుట్టుముట్టాయి. 5,700 ఎకరాలకుపైగా భూమిపై కార్చిచ్చు ప్రభావం ఉండడం గమనార్హం. 1,400 మంది అగి్నమాపక సిబ్బంది రంగంలోకి దిగి మంటలు ఆరి్పవేయడానికి ప్రయత్నాలు ప్రారంభించారు. ఆసుపత్రుల్లోని రోగులను బయటకు తరలించారు. నగరంలో విద్యుత్‌ సరఫరా నిలిచిపోయింది. పెద్ద సంఖ్యలో చెట్లు అగి్నకి ఆహుతయ్యాయి. మరోవైపు జనమంతా ఒక్కసారిగా బయటకు రావడంతో రోడ్లపై రాకపోకలు స్తంభించాయి. వాహనాలు ఎక్కడికక్కడే ఆగిపోయాయి. ఎమర్జెన్సీ వాహనాలు, అంబులెన్స్‌లకు దారి లేకపోవడంతో బుల్డోజర్ల సాయంతో కార్లను పక్కకు తప్పించారు. గంటకు 97 కిలోమీటర్ల వేగంతో మంటలు వ్యాపించడం గమనార్హం. పరిస్థితి ఇంకా అదుపులోకి రాలేదని అగ్ని మాపక సిబ్బంది చెప్పారు. కొండల దిగువ ప్రాంతాల్లో మంటలు మరింత చెలరేగే పరిస్థితి కనిపిస్తోంది. ఇక్కడ చాలారోజులుగా వర్షాలు పడకపోవడంతో గడ్డి, చెట్లు ఎండిపోయాయి. దాంతో మంటల తీవ్రత అధికంగా ఉంది. లాస్‌ ఏంజెలెస్‌ కార్చిచ్చుపై అమెరికా అధ్యక్షుడు జో బైడెన్‌ అందోళన వ్యక్తంచేశారు. ఇన్‌లాండ్‌ రివర్‌సైడ్‌ కౌంటీ పర్యటనను రద్దు చేసుకొని, కార్చిచ్చుపై అధికారులతో సమీక్ష నిర్వహించారు. సహాయక చర్యలు వేగవంతం చేయాలని ఆదేశించారు. ప్రస్తుతం ఆయన లాస్‌ ఏంజెలెస్‌లోని ఓ హోటల్‌లో మకాం వేశారు. హోటల్‌ గది నుంచి పొగలు స్పష్టంగా కనిపిస్తున్నాయి. పరిస్థితిని ఆయన ఎప్పటికప్పుడు సమీక్షిస్తున్నారు. కార్చిచ్చు వల్ల ఎంతమేరకు నష్టం వాటిల్లిందన్న సంగతి ప్రభుత్వం ఇంకా వెల్లడించలేదు. 13 వేలకుపైగా నివాసాలకు ముప్పు ఉన్నట్లు తెలుస్తోంది. 30 వేల మందిని సురక్షిత ప్రాంతాలకు తరలించాలంటూ అధికారులకు ఆదేశాలు అందాయి. కాలిఫోరి్నయా గవర్నర్‌ గవిన్‌ న్యూసమ్‌ క్షేత్రస్థాయిలో పర్యటించారు. కార్చిచ్చును స్వయంగా పరిశీలించారు. చాలా ఇళ్లు దహనమయ్యాయని ప్రకటించారు. హాలీవుడ్‌ థీమ్‌ పార్క్, యూనివర్సల్‌ సిటీవాక్‌ను మూసివేసినట్లు యూనివర్సల్‌ స్టూడియో ప్రకటించింది. మంటల్లో చార్టర్‌ హైసూ్కల్‌ లాస్‌ ఏంజెలెస్‌లోని పసిఫిక్‌ పాలీసేడ్స్‌ ప్రాంతంలోని ప్రఖ్యాత చార్టర్‌ హైసూ్కల్‌ వరకు మంటలు వ్యాపించాయి. ధనవంతుల బిడ్డలు ఈ పాఠశాలలో విద్య అభ్యసిస్తుంటారు. పలు హాలీవుడ్‌ చిత్రాల్లోనూ ఈ స్కూల్‌ను చూడొచ్చు. కార్చిచ్చు కారణంగా పాఠశాలల్లో కొంత భాగానికి మంటలు అంటుకున్నట్లు స్థానిక మీడియా వెల్లడించింది. ఆ సమయంలో స్కూల్‌లో కొందరు విద్యార్థులు, ఉపాధ్యాయులు ఉన్నారు. మంటలు వ్యాపించగానే వారిని బయటకు పంపించారు. స్కూల్‌ను వెంటనే మూసివేశారు. ఇటువైపు రావొద్దని పిల్లలకు, వారి తల్లిదండ్రులకు పాఠశాల యాజమాన్యం సూచించింది. ఇక్కడ క్రీడాపరికరాలు, బోధనా పరికరాలు కాలిపోయాయి. చార్టర్‌ హైసూ్కల్‌కు సమీపంలోనే ఉన్న పాలీసేడ్స్‌ చార్టర్‌ ఎలిమెంటరీ స్కూల్‌ సైతం మంటల్లో చిక్కుకున్నట్లు తెలిసింది. లాస్‌ ఏంజెలెస్‌కు శివారు లాంటి పసిఫిక్‌ పాలీసేడ్స్‌ ప్రాంతంలో టామ్‌ హాంక్స్, జెన్నీఫర్‌ అనిస్టన్‌ వంటి హాలీవుడ్‌ ప్రముఖుల నివాసాలు ఉన్నాయి. లాస్‌ఏంజెలెస్‌ సిటీ కాలిఫోరి్నయా రాష్ట్రంలోని దక్షిణ ప్రాంతంలో ఉంది. ఈ ప్రాంతంలో ప్రతిఏటా జనవరిలో బలమైన ఈదురు గాలులు వీస్తుంటాయి. ఆగి్నకి ఆజ్యం తోడైనట్లు ఈ గాలులకు నిప్పు తోడైతే కార్చిచ్చుగా మారుతూ ఉంటుంది. కళ్ల ముందే విధ్వంసం లాస్‌ ఏంజెలెస్‌లో మంటల ధాటికి నిమిషాల వ్యవధిలోనే ఇళ్లు కుప్పకూలాయి. కళ్ల ముందే జరుగుతున్న విధ్వంసాన్ని చూసి జనం భయంతో వణికిపోయారు. ప్రాణాలు దక్కించుకొనేందుకు పరుగులు తీశారు. తరుముకొస్తున్న మంటల నుంచి తప్పించుకోవడానికి కాలినడకనే ముందుకు కదిలారు. ఇళ్లలో ఉన్న కార్లు బయటకు తీసే వీల్లేకుండాపోయిందని బాధితులు చెప్పారు. చేతికందిన వస్తువులు తీసుకొని బయటకు వచ్చామని అన్నారు. వందలాది కార్లకు నిప్పంటుకుంది. అవి బూడిద కుప్పలుగా మారిపోయాయి. ఇళ్లలోని పెంపుడు జంతువులు సైతం మరణించాయి. దట్టమైన పొగ అలుముకుంది. లాస్‌ ఏంజెలెస్‌లో గవర్నర్‌ గవిన్‌న్యూసమ్‌ అత్యవసర పరిస్థితిని ప్రకటించారు. మంటలను అదుపు చేయడానికి అగి్నమాపక సిబ్బంది శ్రమిస్తున్నారు. ఇతర ప్రాంతాల నుంచి అగ్ని మాపక యంత్రాలు, సిబ్బందిని రప్పిస్తున్నారు.

టెక్సాస్‌: అమెరికాలోని టెక్సాస్‌లో కొద్ది రోజులుగా కార్చిచ్చు బీభత్సం సృష్టిస్తోంది. పానాండిల్‌, ఓక్లహామా ప్రాంతాల్లో దావానలంలా వ్యాపించిన అతిపెద్ద కార్చిచ్చు స్మోక్‌హౌజ్‌క్రీక్‌ఫైర్‌ కారణంగా ఇద్దరు మహిళలు ప్రాణాలు కోల్పోయారు.  ఇప్పటికే 4వేల 4 వందల కిలోమీటర్ల మేర ప్రాంతాన్ని దహించి వేసిన ఈ కార్చిచ్చులో చాలా ఇళ్లు, నిర్మాణాలు లక్షల సంఖ్యలో చెట్లు కాలిపోయాయి. కార్చిచ్చు వల్ల కలిగిన ప్రాణ, ఆస్తి నష్టాన్ని పూర్తిగా తేల్చలేకపోతున్నామని అధికారులు తెలిపారు. పానాండిల్‌ ప్రాంతంలో భారీగా ఆస్తి నష్టం జరిగిందని, ఇప్పటివరకు 500 వరకు నిర్మాణాలు మంటల్లో కాలిపోయాయని టెక్సాస్‌ గవర్నర్‌ గ్రెగ్‌ అబాట్‌ తెలిపారు. కార్చిచ్చు వల్ల కాలిపోయిన నిర్మాణాలను పరిశీలిస్తే అక్కడ బూడిద తప్ప ఏమీ మిగలలేదని మీడియాతో అబాట్‌ వ్యాఖ్యానించారు. ఈ వారాంతంలో వాతావరణపరిస్థితులు కార్చిచ్చుకు మరింత అనుకూలంగా మారుతున్నాయని, టెక్సాస్‌ ఓక్లహామా, కాన్సాస్‌, న్యూ మెక్సికోలో  అగ్ని కీలలు మరింత విజృంభిస్తాయని జాతీయ వాతావరణ సేవల కేంద్రం తెలిపింది. ఇదీ చదవండి.. అమెరికాలో మరో భారతీయుడి హత్య  

స్పెయిన్‌ దేశంలోని కెనరీ దీవుల్లోగల అడవుల్లో కార్చిచ్చు కలకలం రేపుతోంది. అగ్నికీలలు నియంత్రణ లేకుండా శరవేగంగా వ్యాపించడంతో.. సమీపంలో నివసిస్తున్న ప్రజలను అధికారులు ఖాళీ చేయిస్తున్నారు. శనివారం వరకు 2000 మందిని సురక్షిత ప్రాంతాలకు తరలించారు. ఈ కార్చిచ్చు దాదాపు 11,000 ఎకరాల విస్తీర్ణం వరకు దీని మంటలు వ్యాపించాయని, పరిస్థితి మరింత దిగజారుతుందని అధికారులు చెప్పారు. అధికారులు ఈ మంటలను ఆర్పేందుకు 10 హెలికాఫ్టర్‌ల సాయంతో తీవ్రంగా శ్రమిస్తున్నప్పటికీ.. ఫలితం అంతంత మాత్రంగానే ఉంది. కెనరీ దీవుల్లోని లా పాల్మా కొండపైన ఈ కార్చిచ్చు మొదలైంది. అక్కడ ఓ అగ్నిపర్వతం బద్దలవడమే ఈ కార్చిచ్చుకు ప్రధాన కారణం. దీని వలన ఎటువంటి ప్రాణనష్టం జరగలేదు. అయితే అనేక అరటి తోటలు, రోడ్లు, నీటిపారుదల వ్యవస్థలతో పాటు దాదాపు 3,000 భవనాలు బుగ్గిపాలైనట్లు అధికారులు అంచనా వేశారు.   చెలరేగుతున్న అడవి మంటలు కారణంగా ఆ ప్రాంతంలో సహాయక చర్యలు కూడా ఇబ్బందులు ఏర్పడుతున్నట్లు కానరీ దీవుల ప్రాంతీయ అధ్యక్షుడు ఫెర్నాండో క్లావిజో చెప్పారు. కొందరు ప్రజలు తమ ఇళ్లను వీడేందుకు అంగీకరించలేదని.. వారు పరిస్థితిని అర్థం చేసుకుని, అధికారులకు సహకరించాలని ఆయన కోరారు. ఎండ వేడిమిలో పరిస్థితి మరింత దారుణంగా మారే అవకాశం ఉందని, అయితే తమ వంతు సహాయక కార్యక్రమాలను ముమ్మరం చేసినట్లు చెప్పుకొచ్చారు. చదవండి: ‘పెళ్లిళ్లే నా ఆరోగ్య రహస్యం’.. ఐదో పెళ్లి చేసుకున్న 90 ఏళ్ల వరుని స్టేట్‌మెంట్‌

కెనడాలో కొనసాగుతున్న అడవి మంటల కారణంగా అధికారులు ఉత్తర అమెరికా అంతటా మిలియన్ల మంది ప్రజలకు హై-రిస్క్ ఎయిర్ క్వాలిటీ హెచ్చరికలు జారీ చేశారు. కెనడియన్ రాజధానిలోని ప్రస్తుతమున్న గాలి నాణ్యత ప్రజల ఆరోగ్యానికి చాలా అధిక ప్రమాదంగా మారినట్లు అధికారులు పేర్కొన్నారు. టొరంటోతో పాటు దాని పరిసర ప్రాంతాలలో, గాలి నాణ్యత ప్రమాదకర స్థాయిలో ఉన్నట్లు చెప్పారు. ఈ ప్రాంతాల్లో ప్రజలు ఎక్కువ సేపు బయట ఉన్నట్లయితే అనారోగ్యబారిన పడే అవకాశం ఉన్నట్లు అధికారులు హెచ్చరిస్తున్నారు. మరోవైపు యూఎస్‌ ఎన్విరాన్‌మెంటల్ ప్రొటెక్షన్ ఏజెన్సీ ఈశాన్య అమెరికాలో చాలా వరకు గాలి నాణ్యతను అనారోగ్యకరంగా మారినట్లు తెలిపింది. దీని ప్రభావం ము​ఖ్యంగా ఆ ప్రాంతాల్లో నివసిస్తున్న శ్వాసకోశ సమస్యలున్న వ్యక్తులకు చాలా ప్రమాదకరమని చెబుతున్నారు. ఈ పొగ ఉత్తరాన బోస్టన్ వరకు, దక్షిణాన పిట్స్‌బర్గ్, వాషింగ్టన్ డీసీ వరకు విస్తరించి ఉన్నట్లు అధికారులు చెబుతున్నారు. తూర్పు పెన్సిల్వేనియా, న్యూయార్క్, న్యూ ఇంగ్లండ్‌లోని కొన్ని ప్రాంతాలులో ఎయిర్ క్వాలిటీ ఇండెక్స్ టాప్ 200లో ఉన్నాయి, అంటే ఆ ప్రాంతాల్లో గాలి నాణ్యత దారుణంగా పడిపోయింది. న్యూయార్క్‌లో, మంగళవారం ఉదయం తీసిన ఫోటోలు కెనడా నుండి దక్షిణ దిశగా ప్రయాణించిన అడవి మంటల పొగ కారణంగా నగరం స్కైలైన్‌పై నారింజ పొగమంచు కప్పినట్లుగా కనిపిస్తుంది. మరోవైపు ఉబ్బసం, ఇతర శ్వాసకోశ సమస్యలతో ఉన్న వ్యక్తులను ఈ పొగ అలుముకున్న ప్రాంతాల నుంచి ఖాళీ చేస్తున్నారు. కెనడా సాధారణం కంటే ఈ ఏడాది ఎక్కువ అడవి మంటలను సెగను చవి చూడాల్సి వస్తోంది. ప్రస్తుత సీజన్‌లో చాలా వరకు పొడి, వేడి పరిస్థితుల కారణంగా ఈ వేసవిలో కెనడాలో అతిపెద్ద మంటలు సంభవించవచ్చని ఫెడరల్ అధికారులు హెచ్చరించారు. చదవండి: ప్రపంచంలో 230 కోట్ల మందికి వంటగ్యాస్‌ లేదు

వాషింగ్టన్‌: అమెరికాలోని కాలిఫోర్నియా రాష్ట్రంలో కార్చిచ్చు చెలరేగింది. మరిపోసా కౌంటీలో పలు ఇళ్లు అగ్నికి ఆహుతయ్యాయి. యోస్‌మైట్‌ నేషనల్‌ పార్కు సమీపంలో ప్రారంభమైన కార్చిచ్చు ఉగ్రరూపం దాల్చింది. అధికారులు ఆ ప్రాంతంలో విద్యుత్‌ సరఫరా నిలిపివేశారు. అక్కడి 2,600 నివాసాలు, వ్యాపార సంస్థల్లోని 6 వేల మందిని వేరే చోటుకు తరలించారు. 400 మంది ఫైర్‌ సిబ్బంది మంటలను అదుపులోకి తెచ్చే పనిలో నిమగ్నమయ్యారు. కౌంటీలో అత్యవసర పరిస్థితి ప్రకటించారు. Here is a view of the Oak Fire activity on Jerseydale rd near the Forest Service Station. The fire has burned 14,281 acres as of this morning. Today will be another tough day of operations for all resources.🙏to the individual who sent this in to us #oakfire #California #mariposa pic.twitter.com/pjXOUFARJq — TheHotshotWakeUp: Podcast (@HotshotWake) July 24, 2022 ఇదీ చదవండి: ఆపరేషన్‌ ఆర్కిటిక్‌.. మంచు ఖండం గర్భంలో అంతులేని సంపద

వాషింగ్టన్: గతేడాది అగ్రరాజ్యం అమెరికా కాలిఫోర్నియా సమీపంలోని ఎల్‌ రాంచ్‌ డొరాడో పార్కులో భారీ కార్చిచ్చు వ్యాపించిన సంగతి తెలిసిందే. ఈ ప్రమాదంలో సుమారు 23 వేల ఎకరాలు అగ్నికి ఆహుతి అయ్యాయి. సెప్టెంబర్ 5, 2020 న శాన్ బెర్నార్డినో కౌంటీలో చెలరేగిన కార్చిచ్చు సుమారు 23 రోజుల పాటు కొనసాగింది. ఈ ప్రమాదంలో పలు ఇళ్లు ధ్వంసం కావడంతో పాటు ఓ అగ్నిమాపక అధికారి కూడా మరణించారు. ఈ క్రమంలో ఈ కార్చిచ్చుకు కారణమైన జంటపై క్రిమినల్‌ కేసు నమోదయ్యింది. ఆ వివరాలు..  పార్టీలో తలెత్తిన ప్రమాదం.. అమెరికా ఎల్ రాంచ్ డొరాడో పార్కు సమీపంలో రెఫ్యూజియో మాన్యుయేల్ జిమెనెజ్ జూనియర్, ఎంజెలా రీనీ జిమినెజ్ జంట జెండర్‌ రివీల్‌ పార్టీ(పుట్టబోయే బిడ్డ ఆడా, మగా తెలిపే పార్టీ) ఏర్పాటు చేసింది. ఈ పార్టీలో బ్లూ, పింక్ కలర్‌లో పొగలను రిలీజ్ చేసే  పైరోటెక్నిక్ డివైజ్‌లను పేలుస్తుంటారు. బ్లూ కలర్ పొగ వస్తే మగ బిడ్డ అని, పింక్ కలర్ పొగ వస్తే ఆడపిల్ల అని అర్థం. ఈ క్రమంలో జిమెనెజ్‌ జంట వీడియో తీస్తూ.. డివైజ్ పేల్చడంతో పొగకు బదులుగా మంటలు వచ్చాయి.  వాటర్ బాటిళ్లతో నీళ్లు పోసినా.. లాభం లేకపోయింది. అప్పటికే మంటలు అదుపు తప్పి భారీగా విస్తరించాయి. ఎల్‌డొరాడోలో జరిగిన ఈ ప్రమాదంలో సుమారు 23వేల ఎకరాలు అగ్నికి ఆహుతి అయ్యాయి. దీంతో ఈ జంటపై క్రిమినల్ కేసులు నమోదయ్యాయి. ఈ కార్చిచ్చు దావానలంలా వ్యాపించడంతో ఐదు ఇళ్లు ధ్వంసం అవడంతోపాటు, ఒక అగ్నిమాపక అధికారి కూడా మరణించారు. ఈ క్రమంలో ‘‘రెఫ్యూజియో మాన్యుయేల్ జిమెనెజ్ జూనియర్, ఎంజెలా రీనీ జిమినెజ్ జంట వల్లే ఇదంతా జరిగింది. ఈ దంపతుల మీద అసంకల్పిత మారణకాండతో సహా 30 నేరాలకు పాల్పడినట్లు’’ శాన్ బెర్నార్డినో కౌంటీ జిల్లా న్యాయవాది జాసన్ ఆండర్సన్ విలేకరుల సమావేశంలో తెలిపారు. జెండర్‌ రివీల్‌ పార్టీ.. మన దగ్గర లింగ నిర్థారణ పరీక్షలు చేయించినా.. చేసినా నేరంగా భావిస్తారు. కానీ అమెరికాతో పాటు కొన్ని దేశాల్లో డెలివరీకి కొన్ని నెలల ముందే వైద్యులు పుట్టబోయేది ఆడ పిల్లా, మగ పిల్లాడా అన్న విషయాన్ని వెల్లడిస్తారు. ఇక ఈ విషయాన్ని కుటుంబ సభ్యులు, బంధువులు, స్నేహితులకు తెలపడం కోసం జరిపేదే జెండర్‌ రివీల్‌ పార్టీ. 

ఉదయం 10 గంటలు దాటిన తర్వాత అనవసరంగా రోడ్డెక్కే వాహనాలను జప్తు  చేస్తామని హైదరాబాద్‌ పోలీసులు హెచ్చరించినా.. నిబంధనలు కఠినతరం చేసినా నగర వాసుల్లో సీరియస్‌నెస్‌ కనిపించడం లేదు. అవసరార్థం రహదారులపైకి వస్తున్నవారు కొందరైతే.. కారణాలు లేకుండా వస్తున్న వారి సంఖ్యే అధికంగా ఉంటోంది. ఇలా రోడ్డుపైకి వచ్చిన వారిని పోలీసులు తనిఖీ చేశారు. అకారణంగా వచ్చిన వారికి జరిమానాలు విధించారు. కరోనా వైరస్‌ కట్టడికి లాక్‌డౌన్‌ విధించినా నగర వాసులు కొందరు ఆ విషయాన్నే పట్టించుకోవడం లేదు. ఏవో సాకులు చెప్పి ఇష్టారీతిగా బండ్లపై తిరిగేస్తున్నారు. లాక్‌డౌన్‌ సమయంలో నగరంలోని పలు ప్రాంతాల్లో కనిపించిన దృశ్యాలివి. 

మెల్‌బోర్న్‌: దాదాపు 300 కోట్ల వన్య ప్రాణులు మరణాలు/వలసలకు ఆస్ట్రేలియాలో చెలరేగిన భీకర కార్చిచ్చు కారణమని తాజా నివేదికలో వెల్లడించింది. యూనివర్సిటీ ఆఫ్‌ సిడ్నీ, యూనివర్సిటీ ఆఫ్‌ సౌత్‌ వేల్స్, యూనివర్సిటీ ఆఫ్‌ న్యూ కసెల్, చార్లెస్‌ స్టర్ట్‌ యూనివర్సిటీ, బర్డ్‌ లైఫ్‌ ఆస్ట్రేలియాలు కలసి వరల్డ్‌ వైడ్‌ ఫండ్‌ ఫర్‌ నేచర్‌ (డబ్ల్యూడబ్ల్యూఎఫ్‌)లు సంయుక్తంగా 11.46 మిలియన్ల హెక్టార్ల పరిధిలోని కార్చిచ్చుతో ధ్వంసమైన అటవీ ప్రాంతం, జనావాసాలపై పరిశోధన నిర్వహించి నివేదికను వెల్లడించాయి. గతంలో 120 కోట్ల వన్య ప్రాణులు చనిపోయినట్లు ఆ నివేదికలో వెల్లడించాయి. అయితే ఆ పరిశోధన పూర్తి స్థాయిలో జరగలేదని, కార్చిచ్చు వ్యాపించిన చోటంతా నిర్వహించిన తాజా పరిశోధనలో దానికి మూడు రెట్ల సంఖ్యలో వన్య ప్రాణులు మరణించినట్లు వేరే ప్రాంతానికి వెళ్లినట్లు వెల్లడైందని పరిశోధకులు చెప్పారు. 143 మిలియన్ల పాలిచ్చే జంతువులు, 246 కోట్ల పాకే జంతువులు, 180 మిలియన్ల పక్షులు, 5.1 కోట్ల కప్పలు మరణించినట్లు డబ్ల్యూడబ్ల్యూఎఫ్‌ చెప్పింది. ఆధునిక ప్రపంచంలో ఈ స్థాయిలో నష్టం కలిగిన ఘటన కనీవినీ ఎరుగనిదని డబ్ల్యూడబ్ల్యూఎఫ్‌ తెలిపింది.  ఎగసిన మంటల నుంచి వన్యప్రాణులు తప్పించుకునే అవకాశం లేదని, తప్పించుకున్నా ఆహారం లేక మరణించి ఉంటాయని, వేరే చోట మనుగడ సాగించలేక కూడా మరణించి ఉండవచ్చని పేర్కొంది.

ఆస్ట్రేలియాలో గత కొంతకాలంగా పొదలు తగలబడుతూ మంటలు చుట్టుముట్టిన విక్టోరియా పట్టణాల్లో మల్లకూట ఒకటి. ఆ నగరం నుంచి బుధవారం నాడే వేలాది మంది ప్రజలను, వారితోపాటు ఆహార పదార్థాలను తీసుకొని ఓ నౌకా దళం సురక్షిత ప్రాంతానికి తరలి పోయింది. అయినా నాలుగు వేల మంది ప్రజలు పట్టణంలో మిగిలిపోయారు. ఆ పట్టణానికి వచ్చి పోయే దారులను అధికారులు తాత్కాలికంగా మూసి వేశారు.  పట్టణంలోని హోటల్‌ మోటల్‌లోని పబ్‌లో బీర్లు అయిపోయాయి. అప్పటికే మంచినీటి కొరతతో బాధ పడుతున్న పట్టణ ప్రజలు బీర్లకు ఎగబడడంతో బీర్లు త్వరగా అయిపోయాయి. రెగ్యులర్‌ కోటా రావడానికి సమయం పడుతుంది. దాంతో పబ్‌ చీఫ్‌ ఎగ్జిక్యూటివ్‌ పీటర్‌ ఫిలిపోవిక్‌ మల్లకూట కౌంటీ అగ్నిమాపక దళాధికారికి ఫోన్‌ చేసి పరిస్థితి వివరించారు. ఆయన ఈ విషయాన్ని సహాయక చర్యల్లో నిమగ్నమైన సైనిక దళానికి చేరవేయడంతో ఆ సైనిక దళం కార్ల్‌టాన్, యునైటెడ్‌ బ్రేవరీస్‌కు చెందిన మూడు వేల లీటర్ల బీర్లను తీసుకొచ్చి పబ్‌కు సరఫరా చేసింది. అందుకు హోటల్‌ యజామానితోపాటు వినియోగదారులు కూడా సైన్యానికి కృతజ్ఞతలు తెలియజేశారు.  భూగర్భ జలాలు బాగా తగ్గిపోయి భూ ఉపరితం బాగా వేడెక్కిపోవడంతో ఆస్ట్రేలియాలో అడవులు, పొదలు తగులబడుతున్న విషయం తెల్సిందే. దీని వల్ల ఇప్పటికే కొన్ని కోట్ల జంతువులు మత్యువాత పడ్డాయి. నీటిని రక్షించుకోవడంలో భాగంగా లక్షకుపైగా ఒంటెలను కాల్చివేయాలని ఆస్ట్రేలియా ప్రభుత్వం నిర్ణయించిన విషయం తెల్సిందే.  చదవండి: ఆస్ట్రేలియా ప్రభుత్వం సంచలన నిర్ణయం ఆగని కార్చిచ్చు.. ఎటుచూసిన కళేబరాలే బీచ్‌లలో చిక్కుకున్న వేల మంది

మెల్‌బోర్న్‌: ఆస్ట్రేలియాలోని కార్చిచ్చు బాధితుల కోసం ఆ దేశ దిగ్గ క్రికెటర్‌ షేన్‌ వార్న్‌ తన బ్యాగీ గ్రీన్‌(ఆస్ట్రేలియా క్రికెటర్లు ధరించే క్యాప్‌)ను వేలానికి పెట్టగా దానికి ఆల్‌టైమ్‌ రికార్డు ధర పలికింది. తన బ్యాగీ గ్రీన్‌ క్యాప్‌ను సోమవారం వేలానికి తీసుకురాగా, అది రోజు వ్యవధిలోనే ఊహించని ధరకు అమ్ముడుపోయింది. వార్న్‌ బ్యాగీ గ్రీన్‌కు లభించిన ధర 5,29,500 డాలర్లు. సిడ్నీకి చెందిన ఓ వ్యక్తి ఆ క్యాప్‌ను వేలంలో కొనుగోలు చేశాడు. దాంతో అత్యంత ధరకు అమ్ముడుపోయిన ఓ ‘క్రికెట్‌ జ్ఞాపకం’గా వార్న్‌ బ్యాగీ గ్రీన్‌ రికార్డు సృష్టించింది. ఈ క‍్రమంలోనే ఆ దేశ దిగ్గజ క్రికెటర్‌ సర్‌ డొనాల్డ్‌ బ్రాడ్‌మన్‌ బ్యాగీ గ్రీన్‌ను అధిగమించింది.(ఇక్కడ చదవండి: ‘ప్రతీ సిక్స్‌ను డొనేట్‌ చేస్తా’) గతంలో బ్రాడ్‌మన్‌ బ్యాగీ గ్రీన్‌ను వేలం పెట్టగా అది 4,25,00 డాలర్లకు అమ్ముడుపోగా ఇప్పుడు దాన్ని వార్న్‌ బ్యాగీ గ్రీన్‌ బ్రేక్‌ చేసింది. ఈ జాబితాలో వార్న్‌ బ్యాగీ గ్రీన్‌ తర్వాత స్థానంలో బ్రాడ్‌మన్‌ బ్యాగీ గ్రీన్‌ ఉండగా, మూడో స్థానంలో ఎంఎస్‌ ధోని బ్యాట్‌ విలువ ఉంది. 2011 వరల్డ్‌కప్‌ ఫైనల్లో ధోని ఆడిన బ్యాట్‌ను తర్వాత వేలంగా వేయగా దాని విలువ సుమారు కోటి రూపాయిలు పలికింది.వార్న్‌ బ్యాగీ గ్రీన్‌ను వేలంలో పెట్టిన మరుక్షణమే ఆసక్తికరమైన పోటీ ఏర్పడింది. రెండు గంటల వ్యవధిలో అది 2,75,000 డాలర్లను దాటింది చివరికి ఎంసీ అనే వ్యక్తి దాన్ని రికార్డు ధరకు సొంతం చేసుకున్నాడు. గత కొంతకాలంగా ఆస్ట్రేలియాను కార్చిచ్చు దహించి వేస్తున్న సంగతి తెలిసిందే. కార్చిచ్చు బాధితులను ఆదుకునేందుకు నడుంబిగించిన వార్న్‌.. టెస్టు కెరీర్‌ ఆసాంతం ధరించిన బ్యాగీ గ్రీన్‌ టోపీని వేలం వేస్తున్నట్లు ప్రకటించాడు. ప్రతి ఒక్కరు నిధుల సేకరణలో భాగం కావాలని వార్న్‌ పిలుపునిచ్చాడు. వార్న్‌ తన అంతర్జాతీయ క్రికెట్‌లో 145 టెస్టులు ఆడి 708 వికెట్లు సాధించాడు. ప్రపంచంలో అత్యధిక వికెట్లు సాధించిన జాబితాలో వార్న్‌ రెండో స్థానంలో కొనసాగుతున్నాడు. శ్రీలంక దిగ్గజం ముత్తయ్య మురళీ ధరన్‌(800 వికెట్లు) అగ్రస్థానంలో ఉన్నాడు.

అడవి తల్లినే నమ్ముకున్న మూగజీవాలు కీకారణ్యంలోనే ప్రాణాలు విడుస్తున్నాయి. అప్పుడు అమెజాన్‌ అడవులు.. ఇప్పుడు ఆస్ట్రేలియా అడవులు.. అగ్నికి ఆహుతి అవుతూ మూగజీవాలను పొట్టనపెట్టుకుంటున్నాయి. ఆస్ట్రేలియాలో కొన్ని నెలలుగా అడవులు అగ్నికి బూడిదవుతున్న విషయం తెలిసిందే. ప్రస్తుతం అడవులను అంటుకున్న మంటలు దగ్గరిలోని పట్టణాలకు చేరుకుంటున్నాయి. ప్రస్తుతం ఈ విపత్తును ఎదుర్కోవడం ఆస్ట్రేలియాకు ‘అగ్ని’ పరీక్షగా మారింది. ఓవైపు  అధికారులు అడవుల్లో మంటలను ఆర్పివేసే ప్రయత్నం చేస్తుండగా, మిగతా దేశాలు అగ్నికి ఆహుతవుతున్న మూగజీవాలపై ఆందోళన వ్యక్తం చేస్తున్నాయి. ఈ కార్చిచ్చు వల్ల ఇప్పటివరకు 24మంది మరణించగా, కోట్లాదిమంది నిరాశ్రయులయ్యారు. పలు ప్రాంతాల్లో అక్కడ నివసించే జనాలను ఖాళీ చేసి సురక్షిత ప్రాంతాలకు తరలిస్తున్నారు. ఈ ప్రమాదంలో 8వేల కోలాలు(ఓ రకమైన జంతువు), 50 కోట్లకు పైగా జంతువులు అగ్నికి ఆహుతయ్యాయి. ఐదున్నర మిలియన్ల హెక్టార్లకు పైగా అడవి బుగ్గయ్యింది. అక్కడి అగ్నిమాపక సిబ్బంది రాత్రనక, పగలనక సహాయక చర్యలు చేపడుతున్నా విధ్వంసాన్ని నియంత్రించలేకపోతున్నారు. కళ్లముందే సజీవదహనమవుతున్న జంతువులను చూసి కన్నీళ్లతో మంటలను అదుపులోకి తెచ్చేందుకు ప్రయత్నిస్తున్నారు. చదవండి: గెలుచుకున్నదంతా కార్చిచ్చు బాధితులకే దట్టమైన అడవుల్లో తప్పించుకునే దారి తెలీక మంటల్లో చిక్కుకుని గాయపడిన జంతువులను అగ్నిమాపక సిబ్బంది రక్షించిన ఫొటోలు సోషల్‌ మీడియాలో వైరల్‌ అవుతున్నాయి. ఈ ప్రమాదానికి సంబంధించిన ఫొటోలు, వీడియోలు ప్రతి ఒక్కరి మనసును కలిచివేస్తున్నాయి. ‘ఆస్ట్రేలియా కోసం ప్రార్థించండి’ అని నెటిజన్లు సానుభూతి తెలుపుతున్నారు. ‘మానవమాత్రులకు లొంగని అగ్నికీలలను భగ్నం చేయడానికి ‘వర్షం’ కురవాలని ప్రార్థిద్దాం’ అంటూ గొంతు కలుపుతున్నారు. ‘అక్కడ మనుషులు మాత్రమే ప్రాణాపాయ స్థితిలో లేదు. వేలాది జంతువులు సహాయం కోసం మూగగా రోదిస్తున్నాయి. వాటిని కాపాడుకుందాం’ అంటూ నెటిజన్లు భావోద్వేగానికి లోనవుతున్నారు. ఈ క్రమంలో ట్విటర్‌లో #PrayForAustralia హ్యాష్‌ట్యాగ్‌ ట్రెండింగ్‌లో నిలిచింది. చదవండి: ఆస్ట్రేలియాలో ఆరని కార్చిచ్చు I'LL PRAY FOR YOU, STAY SAFE 🙏 All animals, koalas kangaroos and all peoples #PrayForAustralia pic.twitter.com/XDsgfdsGkq — SYNOM34N (@synom34n) January 5, 2020 We want to give you guys an update on the state of the fires 🔥 affecting your Aussie mates & how you can help!! #PrayForAustralia pic.twitter.com/FbVTY8MOp4 — Human Rights Defene (@HRDefence) January 5, 2020  

న్యూసౌత్‌ వేల్స్‌ : ఆస్ట్రేలియా తూర్పు కోస్తా ప్రాంతంలో ప్రారంభమైన కార్చిచ్చు సిడ్నీ నగరం సబర్బన్‌ ప్రాంతాలను పాకి ప్రజలను వణికిస్తున్న సంగతి తెలిసిందే. వెయ్యి కిలోమీటర్ల పరిధిలోని దాదాపు 1,50,000 హెక్టార్లలో అడవులను ఆవహించిన కార్చిచ్చు ఇప్పటికి తగలబడుతూ భయానక వాతావరణాన్ని సృష్టిస్తుంది. తాజాగా ఆస్ట్రేలియాలోని తూర్పు ప్రాంతంలో ఉన్న అడవిలో మంటల్లో చిక్కుకున్న ఎలుగుబంటి జాతికి చెందిన కోలాను ఒక మహిళ ప్రాణాలకు తెగించి కాపాడిన వీడియో ఒకటి వైరల్‌గా మారింది.   కాగా, బుధవారం న్యూ సౌత్‌ వేల్స్‌ ప్రాంతంలో ఉన్న అటవీ ప్రాంతంలో బారీగా కార్చిచ్చు అంటుకొని 110 అడుగుల ఎత్తులో మంటలు ఎగిసిపడుతున్నాయి. ఈ నేపథ్యంలో చెట్ల పొదళ్లకు కార్చిచ్చు అంటుకోవడంతో కోలా తప్పించుకోవడానికి  ప్రయత్నించగా ఒక్కసారిగా మంటలు అంటుకున్నాయి. అదే సమయంలో అటుగా వెళ్తున్న టోనీ డోహర్తి అనే మహిళ చెట్ల పొదల్లో చిక్కుకున్న కోలాను చూసి దానిని కాపాడడానికి పరిగెత్తింది. దానిని మంటల నుంచి బయటికి తీసి  తను వేసుకున్న షర్ట్‌ను విప్పి మంటలను అదుపు చేసేందుకు దాని చుట్టూ కప్పి కారు దగ్గరికి తీసుకువచ్చారు. కోలాకు ఆహారం పెట్టి నొప్పి తెలియకుండా ఉండేందుకు నీరు చల్లారు. తర్వాత దానిని పూర్తిగా బ్లాంకెట్‌తో కప్పి ప్రథమ చికిత్స కోసం ఆసుపత్రికి తరలించారు. ప్రస్తుతం చికిత్స తీసుకుంటున్న కోలా శరీరం బాగా కాలిపోవడంతో పరిస్థితి విషమంగానే ఉంది. ప్రసుత్తం ఈ వీడియో వైరల్‌గా మారి నెటిజన్లను అమితంగా ఆకట్టుకుంటుంది. టోనీ డోహర్తి చేసిన పనికి ప్రపంచవ్యాప్తంగా  ఆమె ఒక యోధురాలు అంటూ ప్రశంసిస్తున్నారు. తనకు ఏమైనా పర్వాలేదు ఎలాగైనా కోలాను కాపాడాలని ఆమె చేసిన ప్రయత్నాన్ని అందరూ మెచ్చుకుంటున్నారు.  

పారడైజ్‌: అమెరికాలోని కాలిఫోర్నియా రాష్ట్రం అడవుల్లో చెలరేగుతున్న మంటల ధాటికి శుక్రవారం రాత్రికి మరణించిన వారి సంఖ్య 9కి చేరింది. పదుల సంఖ్యలో మనుషులు ఆచూకీలేదు. వివిధ ప్రాంతాల్లోని వేలాది మందిని ఇళ్ల నుంచి ఖాళీ చేయించి సురక్షిత ప్రాంతాలకు తరలిస్తున్నారు. కాలిఫోర్నియా రాజధాని శాక్రమెంటోలోని మొత్తం 26 వేల మంది సురక్షిత ప్రాంతాలకు వెళ్లాలని అధికారులు ఆదేశించారు. మరణించిన వారంతా బుట్టే కౌంటీలోని ప్యారడైస్‌ పట్టణవాసులే. ఉధృతమైన గాలుల కారణంగా కార్చిచ్చు ఇతర ప్రాంతాలకు వేగంగా వ్యాపిస్తోంది. ప్యారడైజ్‌లో వందలాది ఇళ్లు, అనేక రెస్టారెంట్లు, వాహనాలు కాలిపోయాయి.  70 వేల ఎకరాలను కార్చిచ్చు బూడిద చేసిందనీ, ఇంకా మంటల తీవ్రత తగ్గలేదని కాలిఫోర్నియా అగ్నిమాపక విభాగం అధికారి తెలిపారు. అటు దక్షిణ కాలిఫోర్నియాలోని వెంచురా కౌంటీలోనూ రెండు కార్చిచ్చులు మొదలయ్యాయి. సియార్రా నెవాడా పర్వతాల దిగువన, చికో పట్టణంలో నివసిస్తున్న 52 వేల మందికి పైగా ప్రజలు ఇళ్లను ఖాళీ చేసి వెళ్లాలని అధికారులు సూచించారు. వెంచురా కౌంటీలో ‘వూల్సీ ఫైర్‌’ ధాటికి 35 వేల ఎకరాలు కాలిపోయాయనీ, 88 వేల ఇళ్ల నుంచి ప్రజలను ఇతర ప్రాంతాలకు వెళ్లిపోవాలని ఆదేశించామని అధికారులు చెప్పారు. హాలీవుడ్‌ ప్రముఖులు నివాసం ఉండే మాలిబు నగరానికీ కార్చిచ్చు వ్యాపిస్తోంది. లియోనార్డో డికాప్రియో, జాక్‌ నికోల్సన్, జెన్నిఫర్‌ అనిస్టన్‌; హాల్లే బెర్రీ, చార్లైజ్‌ థెరాన్, బ్రాడ్‌ పిట్‌ తదితరులు ఈ ప్రాంతంలోనే నివసిస్తారు.

పారడైస్‌ (కాలిఫోర్నియా) : అమెరికాలోని ఉత్తర కాలిఫోర్నియా అటవీ ప్రాంతంలో భారీ అగ్రిప్రమాదం సంభవించింది. ఈ ప్రమాదంలో ఇప్పటి వరకు 9 మంది మరణించారని, 6700 నివాసాలు, వ్యాపార సంస్థలు బుగ్గిపాలయ్యాయని  కాలిఫోర్నియా అగ్నిమాపక శాఖ తెలిపింది. మరో 35 మంది కనిపించకుండా పోయారని, ముగ్గురు అగ్నిమాపక సిబ్బంది గాయపడ్డారని అధికారులు పేర్కొన్నారు. ఈ ప్రమాదంలో మంటలు దావానలంలా వ్యాపించడంతో వేలాది ఎకరాలు బూడిదపాలై తీవ్ర నష్టం వాటిల్లందన్నారు. ఆ రాష్ట్ర చరిత్రలోనే ఇదో అతిపెద్ద అగ్నిప్రమాదంగా అభివర్ణించారు. అటవీప్రాంతానికి సమీపంలోని సుమారు లక్షా 50 వేల మందిని సురక్షిత ప్రాంతాలకు తరలించామని, మంటలను అదుపుచేసేందుకు దాదాపు 2వేల మంది అగ్నిమాపక సిబ్బంది రంగంలోకి దింపినట్లు పేర్కొన్నారు. ఇప్పటివరకు 30వేల ఎకరాలు అగ్నికి ఆహుతయ్యాయని వెల్లడించారు. భారీగా ఎగిసిపడుతున్న మంటల కారణంగా చుట్టుపక్కల కిలోమీటర్లమేర దట్టంగా పొగ వ్యాపించింది. కాలిఫోర్నియా రాష్ట్రంలోని పారడైస్‌ నగరంలో ఈ అగ్ని ప్రమాదం చోటు చేసుకోంది. ఇది బుధవారం కాల్పుల ఘటన చోటుచేసుకున్న థౌజండ్‌ ఓక్స్‌ నగరానికి సమీపం ప్రాంతం కావడం గమనార్హం. ఈ కాల్పుల ఘటనలో 12 మంది మృతి చెందిన విషయం తెలిసిందే. ఈ మంటలు మాలిబూ నగరానికి సైతం వ్యాపించాయి. ఈ ప్రాంతంలో హాలీవుడ్‌ అగ్ర తారలు ఎక్కువగా నివాసముంటారు. విపరీతమైన గాలులు వీస్తుండడంతో కాలిఫోర్నియా పశ్చిమ ప్రాంతానికి మంటలు వ్యాపిస్తున్నాయి.

వాషింగ్టన్‌ : కాలిఫోర్నియాలో చెలరేగిన కార్చిచ్చు అమెరికాను పొగతో కమ్మేస్తోంది. గత వారం రోజులుగా సుమారు 1, 87,000 ఎకరాల అడవిని ఈ కార్చిచ్చు ధ్వంసం చేసినట్లు అమెరికా జాతీయ అగ్రిమాపక సంస్థ తెలిపింది. ‘మెండోసినో కాంప్లెక్స్ ఫైర్‌’గా పిలుస్తున్న ఈ కార్చిచ్చు వల్ల పసిఫిక్‌ ప్రాంతం నుంచి రాకీ పర్వతాల వరకు దట్టమైన పొగ ఆవరించిందని పేర్కొంది. ముఖ్యంగా పశ్చిమ ప్రాంతంలోని 15 రాష్ట్రాల్లో సుమారు 100 చోట్ల మంటలు అంటుకున్నాయని తెలిపింది. ఇందుకు సంబంధించిన ఫొటోలను నాసా విడుదల చేసింది. మంటలు తీవ్ర రూపం దాల్చడంతో కెనడాలోని కాల్గరీ, సస్కాచ్‌వాన్‌ ప్రావిన్స్‌లు కూడా అలెర్ట్‌గా ఉండాలని హెచ్చరికలు జారీ చేశారు.                                                                   నాసా విడుదల చేసిన ఫొటో ఎయిర్‌ క్వాలిటీ అలెర్ట్‌.. కాలిఫోర్నియాను కమ్మేసిన కార్చిచ్చు కారణంగా రాష్ట్రంలో ఎయిర్‌ క్వాలిటీ అలెర్ట్‌ విధించారు. ప్రమాద స్థలం నుంచి వెలువడుతున్న పొగ వల్ల కంటి, శ్వాసకోశ సంబంధ వ్యాధులు వచ్చే అవకాశముందని అమెరికా డిసీజ్‌ కంట్రోల్‌ సెంటర్‌ హెచ్చరించింది. ముఖ్యంగా హృద్రోగులు, చిన్న పిల్లలపై పొగ ప్రభావం ఎక్కువగా ఉంటుందని పేర్కొంది. కాలిఫోర్నియా చరిత్రలోనే అతి పెద్ద కార్చిర్చుగా చెబుతోన్న ఈ ప్రమాదం కారణంగా రాష్ట్రం మరింత కాలుష్యంతో నిండిపోయిందని వాతావరణ నిపుణుడు స్టీవెన్‌ డిమార్టినో అన్నారు. ప్రమాద స్థలం నుంచి వెలువడుతున్న పొగ, పరిశ్రమల నుంచి వెలువడే కాలుష్యాల కంటే ఎన్నో రెట్లు ఎక్కువగా ఉందని పేర్కొన్నారు. కాగా ప్రస్తుతం అమెరికాలో ఉష్ణోగ్రతలు అధికంగా నమోదవుతున్న నేపథ్యంలోనే ఈ ప్రమాదం జరిగినట్లు తెలుస్తోంది. కాలిఫోర్నియా పర్యావరణ చట్టాల లోపం వల్లే కార్చిచ్చు ఈ రాష్ట్రాన్ని మింగేస్తోందని అమెరికా అధ్యక్షుడు డొనాల్డ్‌ ట్రంప్‌ ఆరోపించిన విషయం తెలిసిందే.

ఏథెన్స్‌: గ్రీస్‌లోని ఏథెన్స్‌ సమీప అటవీప్రాంతాలను కార్చిచ్చు దహించివేస్తున్న ఘటనలో చనిపోయిన వారి సంఖ్య బుధవారం 79కి పెరిగింది. అగ్నికీలల బారిన పడిన వారిని రక్షించేందుకు ఈశాన్య ఏథెన్స్‌లోని తీరప్రాంత ఇళ్లలో అగ్నిమాపక సిబ్బంది గాలింపు చేపట్టారు. అగ్నికీలల్లో కాలిపోయిన ప్రతీ ఇంటినీ క్షుణ్ణంగా పరిశీలించి బాధితుల జాడ కోసం అగ్నిమాపక సిబ్బంది అన్వేషణ కొనసాగిస్తున్నారు. కార్చిచ్చు వ్యాపించిన నివాస ప్రాంతాల్లో తమ వారి జాడ గల్లంతయ్యిందంటూ అనేక ఫోన్‌ కాల్స్‌ వస్తున్నాయని సంబంధిత ఉన్నతాధికారి స్టారోలా మలిరి చెప్పారు. ఇంతవరకూ ఎంత మంది జాడ తెలియకుండా పోయిందో సంఖ్య చెప్పలేమని ఆమె అన్నారు. 

ఏథెన్స్‌ : ఓవైపు చెలరేగిన కార్చిచ్చు గ్రామాన్ని మొత్తం బూడిద చేయగా.. మరోవైపు విదేశీయులు సైతం ప్రాణభయంతో అల్లాడిపోతున్నారు. అగ్నికీలలు స్థానికులతో పాటు పర్యాటకుల ప్రాణాలతో చెలగాడమాడాయని అధికారులు అంటున్నారు. గ్రీస్‌ రాజధాని ఏథెన్స్‌ సమీపంలోని మాటీ గ్రామంలో చెలరేగిన కార్చిచ్చులో 100 మంది మంటల్లో కాలిపోగా, మరో 1000 మందికి కాలిన గాయాలైన విషయం తెలిసిందే. హనీమూన్‌కు వచ్చిన ఎన్నో జంటల జీవితంలో కార్చిచ్చు పెను విషాదాన్ని నింపుతోంది. ఐర్లాండ్‌కు చెందిన జోయ్‌ హోలోహన్‌, బ్రేయిన్‌ ఓ కల్లాఘన్‌ల మనసులు కలిశాయి. కొంతకాలం ప్రేమించుకున్న అనంతరం గత గురువారం ప్రేయసి జోయ్‌తో కల్లాఘన్‌ వివాహం అంగరంగ వైభవంగా జరిగింది. తమకు సమీపంలోని పర్యాటక ప్రాంతమైన ఏథెన్స్‌లోని మాటీకి వెళ్లారు. కానీ తమ హనీమూన్‌లో కార్చిచ్చు విషాదం నింపనుందని జోయ్‌ ఆందోళన చెందుతున్నారు. తాజా అగ్నిప్రమాదంలో తమ జంట వేరయిందని, భర్త కల్లాఘన్‌ జాడ తెలియటం లేదని ఆమె కన్నీటి పర్యంతమైంది. అగ్నిప్రమాదంలో చిక్కుకున్న తనను సిబ్బంది రక్షించి ఆస్పత్రిలో చేర్పించారని, కళ్లు తెరిచి చూసేసరికి భర్త పక్కన లేడని చెప్పింది. పోలీసులకు భర్త ఫొటోతో పాటు వివరాలు ఇచ్చానని, దేవుడి దయ వల్ల అతడికి ఏం కాకూడదని నవ వధువు జోయ్‌ ప్రార్థిస్తోంది.  పర్యాటనకు వచ్చి ఇలా పొరుగు దేశంలో ప్రాణాలు కోల్పోవడం నరక ప్రాయమని బాధిత టూరిస్టులు అంటున్నారు. దేవదారు వృక్షాల్లో మొదలైన చిన్న మంట.. కార్చిచ్చుగా మారి గ్రామాన్ని మొత్తం బూడిద చేసేసింది. ప్రాణాలు రక్షించుకునేందుకు స్థానికులతో పాటు పర్యాటకులు బీచ్‌ల వైపు పరుగులు తీశారు. అయినా వందల మందిని కార్చిచ్చు దహించివేసింది. ఆ ప్రాంతాల్లో అగ్గి పదే పదే రాజేసుకోవడంతో ఏం చేయాలన్న దానిపై చర్చిస్తున్నారు. పర్యాటకులు తమ దేశాలకు తిరిగి వెళ్లేందుకు ఏర్పాట్లు చేయాలని గ్రీస్‌ అధికారులను కోరుతున్నారు. మహా దావానలం.. 100 మంది మృతి

ఏథెన్స్‌ : కార్చిచ్చు ఓ గ్రామాన్ని అతలాకుతలం చేసింది. కొన్ని గంటలపాటు పదుల సంఖ్యలో విమానాలు, హెలికాప్టర్ల ద్వారా ఫైర్‌ సిబ్బంది యత్నించి మంటల్ని అదుపులోకి తెచ్చినా అప్పటికే జరగాల్సిన జరిగిపోయింది. తొలుత 74 మంది మృతిచెందారని భావించినా.. ఆ సంఖ్య 100కు చేరుకోగా , మరో 1000 మందికి కాలిన గాయాలైనట్లు సమాచారం. చనిపోయిన వారిలో ఎక్కువగా వృద్ధులు, చిన్నారులు ఉన్నారు. ఈ భారీ అగ్ని ప్రమాదం గ్రీస్‌ రాజధాని ఏథెన్స్‌ సమీపంలోని రిసార్ట్‌ టౌన్‌ మాటీలో చోటుచేసుకుంది. సోమవారం నుంచి మంగళవారం వరకు అగ్నికీలలు నగరవాసులను ఉక్కిరిబిక్కిరి చేశాయి. మంటల్ని అదుపులోకి తెచ్చినా.. పదే పదే అగ్ని ప్రమాదాలు సంభవిస్తున్నాయని గ్రీస్‌ అధికారులు వెల్లడించారు. మంటలనుంచి తమ ప్రాణాలు రక్షించుకునేందుకు కొందరు బీచ్‌ల వైపు పరుగులు తీయగా, మరోవైపు కార్చిచ్చు వందల ఇళ్లు, కార్లు, ఇతర వాహనాలను బుగ్గి చేసింది. మాటీ గ్రామంలో 26 మంది అక్కడికక్కడే మంటల్లో ఆహుతైనట్లు స్థానికులు కన్నీటి పర్యంతమయ్యారు. రెడ్‌క్రాస్‌కు చెందిన ఓ అధికారి మంగళవారం ఘటనకు సంబంధించి పలు విషయాలు తెలిపారు. వేడి కారణంగా అడవుల్లో ఏర్పడ్డ కార్చిచ్చు పట్టణాన్ని మొత్తం ఆహుతి చేసిందన్నారు. ఏథెన్స్‌ పరిధిలో జరిగిన ఈ దావానలం దేశాన్నే సంక్షోభంలో పడేసింది.   ప్రాణభయంతో పర్యాటకుల పరుగులు గ్రీస్‌ అందాలు చూద్దామనుకుని వస్తే బూడిదే మిగిలిందంటూ ఇక్కడికి వచ్చిన పర్యాటకులు వాపోతున్నారు. తమ కుటుంబసభ్యులను మంటలు సజీవదహనం చేస్తుంటే.. పరుగెత్తి మా ప్రాణాలు కాపాడుకోవడం తప్పా, ఏం చేయలేకపోయామంటూ మృతుల బాధితులు ఆవేదన వ్యక్తం చేస్తున్నారు. దేవదారు వృక్షాల్లో ఏర్పడ్డ చిన్న మంట.. కార్చిచ్చుగా మారి గ్రామాన్ని మొత్తం బూడిద చేసేశాయని, భారీగా ప్రాణ, ఆస్తి నష్టం సంభవించింది. దీంతో తమ ప్రాంతానికి తిరిగి వెళ్లేందుకు ఏం చేయాలో అర్థంకాక పలు దేశాలకు చెందిన పర్యాటకులు ఆందోళన చెందుతున్నారు. ఫొటో గ్యాలరీ కోసం ఇక్కడ క్లిక్ చేయండి


 పోర్ట్లాండ్‌ : చిన్నమంటలు వ్యాపిస్తేనే వాటిని చూసి భయంతో బెంబేలెత్తిపోయి పరుగులు పెడుతుంటారు. అలాంటిది కార్చిచ్చు దూసుకొస్తుందంటే అక్కడ ఎవరైనా ఉంటారా? కాని ఉన్నారు. ఒక పక్క భారీ మొత్తంలో అటవీ ప్రాంతాన్ని దహనం చేస్తూ నిప్పులు కక్కుతూ మంటలు దూసుకొస్తున్నా ఏమాత్రం చీకు చింత లేనట్లు కొంతమంది వ్యక్తులు గోల్ఫ్‌ అడుతూ కనిపించారు.
 
 
 పోర్ట్లాండ్‌లోని కొలంబియా నది గుండా ఉన్నా అటవీ ప్రాంతాన్ని దహించుకుంటూ పెద్ద దావానలం వస్తున్న విషయం తెలిసిందే. ఇప్పటికే అది 33,400 ఎకరాల అటవీ సంపదను బుగ్గిపాలు జేసింది. ప్రస్తుతం బెకాన్‌ రాక్‌ గోల్ఫ్‌ కోర్స్‌ వైపు ఆ కార్చిచ్చు వస్తున్నప్పటికీ అక్కడి వారు ఏమాత్రం భయపడకుండా ఎంత తాఫీగా గోల్ఫ్‌ ఆడుతున్నారో చూస్తే ప్రతి ఒక్కరూ ఆశ్చర్యపోవాల్సిందే.


 వాషింగ్టన్‌: అమెరికాను ప్రకృతి వణికిస్తోంది. మొన్నటివరకూ హార్వీ హరికేన్‌ హూస్టన్‌ నగరాన్ని అతలాకుతలం చేస్తే.. తాజాగా లాస్‌ ఏంజెల్స్‌ అడవుల్లో కార్చిచ్చు విజృంభిస్తోంది. లాస్‌ ఏంజెల్స్‌ అడవుల్లో ఏర్పడ్డ ఈ కార్చిచ్చు.. అక్కడి చరిత్రలోనే అతి పెద్దదిగా పర్యావరణ వేత్తలు పేర్కొంటున్నారు. వేల సంఖ్యలో ప్రజలను సురక్షిత ప్రాంతాలకు అధికారులు తరలిస్తున్నారు.
 కార్చిచ్చు వ్యాపించిన రెండు రోజుల్లోనే 8 వేల ఎకరాల అడవి అగ్ని ఆహుతి అయిందని అటవీశాఖ చెబుతోంది.  ఇక్కడ వేడి తీవ్రత 100 డిగ్రీలుగా ఉంది. దీంతో అడవుల్లో ఉండే జంతువులు, పక్షలు, చెట్లు సైతం మాడిపోతున్నాయి. ప్రాణరక్షణ కోసం జంతువులు సురక్షిత ప్రాంతాల్లోకి పరుగులు తీస్తున్నాయి. కిలోమీటర్ల దూరంలో ఉన్న రహదారులు సైతం వేడికి తట్టుకోలేక పగిలిపోతున్నాయి. మంటలను అదుపు చేసేందుకు వందల సంఖ్యలో హెలికాప్టర్లు ప్రయత్నిస్తున్నాయి.
 


 మాస్కో: రష్యా అడవుల్లో అంటుకున్న కార్చిచ్చు ఆ దేశ సహజ ప్రకృతిపై పెను ప్రభావాన్ని చూపిస్తోంది. ముఖ్యంగా ఆ దేశంలో సహజ సిద్ధంగా ఏర్పడిన అతిపెద్ద మంచినీటి సరస్సు బైకాల్ ఇప్పుడు ఈ అగ్ని ప్రమాదం బారిన పడనుంది. అయినప్పటికీ రష్యా ప్రభుత్వం యంత్రాంగం అలసటత్వం వహించడంపట్ల అక్కడి పర్యావరణ వేత్తలే కాకుండా సామాన్య ప్రజానీకానికి కూడా ఆగ్రహం తెప్పిస్తోంది. ఇటీవల రష్యా అడవుల్లో కార్చిచ్చు రగిలింది. వేల హెక్టార్లలో రోజూ బూడిదవుతోంది. రోజురోజుకూ అదికాస్త ఎక్కువవుతోంది. దీనిని నియంత్రించేందుకు రష్యా ప్రభుత్వం కేవలం అరకొరగా మాత్రమే ప్రయత్నిస్తోంది.
 
 అదీకాకుండా ఈ కార్చిచ్చు వల్ల వెలువడుతోన్న టాక్సిక్ వాయువులకు భయపడి ఆ చుట్టుపక్కల ప్రాంతాలవారు తమ నివాసాలనకు ఖాళీ చేసి వెళ్లిపోతున్నారు. పలువురికి ఇప్పటికే అనారోగ్య సమస్యలు కూడా మొదలయ్యాయి. పది వేలమంది యువకులకు, 2,500మంది చిన్నారులకు వైద్యులు పరీక్షలు కూడా నిర్వహించారు. బైకాల్ సరస్సు ప్రపంచంలోనే అతి లోతైన మంచినీటి సరస్సు. దీని ఆధారం చేసుకొని పలు ఆవాసాలు ఏర్పడటమే కాకుండా చక్కటి వన్యసంపద, మృగ సంపద ఏర్పడింది. ప్రస్తుతం కార్చిచ్చువల్ల ఆ సంపదకు ముప్పు వాటిల్ల నుంది.
  


 మాస్కో: రష్యాలోని సైబీరియాలో కార్చిచ్చు తలెత్తి ఐదుగురు ప్రాణాలు కోల్పోయారు. పదుల సంఖ్యలో గాయాలపాలయ్యారు. వందల మంది తమ నివాసాలను ఖాళీ చేసి సురక్షిత ప్రాంతాలకు తరలి వెళ్లారు. దక్షిణ సైబిరియాలో దాదాపు 560 మంది సెలవుదినం కావడంతో విడిది కోసం అటవీ ప్రాంతానికి వెళ్లి అక్కడ తాత్కళికంగా ఏర్పాటుచేసుకున్న నివాసాల్లో ఉన్నారు. అనుకోకుండా అక్కడ ఉన్న ఎండుగడ్డికి నిప్పు అంటుకోవడంతో అప్పటికే బలంగా వీస్తున్న గాలుల వల్ల మంటలు వేగంగా వ్యాపించాయి.
 
 దీంతో ప్రాణనష్టం చోటుచేసుకుంది. 62 మందికి గాయాలవ్వగా.. 11మంది పరిస్థితి విషమంగా ఉంది. విమానాలు, హెలికాప్టర్లు, రైళ్ల ద్వారా మంటలను ఆర్పేందుకు దాదాపు 5,000 వేల మంది రంగంలోకి దిగారు. అయినప్పటికీ మంటలు అదుపులోకి తీసుకురావడం కష్టమై పోయింది. 16 గ్రామాలను మంటల బారిన పడకుండా రక్షించగా.. 42 గ్రామాల్లో 900 భవనాలు మంటల బారిన పడ్డాయి. భారీ స్థాయిలో ఆస్తి నష్టం చోటుచేసుకున్నట్లు అధికారులు తెలిపారు.


 అమెరికాలోని దక్షిణ కాలిఫోర్నియా ప్రాంతంలో కార్చిచ్చు చెలరేగింది. దాంతో దాదాపు 20 వేల కుటుంబాలను  అక్క్డడి నుంచి తరలించాల్సి వచ్చింది. ఓ సంచార గృహం కాలిపో్యింది. విపరీతమైన వేడి, తీవ్రమైన గాలులు వస్తుండటంతో అక్కడ ఉండటం దాదాపు అసాధ్యంగా మారింది. ఖాళీ చేయించినవాటిలో చాలా ఇళ్లు నగరంలోను, ఉత్తర శాండియాగో కౌంటీలోను ఉన్నాయని శాండియాగో ఎమర్జెన్సీ ఆపరేషన్స్ సెంటర్ తెలిపింది. 280 హెక్టార్ల పరిధిలో ఉన్న అడవిలో మంటలు మంగళవారం ఉదయం చెలరేగాయి. తీవ్రంగా ఉన్న గాలులు వాటికి తోడయ్యాయి. దీంతో ఆ చుట్టుపక్కల ఉన్న ఇళ్లతో పాటు రెండు హైస్కూళ్లు, ఓ ప్రాథమిక పాఠశాలను కూడా ఖాళీ చేయించినట్లు పోలీసు డిటెక్టివ్ గేరీ హాసెన్ తెలిపారు.
 
 మంగళవారం మధ్యాహ్నం లాస్ ఏంజెలిస్కు ఉత్తరంగా దావానలం చెలరేగింది. శాంటా బార్బరా కౌంటీలో చెలరేగిన ఈ మంటల వల్ల లాంపాక్ పట్టణంలో దాదాపు 150-200 ఇళ్లను ఖాళీ చేయించారు. ఈ మంటల ఫలితంగా లాస్ ఏంజెలిస్ ప్రాంతంలో ఉష్ణోగ్రత 33.5 డిగ్రీల సెల్సియస్ వరకు చేరుకుంది. ఇది సాధారణ ఉష్ణోగ్రత కంటే 10 డిగ్రీలు ఎక్కువ.


 తిరుమల శ్రీ వేంకటేశ్వరుడి ఏడు కొండల్లో ఒకటైన శేషాచలం మీద ఉన్న అడవుల్లో రేగిన కార్చిచ్చును చల్లార్చడానికి ఆపరేషన్ కొనసాగుతోంది. మూడు హెలికాప్టర్లతో మంటలు ఆర్పుతున్నారు. శేషాచలం కార్చిచ్చుపై ప్రభుత్వం సమీక్ష నిర్వహించింది. మంటలు మరింత వ్యాపించకుండా తీసుకోవాల్సిన తక్షణ చర్యలపై అటవీ అధికారులతో ప్రధాన కార్యదర్శి పి.కె. మహంతి సమీక్షించారు. మంటలార్పడానికి కందకాలు తవ్వాలని నిర్ణయించారు.
 
 మరోవైపు మూడు హెలికాప్టర్లతో మంటలు ఆర్పే ప్రయత్నాలు కొనసాగుతున్నాయి. కుమారధార, పసుపుధార డ్యాంల నుంచి హెలికాప్టర్ల ద్వారా పెద్ద పెద్ద కంటెయినర్లలో నీళ్లు తీసుకెళ్లి మంటల మీద చల్లుతూ వాటిని ఆర్పేందుకు ప్రయత్నిస్తున్నారు. కాగా, భవిష్యత్తులో ఇలాంటి సంఘటనలు జరిగితే కేంద్ర రాష్ట్ర ప్రభుత్వాలతో పాటు టీటీడీ సంయుక్తంగా కమిటీని ఏర్పాటు చేయాలని టీటీడీ పాలకమండలి నిర్ణయించింది.


 తిరుమలలో శ్రీ వేంకటేశ్వరుడు కొలువై ఉన్న ఏడు కొండల్లో మొట్టమొదటిదైన శేషాద్రి మీద మొదలైన కార్చిచ్చు.. ఎంతకీ ఆరట్లేదు. ఎవరు ఎంతగా ఎన్ని ప్రయత్నాలు చేసినా, ప్రకృతి పగబట్టినట్లు మంటలు మరిన్ని కొత్త ప్రాంతాలకు విస్తరిస్తున్నాయి. తాజాగా ఈ మంటలు తిరుమల వైపు వ్యాపించాయి. పవన విద్యుత్ కేంద్రాల వరకు కూడా మంటలు ఎగబాకడంతో టీటీడీ అధికారులు పాపవినాశనానికి వెళ్లే దారి మూసేశారు. పాపవినాశనం, ఆకాశగంగ, గోపాలస్వామి దారులు మూతపడ్డాయి. కొండపైకి కాలినడక భక్తులకు అనుమతి నిరాకరించారు.
 
 మంగళం డీసీఆర్ కాలనీలో సమీపంలోని అటవీ ప్రాంతంలో మంటలు భారీగా ఎగిసిపడుతున్నాయి. టీటీడీ, ఫైర్ సిబ్బంది ఎంతగా ప్రయత్నించినా మంటలు అదుపులోకి రాకపోవడంతో వందలాది ఎకరాల్లో వృక్షసంపద బుగ్గిపాలైంది. కొంతమంది సిబ్బంది కూడా ఈ మంటల్లో చిక్కుకోవడంతో వెంటనే సంఘటన స్థలానికి అంబులెన్స్ తరలించారు. ఏం చేసినా మంటలు ఆరకపోవడంతో.. హెలికాప్టర్ల ద్వారా మంటలను అదుపు చేసేందుకు రాష్ట్ర ప్రభుత్వంతో చర్చలు జరుపుతున్నట్లు టీటీడీ ఈవో ఎంజీ గోపాల్ తెలిపారు.