‘‘మా ‘7 డేస్‌ 6 నైట్స్‌’ సినిమాని ప్రేక్షకులతో కలిసి థియేటర్‌లో చూశాను.. వారు బాగా ఎంజాయ్‌ చేస్తున్నారు.. చాలా సంతోషంగా అనిపించింది’’ అని డైరెక్టర్‌ ఎంఎస్‌ రాజు అన్నారు. సుమంత్‌ అశ్విన్, రోహన్‌ హీరోలుగా మెహర్‌ చాహల్, కృతికా శెట్టి హీరోయిన్లుగా నటించిన చిత్రం ‘‘7 డేస్‌ 6 నైట్స్‌’. సుమంత్‌ అశ్విన్‌ .ఎం, రజనీకాంత్‌ .ఎస్‌ నిర్మించిన ఈ సినిమా ఈ నెల 24న విడుదలయింది. (చదవండి: అప్పుడు నాకు ఆ సెన్స్‌, జ్ఞానం లేదు: నాగబాబు) ఈ చిత్రం సక్సెస్‌ మీట్‌లో చిత్రదర్శకుడు ఎంఎస్‌ రాజు మాట్లాడుతూ– ‘‘శంకరాభరణం’ నుంచి ఇప్పటివరకు క్లాసిక్‌ సినిమాల వసూళ్లు మౌత్‌ టాక్‌ వల్ల పెరిగాయి. మా సినిమాకి కూడా మౌత్‌ టాక్‌తో ప్రతి షోకి అన్ని చోట్ల వసూళ్లు పెరుగుతుండటం హ్యాపీ. అయితే, ఒక చిన్న వెలితి. ఈ రోజు తెలుగు ఇండస్ట్రీ పెద్ద సినిమాలకు మాత్రమే పరిమితం అయ్యిందనేది చాలా మంది ఉద్దేశం. ఇప్పుడు దాసరి నారాయణరావుగారిలా, కె.బాలచందర్‌గారిలా చిన్న సినిమాలు, ప్రయోగాత్మక చిత్రాలు చేస్తే?, ఈ రోజు ‘హ్యాపీ డేస్‌’ లాంటి సినిమాలు వస్తే? పరిస్థితి ఏంటి? అని ఆలోచించాల్సిన పరిస్థితి. చిన్న సినిమాలకు, నాలుగు కోట్ల బడ్జెట్‌ లోపు చిత్రాలకు టికెట్‌ రేట్లు తగ్గించాలి. రూ.200 టికెట్‌ పెట్టి చిన్న సినిమాలను ఎవరు చూస్తారు?. ప్రభుత్వాలతో చర్చించి ధర తగ్గించేలా నిర్ణయం తీసుకోవాలి’’ అన్నారు. 

‘‘7 డేస్‌ 6 నైట్స్‌’ డీసెంట్‌ ఫిల్మ్‌.. యువతరంతో పాటు ఫ్యామిలీ అందరూ చూడొచ్చు. మార్చి తర్వాత ‘ఆర్‌ఆర్‌ఆర్‌’, ‘కేజీఎఫ్‌ 2’ సినిమాలు విడుదలై, మంచి హిట్టయ్యాయి. చిన్న సినిమాలు రావడానికి సరైన సమయం ఇదేనని భావిస్తున్నాను’’ అన్నారు దర్శక–నిర్మాత ఎంఎస్‌ రాజు. సుమంత్‌ అశ్విన్, రోహన్‌ హీరోలుగా, మెహర్‌ చాహల్, కృతికా శెట్టి హీరోయిన్లుగా నటించిన చిత్రం ‘7 డేస్‌ 6 నైట్స్‌’. సుమంత్‌ అశ్విన్‌ .ఎం, రజనీకాంత్‌ .ఎస్‌ నిర్మించారు. ఈ సినిమా ఈ నెల 24న విడుదలవుతున్న సందర్భంగా కొత్త ట్రైలర్‌ను విడుదల చేశారు. చిత్రదర్శకుడు ఎంఎస్‌ రాజు మాట్లాడుతూ– ‘‘చిన్న సినిమా ఎన్ని వండర్స్‌ క్రియేట్‌ చేస్తుందో చూపించాలనుకుంటున్నాం. మా చిత్రాన్ని యువతరంతో పాటు కుటుంబ ప్రేక్షకులు కూడా చూడాలని తక్కువ టికెట్‌ రేట్స్‌ పెడుతున్నాం. ఈ సినిమాతో నిర్మాతలుగా మారిన మా అబ్బాయి సుమంత్, అమ్మాయి రిషితా దేవికి ఆల్‌ ది బెస్ట్‌’’ అన్నారు. ‘‘ఈ సినిమా ప్రేక్షకులకు బాగా నచ్చుతుంది’’ అన్నారు రిషితా దేవి. ‘‘7 డేస్‌ 6 నైట్స్‌’ నాకు ఒక మాస్టర్‌ పీస్‌లా అనిపిస్తోంది’’ అన్నారు సుమంత్‌ అశ్విన్‌. నిర్మాత రజనీకాంత్‌ .ఎస్, కో ప్రొడ్యూసర్‌ శ్రీనివాసరాజు తదితరులు పాల్గొన్నారు.    

మా నాన్న(నిర్మాత, దర్శకుడు ఎంఎస్‌ రాజు) ఎలాంటి ఫాదర్‌ అని ఎప్పుడు ఆలోచించలేదు. నాకు ఏది కావాలంటే అది ఇచ్చారు. ఆయనే ఫర్ఫెక్ట్‌ ఫాదర్‌. మరో జన్మంటూ ఉంటే.. దేవుడు వచ్చి ఏం కావాలని అడిగితే.. మళ్లీ ఎంఎస్‌ రాజు దంపతులు కడుపునే పుట్టాలని కోరుకుంటా’అని యంగ్‌ హీరో సుమంత్‌ అశ్విన్‌ అన్నారు. సుమంత్‌ అశ్విన్‌, రోహన్‌ హీరోలుగా ఎంఎస్‌ రాజ దర్శకత్వంలో తెరకెక్కిన చిత్రం ‘7 డేస్‌ 6నైట్స్‌’.సుమంత్ ఆర్ట్ ప్రొడక్షన్స్ సమర్పణలో సుమంత్ అశ్విన్ .ఎం, రజనీకాంత్ .ఎస్ ఈ చిత్రాన్ని నిర్మించారు. వైల్డ్ హనీ ప్రోడక్షన్స్, వింటేజ్ పిక్చర్స్ మరియు ఏబిజి క్రియేషన్స్ వారు చిత్రనిర్మాణంలో భాగస్వాములు. జూన్ 24న సినిమా విడుదల అవుతోంది. ఈ సందర్భంగా సుమంత్ అశ్విన్‌ మీడియాతో ముచ్చటించారు. ఆ విశేషాలు.. ► నా కెరీర్‌లో సక్సెస్ ఫుల్ సినిమాలు ఉన్నాయి. డిజప్పాయింట్ చేసినవీ ఉన్నాయి. అయితే, ఈ జర్నీ చాలా అందంగా ఉంది. నా తొలి మూవీ'తూనీగ తూనీగ’విడుదలైన 10 ఏళ్లు కావోస్తుంది. ఈ పదేళ్ల కూడా చాలా స్పీడ్‌గా వెళ్లింది. ►'తూనీగ తూనీగ' కోసం మూడు నాలుగు సినిమాలకు పెట్టినంత ఎఫర్ట్ పెట్టాం. ప్రశంసలు వచ్చాయి కానీ ఆశించిన వసూళ్లు రాలేదు. కొన్ని సినిమాలు పేపర్ మీద బావుంటాయి. ఎక్కడో చిన్న తప్పు వల్ల అనుకున్న ఫలితాలు రాకపోవచ్చు. అయితే, మనం చేసే హార్డ్ వర్క్ విషయంలో ఎటువంటి లోపం ఉండకూడదు.  ►ఇప్పటి వరకు నేను చేసిన సినిమాలతో కంపేర్‌ చేస్తే..'7 డేస్ 6 నైట్స్’లో డిఫరెంట్‌ రోల్‌ చేశా.రియాలిటీకి దగ్గరగా ఉన్న పాత్ర అది.  ఇప్పుడు ప్రేక్షకులు కూడా డిఫరెంట్ రోల్స్ యాక్సెప్ట్ చేస్తున్నారు. కరోనా వల్ల కావచ్చు, మరొకటి కావచ్చు... ప్రేక్షకులు వరల్డ్ సినిమా చూశారు. అప్‌డేట్‌ అయ్యారు. వేరే లెవెల్‌లో ఉన్నారు. వాళ్ళకు రీచ్ అవ్వాలంటే మనం కూడా నెక్స్ట్ లెవెల్ థింగ్స్ చేయాలి. టైమ్ పట్టినా కొత్త రోల్స్ చేయాలనుకుంటున్నాను.    ►ఈ సినిమాలో నేను ఒక నార్మల్‌ యంగ్‌స్టర్‌ పాత్ర చేశాను. అతను ఫిల్మ్ మేకర్ అవ్వాలని అనుకుంటాడు. జీవితంలో తనకు చాలా ప్రాబ్లమ్స్ ఉంటాయి. స్ట్రగుల్ అవుతూ ఉంటాడు. ఎక్కువ స్మోక్ చేస్తాడు. వెయిట్ చేస్తాడు. తన మీద కేర్ తీసుకోడు. అటువంటి మనిషి ఎలా ఉంటాడో... నా లుక్ కూడా అలాగే ఉంటుంది.   ►ఇందులో రోహన్‌ది ఇంపార్టెంట్ రోల్. అతడిని నాన్నే సెలెక్ట్ చేశారు. ముందు ఎస్టాబ్లిష్ హీరోని తీసుకుంటే బావుంటుందని అనుకున్నా. సినిమా చూశాక పర్ఫెక్ట్ కాస్టింగ్ అనిపించింది. మెహర్ ఎంత బాగా చేసిందంటే... ఆమెను 'సతి' సినిమాలో కూడా తీసుకున్నాం.  ►నాన్న(ఎంఎస్‌ రాజు) ఇప్పుడు ఫుల్‌ ఫైర్‌లో ఉన్నాడు. ఎంఎస్ రాజు 2.0 అనుకోవచ్చు. 'డర్టీ హరి'తో ఆయన ప్రూవ్ చేసుకున్నారు.  నాన్నతో సన్నిహితంగా ఉంటాను కాబట్టి ఆయనేంటో నాకు తెలుసు. 'నువ్వొస్తానంటే నేనొద్దంటానా' తర్వాత మధ్యలో ఎక్కడో 'ప్రేక్షకులకు ఏం కావాలో అదే ఇవ్వాలి. సేఫ్ గేమ్... ఫ్యామిలీలు, టార్గెట్ ఆడియన్స్' అంటూ చేసిన సినిమాలు కథల పరంగా కొంత డిజప్పాయింట్ చేసి ఉండొచ్చు. అవన్నీ పక్కన పెట్టి... నాన్నగారు కంప్లీట్ అప్ గ్రేడ్ అయ్యి సినిమాలు చేస్తున్నారు. నాకు అది బాగా నచ్చింది. '7 డేస్ 6 నైట్స్'లో ఎంఎస్ రాజు మార్క్ ఉంటుంది. అదే సమయంలో 20 ఏళ్ళ దర్శకుడు తీసినట్టు ఉంటుంది.  ► చిన్నప్పుడు, బాగా వెయిట్ ఉండేవాడిని. అప్పుడు వెంకటేష్, ప్రభాస్, మహేష్ బాబు గారిని చూస్తే ఫిట్‌గా, హ్యాండ్సమ్‌గా ఉండేవారు. మంచి డ్రస్సులు వేసుకునేవారు. నేను వెయిట్ వల్ల  అటువంటి డ్రస్సులు వేసుకోలేకపోయేవాడిని. డ్యాన్సులు చేసేవారు. షూటింగ్స్ చేసేటప్పుడు వాళ్ళను చూసి... నేను అలా చేయలేనని అనుకున్నా. అప్పుడు సినిమాటోగ్రాఫర్ లేదా డైరెక్టర్ కావాలనుకున్నా. 'వర్షం' సమయంలో నిక్సన్ మాస్టర్ పరిచయం అయ్యారు. ఆయన దగ్గర ఏరోబిక్, డ్యాన్సులో కొన్ని క్లాసులు తీసుకున్నా. అప్పుడు వెయిట్ తగ్గా. మా సినిమాల్లో హీరో హీరోయిన్ల ఫోటోషూట్స్ టైమ్‌లో వెళితే... నా ఫోటోలు కొన్ని తీశారు. అవి త్రివిక్రమ్ గారు, ప్రభుదేవా గారు చూసి 'చాలా బావున్నాడు. బాడీ బిల్డ్ చేస్తే మంచి హీరో అవుతాడు' అని చెప్పారు. నా మనసులో అది ఉండిపోయింది. దాంతో ముంబై వెళ్లి యాక్టింగ్ కోర్స్ చేశా. హీరో కావాలనుకున్నా. ► నాకు బోల్డ్ అనే పదం నచ్చదు. యువత అడల్ట్ కంటెంట్ కోసం థియేటర్లకు రావాల్సిన అవసరం లేదు. ఎవరూ రారు కూడా! ఇంటర్నెట్‌లో బోలెడు కంటెంట్ ఉంది. కథ ఉంటేనే ఎవరైనా థియేటర్లకు వస్తారు.'7 డేస్ 6 నైట్స్' ఫ్యామిలీతో చూసే మూవీ  ► 'డర్టీ హరి'తో నిర్మాతలకు మంచి లాభాలు వచ్చాయి. దాని తర్వాత ఏ సినిమా చేయాలని నాన్న ఆలోచిస్తున్నారు. ఆయన దగ్గర ఆరేడు కథలు ఉన్నాయి. అందులో ఇది చేద్దామని అనుకున్నప్పుడు... నేను ప్రొడ్యూస్ చేయాలనుకున్నా. చిరంజీవి గారి దగ్గర నుంచి ఇండస్ట్రీలో చాలా మంది  దర్శక, నిర్మాతలు నాన్నగారిని హానీ అని పిలుస్తారు. 'డర్టీ హరి' తర్వాత నాన్నగారు వైల్డ్ గా అనిపించారు. అందుకని 'వైల్డ్ హనీ ప్రొడక్షన్స్' అని పేరు పెట్టా.

‘‘7 డేస్‌ 6 నైట్స్‌’ ఒక ఫన్‌ ఫిల్మ్‌. టీనేజ్, యంగ్‌స్టర్‌ వైబ్స్‌ ఉన్న కథ. ఎంఎస్‌ రాజుగారి సినిమాలు చూశాను. ఆయన దర్శకత్వంలో సినిమా అనగానే ఎగ్జయిట్‌ అయ్యాను. కథ కూడా నచ్చడంతో వెంటనే ఓకే చెప్పేశాను’’ అని హీరోయిన్‌ మెహర్‌ చాహల్‌ అన్నారు. సుమంత్‌ అశ్విన్, రోహన్‌ హీరోలుగా, కృతికా శెట్టి, మెహర్‌ చాహల్‌ హీరోయిన్లుగా ఎం.ఎస్‌. రాజు దర్శకత్వం వహించిన సినిమా ‘7 డేస్‌ 6 నైట్స్‌’. సుమంత్‌ అశ్విన్‌, రజనీకాంత్‌ నిర్మించిన ఈ సినిమా జూన్‌ 24న విడుదల కానుంది. ఈ సందర్భంగా మెహర్‌ చాహల్‌ విలేకరులతో మాట్లాడుతూ.. ‘‘నేను అస్సాంలో పుట్టాను. మా నాన్నగారు టీ ప్లాంటేషన్స్‌లో పని చేయడం వల్ల దేశంలో చాలా ప్రాంతాలు తిరిగాను. చదవండి: డేటింగ్‌ సైట్‌లో తల్లి పేరు ఉంచిన కూతురు.. అసభ్యకరంగా మెసేజ్‌లు ప్రస్తుతం నా తల్లిదండ్రులతో కలిసి కోల్‌కతాలో ఉంటున్నాను. అయితే సినిమాల కోసం ముంబైలో ఉన్నాను. ముంబైలో నన్ను చూసిన ఎంఎస్‌ రాజుగారు మా మేనేజర్‌తో మాట్లాడారు. హైదరాబాద్‌ వచ్చి ఆడిషన్‌ ఇచ్చాను.. సెలెక్ట్‌ చేశారు. ‘7 డేస్‌ 6 నైట్స్‌’లో నా పాత్ర పేరు రతికా. సుమంత్‌ అశ్విన్‌కి జోడీగా కనిపిస్తాను. ఇందులో నాది బోల్డ్‌ రోల్‌ కాదు. ఇదొక రొమాంటిక్‌ కామెడీ ఎంటర్‌ టైనర్‌. హిందీలో ‘హౌస్‌ఫుల్‌’ సిరీస్‌లో జోక్స్‌ ఎలా ఉంటాయో ఇందులోనూ అలా ఉంటాయి.. సినిమా చూస్తున్నంతసేపు ప్రేక్షకులు ఫుల్‌గా నవ్వుకోవచ్చు. యూత్‌తో పాటు ఫ్యామిలీ మెంబర్స్‌ కూడా చూడదగ్గ సినిమా ఇది’’ అన్నారు.

‘‘7 డేస్‌ 6 నైట్స్‌’లో నా పాత్ర పేరు మంగళం. తర్వాత ఏమవుతుందో అని ఆలోచించకుండా జీవితంలో అనుకున్నది చేస్తాడు. స్నేహితుడు ఆనంద్‌ (సుమంత్‌ అశ్విన్‌)తో కలిసి మంగళం బ్యాచిలర్‌ ట్రిప్‌కి గోవా వెళతాడు. ఆ ట్రిప్‌లో ఏం జరిగింది? అనేది ‘7 డేస్‌ 6 నైట్స్‌’ కథ’’ అని రోహన్‌ అన్నారు.  సుమంత్‌ అశ్విన్, రోహన్‌ హీరోలుగా, కృతికా శెట్టి, మెహర్‌ చాహల్‌ హీరోయిన్లుగా ఎం.ఎస్‌. రాజు దర్శకత్వం వహించిన చిత్రం ‘7 డేస్‌ 6 నైట్స్‌’. సుమంత్‌ అశ్విన్‌ .ఎం, రజనీకాంత్‌ .ఎస్‌ నిర్మించిన ఈ సినిమా ఈ నెల 24న రిలీజవుతోంది. (చదవండి: వాళ్లను విశ్లేషించడం మూర్ఖత్వం!) ఈ సందర్భంగా రోహన్‌ మాట్లాడుతూ– ‘‘నా షో రీల్‌ చూసిన సునీల్‌గారు ఎంఎస్‌ రాజుగారికి చూపించారట. రెండు ఆడిషన్స్‌ తర్వాత నన్ను ఫైనలైజ్‌ చేశారు రాజుగారు. తొలి సినిమాకే కామెడీ చేయడం కష్టం అనుకున్నాను. అయితే ఎంఎస్‌ రాజుగారు ఇచ్చిన కాన్ఫిడెన్స్‌తో చేశాను. మంగళం పాత్ర తెలంగాణ యాసలో మాట్లాడాలి.. అందుకోసం ఈ మధ్య వచ్చిన తెలంగాణ యాస చిత్రాలు చూశాను. నా నిజజీవితానికి ఆపోజిట్‌గా ఉండే మంగళం పాత్ర చేయడం ఛాలెంజింగ్‌గా అనిపించింది. హీరోగానే చేయాలనుకోవడం లేదు.. కథలో ఇంపార్టెన్స్‌ ఉంటే ముఖ్య పాత్రలు కూడా చేస్తాను’’ అన్నారు.  

‘7 డేస్‌ 6 నైట్స్‌’. సుమంత్‌ అశ్విన్, మెహెర్‌ చాహల్, రోహన్, క్రితిక శెట్టి హీరోహీరోయిన్లుగా నటించారు. సుమంత్‌ ఆర్ట్‌ ప్రొడక్షన్స్‌ సమర్పణలో సుమంత్‌ అశ్విన్, రజనీకాంత్‌ .ఎస్‌ నిర్మించారు. వైల్డ్‌ హనీ ప్రొడక్షన్స్‌, వింటేజ్‌ పిక్చర్స్, ఏబీజీ క్రియేషన్స్‌ చిత్రనిర్మాణంలో భాగస్వాములైన ఈ చిత్రం ఈ నెల 24న రిలీజ్‌ కానుంది. తాజాగా ఈ చిత్రం నుంచి కొత్త ట్రైలర్‌ని విడుదల చేశారు. దర్శకుడు ఎంఎస్‌ రాజు మాట్లాడుతూ–‘‘యూత్‌ఫుల్‌ ఎంటర్‌టైనర్‌ ‘7 డేస్‌ 6 నైట్స్‌’. ఈ చిత్రం అన్ని వర్గాల వారిని అలరిస్తుంది. సుమంత్‌ అశ్విన్‌ తన పాత్రలో పూర్తిగా ఒదిగిపోయి నటించాడు. మెహర్‌ చాహల్, రోహన్, క్రితికా శెట్టి తమ పాత్రలకి పూర్తి న్యాయం చేశారు’’ అన్నారు. ‘‘ఆద్యంతం నవ్వించే, కవ్వించే సన్నివేశాలతో అందరికీ నచ్చే యూత్‌ సినిమా ఇది. హైదరాబాద్, బెంగళూరు, ఉడిపి, గోకర్ణ, గోవాలో చిత్రీకరించాం’’ అన్నారు సుమంత్‌ అశ్విన్‌. ఈ చిత్రానికి సంగీతం: సమర్థ్‌ గొల్లపూడి, కెమెరా: నాని చమిడిశెట్టి, కో ప్రొడ్యూసర్స్‌: జె.శ్రీనివాసరాజు, మంతెన రాము. చదవండి: నా సినిమా ఫ్లాప్‌ అయినా కూడా రానా బాగుందనేవాడు పొట్టి బట్టలు వేసుకోవడం తప్పు అనడం లేదు.. సాయిపల్లవి ఆసక్తికర వ్యాఖ్యలు

MS Raju Says Bhumika Serious On Fighter In Okkadu Shooting: ఒక్కడు, వర్షం, నువ్​ వస్తానంటే నేనొద్దంటాన వంటి తదితర బ్లాక్​బస్టర్​ హిట్స్​​ ఇచ్చిన ప్రముఖ నిర్మాత ఎంఎస్ రాజు. నిర్మాతగా ఎన్నో అవార్డులు అందుకున్న ఆయన 2008లో వచ్చిన 'వాన' సినిమాతో డైరెక్టర్​గా మారారు. తర్వాత తూనిగ తూనిగ (2012), డర్టీ హరీ (2020) చిత్రాలతో దర్శకుడిగా కూడా మంచి పేరు తెచ్చుకున్నారు. తాజాగా ఆయన డైరెక్ట్​ చేసిన చిత్రం '7 డేస్​ 6 నైట్స్'​. ఈ మూవీ జూన్ 24న ప్రేక్షకుల ముందుకు రానుంది.  ఈ క్రమంలో ఎంఎస్​ రాజు, ఆయన తనయుడు, హీరో సుమంత్​ అశ్విన్​ ఒక టాక్​ షోలో పాల్గొన్నారు. ఈ ప్రోగ్రామ్​లో అప్పట్లో స్టార్​ హీరోయిన్​గా ఒక వెలుగు వెలిగిన భూమిక గురించి పలు ఆసక్తికర విషయాలు చెప్పుకొచ్చారు. ​ఒక్కడు సినిమా షూటింగ్​ సమయంలో ఫైటర్​పై భూమిక సీరియస్​ అయిందన్న విషయం గురించి హోస్ట్​ అడిగాడు. అందుకు సమాధానంగా 'నేను, మహేశ్ బాబు, భూమిక పక్కపక్కన కూర్చున్నాం. ఒక్కసారిగా భూమిక పైకి లేచింది. ఏం తిట్టిందో తెలియదు. ఇంగ్లీషులో ఏదో తిట్టింది. అదేదో భయంకరంగా ఉంది.' అని ఎంఎస్ రాజు తెలిపారు.  చదవండి: పెళ్లి కాకుండానే బిడ్డకు జన్మనిచ్చిన హీరోయిన్​.. ఇప్పుడు మరో నటుడితో ప్రేమాయణం ఆ పాత్ర నాకు నచ్చలేదు.. కానీ ఒప్పుకున్నా: సత్యరాజ్​

‘డర్టీ హరి’ చిత్రం తర్వాత ఎంఎస్‌ రాజు దర్శకత్వం వహించిన మరో యూత్‌ఫుల్‌ ఎంటర్‌టైనర్‌ ‘7 డేస్‌ 6 నైట్స్‌’. సుమంత్‌ అశ్విన్, రోహన్‌ హీరోలుగా, మెహర్‌ చాహల్, క్రితికా శెట్టి హీరోయిన్లుగా నటించారు. సుమంత్‌ అశ్విన్, రజనీకాంత్‌ .ఎస్‌ నిర్మించారు. ఈ చిత్రాన్ని ఈ నెల 24న విడుదల చేయనున్నట్లు చిత్రయూనిట్‌ ప్రకటించింది. ఎంఎస్‌ రాజు మాట్లాడుతూ– ‘‘ఆకట్టుకునే కథ, స్క్రీన్‌ ప్లే, డైలాగ్స్, విజువల్స్, మ్యూజిక్‌తో ఈ చిత్రం అన్ని వర్గాల ప్రేక్షకులను అలరిస్తుంది’’అన్నారు. ‘‘అందరికీ నచ్చే యూత్‌ఫుల్‌ సినిమా ఇది’’ అన్నారు సుమంత్‌ అశ్విన్‌. ‘‘ఈ చిత్రం బ్లాక్‌ బస్టర్‌ అవుతుందనే నమ్మకం ఉంది’’ అన్నారు సహ నిర్మాతల్లో ఒకరైన జె. శ్రీనివాసరాజు. ఈ చిత్రానికి సంగీతం: సమర్థ్‌ గొల్లపూడి, కెమెరా: నాని చమిడిశెట్టి, ఎగ్జిక్యూటివ్‌ నిర్మాత, కో–డైరెక్టర్‌: యువి సుష్మ, కో ప్రొడ్యూసర్‌: మంతెన రాము.

‘డర్టీ హరి’ తర్వాత ప్రముఖ నిర్మాత ఎమ్‌ఎస్‌ రాజు దర్శకత్వం వహించిన ‘7 డేస్‌ 6 నైట్స్‌’ చిత్రం రిలీజ్‌కు సిద్ధంగా ఉంది. మంగళవారం (మే 10)న ఆయన బర్త్‌ డే. ఈ సందర్భంగా ఎమ్‌ఎస్‌ రాజు దర్శకత్వంలో రానున్న ‘సతి’ ఫస్ట్‌ లుక్‌ రిలీజైంది. సుమంత్‌ అశ్విన్, మెహెర్‌ చాహల్‌ జంటగా నటిస్తున్నారు. సీనియర్‌ నటుడు నరేశ్‌ కీలక పాత్రలో నటించనున్నాడు. రఘురామ్, టి. సారంగ సురేష్‌కుమార్, డా. రవి దాట్ల, సుమంత్‌ అశ్విన్‌ ఈ సినిమాను నిర్మిస్తున్నారు. ‘‘కొత్త దంపతుల మధ్య జరిగే అనుకోని సంఘటనల చుట్టూ అల్లిన కథ ఇది. ఉద్వేగభరిత సన్నివేశాలతో రూపొందిస్తున్న ‘సతి’ నా కెరీర్‌లో గర్వించదగ్గ చిత్రంగా నిలుస్తుంది’’ అన్నారు ఎమ్‌ఎస్‌ రాజు. ఈ సినిమాకు సహనిర్మాత: జె.వాస రాజు.  Presenting you the First Look of our next #Sathi 💥 A @SumanthArtPro proud presentation 😇 Produced By @WildHoneyPro & @RamantraCreate @MSumanthAshwin #MeherChahal @DrRaviPRaju @EditorJunaid @PulagamOfficial pic.twitter.com/zQJMQz8HWO — MS Raju (@MSRajuOfficial) May 10, 2022

‘డర్టీ హరి’ చిత్రం తర్వాత ఎంఎస్‌ రాజు దర్శకత్వం వహించిన రొమాంటిక్‌ ఎంటర్‌టైనర్‌ ‘7 డేస్‌ 6 నైట్స్‌’. సుమంత్‌ అశ్విన్‌–మెహర్‌ చాహల్, రోహన్‌–క్రితికా శెట్టి హీరో హీరోయిన్లుగా నటించారు. సుమంత్‌ ఆర్ట్‌ ప్రొడక్షన్స్‌ సమర్పణలో సుమంత్‌ అశ్విన్‌ .ఎం, రజనీకాంత్‌ .ఎస్‌ నిర్మించిన ఈ సినిమా ట్రైలర్‌ని విడుదల చేశారు. సుమంత్‌ అశ్విన్‌ మాట్లాడుతూ– ‘‘ఒక రోడ్‌ ట్రిప్‌కు వెళ్లిన ఇద్దరు యువకుల కథే ‘7 డేస్‌ 6 నైట్స్‌’. టైటిల్‌ చూసి హారర్‌ చిత్రం అనుకోవద్దు.. ఇదొక కూల్‌ ఎంటర్‌టైనర్‌. నాన్నగారు (ఎంఎస్‌ రాజు) అందంగా చిత్రీకరించారు’’ అన్నారు. ‘‘రాజుగారి నుంచి వచ్చే మరో క్లాసిక్‌ చిత్రమిది’’ అన్నారు చిత్ర సహనిర్మాత జె. శ్రీనివాసరాజు. ఈ చిత్రానికి సంగీతం: సమర్థ్‌ గొల్లపూడి, కెమెరా: నాని చమిడిశెట్టి, సహనిర్మాత: మంతెన రాము.

‘‘చాలా రోజుల తర్వాత మంచి విజయం దక్కింది. సినిమా చూసినవారు బాగుందని అభినందిస్తున్నారు. దర్శకుడు గురు బాగా తీశారు’’ అన్నారు శ్రీకాంత్‌. సుమంత్‌ అశ్విన్, శ్రీకాంత్, భూమిక, తాన్యా హోప్‌ ప్రధాన పాత్రధారులుగా జి. మహేష్‌ నిర్మాణంలో గురు దర్శకత్వంలో రూపొందిన చిత్రం ‘ఇదే మా కథ’. ఈ నెల 2న విడుదలైన ఈ చిత్రానికి ప్రేక్షకుల నుంచి మంచి స్పందన లభిస్తోందని చిత్రబృందం పేర్కొంది.  ఈ సందర్భంగా విలేకర్ల సమావేశంలో సుమంత్‌ అశ్విన్‌ మాట్లాడుతూ – ‘‘ఈ సినిమా కోసం దాదాపు రెండేళ్లు కష్టపడ్డాం. ప్రేక్షకుల ప్రశంసలు మా కష్టాన్ని మర్చిపోయేలా చేస్తున్నాయి’’ అన్నారు. ‘‘మౌత్‌ పబ్లిసిటీతో ముందుకు వెళ్తున్నందువల్లే మా సినిమా సక్సెస్‌మీట్‌ను ఎమోషనల్‌ హిట్‌ అంటున్నాం. ‘మార్నింగ్‌ సినిమా చూశాను... ఈవెనింగ్‌ మా ఫ్యామిలీని కూడా తీసుకుని వెళ్లి సినిమా చూపించాను’ అని ఒకరు ఫోన్‌ చేసి చెప్పారు’’ అన్నారు గురు. ‘‘ఎన్నో వ్యయప్రయాసలకు ఓర్చుకుని ఈ చిత్రాన్ని పూర్తి చేసి, ప్రేక్షకుల ముందుకు తీసుకువచ్చాం. సినిమా చూసినవారు ఎమోషనల్‌గా కనెక్ట్‌ అవుతున్నారు’’ అన్నారు జి. మహేశ్‌. చదవండి: ‘ఇదే మా కథ’ మూవీ రివ్యూ

టైటిల్‌ : ఇదే మా కథ నటీనటులు :  శ్రీకాంత్‌, సుమంత్‌ అశ్విన్‌, భూమిక, తాన్యా హోప్‌ తదితరులు నిర్మాణ సంస్థ :  శ్రీమతి గుర్రప్ప పరమేశ్వర ప్రొడక్షన్స్  నిర్మాత : జీ మహేష్   దర్శకత్వం : గురు పవన్‌  సంగీతం : సునీల్ కశ్యప్  సినిమాటోగ్రఫీ : రాంప్రసాద్ ఎడిటింగ్‌:  జునైద్ సిద్దిఖీ  విడుదల తేది : అక్టోబర్‌ 2,2021 సుమంత్‌ అశ్విన్, శ్రీకాంత్, భూమిక, తాన్యా హోప్‌ ముఖ్య పాత్రల్లో గురు పవన్‌ దర్శకత్వంలో తెరకెక్కిన చిత్రం ‘ఇదే మా కథ’. జి. మహేష్‌ నిర్మించిన ఈ సినిమా శనివారం (అక్టొబర్‌ 2)న థియేటర్ల ద్వారా ప్రేక్షకుల ముందుకు వచ్చింది. మరి ఆ చిత్రం ఎలా ఎందో రివ్యూలో చూద్దాం.  కథేంటంటే..? మహేంద్ర(శ్రీకాంత్‌) క్యాన్సర్‌ బారిన పడిన ఓ బైక్‌ రైడర్‌. తన చివరి లక్ష్యం నెరవేర్చుకోవడం కోసం బైక్‌పై లడఖ్‌కి బయలుదేరుతాడు. లక్ష్మీ (భూమిక) సాధారణ గృహిణి. భర్త, పిల్లలతో సంతోషంగా ఉన్నా ఆమె.. తన తండ్రి చివరి కోరికను తీర్చడం కోసం భర్తను ఎదురించి లడఖ్‌కి బయలుదేరుతుంది. మరోవైపు యూట్యూబర్‌ కమ్‌ బైక్‌ రైడర్‌ అజయ్‌(సుమంత్‌ అశ్విన్‌) ఛాంపియన్ షిప్ సాధించాలని లడఖ్ బయలు దేరుతాడు. ప్రేమ పేరుతో మోసానికి గురైన మేఘన (తాన్యా హోప్) బైక్ రైడింగ్‌కి వెళ్తుంది. వీరంతా అనుకోకుండా మార్గమధ్యలో కలుసుకుంటారు. చావు, బతుకులతో పోరాడుతున్న మహేంద్ర.. బైక్‌పైనే లడఖ్‌కి ఎందుకు వెళ్తాడు?  అనుకోకుండా కలిసే ఈ నలుగురు బైక్‌ రైడర్స్‌ వారి కష్టాలను ఎలా పంచుకున్నారు? ఎలా పరిష్కరించుకున్నారు? అన్నదే ‘ఇదే మా కథ’ స్టోరీ.   ఎవరెలా చేశారంటే.. భగ్న ప్రేమికుడు మహేంద్ర పాత్రలో శ్రీకాంత్‌ అద్భుతంగా నటించాడు. సినిమా భారాన్ని మొత్తం తన భూజాన వేసుకొని నడిపించాడు. సాధారణ గృహిణి లక్ష్మీ పాత్రలో భూమిక ఒదిగిపోయింది. కుటుంభ బాధ్యతలు మోస్తూనే.. తండ్రి ఆశయం కోసం మోటార్ రంగంలో కొత్త ఆవిష్కరణలు సాధించే మహిళగా భూమిక తనదైన నటనతో మెప్పించింది. ఇక బైక్‌ రైడర్‌ అజయ్‌గా  సుమంత్‌ అశ్విన్ అదరగొట్టేశాడు. చాలా హూషారైన పాత్ర తనది. కొత్తలుక్‌తో చాలా కాన్ఫిడెన్స్‌గా నటించాడు. ఇక మేఘనగా తాన్యా హూప్‌ పర్వాలేదనిపించింది. తెరపై చాలా అందంగా కనిపించింది. సప్తగిరి, పృథ్వీ, జబర్దస్త్ రాంప్రసాద్ తమదైన కామెడీతో నవ్వించారు. శ్రీకాంత్ అయ్యంగార్,సుబ్బరాజు తదితరులు తమ పాత్రల పరిధిమేర నటించారు.  ఎలా ఉందంటే..? నలుగురు బైక్‌ రైడర్స్‌ జీవితాలకు సంబంధించిన ఎమోషనల్‌ కథే ‘ఇదే మా కథ’మూవీ. నలుగురు వ్యక్తుల జీవితంతో చోటు చేసుకున్న సమస్యలు, వాటిని సమర్థవంతంగా ఎదుర్కొని ఎలా తమ లక్ష్యాలను నెరవేర్చుకున్నారనే నేపథ్యంలో కథ నడుస్తుంది. కంప్లీట్ రోడ్ జర్నీగా సాగే ఈ కథకి ఎమోషనల్‌ టచ్‌ ఇచ్చి ప్రేక్షకులను మెప్పించే ప్రయత్నం చేశాడు దర్శకుడు గురు పవన్. రొటీన్‌ కథే అయినప్పటికీ.. కథనాన్ని ఇంట్రెస్టింగ్‌ నడిపించాడు. అయితే కొన్ని సన్నివేశాలు మాత్రం స్లోగా సాగుతూ ప్రేక్షకుడి సహనాన్ని పరీక్షిస్తాయి.  ఫస్టాఫ్‌లో పాత్రలను పరిచయం చెయ్యడానికి దర్శకుడు ఎక్కువ సమయం తీసుకున్నాడు. నలుగురు కలిశాక కానీ సినిమాపై ఆసక్తి పెరగదు. మధ్యలో వచ్చే  సప్తగిరి, రాంప్రసాద్,  పృథ్వీ ల కామెడీ ఆకట్టుకుంటుంది. ముఖ్యంగా సప్తగరి పంచ్‌లు.. నవ్వులు పూయిస్తుంది. ఎమోషనల్ కంటెంట్‌ని ఇంకా ఎలివేట్‌ చేసి ఉంటే ఈ మూవీ మరోస్థాయికి వెళ్లేది. సాంకేతిక విభాగం విషయానికి వస్తే.. సునీల్‌ కశ్యప్‌ నేపథ్య సంగీతం బాగుంది. పాటలు సందర్భోచితంగా వస్తాయి.  సి. రామ్‌ప్రసాద్ సినిమాటోగ్రఫి సినిమాకు హైలెట్‌. బైక్‌ విన్యాసాలతో పాటు సానా సన్నివేశాలను బ్యూటిఫుల్‌గా చిత్రీకరించారు. నిర్మాణ విలువలు సినిమా స్థాయికి తగినట్లుగా ఉన్నాయి. 

‘జీవితం అంటే ఏంటి? మన లక్ష్యాలను చేరుకునేందుకు ఎంతలా కష్టపడాలి? అనేది ‘ఇదే మా కథ’ చిత్రంలోని సందేశం’’ అని శ్రీకాంత్‌ అన్నారు. సుమంత్‌ అశ్విన్, శ్రీకాంత్, భూమిక, తాన్యా హోప్‌ ముఖ్య పాత్రల్లో గురు పవన్‌ దర్శకత్వంలో తెరకెక్కిన చిత్రం ‘ఇదే మా కథ’. జి. మహేష్‌ నిర్మించిన ఈ సినిమా శనివారం విడుదల కానుంది. ఈ సందర్భంగా శ్రీకాంత్‌ మాట్లాడుతూ– ‘‘అనుకోకుండా కలిసే నలుగురు బైక్‌ రైడర్స్‌ వారి కష్టాలను ఎలా పంచుకున్నారు? ఎలా పరిష్కరించుకున్నారు? అన్నది ‘ఇదే మా కథ’లో ఆసక్తిగా ఉంటుంది. ఇందులో మహేంద్ర పాత్ర చేశాను. 24 ఏళ్ల క్రితం మిస్‌ అయిన అమ్మాయిని కలుసుకునేందుకు లడఖ్‌కి వెళ్లే పాత్ర నాది. బైక్‌లోనే ఎందుకు వెళ్తాడు? అనేదానికి కూడా ఓ కథ ఉంటుంది. కులుమనాలి నుంచి లడఖ్‌ వరకు బైక్‌ మీద షూటింగ్‌ చేశాం. నేను ఇండస్ట్రీకి వచ్చిన కొత్తలో బైక్‌ మీదే తిరిగేవాణ్ణి. చెన్నై నుంచి హైదరాబాద్‌కు కూడా బైక్‌ మీదే వచ్చేవాణ్ణి. మామూలుగా బైకర్స్‌ అంతా ఢిల్లీలో కలుస్తుంటారు. ఈ గ్రూపుల్లో కలిసినవాళ్లు జీవితాంతం ఫ్రెండ్స్‌గా ఉంటుంటారు. వారి జీవిత కష్టాలను కూడా ఈ సినిమాలో చూపించాం’’ అన్నారు. ‘‘సాయితేజ్‌ క్షేమంగా ఉన్నారు. ఈ రోజు (గురువారం) కూడా తనతో మాట్లాడాను. తను నటించిన ‘రిపబ్లిక్‌’ పెద్ద హిట్టవ్వాలి’’ అన్నారు శ్రీకాంత్‌.

‘‘యాక్టర్‌గా నా జర్నీ పట్ల సంతృప్తిగానే ఉన్నాను. ప్రతి సినిమా ఓ కొత్త అనుభూతే. ఈ ప్రయాణంలో చాలా విషయాలు నేర్చుకున్నాను. ఇప్పుడు నిర్మాతగా కూడా సినిమాలు తీస్తున్నాను. ప్రొడ్యూసర్‌ అంటే అంతా పక్కాగా ప్లాన్‌ చేసుకోవాలి. నిర్మాతల కష్టం ఏంటో ఇప్పుడు నాకు ఇంకా బాగా తెలుస్తోంది’’ అన్నారు సుమంత్‌ అశ్విన్‌. గురు దర్శకత్వంలో సుమంత్‌ అశ్విన్, శ్రీకాంత్, భూమికా చావ్లా, తాన్యా హోప్‌ ప్రధాన పాత్రల్లో నటించిన చిత్రం ‘ఇదే మా కథ’. మనోరమ సమర్పణలో మహేశ్‌ గొల్లా నిర్మించిన ఈ చిత్రం అక్టోబర్‌ 2న విడుదల కానుంది. ఈ సందర్భంగా ఈ చిత్ర హీరో సుమంత్‌ అశ్విన్‌ చెప్పిన విశేషాలు. ► ఈ సినిమాలో ఒక్కొక్కరికీ ఒక్కో గోల్‌ ఉంటుంది. శ్రీకాంత్‌గారికి లడక్‌లో ఓ స్టోరీ ఉంటుంది. పాత్ర ప్రకారం ఆయన కోరుకుంటే ప్రైవేట్‌ జెట్‌ ఫ్లయిట్‌లో వెళ్లొచ్చు. కానీ బైక్‌ రైడ్‌ అంటే ఇష్టంతో బైక్‌లో స్టార్ట్‌ అవుతారు. తండ్రి ఆశయాన్ని పూర్తి చేయడం కోసం భూమికగారు, మా గోల్స్‌ను ఫుల్‌ఫిల్‌ చేసుకోవడం కోసం నేను, తాన్య రోడ్‌ జర్నీని బైక్‌పై మొదలుపెడతాం. మేమంతా ఎక్కడ కలుసుకున్నాం? మా జర్నీ ఏమైంది? గోల్స్‌ రీచ్‌ అయ్యామా లేదా? అనేది కథ. ► తెలుగులో రోడ్‌ ఫిలిమ్స్‌ చాలా తక్కువ. క్లైమాక్స్‌లో మంచుపై రైడ్‌ సీన్స్‌ ఉంటాయి. రోడ్డుపై అంటే ఓకే.. కానీ మంచుపై కష్టం. అందుకే బాగా ప్రాక్టీస్‌ చేశాం. భూమికగారు ధైర్యవంతురాలు. డూప్స్‌ను పెట్టుకునే వీలు ఉన్నప్పటికీ ఆమె ఒప్పుకోలేదు. ► తాన్యాతో నా లవ్‌ట్రాక్‌ న్యాచురల్‌గా ఉంటుంది. డైరెక్టర్‌ గురు ఈ సినిమా కోసం బైక్స్‌పై చాలా పరిశోధన చేశారు. ఏ బైక్‌కు ఎంత సీసీ ఉంటుంది? బైక్‌ గేర్లు ఇలాంటివాటిపై ఆయనకు అవగాహన ఉంది. ► ఒకే రకమైన సినిమాలు తీయడం నాన్నగారి (నిర్మాత, దర్శకుడు ఎమ్‌ఎస్‌ రాజు)కి నచ్చదు. సినిమాకు చెందిన అన్ని కోణాలను టచ్‌ చేయాలనుకుంటారు. ఆయన డైరెక్షన్‌లో నేను హీరోగా నటించిన ‘7 డేస్‌ 6 నైట్స్‌’ షూటింగ్‌ పూర్తయింది.

సుమంత్‌ అశ్విన్‌, తాన్యా హోప్‌ జంటగా నటించిన చిత్రం 'ఇదే మా కథ' రోడ్‌ జర్నీ నేపథ్యంలో తెరకెక్కిన ఈ చిత్రానికి గురు పవన్ దర్శకత్వం వహించారు.  తాజాగా ఈ సినిమా కాన్సెప్ట్‌ టీజర్‌ను హీరో విక్టరీ వెంకటేశ్‌ రిలీజ్‌ చేశారు. ఈ సందర్భంగా మూవీ టీంకు ఆయన శుభాకాంక్షలు తెలిపారు. శ్రీకాంత్, భూమికా చావ్లా ముఖ్య పాత్రలు పోషించారు. మ‌తి మ‌నోర‌మ స‌మ‌ర్ప‌ణ‌లో గుర‌ప్ప ప‌ర‌మేశ్వ‌ర ప్రొడ‌క్ష‌న్స్ ప‌తాకంపై మహేష్ గొల్లా నిర్మించిన ఈ సినిమాను నిర్మించారు. సునీల్ కశ్యప్ సంగీతం అందించారు. త్వరలోనే ఈ సినిమా థియేటర్స్‌లో విడుదల కానుంది.  చదవండి: నేను ఇన్‌స్టాల్‌మెంట్స్‌లో ప్రేమించను: నటి

‘‘7 డేస్‌ 6 నైట్స్‌’ చిత్రంతో మా అబ్బాయి సుమంత్‌ అశ్విన్‌ని నిర్మాతగా పరిచయం చేయడం హ్యాపీగా ఉంది. ఆకట్టుకునే సీన్స్, అద్భుతమైన విజువల్స్‌తో హృదయాన్ని హత్తుకునేలా ఈ కథ ఉంటుంది. ఎన్నో సూపర్‌ హిట్‌ చిత్రాలు నిర్మించిన మా సుమంత్‌ ఆర్ట్‌ ప్రొడక్షన్స్‌కి ఈ చిత్రంతో పూర్వ వైభవం వస్తుంది’’ అన్నారు ఎంఎస్‌ రాజు. సుమంత్‌ అశ్విన్, మెహర్‌ చావల్, రోహన్, క్రితికా శెట్టి హీరో హీరోయిన్లుగా నటించిన చిత్రం ‘7 డేస్‌ 6 నైట్స్‌’. సుమంత్‌ ఆర్ట్‌ ప్రొడక్షన్స్‌ సమర్ప ణలో ఎంఎస్‌ రాజు దర్శకత్వంలో సుమంత్‌ అశ్విన్‌ .ఎం, రజనీకాంత్‌ .ఎస్‌ నిర్మించిన ఈ సినిమా త్వరలో విడుదల కానుంది. ‘‘నిర్మాణం– దర్శకత్వం ఏదయినా నాన్నగారు ఎంతో పట్టుదలతో, ఇష్టంతో చేస్తారు’’ అన్నారు సుమంత్‌ అశ్విన్‌.  ఈ చిత్రానికి ఎగ్జిక్యూటివ్‌ నిర్మాత, కో–డైరెక్టర్‌: యూవీ సుష్మ, సహనిర్మాతలు: జె. శ్రీనివాసరాజు, మంతెన రాము. చదవండి : ఆ స్టార్‌ హీరో సినిమా చూసి కన్నీరు పెట్టుకున్న రకుల్‌! అఫీషియల్‌ ప్రోమో: అమెజాన్‌లో 'టక్‌ జగదీష్‌'  

‘డర్టీ హరి’ తర్వాత ఎం.ఎస్‌. రాజు దర్శకత్వం వహిస్తున్న తాజా చిత్రం ‘7 డేస్‌ 6 నైట్స్‌’. సుమంత్‌ అశ్విన్, మెహెర్‌ చాహల్, రోహన్, క్రితికి హీరో హీరోయిన్లుగా నటిస్తున్నారు. సుమంత్‌ ఆర్ట్‌ ప్రొడక్షన్స్‌ సమర్పణలో ఎం. సుమంత్‌ అశ్విన్, ఎస్‌. రజనీకాంత్‌ నిర్మిస్తున్నారు. గోవా షెడ్యూల్‌ ముగించుకున్న చిత్రబృందం హైదరాబాద్‌ వచ్చేసింది. ఈ సందర్భంగా ఎం.ఎస్‌. రాజు మాట్లాడుతూ.. ‘విభిన్నమైన కథనం, సన్నివేశాలతో  ‘7 డేస్‌ 6 నైట్స్‌’ కథ ఆసక్తికరంగా ఉంటుంది. సుమంత్‌ తన కెరీర్‌లోనే బెస్ట్‌ పెర్ఫార్మెన్స్‌ ఇచ్చాడు. ఈ చిత్రం ద్వారా 16 మంది కొత్తవారిని పరిచయం చేస్తున్నాం. గోవాలో ముఖ్యమైన సన్నివేశాలు చిత్రీకరించాం. గోవాలో భారీ వర్షాలు కురుస్తున్నా, కరోనా నియమాలు కఠినంగా అమలవుతున్నప్పటికి తగిన జాగ్రత్తలు తీసుకుంటూ...100 మంది బృందంతో, 4 కెమెరాలతో తెరకెక్కించాం. తర్వాతి షెడ్యూల్‌ను మంగళూరు, ఉడుపిలో ప్లాన్‌ చేశాం’ అన్నారు. అలాగే సహా నిర్మాత జె శ్రీనివాసరాజు మాట్లాడుతూ.. చిత్రీకరణ చివరి దశలో ఉండగానే మరోవైపు నిర్మాణానంతర కార్యక్రమాలు జరుగుతున్నాయని తెలిపారు. 

'డర్టీహరి'తో డైరెక్టర్‌గా మారిన ఎమ్మెస్‌ రాజు  తెరకెక్కిస్తున్న మరో చిత్రం  '7 డేస్‌ 6 నైట్స్‌'. సుమంత్‌ అశ్విన్‌, ఎం. రజనీకాంత్‌ సంయుక్తంగా నిర్మిస్తున్న ఈ సినిమాలో సమంత్ అశ్విన్ హీరోగా నటిస్తున్నారు. అశ్విన్ సరసన మెహర్ చావల్ అనే కొత్త అమ్మాయి హీరోయిన్‌గా పరిచయం కానుంది. తాజాగా ఈ సినిమా ఫస్ట్‌ లుక్‌ పోస్టర్‌ను చిత్ర బృందం విడుదల చేసింది. ఇప్పటికే 60 శాతం షూటింగ్‌ కంప్లీట్‌ చేసుకున్న ఈ మూవీ తర్వాతి షెడ్యూల్‌ ఈ నెల 28 నుంచి ఉంటుందని  డైరెక్టర్‌ ఎమ్మెస్‌ రాజు తెలిపారు. ఇక రోహన్, కృతికా శెట్టి సైతం ఈ సినిమాలో కీలకపాత్రల్లో కనిపించనున్నారు. సమర్థ్‌ గొల్లపూడి సంగీతం అందిస్తున్నారు.  Here's the first look of a refreshing tale of love n life #7Days6Nights Stay tuned for an @MSRajuOfficial directorial @SumanthArtPro @MSumanthAshwin @RajnikantSOffl @SamarthGollapu5 @EditorJunaid @WildHoneyPro #WintagePictures @AbgCreations @PulagamOfficial pic.twitter.com/C4Z1RRMbeu — BARaju's Team (@baraju_SuperHit) July 22, 2021

'డర్టీ హరి' చిత్రం తర్వాత ఎంఎస్‌ రాజు దర్శకత్వం వహిస్తున్న తాజా చిత్రం '7 డేస్‌ 6 నైట్స్‌'. సుమంత్‌ అశ్విన్‌, ఎం. రజనీకాంత్‌ ఎస్‌. నిర్మిస్తున్న ఈ సినిమా షూటింగ్‌, హైదరాబాద్‌లో ప్రారంభమైంది. ఎంఎస్‌ రాజు మాట్లాడుతూ.. 'ఇదొక కూల్‌ అండ్‌ న్యూ ఏజ్‌ ఎంటర్‌టైన్‌మెంట్‌ సర్‌. వినోదానికి మంచి అవకాశం ఉంది. నటీనటుల వివరాల్ని గోప్యంగా ఉంచాం' అన్నారు. 'జూలై 10 వరకు హైదరాబాద్‌లో చిత్రీకరిస్తాం. ఆ తర్వాత 15 నుంచి గోవా, మంగుళూరు, ఉడిపి, అండమాన్‌- నికోబార్‌ దీవుల్లో చిత్రీకరిస్తాం. సెప్టెంబర్‌లో చిత్రాన్ని విడుదల చేస్తాం' అన్నారు సుమంత్‌ అశ్విన్‌. ఈ చిత్రానికి సంగీతం: సమర్థ్‌ గొల్లపూడి, కెమెరా: నాని చమిడిశెట్టి, లైన్‌ ప్రొడ్యూసర్‌: జె.శ్రీనివాసరాజు, ఎగ్జిక్యూటివ్‌ నిర్మాత: యువి సుష్మ, కో ప్రొడ్యూసర్‌: ఎం.రాము. చదవండి: '7 డేస్‌ 6 నైట్స్‌'.. డర్టీ హరీని మించి ఉంటుంది

‘శత్రువు’, ‘దేవి’, ‘మనసంతా నువ్వే’, ‘ఒక్కడు’, ‘వర్షం’, ‘నువ్వొస్తానంటే నేనొద్దంటానా’ వంటి విజయవంతమైన చిత్రాలను నిర్మించిన ఎంఎస్‌ రాజు దర్శకునిగా మారిన సంగతి తెలిసిందే. గత ఏడాది ‘డర్టీ హరి’తో దర్శకుడిగా మంచి విజయం అందుకున్న ఎంఎస్‌ రాజు పుట్టినరోజు నేడు (మే 10). ఈ సందర్భంగా దర్శకుడిగా తన తదుపరి చిత్రాన్ని ప్రకటించారు. సుమంత్‌ ఆర్ట్‌ ప్రొడక్షన్స్‌ సమర్పణలో వైల్డ్‌ హనీ ప్రొడక్షన్‌ పతాకంపై ‘7 డేస్‌ 6 నైట్స్‌’ పేరుతో ఈ చిత్రం తెరకెక్కనుంది. వింటేజ్‌ పిక్చర్స్, ఏబీజీ క్రియేషన్స్‌ వారు ఈ చిత్ర నిర్మాణంలో భాగస్వాములు. సుమంత్‌ అశ్విన్, రజనీకాంత్‌ .ఎస్‌ నిర్మాతలు. ఈ సందర్భంగా సుమంత్‌ అశ్విన్‌ మాట్లాడుతూ– ‘‘జూన్‌ 7న ‘7 డేస్‌ 6 నైట్స్‌’ చిత్రీకరణ ప్రారంభించాలనుకుంటున్నాం. హైదరాబాద్, గోవా, మంగుళూరు, అండమాన్‌ నికోబార్‌ దీవుల్లో షూటింగ్‌ చేయనున్నాం. ప్రస్తుతానికి నటీనటుల వివరాలు గోప్యంగా ఉంచుతున్నాం’’ అన్నారు. ఎంఎస్‌ రాజు మాట్లాడుతూ– ‘‘న్యూ ఏజ్‌ రొమాంటిక్‌ కామెడీ ఎంటర్‌టైనర్‌ చిత్రమిది. ‘డర్టీ హరి’ని మించి ఉంటుంది’’ అన్నారు. ఈ చిత్రానికి సంగీతం: సమర్థ్‌ గొల్లపూడి, కెమెరా: నాని చమిడిశెట్టి, లైన్‌ ప్రొడ్యూసర్‌: జె. శ్రీనివాసరాజు, ఎగ్జిక్యూటివ్‌ నిర్మాత: యువి సుష్మ, కో ప్రొడ్యూసర్‌: మంతెన రాము.

ప్రముఖ నిర్మాత ఎంఎస్‌ రాజు కుమారుడు, యంగ్‌ హీరో సుమంత్‌ అశ్విన్‌ కొత్త జర్నీని మొదలుపెట్టబోతున్నాడు. ఇటీవల పెళ్లి చేసుకున్న ఆయన నటనకి కాస్త విరామం ఇచ్చి నిర్మాతగా రాణించాలనుకుంటున్నాడు. వైల్డ్ హనీ ప్రొడక్షన్స్ పేరుతో సొంత నిర్మాణ సంస్థను ప్రారంభించి సినిమాలు నిర్మించబోతున్నాడు. తన తొలి సినిమాకి తండ్రి ఎంఎస్‌ రాజు దర్శకత్వం వహించబోతున్నారట. కామెడీ ఎంటర్‌టైనర్‌గా తెరకెక్కబోతున్న ఈ సినిమాకి 7 డేస్… 6 నైట్స్ టైటిల్ ఫిక్స్ చేశారట. కాగా, నిర్మాత ఎంఎస్‌ రాజు ఇటీవల 'డర్టీ హరి' సినిమాతో దర్శకుడిగా మంచి హిట్‌ అందుకున్న విషయం తెలిసిందే. ఈ మూవీ అందించిన స‌క్సెస్ జోష్‌తోనే కొడుకు నిర్మాణ సంస్థలో కొత్త చిత్రాన్ని తెరకెక్కించబోతున్నాడు. తర్వలోనే ఈ సినిమాకు సంబంధించి పూర్తి వివరాలు వెల్లడికానున్నట్లు సమాచారం. ఇక సుమంత్‌ విషయానికి వస్తే.. తూనీగ తూనీగ సినిమాతో హీరోగా ఎంట్రీ ఇచ్చాడు. ఆ తర్వాత కేరింత, కొలంబస్, ఫ్యాషన్ డిజైనర్ సన్నాఫ్ లేడీస్ టైలర్, హ్యాపీ వెడ్డింగ్, ప్రేమకథ చిత్రం 2 చిత్రాల్లో హీరోగా నటించి మెప్పించాడు. 

'వర్షం', 'నువ్వొస్తానంటే నేనొద్దంటానా'' వంటి హిట్‌ చిత్రాల నిర్మాత ఎమ్‌ఎస్‌ రాజు ఏకైక కుమారుడు, టాలీవుడ్‌ యంగ్‌ హీరో సుమంత్‌ అశ్విన్‌ ఓ ఇంటివాడైన విషయం తెలిసిందే. ఫిబ్రవరి 13న అత్యంత దగ్గరి బంధువుల సమక్షంలో దీపిక మెడలో మూడు ముళ్లు వేసి ఆమెను ఇల్లాలిని చేసుకున్నాడు. కరోనా నేపథ్యంలో టాలీవుడ్‌ సెలబ్రిటీలు ఈ పెళ్లికి హాజరు కాలేకపోయారు. అయితే నెట్టింట మాత్రం విషెస్‌ తెలిపారు. ఈ క్రమంలో తాజాగా బాహుబలి ప్రభాస్‌.. సుమంత్‌కు పెళ్లి శుభాకాంక్షలు చెప్తూ ప్రత్యేక బహుమతి పంపాడు. ఇందులో ఓ పుష్పగుచ్ఛంతో పాటు పట్టు వస్త్రాలు కూడా ఉన్నట్లు తెలుస్తోంది. "కొత్త జీవితాన్ని ఆరంభించిన నూతన వధూవరులకు శుభాకాంక్షలు తెలియజేస్తూ ప్రభాస్‌ బొకేతో పాటు కానుకలు పంపాడు" అని చెప్తూ ఎమ్‌ఎస్‌ రాజు ఈ గిఫ్ట్‌ ఫొటోలను ట్విటర్‌లో షేర్‌ చేశాడు. #Prabhas sends gifts to #SumanthAshwin, wishing on his marriage with Deepika. Thank You for ur wishes Darling ❤️ pic.twitter.com/PVx14g9YGb — MS Raju (@MSRajuOfficial) February 17, 2021 కాగా నిర్మాతగా ఎమ్‌ఎస్‌ రాజు వర్షం సినిమాతో ప్రభాస్‌కు బ్లాక్‌బస్టర్‌ హిట్‌నిచ్చిన విషయం తెలిసిందే. ఆ తరువాత పౌర్ణమి సినిమాను కూడా ఎమ్‌ఎస్‌ రాజే నిర్మించాడు. ఈ రెండు సినిమాలు ప్రభాస్‌ సినీ కెరీర్‌లోనే ప్రత్యేకమైనవి కావడం విశేషం. చదవండి: 

ప్రముఖ నిర్మాత ఎమ్‌ఎస్‌ రాజు కుమారుడు, టాలీవుడ్‌ యంగ్‌ హీరో సుమంత్‌ అశ్విన్‌ ఓ ఇంటివాడయ్యాడు. హైదరాబాద్ కు చెందిన దీపికతో అతని వివాహం నగర శివార్లలోని ఫామ్ హౌస్ లో ఇరు వర్గాల కుటుంబ సభ్యుల సమక్షంలో జరిగింది.  కరోనా నేపథ్యంలో కేవలం కుటుంబ సభ్యులు, కొద్ది మంది బంధువులు మాత్రమే ఈ వివాహ వేడుకకి హాజరయ్యారు.  'తూనీగ తూనీగ' సినిమాతో హీరోగా టాలీవుడ్‌లోకి ఎంట్రీ ఇచ్చాడు సుమంత్‌. ఆతర్వాత ‘కేరింత’, ‘లవర్స్’‌, ‘ప్రేమకథా చిత్రం-2’ సినిమాల్లో నటించాడు. తాజాగా సుమంత్‌ నటించిన ‘మా కథ’ మూవీ కూడా మార్చి 19న విడుదలకు సిద్దంగా ఉంది

ప్రముఖ నిర్మాత ఎమ్‌ఎస్‌ రాజు ఎకైక కూమారుడు, యువ హీరో సుమంత్‌ అశ్విన్‌ పెళ్లి పీటలు ఎక్కబోతున్న సంగతి తెలిసిందే. హైదరాబాద్‌కు చెందిన దీపిక అనే అమ్మాయి మెడలో శనివారం(ఫిబ్రవరి 13)సుమంత్‌ మూడుముళ్లు వేయనున్నాడు. ఈ నేపథ్యంలో గురువారం ఈ కొత్త జంట హల్దీ ఫంక్షన్‌ వేడుకను జరుపుకుంది. ఈ ఫంక్షన్‌లో సుమంత్ ‘కేరింత’‌ మూవీ సహా నటుడు విశ్వంత్‌, మరికొందరు నటీనటులు సందడి చేశారు. (చదవండి: దీపికతో సుమంత్‌ అశ్విన్‌ వివాహం) ఇందుకు సంబంధించిన ఫోటోలు ప్రస్తుతం సోషల్‌ మీడియాలో వైరల్‌ అవుతున్నాయి. కాగా కరోనా నేపథ్యంలో కేవలం కుటుంబ సభ్యులు, కొద్ది మంది బంధువులు, సన్నిహితుల సమక్షంలో హైదరాబాద్‌ పట్టణ శివారులోని వారి ఫాంహౌజ్‌లో సుమంత్‌-దీపికల వివాహ మహోత్సవం జరగనుంది. ‘తూనిగ తూనిగ’ మూవీతో హీరోగా టాలీవుడ్‌ ఎంట్రీ ఇచ్చిన సుమంత్‌ ఆ తర్వాత ‘కేరింత’, ‘లవర్స్’‌, ‘ప్రేమకథా చిత్రం-2’ లలో హీరోగా నటించాడు. తాజాగా సుమంత్‌ నటించిన ‘మా కథ’ మూవీ కూడా మార్చి 19న విడుదలకు సిద్దంగా ఉంది. (చదవండి: ‘నలుగురు అపరిచితులు.. గమ్యం ఒకటే’)

వర్షం, నువ్వొస్తానంటే నేనొద్దంటానా?, ఒక్కడు వంటి బ్లాక్‌బస్టర్‌ చిత్రాల నిర్మాత ఎమ్‌ఎస్‌ రాజు ఇంట పెళ్లి బాజాలు మోగనున్నాయి. ఆయన ఏకైక కుమారుడు, హీరో సుమంత్‌ అశ్విన్‌ పెళ్లికి రెడీ అయ్యాడు. హైదరాబాద్‌కు చెందిన దీపిక అనే అమ్మాయి చిటికన వేలు పట్టుకుని ఏడడుగులు నడవనున్నాడు. ఫిబ్రవరి 13న వేదమంత్రాల సాక్షిగా ఈ వివాహం జరగనుంది. కరోనా నిబంధనలను దృష్టిలో పెట్టుకుని కేవలం ఇరు కుటుంబాలు, అత్యంత సన్నిహితుల మధ్యే ఈ పెళ్లి వేడుక జరగనున్నట్లు ఎమ్‌ఎస్‌ రాజు తెలిపాడు. (చదవండి: నమ్రత పోస్టుపై హర్ట్‌ అయిన నిర్మాత ఎమ్‌ఎస్‌ రాజు) సుమంత్‌ కెరీర్‌ విషయానికొస్తే.. తండ్రి ఎమ్‌ఎస్‌ రాజు డైరెక్షన్‌లో 'తూనీగ తూనీగ' సినిమా ద్వారా వెండితెరపై అడుగు పెట్టాడు. కానీ ఈ సినిమా అంచనాలను అందుకోలేక బొక్కబోర్లాపడింది. తర్వాత ఇంద్రగంటి మోహన్‌ కృష్ణ దర్శకత్వంలో చేసిన 'అంతకు ముందు ఆ తరువాత' హిట్‌ టాక్‌ సొంతం చేసుకుంది. ఇక మూడో చిత్రం 'లవర్స్'‌ మాత్రం అతడికి కమర్షియల్‌ బ్రేకిచ్చి హీరోగా నిలబెట్టింది. కేరింతతో బిగ్‌ సక్సెస్‌ అందుకున్నాడు. ప్రస్తుతం ఇతడు శ్రీకాంత్‌, భూమిక, తాన్యా హోప్‌తో కలిసి 'ఇదే మా కథ'(రైడర్స్‌ స్టోరీ)లో నటిస్తున్నాడు. ఈ సినిమాకు గురుపవన్‌ దర్శకత్వం వహిస్తున్నారు. ఇక ఎమ్‌ఎస్‌ రాజు విషయానికొస్తే.. ఆయన సక్సెస్‌ఫుల్‌ నిర్మాతగానే కాదు, మంచి దర్శకుడిగానూ పేరు తెచ్చుకున్నాడు. తూనీన తూనీగ, వాన సినిమాలకు డైరెక్షన్‌ చేసిన ఆయన ఈ మధ్య డర్టీ హరి సినిమాకు దర్శకత్వం వహించాడు. (చదవండి: పుష్ప రిలీజ్‌ డేట్‌పై సుకుమార్‌ అసంతృప్తి!) We're immensely Happy to announce the wedding of our son Chi. #Sumanth with Chi. #Deepika on Feb 13th 2021. Given the unusual times, the wedding is going to be a very private affair. Although we deeply miss ur presence, we shall rejoice your love & blessings to the newly weds ❤️ pic.twitter.com/mU3lPZibs3 — MS Raju (@MSRajuOfficial) February 3, 2021

ప్రముఖ నిర్మాత, డర్టీ హరి దర్శకుడు ఎమ్‌ఎస్‌ రాజు ఇంట్లో త్వరలోనే పెళ్లి బాజాలు మోగనున్నట్లు తెలుస్తోంది. ఆయన తనయుడు, హీరో సుమంత్‌ అశ్విన్‌ తొందర్లోనే ఓ ఇంటివాడు కాబోతున్నట్లు సమాచారం. దీపిక అనే అమ్మాయితో ఆయన వివాహం జరగనున్నట్లు వార్తలు వినిపిస్తున్నాయి. కరోనా కాలం కాబట్టి తక్కువ మంది సమక్షంలోనే అదీ హైదరాబాద్‌లోనే ఈ పెళ్లి తంతును కానిచ్చేందుకు ప్లాన్‌ చేస్తున్నారట. నెట్టింట వైరల్‌గా మారిన ఈ వార్తల్లో ఎంతవరకు నిజముందనేది తెలియాలంటే హీరో సుమంత్‌ అధికారికంగా ప్రకటించేవరకు వేచిచూడాల్సిందే! (చదవండి: మూగజీవాన్ని రక్షించిన హీరో, రేణూ ప్రశంస) ఇక సుమంత్‌ కెరీర్‌ విషయానికి వస్తే.. తండ్రి ఎమ్‌ఎస్‌ రాజు డైరెక్షన్‌లో 'తూనీగ తూనీగ' సినిమా ద్వారా వెండితెరపై అడుగు పెట్టాడు. కానీ ఈ సినిమా బాక్సాఫీస్‌ దగ్గర బోల్తాకొట్టింది. తర్వాత ఇంద్రగంటి మోహన్‌ కృష్ణ దర్శకత్వంలో చేసిన 'అంతకు ముందు ఆ తరువాత' హిట్‌ టాక్‌ సొంతం చేసుకోవడంతో కొంత బూస్ట్‌ వచ్చినట్లైంది. ఇక మూడో చిత్రం 'లవర్స్'‌ మాత్రం అతడికి కమర్షియల్‌ బ్రేకిచ్చి హీరోగా నిలబెట్టింది. ప్రస్తుతం ఇతడు శ్రీకాంత్‌, భూమిక, తాన్యా హోప్‌తో కలిసి 'ఇదే మా కథ'(రైడర్స్‌ స్టోరీ)లో నటిస్తున్నాడు. ఈ సినిమాకు గురుపవన్‌ దర్శకత్వం వహిస్తున్నారు. (చదవండి: నమ్రత పోస్టుపై హర్ట్‌ అయిన నిర్మాత ఎమ్‌ఎస్‌ రాజు)

రోడ్డు ప్రయాణం నేపథ్యంలో తెరకెక్కుతున్న చిత్రం ‘ఇదే మా కథ’. (రైడర్స్‌ స్టోరి అనేది ఉపశీర్షిక). సుమంత్‌ అశ్విన్, శ్రీకాంత్, భూమిక, తాన్యా హోప్‌ ప్రధాన పాత్రల్లో నటిస్తున్నారు. గురుపవన్‌ దర్శకత్వం వహిస్తున్నారు. ఎన్‌. సుబ్రహ్మణ్యం ఆశీస్సులతో మనోరమ గురప్ప సమర్పణలో గురప్ప పరమేశ్వర ప్రొడక్షన్స్‌ పతాకంపై జి.మహేష్‌ నిర్మిస్తున్నారు. హైదరాబాద్‌లో జరిగిన కార్యక్రమంలో ‘ఇదే మా కథ’ ఫస్ట్‌ లుక్‌ పోస్టర్‌ని విడుదల చేశారు. గురుపవన్‌ మాట్లాడుతూ– ‘‘నేను రైడర్‌ని. అందుకే ఆ నేపథ్యంలో కథ రాశా. డిసెంబర్‌లో షూటింగ్‌ పూర్తి చేస్తాం’’ అన్నారు. ‘‘ఇది మనందరి కథ. చాలా ఎమోషన్స్‌తో ట్రావెల్‌ అయ్యే స్క్రిప్ట్‌’’ అన్నారు జి.మహేష్‌. శ్రీకాంత్‌ మాట్లాడుతూ– ‘‘చిన్నప్పుడు చాలాసార్లు రైడింగ్‌కి వెళ్లాను. ఒకసారి హైదరాబాద్‌ నుండి లడక్‌కి కారులో వెళ్లాను. ఇప్పుడు ఈ టీమ్‌తో లడక్‌ వెళ్లడం ఒక మంచి అనుభూతి’’ అన్నారు. ‘‘బైక్‌ రైడింగ్‌ అంటే ఇష్టం కానీ నేను ప్రొఫెషనల్‌ రైడర్‌ని కాదు. గురుపవన్‌ నాకు శిక్షణ ఇచ్చారు’’ అన్నారు సుమంత్‌ అశ్విన్‌. ఈ చిత్రానికి సంగీతం: సునీల్‌ కశ్యప్, ఎగ్జిక్యూటివ్‌ ప్రొడ్యూసర్‌: చిరంజీవి ఎల్‌.

‘‘చాలా రోజుల తర్వాత సినిమా సెట్స్‌పైకి వచ్చాను. త్వరలో మీ అందర్నీ తెరపై కలుసుకుంటాం’’ అని భూమిక అన్నారు. సుమంత్‌ అశ్వి¯Œ , శ్రీకాంత్, భూమిక, తాన్యా హోప్‌ ప్రధాన పాత్రల్లో ఓ సినిమా రూపొందుతోంది.  గురుపవన్‌ దర్శకత్వంలో జి. మహేష్‌ నిర్మిస్తున్నారు. లాక్‌డౌన్‌ తర్వాత గురువారం పునఃప్రారంభమైన షూటింగ్‌లో భూమిక జాయిన్‌ అయ్యారు. ఈ సందర్భంగా దర్శక–నిర్మాతలు మాట్లాడుతూ– ‘‘నాలుగు పాత్రల చుట్టూ నడిచే రోడ్‌ జర్నీ కాన్సెప్ట్‌తో ఈ సినిమా తెరకెక్కుతోంది. లాక్‌డౌన్‌కు ముందుగానే లడఖ్‌ షెడ్యూల్‌తో సహా 50 శాతం చిత్రీకరణ పూర్తయింది. ప్రస్తుతం హైదరాబాద్‌లో కోవిడ్‌ నిబంధనలు పాటిస్తూ షూటింగ్‌ చేస్తున్నాం’’ అన్నారు. ‘‘భూమిక, శ్రీకాంత్‌ లాంటి సీనియర్‌ యాక్టర్లతో కలిసి పనిచేయడం గౌరవంగా భావిస్తున్నా’’ అన్నారు సుమంత్‌ అశ్విన్‌. ‘‘ఏడు నెలల తర్వాత మళ్లీ షూటింగ్‌కు రావడం హ్యాపీ’’ అన్నారు శ్రీకాంత్‌. ఈ చిత్రానికి కెమెరా: సి. రామ్‌ప్రసాద్, ఎగ్జిక్యూటివ్‌ ప్రొడ్యూసర్‌: చిరంజీవి ఎల్, సంగీతం: సునీల్‌ కశ్యప్‌.

సుమంత్‌ అశ్విన్‌  కథానాయకుడిగా, సలోని మిశ్రా కథానాయికగా తెరకెక్కుతోన్న చిత్రం ‘18+ సినిమా’. ‘దండుపాళ్యం 1, 2, 3’ చిత్రాల తర్వాత శ్రీనివాస రాజు దర్శకత్వం వహిస్తున్న చిత్రమిది. జ్యోస్టార్‌ ఎంటర్‌ప్రైజెస్‌ పతాకంపై ఎం.కోటేశ్వరరాజు ఈ చిత్రాన్ని నిర్మిస్తున్నారు. శ్రీనివాసరాజు, ఎం.కోటేశ్వరరాజు మాట్లాడుతూ– ‘‘వైవిధ్యమైన కథాంశంతో రూపొందుతోన్న చిత్రమిది. ఈ సినిమాకి సంబంధించిన చివరి షెడ్యూల్‌ తమిళనాడులోని తిరువల్లూరులో వేసిన సెట్‌లో ఈ నెల 11 నుంచి 20 వరకు జరగనుంది. ఈ షెడ్యూల్‌తో చిత్రీకరణ పూర్తవుతుంది. వేసవిలో సినిమాని విడుదల చేసేందుకు సన్నాహాలు చేస్తున్నాం’’ అన్నారు. మకరంద్‌ దేశ్‌పాండే, సప్తగిరి ముఖ్యపాత్రలు పోషిస్తున్న ఈ చిత్రానికి సంగీతం: మణిశర్మ.

నలుగురు అపరిచితులు.. 3,450 కిలోమీటర్లు రోడ్డుపై ప్రయాణం.. వాళ్ల ప్రయాణం దేనికోసం? ఆ సమయంలో వాళ్లు ఎదుర్కొన్న అనుభవాలేంటి? అనే కథాంశంతో ఓ సినిమా మొదలైంది. సుమంత్‌ అశ్విన్, శ్రీకాంత్, ఇంద్రజ, ప్రియ వడ్లమాని ప్రధాన పాత్రల్లో నటిస్తున్నారు. దర్శకులు రామ్‌గోపాల్‌ వర్మ, పూరి జగన్నాథ్, నగేష్‌ కుకునూర్‌ వద్ద పని చేసిన గురుపవన్‌ ఈ చిత్రంతో దర్శకునిగా పరిచయమవుతున్నారు. గురప్ప పరమేశ్వర ప్రొడక్ష¯Œ ్స పతాకంపై జి. మహేష్‌ నిర్మిస్తున్న ఈ సినిమా హైదరాబాద్‌లో ప్రారంభమైంది. ముహూర్తపు సన్నివేశానికి కెమెరామేన్‌ సి. రాంప్రసాద్‌ కెమెరా స్విచ్చాన్‌ చేయగా, ఎన్‌.బి. బాలసుబ్రహ్మణ్యం క్లాప్‌ ఇచ్చారు. గురుపవన్‌ మాట్లాడుతూ –‘‘భిన్న నేపథ్యాలు కలిగిన నలుగురు అపరిచితులు హైదరాబాద్‌ నుంచి బైకులపై చేసే ప్రయాణమే ఈ సినిమా. మార్చి 2న తొలి షెడ్యూల్‌ మొదలుపెడతాం’’ అన్నారు. ‘‘శ్రీకాంత్, ఇంద్రజ వంటి మంచి నటులతో పనిచేసే అవకాశం రావడం ఆనందంగా ఉంది’’ అన్నారు సుమంత్‌ అశ్విన్‌. ‘‘శ్రీకాంత్, నేను ‘జంతర్‌ మంతర్‌’ సినిమాతో హీరో హీరోయిన్లుగా పరిచయమయ్యాం. ఇన్నాళ్లకు ఆయనతో మళ్లీ సినిమా చేసే అవకాశం రావడం సంతోషంగా ఉంది’’ అన్నారు ఇంద్రజ. ‘‘గురు పవన్‌ చెప్పిన కథ నచ్చడంతో చిత్ర పరిశ్రమలోకి అడుగుపెడుతున్నా’’ అన్నారు మహేష్‌. ప్రియ వడ్లమాని, సంగీత దర్శకుడు సునీల్‌ కశ్యప్, ఎగ్జిక్యూటివ్‌ ప్రొడ్యూసర్‌ చిరంజీవి ఎల్‌. మాట్లాడారు. అమ్ము అభిరామి, నాజర్, పృథ్వీ, ఈశ్వరీ రావు, సప్తగిరి తదితరులు ఇతర పాత్రల్లో నటించనున్నారు.

సినిమా సినిమాకు డిఫరెంట్‌ వేరియేషన్స్‌ చూపిస్తూ హీరోగా తనకంటూ ప్రత్యేక స్థానాన్ని ఏర్పరుచుకున్నాడు సుమంత్‌ అశ్విన్‌. ఫలితాలతో సంబంధం లేకుండా హార్రర్‌, కామెడీ, ఫ్యామిలీ, రొమాంటిక్‌ వంటి డిఫరెంట్‌ జానర్‌లలో సినిమాలు చేస్తూ నటుడిగా ప్రూవ్‌ చేసుకునే ప్రయత్నం చేస్తున్నాడు. హ్యాపీ వెడ్డింగ్‌, ప్రేమకథా చిత్రం-2  తర్వాత ఈ హీరో సినిమాలకు కాస్త గ్యాప్‌ ఇచ్చాడు.  అయితే ప్రస్తుతం గురు పవన్‌ అనే దర్శకత్వంలో ఓ చిత్రం చేస్తున్నాడు. సుమంత్‌ అశ్విన్‌ సరసన ప్రియా వడ్లమాని కథానాయికగా నటిస్తున్న ఈచిత్రంలో శ్రీకాంత్‌, ఇంద్రజ ప్రధాన పాత్రలు పోషిస్తున్నారు. గురప్ప పరమేశ్వర ప్రొడక్షన్స్‌ పతాకంపై జి.మహేశ్‌ నిర్మిస్తున్నారు . తాజాగా ఈ చిత్ర షూటింగ్‌ స్థానిక రామానాయుడు స్టూడియోలో పూజా కార్యక్రమాలతో లాంఛనంగా ప్రారంభమైంది. ఈ కార్యక్రమానికి టాలీవుడ్‌ ప్రముఖులు హాజరయ్యారు.  త్వరలోనే చిత్ర రెగ్యులర్‌ షూటింగ్‌ జరుగుతుందని దర్శక నిర్మాతలు తెలిపారు. ఈ చిత్రం సుమంత్‌ అశ్విన్‌ కెరీర్‌లో ఓ మైలురాయిగా నిలుస్తుందని ఆశాభావం వ్యక్తం చేశారు. ‘నలుగురు అపరిచితులు.. 3450 కిలోమీటర్ల ప్రయాణం.. గమ్యం ఒకటే.. చివరికి ఏమైంది.. ఎందుకు ప్రయాణించారు’.. ఇలా డిఫరెంట్‌ కాన్సెప్ట్‌తో ఈ సినిమా ఉండబోతున్నట్లు సమాచారం. ఈ చిత్రానికి సునీల్‌ కశ్యప్‌ సంగీతమందిస్తున్నాడు.  చదవండి: 50 శాతం పూర్తి.. వీసా కోసం వెయిటింగ్‌ 'ముద్దు సన్నివేశం నాకు తెలియకుండానే తీశారు'​​​​​​​

టైటిల్ : ప్రేమ కథా చిత్రమ్‌ 2 జానర్ : హారర్‌ కామెడీ తారాగణం : సుమంత్‌ అశ్విన్‌, సిద్ధీ ఇద్నానీ, నందితా శ్వేత సంగీతం : జేబీ దర్శకత్వం : హరి కిషన్‌ నిర్మాత : ఆర్‌ సుదర్శన్‌ రెడ్డి సుధీర్‌ బాబు, నందిత జం‍టగా తెరకెక్కిన సూపర్‌ హిట్ హారర్‌ కామెడీ ప్రేమ కథాచిత్రం. తాజాగా ఆ సినిమాకు సీక్వల్‌ను తెరకెక్కించారు చిత్రయూనిట్‌. హరి కిషన్‌ దర్శకత్వంలో తెరకెక్కిన ఈసినిమాలో సుమంత్ అశ్విన్‌, నందితా శ్వేత, సిద్ధి ఇద్నాని లు హీరో హీరోయిన్లుగా నటించారు. గతంలో కామెడీ హారర్‌ లు టాలీవుడ్ సక్సెస్‌ ఫార్ములాగా పేరుతెచ్చుకున్న ఇటీవల కాలంలో ఈ జానర్‌లో వచ్చిన సినిమాలు పెద్దగా ఆకట్టుకోలేదు. మరి ప్రేమ కథా చిత్రమ్‌ 2 మరోసారి సక్సెస్‌ ఫార్ములాగా ప్రూవ్‌ చేసుకుందా..? ఈ సినిమా అయినా సుమంత్‌ అశ్విన్‌కు సక్సెస్‌ అందించిందా.? కథ‌ : డిగ్రీ ఫైనలియర్‌ చదువుతున్న సుధీర్‌ (సుమంత్ అశ్విన్‌)ను కాలేజ్‌లో పరిచయం అయిన బిందు (సిద్ధి ఇద్నాని) ఇష్టపడుతుంది. కానీ సుధీర్ ఆమె ప్రేమను రిజెక్ట్ చేయటంతో బిందు ఆత్మహత్య చేసుకోవాలనుకుంటుంది. ఆమెను కాపాడిన సుధీర్‌, తాను మరో అమ్మాయిని ప్రేమిస్తున్నాని నచ్చజెప్పి వెళ్లిపోతాడు. తరువాత అనుకోని పరిస్థితుల్లో సుధీర్‌ ఓ ఫాం హౌజ్‌కు వెళ్లాల్సి వస్తుంది. ఫాం హౌస్‌లో అడుగుపెట్టిన దగ్గర నుంచి సుధీర్‌కు విచిత్రమైన పరిస్థితులు ఎదురవుతుంటాయి. ఓ అమ్మాయి(నందితా శ్వేత) రాత్రి మాత్రమే కనిపిస్తూ సుధీర్‌ని అతని ఫ్రెండ్‌ బబ్లూని బయపెడుతుంటుంది. ఇంతకీ సుధీర్‌ ఆ ఫాం హౌజ్‌కి ఎందుకు వెళ్లాడు? సుధీర్‌ను భయపెడుతున్న ఆ అమ్మాయి ఎవరు? బిందు ఏమైంది.? చివరకు సుధీర్‌ తను ప్రేమించిన అమ్మాయిని దక్కించుకున్నాడా..?  అన్నదే మిగతా కథ. న‌టీన‌టులు : లవర్‌ బాయ్‌ ఇమేజ్‌తో మెప్పించిన సుమంత్ అశ్విన్‌ హారర్‌ కామెడీతో ఆకట్టుకోలేకపోయాడు. ఫస్ట్ హాఫ్ కాలేజ్‌ సీన్స్‌లో పరవాలేదనిపించినా క్లైమాక్స్‌లో వచ్చే సన్నివేశాల్లో సుమంత్ ఏ మాత్రం మెప్పించలేకపోయాడు. సిద్ధి ఇద్నాని తెర మీద కనిపించింది కొద్ది సేపే అయినా ఉన్నంతలో పరవాలేనిపిస్తుంది. కీలక పాత్రలో నటించిన నందిత శ్వేత నిరాశపరిచింది. చాలా సన్నివేశాల్లో ఆమె నటన అతిగా అనిపిస్తుంది. ఫ్రెండ్స్‌ పాత్రల్లో కనిపించిన కృష్ణతేజ(బబ్లూ), విధ్యుల్లేఖ రామన్‌ అక్కడక్కడా నవ్వించే ప్రయత్నం చేశారు. విశ్లేష‌ణ‌ : ప్రేమ కథా చిత్రమ్‌ సినిమాకు కొనసాగింపుగా కథను తయారు చేసుకున్న దర్శకుడు, ఆ కథను తెర మీదకు తీసుకురావటంలో తడబడ్డాడు. తన కథనంతో ప్రేక్షకులను కన్ఫ్యూజ్‌ చేశాడు. ఫస్ట్ హాఫ్‌ అంతా అసలు ఏ జరుగుతుంది.. ఏ క్యారెక్టర్‌ ఎందుకు వస్తుంది అని ప్రేక్షకుడు అర్థం చేసుకోవడానికే సరిపోతుంది. ద్వితీయార్థంలో కథనం రోలర్‌కోస్టర్‌లా సాగుతూ ప్రేక్షకుడి సహనాన్ని మరింత పరీక్షిస్తుంది. ముఖ్యంగా క్లైమాక్స్‌లో ఆడియన్స్‌ను భయపెట్టేందుకు దర్శకుడు చేసిన ప్రయత్నాలన్నీ నవ్వుతెప్పిస్తాయి.‌ సంగీత దర్శకుడు జేబీ తన సంగీతంతో సినిమాను కొంతమేర కాపాడే ప్రయత్నం చేశాడు. పాటలు, నేపథ్యం సంగీతం పరవాలేదనిపిస్తాయి. సినిమాటోగ్రఫి, ఎడిటింగ్ నిర్మాణ విలువలు సినిమా స్థాయికి తగ్గట్టుగా ఉన్నాయి. ప్లస్‌ పాయింట్స్‌ : కామెడీ మైనస్‌ పాయింట్స్‌ : స్క్రీన్‌ప్లే దర్శకత్వం సతీష్ రెడ్డి జడ్డా, ఇంటర్‌నెట్ డెస్క్‌.

‘‘అవకాశాలు వస్తే గ్లామర్‌ రోల్స్‌ చెయ్యాలని ఉంది. కానీ, ఎవ్వరూ నన్ను అలాంటి పాత్రలు చేయమని అడగటం లేదు. ఎవరైనా అలాంటి రోల్స్‌ ఆఫర్‌ చేస్తే.. ఆ పాత్రకి సినిమాలో మంచి ప్రాధాన్యం ఉంటే కచ్చితంగా చేస్తాను. ఇటీవల ఓ తమిళ సినిమాలో ప్రత్యేక పాట చేశాను’’ అని నందితా శ్వేత అన్నారు. సుమంత్‌ అశ్విన్, సిద్ధీ ఇద్నాని జంటగా నందితా శ్వేత మెయిన్‌ హీరోయిన్‌గా నటించిన చిత్రం ‘ప్రేమకథా చిత్రమ్‌ 2’. హరికిషన్‌ని దర్శకునిగా పరిచయం చేస్తూ, ఆర్‌పీఏ క్రియేషన్స్‌ పతాకంపై ఆర్‌. సుదర్శన్‌ రెడ్డి నిర్మించిన ఈ సినిమా రేపు విడుదలవుతోంది. ఈ సందర్భంగా నందితా శ్వేత  మాట్లాడుతూ– ‘‘తెలుగులో నా మొదటి సినిమా ‘ఎక్కడికి పోతావు చిన్నవాడా’. ఆ సినిమాలో నేను చేసిన అమల పాత్ర ఎంతో మంచి పేరు తీసుకువచ్చింది. ఆ సినిమాలో చేసిన దెయ్యం పాత్ర కంటే ‘ప్రేమకథా చిత్రమ్‌ 2’లో చేసిన దెయ్యం పాత్ర చాలా కష్టం. పది సంవత్సరాల క్రితం ఓ రోజు రాత్రి గుడికి వెళ్తున్న సమయంలో ఏదో ఒక ఆకారం కనబడటంతో చాలా భయం వేసింది. అప్పుడు నిజంగా దెయ్యం ఉందేమోననిపించింది. కానీ, దేవుడు ఉన్నాడని కూడా నేను బాగా నమ్ముతాను. ‘ప్రేమకథా చిత్రమ్‌’ ఎండింగ్‌ నుంచి ఈ సినిమా మొదలవుతుంది. ఇప్పటివరకూ చేసిన సినిమాలకన్నా ఇందులో నా యాక్టింగ్‌లో పూర్తి వేరియేషన్స్‌ చూడొచ్చు. సమంత్‌ ఆశ్విన్‌ మంచి కో ఆర్టిస్ట్‌. చాలా బాగా సపోర్ట్‌ చేశాడు. ప్రస్తుతం కన్నడలో యశ్‌తో ఓ సినిమా చేస్తున్నాను. తెలుగులో ‘సెవెన్, అక్షర’ వంటి చిత్రాలున్నాయి’’ అన్నారు.

‘‘ఏదైనా సినిమా ఒప్పుకునే ముందు స్క్రిప్ట్‌ చాలా ముఖ్యమని భావిస్తాను. పాత్రల మధ్య వైవిధ్యం చూపేందుకు ఇష్టపడతాను’’ అని హీరోయిన్‌ సిద్ధీ ఇద్నాని అన్నారు. సుమంత్‌ అశ్విన్, నందితా శ్వేత, సిద్ధీ ఇద్నానీ ముఖ్య తారలుగా నటించిన చిత్రం ‘ప్రేమకథాచిత్రమ్‌ 2’. 2013లో వచ్చిన ‘ప్రేమకథాచిత్రమ్‌’ సినిమాకు ఇది సీక్వెల్‌. హరి కిషన్‌ దర్శకత్వం వహించారు. ఆర్‌. సుదర్శన్‌రెడ్డి నిర్మించిన ఈ చిత్రం వచ్చే నెల 6న విడుదల కానుంది. ఈ సందర్భంగా సిద్ధీ ఇద్నాని చెప్పిన విశేషాలు. ► ఈ చిత్రంలో నా నిజజీవితానికి దగ్గరగా ఉండే బిందు అనే కాలేజీ అమ్మాయి పాత్రలో నటించాను. బిందుకి చాలా గర్వం. తను ఇష్టపడితే అవతలివారు ఇష్టపడాల్సిందే. ఈ చిత్రంలో హీరోగా నటించిన సుమంత్‌ అశ్విన్‌ మంచి కో–స్టార్‌. అతనికి ఇండస్ట్రీ నేపథ్యం ఉన్నప్పటికీ నిగర్వంగా ఉంటాడు. సెట్‌లో ఫుడ్‌ గురించి, ట్రావెల్‌ గురించి మేం ఎక్కువగా మాట్లాడుకున్నాం. నందితాశ్వేతాతో నాకు మూడు, నాలుగు సీన్స్‌ ఉన్నాయి. ఇంతకుముందు ఆమె నటించిన హారర్‌ సినిమాలు చూశాను. దర్శకుడు హరి సెట్‌లో సీన్స్‌ను బాగా వివరించడంతో ఈజీ అయింది. ఈ సినిమా ఫస్ట్‌ పార్ట్‌ చాలా పెద్ద విజయం సాధించింది. రెండో పార్ట్‌ పై అంచనాలు ఉంటాయి. సినిమా ప్రేక్షకులకు నచ్చుతుంది. ఇందులో దెయ్యం ఎవరు అనేది ఆసక్తికరంగా ఉంటుంది. ► కోపం, సంతోషం వంటి ఎక్స్‌ప్రెషన్స్‌ను బాగానే ఇవ్వచ్చు. ఎందుకంటే ఇవి రెగ్యులర్‌ లైఫ్‌లో భాగమే. కానీ పొసెస్డ్‌గా.. అంటే నాకే సొంతం అన్న ఫీలింగ్‌ను ఫేస్‌లో ఎక్స్‌ప్రెస్‌ చేయడానికి కాస్త హోమ్‌వర్క్‌ చేశాను. ► అతీంద్రియ శక్తులను నమ్ముతాను. ఆత్మలు ఉన్నాయని నా నమ్మకం. ఓ సారి నేను కారులో వెళ్తుంటే సడన్‌గా ఆగింది. రెడ్‌ శారీలో ఓ లేడీ వచ్చి కారు ముందు నిలబడింది. ఈ అనుభవంతో భవిష్యత్‌లో నేను కచ్చితంగా సినిమా చేస్తాను. ► నేను తెలుగులో హీరోయిన్‌గా నటించిన తొలి సినిమా ‘జంబలకిడిపంబ’(2018) ట్రైలర్‌ రిలీజైనప్పుడు ఈ సినిమాలో నటించే అవకాశం వచ్చింది. ట్రైలర్‌లో నేను అబ్బాయిలా నటించడం చూసి నిర్మాత పిలిచి,  ఆడిషన్‌ ఇవ్వమని అడగలేదు. ఇది కథ, నీ క్యారెక్టర్‌ ఇలా ఉంటుందని చెప్పారు. ‘జంబలకిడిపంబ’ చిత్రం మంచి హిట్‌ సాధించి ఉంటే నాకు మరిన్ని అవకాశాలు వచ్చి ఉండేవి. ► సమంతకు నేను అభిమానిని. ఆమె ఎంపిక చేసుకుంటున్న తరహా పాత్రలు చేయాలని ఉంది. రాజమౌళిగారి దర్శకత్వంలో నటించాలని ఆశ. ప్రస్తుతం నేను నటిస్తున్న ఓ చిత్రం షూటింగ్‌ యాభై శాతం పూర్తయింది. జూన్‌లో విడుదల కావొచ్చు. మరో సినిమా కమిట్‌ అయ్యాను. ఈ నెలాఖర్లో సెట్స్‌పైకి వెళ్తుంది.

హారర్‌ కామెడీ నేపథ్యంలో వచ్చిన ‘ప్రేమకథా చిత్రమ్‌’ ప్రేక్షకుల్ని భయపెట్టడంతో పాటు నవ్వుల్లో ముంచెత్తింది. జె. ప్రభాకర్‌రెడ్డి దర్శకత్వంలో వచ్చిన ఈ సినిమా సూపర్‌ హిట్‌ అయ్యింది. ఇప్పుడు ఈ చిత్రానికి సీక్వెల్‌గా తెరకెక్కిన చిత్రం ‘ప్రేమకథా చిత్రమ్‌ 2’. సుమంత్‌ అశ్విన్, సిద్ధీ ఇద్నాని జంటగా నందితా శ్వేత మెయిన్‌ హీరోయిన్‌గా నటించారు. హరికిషన్‌ని దర్శకునిగా పరిచయం చేస్తూ, ఆర్‌పీఏ క్రియేషన్స్‌ పతాకంపై ఆర్‌. సుదర్శన్‌ రెడ్డి నిర్మించిన ఈ సినిమా ఉగాది సందర్భంగా ఏప్రిల్‌ 6న విడుదల కానుంది. ఈ సందర్భంగా సుదర్శన్‌ రెడ్డి మాట్లాడుతూ– ‘‘సూపర్‌ కామెడీ ఎంటర్‌టైనర్‌గా రూపొందిన చిత్రమిది. మొదటి భాగానికి దీటుగా ఉంటుంది. ఈ చిత్రం రావు రమేష్‌గారి వాయిస్‌ ఓవర్‌తో నడుస్తుంది. తాజాగా విడులైన మా సినిమా ట్రైలర్‌కు సోషల్‌ మీడియాలో ఫుల్‌ క్రేజ్‌ లభించింది. సెన్సార్‌ పనులు పూర్తయ్యాయి. విద్యుల్లేఖ, ప్రభాస్‌ శ్రీను మధ్య వచ్చే కామెడీ హిలేరియస్‌గా ఉంటుంది. పూర్తి సర్‌ప్రైజింగ్‌ ఎంటర్‌టైనర్‌గా తెరకెక్కిన మా ‘ప్రేమకథా చిత్రమ్‌ 2’ అన్నివర్గాల ప్రేక్షకుల్ని ఆకట్టుకుంటుందనే నమ్మకం ఉంది’’ అన్నారు. ఈ చిత్రానికి కెమెరా: సి. రాంప్రసాద్, సంగీతం: జె.బి, సహ నిర్మాతలు ఆయుష్‌ రెడ్డి, ఆర్‌పి అక్షిత్‌ రెడ్డి.

సుమంత్‌ అశ్విన్, సిద్ధీ ఇద్నానీ జంటగా నందితా శ్వేత ప్రధాన పాత్రలో నటించిన చిత్రం ‘ప్రేమకథాచిత్రమ్‌ 2’. 2013లో వచ్చిన ‘ప్రేమకథాచిత్రమ్‌’ సినిమాకు ఇది సీక్వెల్‌. హరికిషన్‌ దర్శకత్వంలో ఆర్‌. సుదర్శన్‌రెడ్డి నిర్మించారు. ఆయుష్‌ సహ నిర్మాత. ఈ చిత్రం థియేట్రికల్‌ ట్రైలర్‌ను నటుడు సప్తగిరి శుక్రవారం హైదరాబాద్‌లో విడుదల చేశారు. అనంతరం సప్తగిరి మాట్లాడుతూ– ‘‘ప్రేమకథాచిత్రమ్‌’ మాకు జీవితాన్ని ప్రసాదించింది. ఆ సినిమా పేరును ఇంకా చెప్పుకుంటున్నాం. అంత ఆత్మవిశ్వాసాన్ని ఇచ్చింది. ఫస్ట్‌ పార్ట్‌లో నటించిన నేను ఈ ‘ప్రేమకథాచిత్రమ్‌ 2’ ట్రైలర్‌ను విడుదల చేయడం సంతోషంగా ఉంది. స్టోరీ పరంగా నేను అవసరం లేదనే నిర్మాత నన్ను ఈ సినిమాకు పిలవలేదు. పిలిచి ఉంటే వచ్చేవాడిని. సుమంత్‌ కెరీర్‌లో ఇది బెస్ట్‌ మూవీగా ఉండిపోతుంది. నిర్మాతకు డబ్బులు రావాలి. సేమ్‌ రిజల్ట్‌ రిపీట్‌ అవుతుంది’’ అన్నారు. ‘‘భావోద్వేగభరితమైన సన్నివేశాలను హరికిషన్‌ చక్కగా తెరకెక్కించారు. హీరోయిన్ల పాత్రలు ఇతర పాత్రలను డామినేట్‌ చేసేలా ఉన్నాయి’’ అన్నారు సుమంత్‌ అశ్విన్‌. ‘‘కంటెంట్‌ని నమ్మి ఈ సినిమాను నిర్మించాను. స్క్రిప్ట్‌ పరంగా సప్తగిరి పాత్రకు అవకాశం లేదు. ఇప్పుడు ఆయన హీరో కూడా అయిపోయారు. కెమెరామేన్‌ రాంప్రసాద్‌ మంచి విజువల్స్‌ అందించారు. నందితా సింగిల్‌ టేక్‌ ఆర్టిస్టులా నటించారు. సుమంత్‌ అశ్విన్‌ కెరీర్‌లో ఇది బెస్ట్‌ మూవీగా నిలుస్తుంది. ఈ సినిమాను ఉగాది సందర్భంగా ఏప్రిల్‌ 6న విడుదల చేస్తున్నాం’’ అన్నారు సుదర్శన్‌రెడ్డి. ‘‘ఎక్కడికి పోతావు చిన్నవాడా’ సినిమా తర్వాత చాలా హారర్‌ కథలు విన్నాను. ఈ చిత్రానికి సైన్‌ చేసినప్పుడు... మళ్లీ హారరా? అన్నారు నా సన్నిహితులు. కానీ నా క్యారెక్టర్‌ బాగుంటుంది’’ అన్నారు నందితాశ్వేత. ‘‘ఈ సీక్వెల్‌ ‘ప్రేమకథాచిత్రమ్‌’కు దీటుగా ఉండాలని చాలా కష్టపడి తీశాం. సినిమా హిట్‌ సాధిస్తుంది’’ అన్నారు దర్శకుడు హరికిషన్‌. ‘‘ప్రేమకథాచిత్రమ్‌ 2’ నాకు స్పెషల్‌ మూవీ. ఇది తెలుగులో నా రెండో చిత్రం. అవకాశం ఇచ్చిన దర్శక–నిర్మాతలకు ధన్యవాదాలు’’ అన్నారు సిద్ధీ ఇద్నానీ. నిర్మాతలు శ్రీధర్‌ రెడ్డి, ఆయుష్‌ రెడ్డి, మ్యూజిక్‌ డైరెక్టర్‌ జేబీ, కెమెరామేన్‌ రాంప్రసాద్‌ తదితరులు పాల్గొన్నారు.

సుధీర్‌ బాబు, నందితలు హీరో హీరోయిన్లుగా తెరకెక్కి ఘనవిజయం సాధించిన సినిమా ప్రేమ కథా చిత్రమ్‌. మారుతి కథ అందించిన ఈ సినిమాకు జె ప్రభాకర్‌ రెడ్డి దర్శకుడు. కామెడీ హర్రర్‌ జానర్‌లో తెరకెక్కిన ఈ సినిమా సూపర్‌ హిట్ కావటంతో సుమంత్ అశ్విన్‌ హీరోగా సీక్వెల్‌ ను తెరకెక్కించారు. ప్రేమ కథా చిత్రం 2 పేరుతో తెరకెక్కిన ఈ సినిమా మార్చి 21న ప్రేక్షకుల ముందుకు వచ్చేందుకు రెడీ అవుతోంది. హరి కిషన్‌ దర్శకుడిగా పరిచయం అవుతూ తెరకెక్కించిన ఈ సినిమా థియేట్రికల్‌ ట్రైలర్‌ను విడుదల చేశారు. ఈ సినిమాలో ఒక హీరోయిన్‌గా జంబ లకిడి పంబ ఫేం సిద్ధి ఇద్నాని నటిస్తుండగా మరో హీరోయిన్‌ గా ఎక్కడికి పోతావు చిన్నావాడా ఫేం నందిత శ్వేత నటించారు. ప్రేమ కథా చిత్రానికి నిర్మాతగా వ్యహరించిన సుదర్శన్‌ రెడ్డి సీక్వెల్‌ను కూడా నిర్మిస్తున్నారు.

సుమంత్‌ అశ్విన్, సిద్ధి ఇద్నాని జంటగా నందితా శ్వేతా ప్రధానపాత్రలో రూపొందిన చిత్రం ‘ప్రేమకథా చిత్రమ్‌ 2’. ‘బ్యాక్‌ టు ఫియర్‌’ అనేది ఉపశీర్షిక. హరికిషన్‌ దర్శకునిగా పరిచయం అవుతున్నారు. ఆర్‌. సుదర్శన్‌రెడ్డి నిర్మించిన ఈ చిత్రం మార్చి 21న విడుదల చేయనున్నట్లు చిత్రబృందం వెల్లడించింది. అంటే వేసవిలో మళ్లీ భయం మొదలు అన్నమాట. ‘‘ప్రేమకథాచిత్రమ్‌’ మంచి విజయం సాధించింది. దీనికి సీక్వెల్‌గా వస్తుంది ‘ప్రేమకథాచిత్రమ్‌ 2’. నటుడు రావు రమేష్‌గారి వాయిర్‌ ఓవర్‌తో కథలో ప్రేక్షకులు లీనమవుతారు. సుమంత్, సిద్ధి, నందితాల నటన హైలైట్‌గా ఉంటుంది. విద్యుల్లేఖా, ప్రభాస్‌ శ్రీనుల మధ్య వచ్చే సన్నివేశాల నవ్విస్తాయి. మా చిత్రం అన్ని వర్గాల ప్రేక్షకులను ఆకట్టుకుంటుందనే నమ్మకం ఉంది’’ అన్నారు సుదర్శన్‌రెడ్డి. ఈ సినిమాకు సహ నిర్మాతలు: ఆయుష్‌ రెడ్డి, ఆర్‌పి అక్షిత్‌ రెడ్డి, సంగీతం: జెబి.

విశ్వంత్‌ , పల్లక్‌ లల్వాని జంటగా సంజయ్‌ కార్తీక్‌ దర్శకత్వంలో తెరకెక్కిన చిత్రం ‘క్రేజీ క్రేజీ ఫీలింగ్‌’. విజ్ఞత ఫిలిమ్స్‌ పతాకంపై నూతలపాటి మధు నిర్మించిన ఈ సినిమా ఈ నెల 22న విడుదల కానుంది. శ్రీ లక్ష్మీ పిక్చర్స్‌పై బాపిరాజు ఈ సినిమా విడుదల చేస్తున్నారు. భీమ్స్‌ సంగీతం అందించిన ఈ చిత్రం పాటలను హీరో సుమంత్‌ అశ్విన్, నిర్మాత దామోదర్‌ రెడ్డి విడుదల చేశారు. దర్శకుడు సంజయ్‌ కార్తీక్‌ మాట్లాడుతూ– ‘‘కుటుంబంతో కలిసి చూసే చక్కటి వినోదాత్మక చిత్రమిది. షూటింగ్‌ అంతా హ్యాపీగా జరిగింది. మా హీరో విశ్వంత్‌ గురించి ఎంత చెప్పినా తక్కువే. పల్లక్‌ లల్వాని చాలా బాగా నటించారు.   నాకు మంచి ఫ్రీడమ్‌ ఇచ్చిన నిర్మాత మధుగారికి స్పెషల్‌ థాంక్స్‌’’ అన్నారు. ‘‘క్రేజీ క్రేజీ ఫీలింగ్‌’తో కేరింత పెట్టే రోజు దగ్గర్లోనే ఉంది’’ అని నటుడు రాజీవ్‌ కనకాల అన్నారు. విశ్వంత్‌ మాట్లాడుతూ– ‘‘నేను ఫస్ట్‌ డే కథ విన్నప్పటి నుంచి మిస్‌ కమ్యూనికేషన్‌ లేకుండా సంజయ్‌ చేశాడు. ఆయనకు పెద్ద బ్రేక్‌ రావాలి. నా సినిమా ఏడాది తర్వాత రిలీజ్‌ అవుతోంది. పెద్ద హిట్‌ అవ్వాలి. గతంలో నేను చేసిన ‘కేరింత, మనమంతా’ సినిమాలు ఎక్కువ డ్రామాతో కూడుకున్నవి. తొలిసారి కామెడీ చేశా. వినోదం పంచడం చాలా కష్టం. కానీ అది నాకు ఈజీ అయ్యిందంటే కారణం మా డైరెక్టర్‌’’ అని చెప్పారు.

సుమంత్‌ అశ్విన్, సిద్ధి ఇద్నాని జంటగా నందితా శ్వేత కీలక పాత్రలో నటించిన చిత్రం ‘ప్రేమకథా చిత్రమ్‌ 2’. ‘బ్యాక్‌ టు ఫియర్‌’ అనేది ఉపశీర్షిక. సుదర్శన్‌ రెడ్డి నిర్మించిన ఈ సినిమాతో హరి కిషన్‌ దర్శకునిగా పరిచయం అవుతున్నారు. 2013లో వచ్చిన ‘ప్రేమకథా చిత్రమ్‌’ చిత్రానికి ఇది సీక్వెల్‌ అన్నది తెలిసిందే. ఈ సినిమా చిత్రీకరణ పూర్తయింది. టీజర్‌ను విడుదల చేశారు. సినిమాను జనవరిలో విడుదల చేయాలనుకుంటున్నారు. ఈ సందర్భంగా నిర్మాత సుదర్శన్‌రెడ్డి మాట్లాడుతూ– ‘‘ప్రేమకథా చిత్రమ్‌’  ఎంతటి ఘనవిజయం సాధించిందో అందరికీ తెలుసు. సీక్వెల్‌ కూడా అంతటి ఘనవిజయం సాధిస్తుందని టీజర్‌ని చూసిన వారు చెబుతుంటే హ్యాపీగా ఉంది. సుమంత్, సిద్ధి ఇద్నాని ప్లెజంట్‌గా నటిస్తే నందితా శ్వేత నటనలో తన విశ్వరూపం చూపించారు. ప్రేక్షకులు చూసింది టీజర్‌ మాత్రమే.. సినిమాలో ఇంకా చాలా ఉంది’’ అని అన్నారు. కృష్ణతేజ, ప్రభాస్‌ శ్రీను, విద్యుల్లేఖా రామన్‌ తదితరులు నటించిన ఈ సినిమాకు జేబీ సంగీతం అందించారు.

లవర్‌బాయ్‌ ఇమేజ్‌ ఉన్న సుమంత్‌ అశ్విన్‌ ప్రేక్షకులను భయపెట్టేందుకు రెడీ అయ్యారు. ఆయన హీరోగా ‘దండుపాళ్యం’ ఫేమ్‌ శ్రీనివాసరాజు దర్శకత్వంలో ఓ భారీ హారర్‌ థ్రిల్లర్‌ సినిమా రూపుదిద్దుకోనుంది. జ్యోస్టార్‌ ఎంటర్‌ప్రైజెస్‌ పతాకంపై ‘గరుడవేగ’ వంటి యాక్షన్‌ ఎంటర్‌టైనర్‌ను నిర్మించిన ఎం.కోటేశ్వరరాజు ఈ చిత్రాన్ని నిర్మించనున్నారు. తెలుగు, తమిళ్, కన్నడ, మలయాళ భాషల్లో చిత్రీకరణ జరుపుకోనున్న ఈ చిత్రం ఈ నెల రెండో వారంలో ప్రారంభం కానుంది. శ్రీనివాసరాజు మాట్లాడుతూ– ‘‘చాలా మంచి సబ్జెక్ట్‌ ఇది. అందుకే నాలుగు భాషల్లో తెరకెక్కిస్తున్నాం. ఇతర పాత్రల్లో భారీ తారాగణం నటిస్తారు. రీ–రికార్డింగ్‌కి ఎక్కువ ప్రాధాన్యం ఉన్న హారర్‌ థ్రిల్లర్‌ ఇది. అందుకే మణిశర్మగారు ఈ సినిమాకి మ్యూజిక్‌ చేస్తున్నారు. హారర్‌ థ్రిల్లర్స్‌లోనే ఈ సినిమా ఓ కొత్త ట్రెండ్‌ సెట్టర్‌ అవుతుంది’’ అన్నారు. ‘‘ప్రీ ప్రొడక్షన్‌ వర్క్‌ స్టార్ట్‌ అయింది. నాలుగు భాషల్లో ఒకేసారి విడుదల చేయడానికి సన్నాహాలు చేస్తున్నాం’’ అని ఎగ్జిక్యూటివ్‌ ప్రొడ్యూసర్‌ విజయ్‌వర్మ అన్నారు. ఈ చిత్రానికి కెమెరా శ్యామ్‌ప్రసాద్‌.

‘‘నాది తిరుపతి. ఓంకార్‌గారి ‘జీనియస్‌’ షోకి నా స్నేహితుడు శ్రీహరి ఎంపికయ్యాడు. నేను కూడా తనతో పాటు హైదరాబాద్‌ వచ్చా. నేను చేసిన షార్ట్‌ ఫిలింస్‌ చూసి నన్ను కూడా ఎంపిక చేసుకోవడంతో ‘జీనియస్‌’ షోకి పని చేశా’’ అని డైరెక్టర్‌ లక్ష్మణ్‌ కార్య అన్నారు. సుమంత్‌ అశ్విన్, నిహారిక కొణిదెల జంటగా ఆయన దర్శకత్వంలో రూపొందిన చిత్రం ‘హ్యాపి వెడ్డింగ్‌’. యూవీ క్రియేషన్స్, పాకెట్‌ సినిమా నిర్మించిన ఈ సినిమా జూలై 28న విడుదలైంది. ఈ సందర్భంగా లక్ష్మణ్‌ కార్య మాట్లాడుతూ– ‘‘మొగుడు’ సినిమాకు కెమెరా డిపార్ట్‌మెంట్‌లో, దేవా కట్టాగారి దగ్గర ‘ఆటోనగర్‌ సూర్య’ సినిమాకు అసిస్టెంట్‌ డైరెక్టర్‌గా పనిచేశా. ‘హ్యాపి వెడ్డింగ్‌’కి ముందు ‘ఎందుకిలా’ వెబ్‌ సిరీస్‌ చేశా. ఆ సమయంలో సుమంత్‌ అశ్విన్‌గారితో ఏర్పడిన పరిచయంతో ‘హ్యాపి వెడ్డింగ్‌’ సెట్‌ అయింది. ఫ్యామిలీ, మహిళా ప్రేక్షకులను టార్గెట్‌ చేసి ‘హ్యాపి వెడ్డింగ్‌’ చేశా. వారి నుంచి మంచి రెస్పాన్స్‌ రావడం సంతోషంగా ఉంది. తొలి నరేషన్‌లోనే నిహారిక ఇందులో నటించడానికి ఒప్పుకున్నారు. సినిమా విడుదల తర్వాత నాగబాబుగారు ఫోన్‌ చేసి అభినందించడం వెరీ హ్యాపీ. నా తర్వాతి చిత్రంపై చర్చలు జరుగుతున్నాయి. త్వరలో వివరాలు చెబుతా’’ అన్నారు. 

టైటిల్ : హ్యాపి వెడ్డింగ్‌ జానర్ : ఫ్యామిలీ డ్రామా తారాగణం : సుమంత్‌ అశ్విన్‌, నిహారిక కొణిదెల, ఇంద్రజ తదితరులు.. సంగీతం : శక్తికాంత్‌ కార్తీక్‌ నేపథ్య సంగీతం : తమణ్ ఎస్‌ దర్శకత్వం : లక్ష్మణ్‌ కార్య నిర్మాత : పాకెట్‌ సినిమా స్టార్‌ వారసులుగా ఎంట్రీ ఇచ్చిన సుమంత్‌ అశ్విన్‌, నిహారిక కొణిదెలలు తమని తాము ప్రూవ్‌ చేసుకునేందుకు కష్టపడుతున్నారు. వీరిద్దరి కాంబినేషన్‌లో వచ్చిన రొమాంటిక్‌ ఫ్యామిలీ ఎంటర్‌టైనర్‌ హ్యాపి వెడ్డింగ్‌. నూతన దర్శకుడు లక్ష్మణ్‌ కార్య దర్శకత్వంలో తెరకెక్కిన ఈసినిమా యువీ క్రియేషన్స్‌ లాంటి సక్సెస్‌ఫుల్‌ నిర్మాణ సంస్థ సమర్పణలో తెరకెక్కటంతో రిలీజ్ కు ముందు నుంచే మంచి హైప్‌ క్రియేట్‌ అయ్యింది. అందుకు తగ్గట్టుగా ఆడియోతో పాటు టీజర్‌, ట్రైలర్‌లు కూడా ఆకట్టుకోవటంతో సినిమాపై మంచి అంచనాలు ఏర్పడ్డాయి. మరి ఆ అంచనాలను ఈ హ్యాపి వెడ్డింగ్‌ అందుకుందా..? నిహారిక, సుమంత్‌ అశ్విన్‌ల కెరీర్‌లకు ఈ సినిమా ఎంత వరకు ఉపయోగపడుతుంది..? కథ ; ఇది విజయవాడ అబ్బాయి, హైదరాబాద్‌ అమ్మాయిల పెళ్లి కథ. విజయవాడలో ఉండే గోపాల్‌ (నరేష్‌), లలిత(పవిత్రా లోకేష్‌)ల అబ్బాయి ఆనంద్‌ విరాట్‌ వాకలపూడి (సుమంత్‌ అశ్విన్‌). యాడ్‌ ఫిలింకు మేకర్‌ అయిన ఆనంద్‌ది మెచ్యూర్డ్‌ గా ఆలోచించే మనస్థత్వం. హైదరాబాద్‌లో ఉండే హనుమంతరావు (మురళీ శర్మ), లత(తులసి)ల అమ్మాయి అక్షర (నిహారిక కొణిదెల). డిజైనర్‌ గా పనిచేసే అక్షరది ఏ విషయంలోనూ వెంటనే నిర్ణయం తీసుకోలేని చంచల మనస్థత్వం. (సాక్షి రివ్యూస్‌) ఓ బస్సు ప్రయాణంలో ప్రేమలో పడిన వీరిద్దరికి పెళ్లి చేయాలని పెద్దలు నిర్ణయిస్తారు. కానీ ఆనంద్‌ చేసిన ఓ చిన్న పొరపాటు కారణంగా అక్షర పెళ్లి విషయంలో ఆలోచనలో పడుతుంది. అదే సమయంలో తను గతంలో ప్రేమించిన విజయ్‌ (రాజా) మరోసారి తన జీవితంలోకి రావటంతో.. ఆనంద్‌ను పెళ్లి చేసుకోవాలా.. వద్దా..? అన్న సందిగ్థంలో పడిపోతుంది. ఈ విషయం తెలిసి ఇరు కుటుంబాలు ఎలా రియాక్ట్‌ అయ్యాయి..? చిరవకు అక్షర, ఆనంద్‌లు ఎలా ఒక్కటయ్యారు..? అన్నదే మిగతా కథ. నటీనటులు ; విజయవాడ అబ్బాయిగా సుమంత్‌ అశ్విన్‌, హైదరాబాద్‌ అమ్మాయిగా నిహారికలు తమ పాత్రల్లో ఒదిగిపోయారు. లవర్‌ బాయ్‌ రోల్స్‌ లో ఇప్పటికే తానేంటో నిరూపించుకున్న సుమత్‌ అశ్విన్‌, మరోసారి అదే తరహా పాత్రలో ఆకట్టుకునే ప్రయత్నం చేశాడు. క్లైమాక్స్‌లో వచ్చే ఎమోషనల్‌ సీన్స్‌లో సుమంత్‌ అశ్విన్‌ నటన సూపర్బ్‌. ఒక్కమనసు సినిమాతో నిరాశపరిచిన నిహారికకు ఈ సినిమాలో నటనకు అవకాశం ఉన్న పాత్ర దక్కింది. (సాక్షి రివ్యూస్‌)పెద్దగా వేరియేషన్స్ చూపించే అవకాశం లేకపోయినా.. ఉన్నంతలో పరవాలేదనిపించారు. సీనియర్‌ నరేష్‌, మురళీ శర్మ, పవిత్రా లోకేష్‌, తులసి, ఇంద్రజ, రాజాలు రొటీన్‌ పాత్రల్లో కనిపించారు. తమ పాత్రలకు పూర్తి న్యాయం చేశారు. విశ్లేషణ ; తెలుగు తెర మీద పెళ్లి నేపథ్యంలో తెరకెక్కిన సినిమాలు ఘన విజయం సాధించిన సందర్భాలు చాలా ఉన్నాయి. అదే బాటలో హ్యాపి వెడ్డింగ్‌ సినిమాతో మరో అందమైన ఫ్యామిలీ డ్రామాను ప్రేక్షకుల ముందుకు తీసుకువచ్చే ప్రయత్నం చేశాడు దర్శకుడు లక్ష్మణ్. పెళ్లి ఇంట్లో ఉండే హడావిడి, కుటుంబ బంధాలను బలంగా చూపించిన దర్శకుడు, హీరో హీరోయిన్ల మధ్య గొడవకు కారణాన్ని మాత్రం అంత బలంగా తయారు చేసుకోలేదు. చిన్న విషయానికి హీరోయిన్‌ పెళ్లి నిర్ణయాన్ని వెనక్కి తీసుకోవటం సిల్లీగా అనిపిస్తుంది. అదే సమయంలో కథనం కూడా నెమ్మదిగా సాగుతూ ఇబ్బంది పెడుతుంది. (సాక్షి రివ్యూస్‌)సినిమాకు ప్రధాన బలం సంగీతం. శక్తికాంత్‌ కార్తీక్‌ అందించి పాటలు బాగున్నాయి. పాటలు కావాలని ఇరికించినట్టుగా కాకుండా కథలో భాగంగా వచ్చి వెలుతూ అలరిస్తాయి. సినిమాటోగ్రఫి, ఎడిటింగ్‌, నిర్మాణ విలువలు సినిమా స్థాయికి తగ్గట్టుగా ఉన్నాయి. ప్లస్‌ పాయింట్స్‌ : ఎమోషనల్‌ సీన్స్‌ సంగీతం మైనస్‌ పాయింట్స్‌ ; నెమ్మదిగా సాగే కథనం సతీష్ రెడ్డి జడ్డా, ఇంటర్‌నెట్‌ డెస్క్‌.         మరిన్ని రివ్యూల కోసం ఇక్కడ క్లిక్‌ చేయండి

‘‘నిజాయితీగా ఒక అమ్మాయిని ప్రేమిస్తే ఆ అమ్మాయినే వివాహం చేసుకోవాలన్నది నా అభిప్రాయం. ఫ్రెండ్స్‌ లిస్ట్‌లో అమ్మాయిలు ఉన్నారు కానీ ఇప్పటి వరకైతే నేను ఎవర్నీ లవ్‌ చేయలేదు. ఏదో ఒక టైమ్‌లో అందరికీ కచ్చితంగా పెళ్లి జరుగుతుంది. నా టైమ్‌ వచ్చినప్పుడు నాకు జరుగుతుంది’’ అన్నారు సుమంత్‌ అశ్విన్‌. లక్ష్మణ్‌ కార్య దర్శకత్వంలో సుమంత్‌ అశ్విన్, నిహారిక జంటగా రూపొందిన సినిమా ‘హ్యాపీ వెడ్డింగ్‌’. యూవీ క్రియేషన్స్, పాకెట్‌ సినిమా నిర్మించిన ఈ సినిమా నేడు విడుదల కానుంది. ఈ సందర్భంగా సుమంత్‌ చెప్పిన విశేషాలు.. ► డైరెక్టర్‌ లక్ష్మణ్‌గారు కథ చెప్పినప్పుడు చివరి 20 నిమిషాల్లో వచ్చే డైలాగ్స్, సన్నివేశాలు నచ్చి సినిమా ఒప్పుకున్నాను. రొమాన్స్, డ్రామా విత్‌ ఫ్యామిలీ ఎమోషన్స్‌ బ్యాక్‌డ్రాప్‌లో ఈ సినిమా ఉంటుంది. పెళ్లి వాతావరణంలో సినిమా కథనం సాగుతుంది. ఇందులో ఆనంద్‌ పాత్ర చేశా. ► అవుట్‌పుట్‌ కూడా బాగా వచ్చింది. క్లైమాక్స్‌ సన్నివేశాలు ఆడియన్స్‌ను ఆకట్టుకుంటాయి. మా సినిమాలో విలన్‌ ఎవరు? అనేది ఆడియన్స్‌ డిసైడ్‌ చేస్తారు. ఈ సినిమా వల్ల కుటుంబ ఆప్యాయతలు, అనుబంధాలులపై మరింత అవగాహన పెంచుకున్నాను. ► కథానాయికగా నిహారిక అయితే బాగుంటుందని దర్శకుడు అన్నారు. నిహారిక చాలా బాగా నటించింది. ముఖ్యంగా ఇంట్రవెల్‌ సీన్‌లో ఆమె చేసిన యాక్టింగ్‌ సినిమాలో సెకండాఫ్‌ పై ఇంట్రెస్ట్‌ క్రియేట్‌ చేస్తుంది. సినిమాలో నా క్యారెక్టర్‌ ఎక్కువగా ఉంటుందా లేక నిహారిక పాత్ర ఎక్కువ ఉంటుందా? అనే లెక్కలు వేసుకోలేదు. ఇద్దరి క్యారెక్టర్స్‌కు సినిమాలో ఇంపార్టెన్స్‌ ఉంది. ► ఈ సినిమాకు పాజిటివ్‌ వైబ్రేషన్స్‌ కనిపిస్తున్నాయి. భవిష్యత్‌లో నేనూ పెద్ద బ్యానర్‌లో చేయడానికి ఇదొక ఫ్లాట్‌ఫామ్‌గా ఉపయోగపడుతుందని అనుకుంటున్నాను. యూవీ క్రియేషన్స్‌ వారు కాంప్రమైజ్‌ కాకుండా నిర్మించారు. వాళ్లు లేకపోతే సినిమా ఇంత గ్రాండియర్‌గా వచ్చేది కాదు. ► నేను ఏ అమ్మాయిని పెళ్లి చేసుకున్నా మా తల్లిదండ్రులకు ఇష్టమే. కానీ ఆ అమ్మాయి మా అమ్మానాన్నలకు నచ్చాలనేది నా ఫీలింగ్‌. వాళ్లకు నచ్చితేనే నేను పెళ్లి చేసుకుంటాను. నా ఇష్టాన్ని మా పేరెంట్స్‌ కాదనరని నా నమ్మకం.

‘‘మంచి పాత్రలు చేస్తే మంచి నటిగా గుర్తుండిపోతావు. చిన్న తప్పు చేసినా.. భూతద్దంలో పెట్టి చూస్తారు. వాటిని ఫేస్‌ చేయడానికి రెడీగా ఉండాలి’ అని సినిమాల్లోకి వచ్చే ముందు పెదనాన్న (చిరంజీవి) చెప్పారు’’ అన్నారు నిహారిక. సుమంత్‌ అశ్విన్, నిహారిక జంటగా లక్ష్మణ్‌ కార్య దర్శకత్వంలో తెరకెక్కిన చిత్రం ‘హ్యాపి వెడ్డింగ్‌’. యూవీ క్రియేషన్స్, పాకెట్‌ సినిమా సంయుక్తంగా నిర్మించిన ఈ సినిమా ఈ నెల 28న విడుదలవుతోంది. ఈ సందర్భంగా నిహారిక పంచుకున్న విశేషాలు... ► ‘‘హీరోలతో బయటి అమ్మాయిలు క్లోజ్‌గా మాట్లాడితేనే ఏదేదో అంటుంటారు. నువ్వు మెగా ఫ్యామిలీ నుంచి వెళుతున్నావంటే నీపై కాన్‌సన్‌ట్రేషన్‌ ఎక్కువగా ఉంటుంది. నువ్వు నార్మల్‌గా కనిపించినా ఏదేదో రాసేస్తారు’’ అని నాన్న (నాగబాబు) అన్నారు. ప్రస్తుతం నాకు ఇన్‌స్టాగ్రామ్‌ అకౌంట్‌ మాత్రమే ఉంది. సోషల్‌ మీడియాతో సమయం వృథా అని రెండేళ్లు ఫోన్‌ వాడలేదు. మళ్లీ ఈ మధ్యే వాడుతున్నాను. ► ‘హ్యాపి వెడ్డింగ్‌’లో అక్షర అనే సింపుల్‌ ఫ్యాషన్‌ డిజైనర్‌ పాత్రలో కనిపిస్తా. ప్రేమించిన వ్యక్తితో ఇంట్లోవాళ్ల సమ్మతంతో ఎంగేజ్‌మెంట్, పెళ్లి జరుగుతుంది. నా పాత్రవల్లే సమస్యలు, సొల్యూషన్స్‌ ఉంటాయి. ► చిరంజీవిగారి డ్యాన్స్‌ చూస్తూ పెరగడంతో నేర్చుకోవాల్సిన పని లేదనిపించింది. డ్యాన్స్‌ బాగా వచ్చినప్పటికీ నా మూడు సినిమాల్లో చేసే అవకాశం రాలేదు. క్లాసికల్‌ డ్యాన్స్‌ నేర్చుకునే క్రమంలో కాళ్లపై కొట్టి నేర్పిస్తారు (నవ్వుతూ). అలా చేయడం వల్ల నాకు జ్వరం వచ్చి నేర్చుకోవడమే మానేశాను. ► నాకు 10–15 ఏళ్లు సినిమాల్లో నటించాలని లేదు. మూడు నాలుగేళ్ల తర్వాత పెళ్లి చేసుకుని సినిమాలు మానేస్తాను. అయితే ప్రొడక్షన్‌ సైడ్‌ ఉంటాను. వెబ్‌ సిరీస్‌ చేసుకుంటాను. సినిమాలు మానేసిన తర్వాత నా సినిమాలు చూసుకుంటే నా ప్రతి క్యారెక్టర్‌ నాకు నచ్చాలి. స్టార్‌ హీరోలతో ఇప్పటి వరకూ అవకాశం రాలేదు.. వస్తే చేస్తా.  ► పెళ్లంటే చాలా గౌరవం. అయితే ఇప్పుడే పెళ్లి చేసుకోను. ప్రస్తుతం నా దృష్టి కెరీర్‌పైనే. విజయ్‌ సేతుపతి, గౌతమ్‌ కార్తీక్‌లతో సినిమా చేసేటప్పుడు ట్యూటర్‌ని పెట్టుకుని తమిళం నేర్చుకున్నా. ఇప్పుడు రాస్తాను కూడా. ఇంట్లో నేనెవర్నీ ఇమిటేట్‌ చేయను. ► మెగా ప్రిన్సెస్‌ అన్నప్పుడల్లా ఎక్స్‌పెక్టేషన్స్‌ ఉంటాయనిపిస్తుంది. దానివల్ల కొన్నిసార్లు మంచే జరిగినా నాకు భయంగా ఉంటుంది. ‘కథ నీకు నచ్చితే చెయ్‌’ అని అన్నయ్య (వరుణ్‌ తేజ్‌) అంటారు. నా సినిమా కథ వినరు. ప్రణీత్‌ దర్శకత్వంలో చేస్తున్న సినిమా లాంగ్‌ షెడ్యూల్‌ పూర్తి చేశాం. రాహుల్‌ విజయ్‌తో ఓ సినిమా చేస్తున్నా. ∙చిరంజీవిగారి సినిమాలో ఆయనతో ఓ ఫ్రేమ్‌లో కనిపించినా చాలనుకునేదాన్ని. ‘సైరా’లో నటించాలని అన్నయ్య చరణ్‌ను బతిమలాడాను. సురేందర్‌రెడ్డిగారు వచ్చి ‘డైలాగ్స్‌ లేకున్నా పర్లేదా?’ అంటే.. ఓకే అన్నా. రెండు ఫ్రేమ్స్‌లో కనపడే చిన్న బోయ అమ్మాయిగా చేశా.

‘‘ఫిల్మ్‌ ఇండస్ట్రీ అంటేనే రిస్క్‌. ఆ రిస్క్‌ తీసుకోవడానికి యూవీ క్రియేషన్స్‌ వంశీ, ప్రమోద్‌లు ఎప్పుడూ ముందుంటారు. కానీ తెరవెనుక నుంచే మొత్తం నడుపుతారు. రిస్క్, రివార్డులు తీసుకునే వాళ్లలో ‘బాహుబలి’ నిర్మాతలు (శోభు యార్లగడ్డ, ప్రసాద్‌ దేవినేని) తర్వాత వీరినే అనుకుంటా. గుండె ధైర్యంతో పాటు చాలా పెద్ద మనసున్న మంచివాళ్లు’’ అని నిర్మాత అల్లు అరవింద్‌ అన్నారు. సుమంత్‌ అశ్విన్, నిహారిక జంటగా లక్ష్మణ్‌ కార్య దర్శకత్వంలో తెరకెక్కిన చిత్రం ‘హ్యాపి వెడ్డింగ్‌’. యూవీ క్రియేషన్స్, పాకెట్‌ సినిమా నిర్మించిన ఈ సినిమా ఈ నెల 28న విడుదల కానుంది. ఈ సందర్భంగా నిర్వహించిన ప్రీ–రిలీజ్‌ వేడుకలో అల్లు అరవింద్‌ మాట్లాడుతూ– ‘‘నిహారిక మా ముందు పుట్టి పెరిగి మామయ్యా.. అంటుండేది.  ఇవాళ హీరోయిన్‌గా చూస్తుంటే నాకు డిఫరెంట్‌ ఫీలింగ్‌ కలుగుతోంది. సుమంత్‌ అశ్విన్‌ డీసెంట్, ప్లెజెంట్, రొమాంటిక్‌ యాక్టర్‌. టీనేజ్‌కి కొంచెం పైబడినట్టు ఉండి రొమాంటిక్‌ క్యారెక్టర్స్‌ చేయగల తక్కువ మంది హీరోల్లో సుమంత్‌ ఒక్కరు. ఎమ్మెస్‌ రాజుగారితో పోటీ పడి పైకొచ్చాం. అంత మంచి నిర్మాత ఆయన. ఇటీవల ఓ సినిమాలో మురళీశర్మగారి నటన చూశాక ఎస్వీ రంగారావుగారి అవార్డు ఉంటే ఇవ్వాలనిపించింది. అంత బాగా చేశారు. ‘సమ్మోహనం’ సినిమా చూసి నరేశ్‌ని అభినందిస్తూ మెసేజ్‌ చేశా. ‘హ్యాపి వెడ్డింగ్‌’ ఫీల్‌ గుడ్‌ మూవీ. సినిమా చూడాలి, ఎంజాయ్‌ చేయాలనుకునే సినిమాల్లో ఇదొకటి’’ అన్నారు. రామ్‌చరణ్‌ మాట్లాడుతూ– ‘‘నిహారిక కోసమో, ఈ సినిమా గురించి మాట్లాడటానికో ఇక్కడికి రాలేదు. ఎమ్మెస్‌ రాజుగారి కోసం వచ్చా. ఆయన, యూవీ క్రియేషన్స్‌ కలిసి ఈ సినిమా చేయడం ఆనందంగా ఉంది. వంశీ అన్న, విక్రమ్, ప్రమోద్‌గారు చేసిన ప్రతి సినిమా హిట్‌ అవుతోంది. వారిపై నమ్మకంతో, నిహారిక మాటలు విన్నాక, ట్రైలర్‌ చూశాక కచ్చితంగా ఈ సినిమా హిట్‌ అవుతుందనిపించింది. ట్రైలర్‌ పండితే సినిమా కూడా పండుతుందని చాలా వరకు నేను నమ్ముతా. మురళీశర్మగారితో ‘ఎవడు’ సినిమా చేశా. త్వరలో మరో సినిమా చేయాలనుకుంటున్నా. సుమంత్‌ వెరీ హార్డ్‌వర్కర్‌. తన కెరీర్‌కి ఇది మైల్‌స్టోన్‌ అవుతుంది. ఎమ్మెస్‌ రాజుగారితో మాకున్న అనుబంధం ఈనాటిది కాదు. నెలక్రితం నాన్నగారు (చిరంజీవి), నేను కూర్చుని ఉన్నప్పుడు రాజుగారి టాపిక్‌ వచ్చింది. నాన్నగారు 1980లలో జరిగిన ఓ సంఘటన చెప్పారు. నాన్నగారు చాలా మంది నిర్మాతలతో పని చేస్తూ ఉండేవారు. ఓ నెల నాన్నకీ, అమ్మకీ డబ్బులు సరిపోలేదు. నాన్నగారు హీరోగా పని చేస్తున్న ఓ ముగ్గురు నిర్మాతలను ఐదు వేలు అప్పు అడిగితే వాళ్లు ఇవ్వలేని పరిస్థితుల్లో ఉన్నారు. చివరిగా ఎమ్మెస్‌ రాజుగారి నాన్నగార్ని (అయ్యప్పరాజు) అడిగినప్పుడు.. ఒక్క సెకన్‌ కూడా ఆలోచించకుండా ఐదు వేల రూపాయలు నాన్నగారికి ఇచ్చి తీసుకో.. తర్వాత తీసుకుంటాను అన్నారట ఎమ్మెస్‌ రాజుగారు. తర్వాత నాన్న తిరిగిచ్చేశారు. అది ఇవాళ్టికి కూడా గుర్తుపెట్టుకుని నాన్నగారు నాకు చెప్పారు. ఎమ్మెస్‌ రాజుగారు నాకు ఫోన్‌ చేసి ఫంక్షన్‌ గురించి చెప్పగానే అది నా బాధ్యత.. వస్తాను అన్నాను. ఇక్కడికి నేను రావడం గొప్ప విషయం కాదు. ఆయన గొప్పతనం మీ అందరికీ చెప్పాలనే ఇక్కడికొచ్చా. నటుడికి, నిర్మాతకి, డైరెక్టర్‌కి కావాల్సింది ప్రతిభే కాదు మంచి ప్రవర్తన. గ్రేట్‌ టాలెంట్‌ ఉన్నవారు బ్యాడ్‌ యాటిట్యూడ్‌తో ఉంటే సక్సెస్‌ అవలేరు కానీ, బ్యాడ్‌ టాలెంట్‌ ఉన్నా ఒక మంచి యాటిట్యూడ్‌ ఉంటే ఎప్పటికైనా లైఫ్‌లో సక్సెస్‌ అవుతారు. అలాంటి రాజుగారి ఫ్యామిలీ ఎప్పుడూ సక్సెస్‌ఫుల్‌గా ఉండాలని మా ఫ్యామిలీ తరఫునుంచి మనస్ఫూర్తిగా కోరుకుంటున్నా’’ అన్నారు. ‘‘హ్యాపి వెడ్డింగ్‌’ వెరీ గుడ్‌ టైటిల్‌. చాలా పాజిటివ్‌గా ఉంది. ఈ సినిమా ‘బొమ్మరిల్లు’ అంత హిట్‌ అవ్వాలని మనస్ఫూర్తిగా కోరుకుంటున్నా’’ అన్నారు డైరెక్టర్‌ బి. గోపాల్‌. ‘‘నా దృష్టిలో ప్రతి ఒక్కరి జీవితంలో బిగ్గెస్ట్‌ ఫంక్షన్‌ పెళ్లి. ఆ ఈవెంట్‌ ఓ ఎమోషనల్‌ ప్యాకేజ్‌.. అదే మా ‘హ్యాపి వెడ్డింగ్‌’. ఈ సినిమా ఫీల్‌ని ప్రేక్షకులు గుండెల్లో పెట్టుకుని ఇంటికి తీసుకెళతారని చెప్పగలను. సుమంత్, నిహారికగార్ల సపోర్ట్‌ లేకుంటే ఈ సినిమా చాలా కష్టం’’ అన్నారు లక్ష్మణ్‌ కార్య. ‘‘హ్యాపి వెడ్డింగ్‌’ కథ విన్న వెంటనే నేను కనెక్ట్‌ అయ్యి ఓకే చేశా. ఈ కథకి అమ్మాయిలు ఎక్కువ కనెక్ట్‌ అవుతారు. వంశీ, ప్రమోద్‌గారు లక్కున్న నిర్మాతలు. ఆ లక్‌ మాకూ వస్తుందనుకుంటున్నా’’ అన్నారు నిహారిక. ‘‘ఈ సినిమాలో కొన్ని సీన్లకి ఎమోషనల్‌గా కనెక్ట్‌ అయ్యాను. అవి స్వీట్‌ మెమొరీస్‌. వాటిని జీవితాంతం గుర్తుపెట్టుకుంటాను. ప్రేక్షకులే దేవుళ్లు. మీ అందరి ఆశీస్సులు మాకు కావాలి’’ అన్నారు సుమంత్‌ అశ్విన్‌.

పెళ్లికి ముహూర్తం ఫిక్స్‌ అయ్యింది. వరుడు సుమంత్‌ అశ్విన్‌. వధువు నిహారిక. ఈ నెల 28న వీరి వివాహం జరగనుంది. ఇది రీల్‌ మ్యారేజ్‌. సుమంత్‌ అశ్విన్, నిహారిక జంటగా లక్ష్మణ్‌ కార్య దర్శకత్వంలో తెరకెక్కిన చిత్రం ‘హ్యాపి వెడ్డింగ్‌’. యూవీ క్రియేషన్స్, పాకెట్‌ సినిమా నిర్మించిన ఈ సినిమా ఈ నెల 28న రిలీజ్‌ కానుంది. లక్ష్మణ్‌ కార్య మాట్లాడుతూ – ‘‘పెళ్లంటే నూరేళ్ల పంట. జీవించినంత కాలం ఒకరినొకరు అర్థం చేసుకుని ఎటువంటి మనస్పర్థలు రాకుండా జీవించాలని అర్థం. దీనికి ఇరు పెద్దలు కూర్చుని చక్కటి ముహూర్తాన్ని నిర్ణయిస్తారు. పెళ్లికి ముహూర్తం నిర్ణయించిన దగ్గర నుంచి పెళ్లి జరిగే రోజు వరకు రెండు కుటుంబాల మధ్య, రెండు మనసుల మధ్య ఏం జరుగుతుందనే విషయాన్ని చూపించాం’’ అన్నారు. ఈ చిత్రానికి సంగీతం: శక్తికాంత్‌ కార్తీక్, రీ రికార్డింగ్‌: తమన్, కెమెరా: బాల్‌ రెడ్డి.

మెగా వారసురాలు నిహారిక కొణిదెల హీరోయిన్‌ గా నటిస్తున్న తాజా చిత్రం హ్యాపీ వెడ్డింగ్‌. సుమంత్‌ అశ్విన్‌ హీరోగా నటిస్తున్న ఈ సినిమాకు లక్ష్మణ్‌ కర్య దర్శకుడు. సక్సెస్‌ఫుల్‌ నిర్మాణ సంస్థ యువీ క్రియేషన్స్, పాకెట్‌ సినిమా బ్యానర్‌తో కలిసి నిర్మిస్తున్నారు. శక్తికాంత్‌ కార్తీక్‌ సంగీతమందిస్తున్నారు. షూటింగ్ కార్యక్రమాలు పూర్తి చేసుకున్న ఈ సినిమా ప్రస్తుతం నిర్మాణాంతర కార్యక్రమాల్లో బిజీగా ఉంది. ఇప్పటికే ప్రమోషన్‌ కార్యక్రమాలు ప్రారంభించిన చిత్రయూనిట్ ఇటీవల యంగ్‌ రెబల్ స్టార్ ప్రభాస్ చేతుల మీద ట్రైలర్‌ను రిలీజ్ చేయించారు. రేపు తొలి సాంగ్‌ను రిలీజ్ చేయనున్నారు. ‘దీంతన.. తోంతన..’ అంటూ సాగే ఓ ఫంక్షన్‌ సాంగ్‌ను రేపు (గురువారం) ఉదయం రిలీజ్ చేయనున్నారు. అన్ని కార్యక్రమాలు పూర్తి చేసి వీలైనంత త్వరగా సినిమాను రిలీజ్‌ చేసేందుకు ప్లాన్‌ చేస్తున్నారు.

‘మాకు బంధువులు ఎక్కువేగానీ పనులకు ఎవరూ రారు’ అనే డైలాగ్‌తో ‘హ్యాపి వెడ్డింగ్‌’ సినిమా ట్రైలర్‌ ప్రారంభమైంది. ‘మీ అబ్బాయిలంతా ఇంతేనా.. మేం కన్‌ఫామ్‌ చేయగానే ఎందుకు మీలో అంత మార్పు’ అంటూ సుమంత్‌ అశ్విన్‌ని నిలదీస్తున్నారు నిహారిక. ‘మా విజయవాడ అబ్బాయిలు చాలా రొమాంటిక్‌.. ఏం చేసినా చాలా రొమాంటిక్‌గా చేస్తారు’ అని నిహారికతో అంటున్నారు సుమంత్‌ అశ్విన్‌. టోటల్‌గా ‘హ్యాపి వెడ్డింగ్‌’ ట్రైలర్‌లో పెళ్లి సందడి కనిపించింది. సుమంత్‌ అశ్విన్, నిహారిక జంటగా లక్ష్మణ్‌ కార్య దర్శకత్వంలో రూపొందిన  ఈ చిత్రం ట్రైలర్‌ను విడుదల చేశారు. ‘‘పెళ్లి కుదిరిన రోజు నుంచి పెళ్లి జరిగే రోజు వరకు రెండు కుటుంబాల మధ్య, రెండు మనసుల మధ్య ఏం జరుగుతుందనే విషయాన్ని అందంగా చూపించాం. ప్రేక్షకులు తమని తాము చూసుకునేలా ఉంటుంది’’ అన్నారు లక్ష్మణ్‌ కార్య. ‘‘నిహారిక బాగా నటించారు. నా కెరీర్‌కి ఈ సినిమా మంచి హెల్ప్‌ అవుతుందనుకుంటున్నా’’ అన్నారు సుమంత్‌ అశ్విన్‌. ‘‘యూవీ క్రియేషన్స్‌లో మూవీ చేయడం హ్యాపీ’’ అన్నారు నిహారిక. ఈ సినిమాకు సమర్పణ: యూవీ క్రియేషన్స్, సంగీతం: శక్తికాంత్, రీ–రికార్డింగ్‌: ఎస్‌.ఎస్‌. తమన్, కెమెరా: బాల్‌రెడ్డి, నిర్మాత: పాకెట్‌ సినిమా.

ఒక్కమనసు సినిమాతో హీరోయిన్‌గా ఎంట్రీ ఇచ్చిన మెగా వారసురాలు నిహారిక కొణిదెల తన ప్రయత్నాలు కొనసాగిస్తూనే ఉన్నారు. ఇటీవల కోలీవుడ్‌లోనూ అడుగుపెట్టిన నిహారిక త్వరలో హ్యాపీ వెడ్డింగ్‌సినిమాతో ప్రేక్షకుల ముందుకు వచ్చేందుకు రెడీ అవుతున్నారు. నిర్మాత ఎంఎస్‌ రాజు తనయుడు సుమంత్ అశ్విన్‌ హీరోగా తెరకెక్కుతున్న ఈ సినిమాకు లక్ష్మణ్ కర్య దర్శకుడు. యువీ క్రియేషన్స్, పాకెట్ సినిమా సంస్థలు సంయుక్తంగా నిర్మిస్తున్న ఈ సినిమా ప్రమోషన్‌ కార్యక్రమాలు వినూత్నంగా నిర్వహిస్తున్నారు. ఇటీవల ఓ డిఫరెంట్ వీడియోతో నిహారిక ఆకట్టుకోగా చిత్ర  ట్రైలర్‌ను యంగ్‌ రెబల్‌ స్టార్‌ ప్రభాస్‌ తన సోషల్‌ మీడియా పేజ్‌ ద్వారా రిలీజ్‌ చేశారు. ఫిదా ఫేం శక్తికాంత్‌ సంగీతమందిస్తున్న ఈ సినిమాకు తమన్‌ బ్యాక్‌ గ్రౌండ్‌ స్కోర్‌ అందిస్తున్నారు.

మెగా బ్రదర్‌ నాగబాబు కూతురు నిహారిక పెళ్లి వార్తలపై ఫైర్‌ అయ్యారు. ఇందుకు సంబంధించిన ఓ వీడియోను యూవీ క్రియేషన్స్‌ యూట్యూబ్‌లో షేర్‌ చేసింది. ఓ వ్యక్తి మేడమ్‌ మేము యూట్యూబ్‌ ఛానల్‌ నుంచి వచ్చాం.. మీ వెడ్డింగ్‌ గురించి సోషల్‌ మీడియాలో వైరల్‌ అవుతుంది.. దీనిపై ఏమైనా చెబుతారా అని అడగగా.. నిహారిక స్పందిస్తూ.. ‘అసలు ఎవరు నిన్ను లోనికి రానిచ్చింది. నా పెళ్లి గురించి మీకెందుకయ్యా.. నిహారిక ఎవర్ని చేసుకుంటుంది, ఎప్పుడు చేసుకుంటుంది,ఎందుకు చేసుకుంటుంది.. చూస్తే షాక్‌ అవుతారు.. షేక్‌ అవుతారు.. కిందపడి లేస్తారు.. పిచ్చా మీకేమైనా.. మీ థంబ్‌ నెయిల్స్‌ కోసం నన్ను వాడుకుంటారా’ అంటూ అతనిపై విరుచుకుపడ్డారు.   తర్వాత అతడు మేము అడుగుతుంది మీ హ్యాపి వెడ్డింగ్‌ మూవీ గురించి మేడమ్‌ అని చెప్పగా.. నిహారిక సారీ చెప్పారు. ఆమె మాట్లాడుతూ.. హ్యాపి వెడ్డింగ్‌ ట్రైలర్‌ జూన్‌ 30న రిలీజ్‌ కాబోతుందన్నారు. అప్పుడు సినిమా రిలీజ్‌ ఎప్పుడో చెబుతామంటూ.. అక్కడి నుంచి వెళ్లిపోయారు. హ్యాపి వెడ్డింగ్‌ చిత్ర ప్రమోషన్‌ కోసం రూపొందించిన ఈ వీడియో నెటిజన్లను విపరీతంగా ఆకట్టుకుంటుంది. యూవీ క్రియేషన్‌ బ్యానర్‌పై తెరకెక్కిన చిత్రంలో సుమంత్‌ అశ్విన్‌, నిహారిక జంటగా నటించారు. ఈ చిత్ర ట్రైలర్‌ను శనివారం ఉదయం 10.35 గంటలకు విడుదల చేయనున్నారు. 

సుధీర్‌ బాబు, నందితలు హీరో హీరోయిన్లుగా తెరకెక్కి ఘనవిజయం సాధించిన సినిమా ప్రేమకథా చిత్రం. మారుతి కథ అందించిన ఈ సినిమాకు జె ప్రభాకర్‌ రెడ్డి దర్శకుడు. కామెడీ హర్రర్‌ జానర్‌లో తెరకెక్కిన ఈ సినిమా సూపర్‌ హిట్ కావటంతో సుమంత్ అశ్విన్‌ హీరోగా సీక్వెల్‌ ను ప్రారంభించారు. ప్రేమ కథా చిత్రం 2 పేరుతో తెరకెక్కుతున్న ఈ సీక్వెల్‌ త్వరలోనే పట్టాలెక్కనుందని తెలుస్తోంది. హరి కిషన్‌ దర్శకుడిగా పరిచయం అవుతూ తెరకెక్కిస్తున్న ఈ సినిమాలో ఇద్దరు హీరోయిన్లు నటించనున్నారు. ఒక హీరోయిన్‌గా జంబ లకిడి పంబ ఫేం సిద్ధి ఇద్నాని నటిస్తుండగా మరో హీరోయిన్‌ గా ఎక్కడికి పోతావు చిన్నావాడా ఫేం నందిత శ్వేత నటించనుంది. ప్రేమ కథా చిత్రానికి నిర్మాతగా వ్యహరించిన సుదర్శన్‌ రెడ్డి సీక్వెల్‌ను కూడా నిర్మిస్తున్నారు.

హీరోయిన్‌గా నిలదొక్కుకునేందుకు మెగా హీరోయిన్‌ నిహారిక కొణిదెల కష్టపడుతున్నారు. ఒక్క మనసు సినిమాతో తెరంగేట్రం చేసిన ఈ భామ, ఇటీవల స్పీడు పెంచారు. కోలీవుడ్‌లోనూ అదృష్టాన్ని పరీక్షించుకున్న నిహారిక ప్రస్తుతం తెలుగులో వరుస సినిమాలకు కమిట్ అవుతున్నారు. సుమంత్‌ అశ్విన్‌కు జోడిగా తెరకెక్కిన హ్యాపీ వెడ్డింగ్‌ త్వరలో రిలీజ్ కు రెడీ అవుతుంది. హ్యాపీ వెడ్డింగ్‌ సెట్స్‌మీద ఉండగానే మరో రెండు సినిమాలను ప్రారంభించారు నిహారిక. శ్రియతో కలిసి నటిస్తున్న ఓ లేడీ ఓరియటెండ్ సినిమా ఇటీవల ప్రారంభం కాగా.. ఈరోజు (శనివారం) ఉదయం మరో సినిమాను ప్రారంభించారు. రాహుల్‌ విజయ్‌ హీరోగా  ప్రణీత్ బ్రహ్మండ‌ప‌ల్లి దర్శకత్వంలో ఈ సినిమా తెరకెక్కనుంది. డిస్టిబ్యూషన్‌ రంగంలో మంచి అనుభవమున్న నిర్వాణ సినిమాస్‌ ఈ చిత్రంతో నిర్మాణ రంగంలో అడుగుపెడుతోంది. (ఫొటో గ్యాలరీ కోసం ఇక్కడ క్లిక్ చేయండి)

‘తూనీగ తూనీగ’ సినిమాతో ఎంట్రీ ఇచ్చా రు స్టార్‌ ప్రొడ్యూసర్‌ ఎమ్‌ ఎస్‌ రాజు తనయుడు సుమంత్‌ అశ్విన్‌. లవర్స్‌, కేరింత లాంటి విజయవంతమైన చిత్రాలు అతని ఖాతాలో ఉన్నప్పటికీ గత కొంతకాలం పాటు సరైన హిట్‌లేక వెనుకబడ్డారు. అయితే ప్రస్తుతం ఈ కుర్ర హీరో ‘హ్యాపి వెడ్డింగ్‌’ సినిమాతో ప్రేక్షకుల ముందుకు రాబోతున్నారు.  తాజాగా ఈ సినిమాకు సంబంధించిన టీజర్‌ను ‘ఫస్ట్‌ ఇన్విటేషన్‌’ పేరుతో విడుదల చేశారు. ఈ సినిమాలో మెగా డాటర్‌ నిహారిక కొణిదెల హీరోయిన్‌గా నటిస్తున్నారు. ‘ఒక మనసు’తో టాలీవుడ్‌కు ఎంట్రీ ఇచ్చారు నిహారిక. కమర్షియల్‌గా ఆ సినిమా విజయవంతం కాకపోయినా నటన పరంగా నిహారికకు మంచి మార్కులే పడ్డాయి. ఆ సినిమా తరువాత మళ్లీ తెలుగులో ఇంకో సినిమా చేయలేదు. తమిళంలో విజయ్‌సేతుపతితో కలిసి ఓ సినిమా చేసినా, అది తెలుగులో విడుదల కాలేదు. అయితే ఈ ‘హ్యాపి వెడ్డింగ్‌’ సినిమా నిహారికకు, సుమంత్‌కు విజయం అందిస్తుందో లేదో వేచి చూడాలి. యూవీ క్రియేషన్స్‌ నిర్మాణంలో తెరకెక్కుతున్న ఈ సినిమా ట్రైలర్‌ను జూన్‌ 30న రిలీజ్‌ చేయనున్నట్లు ప్రకటించారు.  Wedding shenanigans begin💍@UV_Creations & #PocketCinema cordially invites you to the #HappyWedding of #SumanthAshwin @IamNiharikaK. With best compliments from @lakshmankarya Sangeet by #ShakthiKarthik & @musicthaman 🎶#HappyWeddingFirstInvitationhttps://t.co/ro4nifDBex — UV Creations (@UV_Creations) June 21, 2018

‘‘పెళ్లి కుదిరిన రోజు నుంచి పెళ్లి జరిగే వరకూ రెండు కుటుంబాల మనసుల్లో ఏం జరుగుతుందో మా  సినిమాలో చూపించాం’’ అంటున్నారు ‘హ్యాపి వెడ్డింగ్‌’ చిత్రబృందం. సుమంత్‌ అశ్విన్, నిహారికా జంటగా లక్ష్మణ్‌ కార్య దర్శకత్వంలో యూవీ క్రియేషన్స్, పాకెట్‌ సినిమా నిర్మిస్తున్న చిత్రం ‘హ్యాపి వెడ్డింగ్‌’. ‘ఫిదా’ ఫేమ్‌ శక్తికాంత్‌ సంగీత దర్శకుడు. ఈ సినిమాకు తమన్‌ రీ–రీకార్డింగ్‌ చేయనున్నారు. నిర్మాతలు మాట్లాడుతూ– ‘‘యూవీ క్రియేషన్స్‌ వంటి ప్రతిష్టాత్మక బ్యానర్‌తో కలసి ఈ సినిమా చేస్తున్నాం. లక్ష్మణ్‌ విజన్‌ ఉన్న దర్శకుడు. ఇప్పుడీ ప్రాజెక్ట్‌లోకి తమన్‌ ఎంటర్‌ అయ్యారు. తనదైన రీ–రికార్డింగ్‌తో ఆడియన్స్‌ను మెస్మరైజ్‌ చేయనున్నారు. త్వరలోనే సినిమాని రిలీజ్‌ చేస్తాం’’ అన్నారు.

‘ప్రేమకథా చిత్రమ్, జక్కన్న’ వంటి హిట్స్‌ అందించిన ఆర్‌పీఏ క్రియేషన్స్‌ ప్రస్తుతం ‘ప్రేమకథా చిత్రమ్‌ 2’ రూపొందించనుంది. ‘బ్యాక్‌ టు ఫియర్‌’ అన్నది క్యాప్షన్‌. సుమంత్‌ అశ్విన్‌ హీరోగా హరికిషన్‌ దర్శకత్వంలో ఆర్‌. సుదర్శన్‌ రెడ్డి నిర్మిస్తున్న ఈ సినిమా హైదరాబాద్‌లో ప్రారంభమైంది. తొలి సన్నివేశానికి సీనియర్‌ డైరెక్టర్‌ సాగర్‌ క్లాప్‌ ఇవ్వగా, అమరేందర్‌ రెడ్డి కెమెరా స్విచ్చాన్‌ చేశారు. అఖిల్‌ రెడ్డి తొలి సన్నివేశానికి డైరెక్షన్‌ చేశారు. సుదర్శన్‌ రెడ్డి మాట్లాడుతూ– ‘‘ప్రేమకథా చిత్రమ్‌’ హిలేరియస్‌ కామెడీతో ట్రెండ్‌ క్రియేట్‌ చేసింది. ఈ చిత్రానికి సీక్వెల్‌గా ‘ప్రేమకథా చిత్రమ్‌ 2’ ప్రారంభించాం. హరికిషన్‌ను దర్శకునిగా పరిచయం చేస్తున్నాం. కామెడీ ఎంటర్‌టైనర్‌గా అన్ని వర్గాల ప్రేక్షకులను అలరించే కథ ఇది. మా బ్యానర్‌లో మరో సూపర్‌ హిట్‌ చిత్రంగా నిలుస్తుందని నమ్ముతున్నాం. కెమెరామెన్‌ సి.రాంప్రసాద్, ఎడిటర్‌ ఉద్ధవ్, సంగీత దర్శకుడు జేబీ, డైలాగ్‌ రైటర్‌ చంద్రశేఖర్‌ లాంటి టెక్నీషియన్స్‌ మెయిన్‌ పిల్లర్స్‌గా ఈ సినిమా రూపొందిస్తున్నాం. మరిన్ని వివరాలు త్వరలోనే తెలియజేస్తాం’’ అన్నారు. ఈ చిత్రానికి సహ నిర్మాతలు: ఆయుష్‌ రెడ్డి, ఆర్‌.పి. అక్షిత్‌ రెడ్డి.

సుమంత్‌ అశ్విన్, నిహారిక కొణిదెల జంటగా రూపొందిన సినిమా ‘హ్యాపీ వెడ్డింగ్‌’. లక్ష్మణ్‌ కార్య దర్శకత్వంలో యూవీ క్రియేషన్స్, పాకెట్‌ సినిమా సంయుక్తంగా నిర్మించిన ఈ సినిమాని వేసవికి విడుదల చేయాలనుకుంటున్నారు. ఈ సందర్భంగా నిర్మాతలు మాట్లాడుతూ– ‘‘రొమాంటిక్‌ ఎంటర్‌టైనర్‌గా తెరకెక్కిన చిత్రమిది. పెళ్లి కుదిరిన రోజు నుంచి జరిగే వరకూ ఉన్న టైమ్‌లో రెండు కుటుంబాల మధ్య, రెండు మనసుల మధ్య ఏం జరుగుతుందనే విషయాన్ని లక్ష్మణ్‌ చక్కగా తెరకెక్కించాడు. ప్రతి ఒక్కరి జీవితంలో ఇలాంటి అనుభవం జరిగి ఉంటుంది. ఆయా పాత్రల్లో ప్రేక్షకులు తమని తాము చూసుకునేలా ఉంటుంది. సుమంత్‌ అశ్విన్, నిహారిక చక్కగా నటించారు. ‘ఫిదా’ ఫేమ్‌ శక్తికాంత్‌ కార్తీక్‌ మా సినిమాకి పాటలు అందించారు. త్వరలోనే టీజర్‌ని రిలీజ్‌ చేస్తాం. ఈ సమ్మర్‌కి చక్కని ఫ్యామిలీ అండ్‌ రొమాంటిక్‌ ఎంటర్‌టైనర్‌గా మా సినిమా ప్రేక్షకుల్ని అలరిస్తుంది. ప్రస్తుతం పోస్ట్‌ ప్రొడక్షన్‌ పనులు జరుగుతున్నాయి’’ అన్నారు. నరేశ్, మురళీ శర్మ, పవిత్ర లోకేష్, తులసి, ఇంద్రజ, మధుమణి తదితరులు నటించిన ఈ చిత్రానికి కెమెరా: బాల్‌ రెడ్డి.

యంగ్‌ హీరో సుమంత్‌ అశ్విన్, నిహారిక కొణిదెల జంటగా ‘హ్యాపీ వెడ్డింగ్‌’ సినిమా తెరకెక్కనుంది. వరుస విజయాలు సాధిస్తున్న యూవీ క్రియేషన్స్‌.. పాకెట్‌ సినిమాతో కలసి నిర్మించనున్న ఈ చిత్రానికి లక్ష్మణ్‌ కార్య దర్శకత్వం వహించనున్నారు. నిర్మాతలు మాట్లాడుతూ– ‘‘క్రేజీ బ్యానర్‌ యూవీ క్రియేషన్స్‌తో అసోసియేట్‌ కావడం హ్యాపీగా ఉంది. రొమాంటిక్‌ ఎంటర్‌టైనర్‌గా తెరకెక్కనున్న చిత్రమిది. కథ చెప్పగానే సుమంత్‌ అశ్విన్, నిహారిక ఎక్సైట్‌ అయ్యారు. రాక్‌స్టార్‌ దేవిశ్రీ ప్రసాద్‌ సంగీతం ఈ చిత్రానికి హైలెట్‌గా నిలుస్తుంది. అక్టోబర్‌ 4న రెగ్యులర్‌ షూటింగ్‌ మొదలుపెడతాం. అన్నివర్గాల ప్రేక్షకులను అలరించేలా తెరకెక్కిస్తాం’’ అన్నారు. నరేశ్, మురళీ శర్మ, పవిత్రా లోకేష్, తులసి, నిరోష తదితరులు నటించనున్న ఈ చిత్రానికి కెమెరా: బాలరెడ్డి.

స్టార్ ఫ్యామిలీ నుంచి హీరోయిన్ గా తెరంగేట్రం చేసిన భామ నిహారిక. మెగా ఫ్యామిలీ నుంచి వచ్చిన ఈ భామ ముందు యాంకర్ గా బుల్లితెర మీద సత్తా చాటి.. తరువాత ఒక మనసు సినిమాతో హీరోయిన్ పరిచయం అయ్యింది. అయితే తొలి సినిమా నిరాశపరచటంలో లాంగ్ గ్యాప్ తీసుకున్న నిహారిక తన రెండో సినిమా ను గత జూన్ లో ప్రారంభించింది.  ఆ సినిమా సెట్స్ మీద ఉండగానే మరో సినిమాను ప్రారంభించనుంది. సుమంత్ అశ్విన్ హీరోగా తెరకెక్కుతున్న హ్యాపీ వెడ్డింగ్ సినిమాలో నిహారిక హీరోయిన్ గా నటిస్తోంది. ఈ సినిమాను యువీ క్రియేషన్స్ సమర్పణలో పాకెట్ సినిమా సంస్థ నిర్మిస్తోంది. లక్ష్మణ్ కార్య దర్శకత్వంలో తెరకెక్కుతున్న ఈ సినిమాకు రాక్ స్టార్ దేవీ శ్రీ ప్రసాద్ సంగీతం అందిస్తుండటంతో సినిమాపై మంచి హైప్ క్రియేట్ అవుతోంది. రొమాంటిక్ ఫ్యామిలీ ఎంటర్టైనర్ గా తెరకెక్కుతున్న ఈ సినిమా అక్టోబర్ 4 నుంచి ప్రారంభం కానుంది.


 ► నిర్మాత శ్యామ్‌ప్రసాద్‌రెడ్డి
 ‘‘నేను చిత్ర పరిశ్రమకు రావాలనుకున్నప్పుడు వంశీగారి సినిమాలనే ఎక్కువగా చూశా. ప్రతి పాత్రలో తెలుగుదనాన్ని చూపిస్తారు. వంశీగారికి టెక్నికల్‌గా మంచి నాలెడ్జ్‌ ఉంది. ఆయన ఇప్పటివరకు డైరెక్ట్‌ చేసిన పాతిక సినిమాలు నా మూవీ లైబ్రరీలో ఉంచాను. వంశీగారి తాజా చిత్రం ‘ఫ్యాషన్‌ డిజైనర్‌’ పెద్ద హిట్‌ అవ్వాలి’’ అన్నారు నిర్మాత శ్యామ్‌ప్రసాద్‌రెడ్డి. సుమంత్‌ అశ్విన్, అనీషా ఆంబ్రోస్, మనాలీ రాథోడ్, మానసా హిమవర్ష హీరో హీరోయిన్లుగా వంశీ దర్శకత్వంలో ‘మధుర’ శ్రీధర్‌  నిర్మించిన చిత్రం ‘ఫ్యాషన్‌ డిజైనర్‌’.
 
  మణిశర్మ స్వరపరచిన ఈ చిత్రం పాటల్ని విడుదల చేయడంతో పాటు ప్రీ–రిలీజ్‌ ఫంక్షన్‌ నిర్వహించారు. దర్శకుడు వీవీ వినాయక్‌ సినిమా విడుదల తేదీ (జూన్‌ 2) బోర్డ్‌ని ఆవిష్కరించారు. సుమంత్‌ అశ్విన్‌ మాట్లా డుతూ– ‘‘లేడీస్‌ టైలర్, ఏప్రిల్‌ 1 విడుదల’ చిత్రాలు చూసి వంశీగారికి పెద్ద ఫ్యాన్‌ అయ్యా. ‘సితార, అన్వేషణ’ సినిమాలు చూసి, ఆయన్ను ఆరాధించడం మొదలుపెట్టా. మణిశర్మగారి ‘ఖుషి’ సినిమా పాటల్ని వెయ్యిసార్లు చూసుంటా’’ అన్నారు. ‘‘వంశీ, మణిశర్మ గారి కాంబినేషన్‌ అంటే చాలా ఇష్టం.
 
 ఓ అభిమానిగా వాళ్ల కాంబినేషన్‌లో ‘ఫ్యాషన్‌ డిజైనర్‌’ తీశా. మణిశర్మగారు మంచి పాటలిచ్చారు. మా ‘మధుర’ ఆడియో ఆల్బమ్స్‌లో ఇదే బెస్ట్‌’’ అన్నారు ‘మధుర’ శ్రీధర్‌. ‘‘వంశీగారిదో ప్రత్యేకమైన శైలి. ‘లేడీస్‌ టైలర్‌’ని ఎన్నిసార్లు చూశానో నాకే తెలియదు’’ అన్నారు వినాయక్‌. దర్శకుడు వంశీ, నిర్మాతలు ఎమ్మెస్‌ రాజు, తమ్మారెడ్డి భరద్వాజ, లగడపాటి శ్రీధర్, నటులు తనికెళ్ల భరణి, దర్శకులు బి.గోపాల్, బీవీయస్‌ రవి,æహీరో విజయ్‌ దేవరకొండ, సంగీత దర్శకుడు రఘుకుంచె తదితరులు పాల్గొన్నారు.


  వాలు జడ, రూపాయి కాసంత బొట్టు, కళ్లకు కాటుక, కాళ్లకు పట్టీలు, ఒంటి నిండా చీర... దర్శకుడు వంశీ చిత్రాల్లో హీరోయిన్ ఇలా నిండుగా, చూడ్డానికి రెండు కళ్లూ చాలనంత అందంగా ఉంటుంది. ఆయన సినిమా మన ఇంట్లోనో.. మన పక్కింట్లోనో జరుగుతున్న కథలా ఉంటుంది. అంత సహజంగా ఉంటుంది కాబట్టే, వంశీ సినిమాకి బోల్డంత మంది అభిమానులు ఉన్నారు. ముఖ్యంగా వంశీ దర్శకత్వం వహించిన చిత్రాల్లో ఎక్కువమంది అభిమానులను సంపాదించుకున్న వాటిలో ‘లేడీస్ టైలర్’ ఒకటి.
  
  ఈ చిత్రం విడుదలై 30 ఏళ్లవుతోంది. ఇప్పుడు దీనికి సీక్వెల్‌గా వంశీ ‘ఫ్యాషన్ డిజైనర్ సన్నాఫ్ లేడీస్ టైలర్’ తెరకెక్కించనున్నారు. ఇందులో టైటిల్ రోల్ చేసే అవకాశం సుమంత్ అశ్విన్‌కి దక్కింది. వంశీ వంటి డెరైక్టర్‌తో సినిమా అంటే సుమంత్ అశ్విన్‌కి గోల్డెన్ చాన్స్ లాంటిదే. మధుర ఎంటర్‌టైన్ మెంట్స్‌పై ఈ చిత్రాన్ని మధుర శ్రీధర్ నిర్మించను న్నారు. ముగ్గురు కథా నాయికలు ఉంటారట. నవంబర్‌లో చిత్రాన్ని ఆరంభిం చాలనుకుంటు న్నారు.
  


 ‘‘మంచి హీరో అనిపించుకునేకన్నా మంచి నటుడు అనిపించుకుంటే నాకు సంతృప్తిగా ఉంటుంది. ఎటువంటి పాత్రను అయినా చేయగలడనే గుర్తింపు ఉంటే చాలు. నా సినిమాలు చూసి, ప్రేక్షకులు ఆనందించాలనీ, తీసే నిర్మాతలు లాభపడాలని కోరుకుంటా’’ అని సుమంత్ అశ్విన్ అన్నారు. మను దర్శకత్వంలో ఆయన నటించిన ‘రైట్ రైట్’ శుక్రవారం విడుదల కానుంది.  ఈ సందర్భంగా సుమంత్ అశ్విన్ చెప్పిన విశేషాలు...
  
 ♦ గ్రామీణ నేపథ్యంలో సాగే   చిత్రం ‘రైట్ రైట్’. ఫస్టాఫ్ సరదాగా సాగిపోతుంది. సెకండాఫ్‌లో ఊహకందని అంశాలుంటాయి. ఇందులో పోలీస్ అవుదామని శాయశక్తులా ప్రయత్నించి, చివరకు బస్ కండక్టర్ అవుతాను. కండక్టర్ పాత్ర అని దర్శకుడు చెప్పగానే రజనీకాంత్ గారు గుర్తొచ్చారు. కండక్టర్‌గా ఆయన జీవితం మొదలై, సూపర్ స్టార్ స్థాయికి ఎదిగింది. రజనీగారి సినిమాలు చాలా చూశాను.
  
 ♦ వాస్తవానికి సెకండాఫ్ కథ విన్నప్పుడు నాకు భయమేసింది. ఆ సీన్స్‌లో నటించేందుకు నేను, ప్రభాకర్ షాట్ షాట్‌కి మధ్య పది నిముషాలు టైమ్ తీసుకుని, డిస్కస్ చేసుకుని నటించాం. కన్నీళ్ల కోసం గ్లిజరిన్ వాడకుండా న్యాచురల్‌గా నటించాం. ఓ సీన్‌లో ప్రభాకర్‌గారి ఎమోషనల్ డైలాగ్ డెలివరీ, ఎక్స్‌ప్రెషన్స్ చూసి యూనిట్ మొత్తానికి కన్నీళ్లొచ్చాయి. ఇప్పటివరకూ విలన్‌గా, క్యారెక్టర్ ఆర్టిస్ట్‌గా ప్రభాకర్ మెప్పించారు. ఈ సినిమా చూసినవాళ్లు ఆయన ఎలాంటి పాత్రైనా చేయగలరని అంటారు. డెరైక్టర్ మను వెరీ టాలెంటెడ్. ఈ చిత్రకథను అద్భుతంగా తెరకెక్కిం చారు. వంశీకృష్ణగారు ఎక్కడా రాజీ పడకుండా నిర్మించారు.
  
 ♦ ‘శ్రీమంతుడు’ని చూసి, అందులో మహేశ్‌బాబుగారు చెప్పిన ‘రైట్ రైట్’ డైలాగ్ నచ్చి, ఈ చిత్రానికి  టైటిల్ పెట్టామన్నది కొంతమంది ఊహ. అయితే, స్క్రిప్ట్ చదివినప్పుడే నాన్నగారు టైటిల్ చెప్పేశారు. మేము రిజస్టర్ చేయించిన ఏడాది తర్వాత ‘శ్రీమంతుడు’ వచ్చింది.
  
 ♦  కథల ఎంపిక విషయంలో మా నాన్న (ఎమ్మెస్ రాజు)గారి జోక్యం ఉంటుందని, ముందు ఆయనే వింటారని కొంతమంది అనుకుంటున్నారు. కానీ, ఏ కథ అయినా మొదట నేనే వింటా. నాకు నచ్చితే నాన్నగారితో డిస్కస్ చేస్తా. ఎందుకంటే ఆయన ఎక్స్‌పీరియన్స్, జడ్జ్‌మెంట్ నాకు హెల్ప్ అవుతాయి. ఆ తరువాత ఏమైనా మార్పులు, చేర్పులు అవసరమైతే ఆయన చెబుతుంటారు.
  
 ♦  ప్రస్తుతం నా బాడీ లాంగ్వేజ్‌కు తగ్గ  కథలు ఎంచుకుంటున్నా. ఇప్పుడు కాలేజీ కుర్రాడిగా చేయగలను కానీ పదేళ్ల తర్వాత చేయలేను కదా? ఇప్పుడే యాక్షన్ అంటూ నేను ఓ వందమందిని కొడితే ప్రేక్షకులు రిసీవ్ చేసుకోరు. మొదట్లో ఆమిర్‌ఖాన్, సూర్య వంటి వారు మామూలు చిత్రాలు చేసి, ఆ తరువాత మాస్ హీరోలుగా ఎదిగారు. ఇప్పుడు వారు ఏ చిత్రం చేసినా అవి చూసి సపోర్ట్ చేసే ఫ్యాన్స్ ఉన్నారు. నేనూ ఆ స్థాయికి చేరుకోవాలంటే కొంచెం టైం పడుతుంది.
  
 ♦ ఇటీవల ‘ద్రోణ’ చిత్ర దర్శకుడు జె.కరుణ్ కుమార్ చెప్పిన కథ నచ్చింది. నా తదుపరి చిత్రం ఆయన దర్శకత్వంలోనే ఉంటుంది.
  


 ‘‘పోలీస్ కావాలని హైదరాబాద్‌కొచ్చా. ఉద్యోగం ఇప్పిస్తామంటూ చాలామంది నన్ను మోసం చేశారు. కానీ, దేవుడు మాత్రం మోసం చేయకుండా నటుడిగా ఈ స్థాయికి చేరుకునేలా చేశాడు. రాజమౌళిగారు ‘మర్యాద రామన్న’, ‘బాహుబలి’లో నాకు మంచి గుర్తింపు తెచ్చే పాత్రలు ఇచ్చారు’’ అని ‘బాహుబలి’ ఫేం ప్రభాకర్ అన్నారు. సుమంత్ అశ్విన్, పూజా జవేరి జంటగా మను దర్శకత్వంలో జె. వంశీకృష్ణ నిర్మించిన ‘రైట్ రైట్’ ఈ నెల 10న విడుదలవుతోంది.
 
 ఈ చిత్రంలో ప్రధాన పాత్రలో నటించిన ప్రభాకర్ మాట్లాడుతూ - ‘‘ ‘బాహుబలి’ తర్వాత నేను చేసిన ఫుల్‌లెంగ్త్ మూవీ ఇదే. సాధారణంగా హీరో, హీరోయిన్ల మధ్య కెమిస్ట్రీ బాగుంది అంటారు. కానీ, ఈ చిత్రంలో నాకు, సుమంత్ అశ్విన్ మధ్య కెమిస్ట్రీ బాగా వర్కవుట్ అయింది. సుమంత్ డ్రైవర్.. నేను కండక్టర్. ఇందులో డ్యాన్స్ చేశా. డ్రైవర్లు, కండెక్టర్లు, మెకానిక్‌లు తప్పక చూడాల్సిన సినిమా ఇది.  నిర్మాత ఎమ్మెస్ రాజుగారు, దర్శకుడు మను నాకు చాలా సపోర్ట్ చేశారు.
 
 ఇటీవల గోవాలో జరిగిన ‘ఇంటర్నేషనల్ ఫిలిం ఫెస్టివల్’కి వెళ్లినప్పుడు విదేశీయులు కూడా నా నటన మెచ్చుకుంటుంటే కళ్లల్లో నీళ్లు తిరిగాయి. ప్రస్తుతం గోపీచంద్ ‘ఆక్సిజన్’లో విలన్‌గా, మలయాళంలో మోహన్‌లాల్ చిత్రంలో ప్రధానపాత్ర చేస్తున్నా. ఇంకా ‘ఆవు పులి మధ్యలో ప్రభాస్ పెళ్లి’, ‘కాలకేయ వర్సెస్ కాట్రవల్లి’, కన్నడంలో మూడు సినిమాలు చేస్తున్నా’’ అని చెప్పారు.


 ‘రైట్ రైట్’ రిలీజ్ కోసం ఎదురు చూస్తున్న సుమంత్ అశ్విన్ మరో చిత్రానికి గ్రీన్‌సిగ్నల్ ఇచ్చారు. నితిన్ నటించిన ‘ద్రోణ’ చిత్రాన్ని తెరకెక్కించిన కరుణకుమార్ దర్శకత్వంలో ఈ చిత్రం రూపొందనుంది. ‘సూర్య వెర్సస్ సూర్య’, ‘శౌర్య’ చిత్రాలను నిర్మించిన మల్కాపురం శివకుమార్ ఈ చిత్రాన్ని నిర్మించనున్నారు.  నిర్మాత మాట్లాడుతూ- ‘‘సుమంత్ అశ్విన్‌తో సరికొత్త కథాకథనాలతో ఈ చిత్రాన్ని రూపొందించబోతున్నాం. సుమంత్ కెరీర్‌లో మరో మంచి చిత్రంగా నిలిచిపోతుంది. వచ్చే నెలలో ఈ చిత్రాన్ని ప్రారంభిస్తాం’’ అని చెప్పారు.


 ఓ లక్ష్యాన్ని సాధించడానికి తపన పడే ఒక యువకుడు అనుకోకుండా బస్ కండక్టర్ అవుతాడు. ఆ బస్‌లో అతనికో మిస్సు  పరిచయమవుతుంది. ఆమెతో ఈ కండక్టర్‌కు ఎలాంటి అనుబంధం ఏర్పడింది? చివరకు ఏమైంది? తెలియాలంటే మా ‘రైట్ రైట్’ చిత్రం చూడాల్సిందే అంటున్నారు హీరో సుమంత్ అశ్విన్. మను దర్శకత్వంలో సుమంత్ అశ్విన్, పూజా జవేరి జంటగా శ్రీసత్య ఎంటర్‌టైన్‌మెంట్స్ పతాకంపై జె.వంశీకృష్ణ నిర్మించిన ఈ చిత్రం జూన్ 10న విడుదల కానుంది.
 
 ‘బాహుబలి’ ప్రభాకర్ ఇందులో ప్రధాన పాత్ర చేశారు. సుమంత్ అశ్విన్ మాట్లాడుతూ- ‘‘నేనిప్పటివరకూ చేసిన పాత్రల్లో ఇందులో చాలా భిన్నమైన పాత్ర చేశా. నా క్యారెక్టర్ చాలా సహజంగా ఉంటుంది. ఈ చిత్రం షూటింగ్ ఎంజాయ్ చేస్తూ చేశా. మొదటి భాగం వినోదాత్మకంగా, రెండో భాగం మిస్టరీగా ఉంటుంది’’ అని తెలిపారు. నిర్మాత మాట్లాడుతూ- ‘‘ఎస్.కోట నుంచి గవిటికి వెళ్లే ఆర్టీసీ బస్‌ది ఈ చిత్రంలో కీలక పాత్ర. కామెడీ, లవ్, మిస్టరీ అంశాలతో ఉత్కంఠభరితంగా సాగుతుంది.  సుమంత్ అశ్విన్ కెరీర్‌లో చెప్పకోదగ్గ చిత్రం అవుతుంది.
 
 ప్రభాకర్ పాత్ర ఇందులో హైలెట్‌గా నిలుస్తుంది. జె.బి. స్వర పరచిన పాటలకు అనూహ్య స్పందన వస్తోంది. అన్నివర్గాల వారు చూసేలా తీర్చిదిద్దిన ఈ చిత్రం  విజయం సాధిస్తుందనే నమ్మకం ఉంది’’ అని చెప్పారు. నాజర్, ధన్‌రాజ్, షకలక శంకర్,  తాగుబోతు రమేశ్, జీవా, రాజా రవీంద్ర తదితరులు నటిస్తున్న ఈ చిత్రానికి కెమేరా: శేఖర్ వి.జోసఫ్, సహ నిర్మాత జె.శ్రీనివాస రాజు, సమర్పణ: వత్సవాయి వెంకటేశ్వర్లు.


 - దాసరి నారాయణరావు
 ‘‘ఈ చిత్రం పాటలు విన్నా. ఈ మధ్య ఇంత మెలోడీ పాటలున్న సినిమా ఏదీ రాలేదు. సుమంత్ అశ్విన్ పక్కింటి అబ్బాయిలా కనిపిస్తాడు. కొన్ని సీన్స్ చూశా. బాగున్నాయి. హీరోకు కావాల్సిన లక్షణాలన్నీ అశ్విన్‌లో ఉన్నాయి. విలన్ పాత్రలో నటించే ప్రభాకర్‌ను చూస్తే చాలా సెన్సిటివ్ అనిపిస్తోంది’’ అని దర్శకరత్న దాసరి నారాయణరావు అన్నారు. సుమంత్ అశ్విన్, పూజా ఝవేరి జంటగా ‘బాహుబలి’ ప్రభాకర్ ప్రధాన పాత్రలో మను దర్శకత్వంలో శ్రీసత్య ఎంటర్‌టైన్‌మెంట్స్ పతాకంపై జె.వంశీకృష్ణ నిర్మిస్తోన్న చిత్రం ‘రైట్... రైట్’.
 
 జె.బి. స్వరపరచిన ఈ చిత్రం పాటలను హైదరాబాద్‌లో విడుదల చేశారు. దాసరి నారాయణరావు బిగ్ సీడీ, పాటల సీడీ ఆవిష్కరించి దర్శకుడు వీవీ వినాయక్, నిర్మాత ఎంఎస్ రాజుకు అందించారు. వీవీ వినాయక్ మాట్లాడుతూ- ‘‘ఈ చిత్రం పోస్టర్ చూస్తుంటే ‘నువ్వొస్తానంటే నేనొద్దంటానా’ గుర్తుకొస్తోంది. సుమంత్ అశ్విన్ బాగా నటిస్తున్నాడు. తనకు మంచి భవిష్యత్తు ఉంది. దర్శకునిగా పరిచయమవుతున్న మనుకు ఈ చిత్రం మంచి పేరు తీసుకురావాలి’’ అని ఆకాంక్షించారు.
 
 ‘‘డ్రైవర్‌కు, కండక్టర్‌కు మధ్య జరిగే కథే ఈ చిత్రం. ఈ కథ మొదట ఎంఎస్ రాజుగారికే చెప్పా. ఆయనకు నచ్చి ఈ సినిమా చేసే అవకాశం కల్పించారు. నటీనటులు, టెక్నీషియన్లు నాకు బాగా సపోర్ట్ చేశారు’’ అని దర్శకుడు మను తెలిపారు. సుమంత్ అశ్విన్ మాట్లాడుతూ- ‘‘‘క్షణం’, ‘ఊపిరి’వంటి డిఫరెంట్ కాన్సెప్ట్ చిత్రాలను ఆదరించిన ప్రేక్షకులు, కొత్త కాన్సెప్ట్‌తో వస్తోన్న మా చిత్రాన్ని కూడా ఆదరిస్తారనే నమ్మకముంది’’ అని చెప్పారు. దర్శకులు బి.గోపాల్, కోదండ రామిరెడ్డి, నిర్మాత ‘దిల్’ రాజు, సహ నిర్మాత ఎమ్‌వి నరసింహులు, ఎగ్జిక్యూటివ్ నిర్మాత జె.శ్రీనివాస రాజు, సంగీత దర్శకుడు కోటి, నటుడు సీనియర్ నరేశ్ తదితరులు పాల్గొన్నారు.


 అతనో బస్ కండక్టర్. ఎస్. కోట నుంచి గవిటి వెళ్లే రూట్‌లో డ్యూటీ. బస్సు జర్నీలోనే ఓ బ్యూటీతో ప్రేమలో పడ్డాడు. ఆమెతో తన లవ్‌ను కూడా రైట్..రైట్ అనిపించు కున్నాడు. ఈ ఇద్దరి ప్రేమ ప్రయాణంతో పాటు అంతు చిక్కని మిస్టరీ కూడా ఈ సినిమాలో ఉంటుందంటోంది ‘రైట్ రైట్’ సినిమా టీమ్. సుమంత్ అశ్విన్, పూజా ఝవేరీ జంటగా మను దర్శకత్వంలో జె. వంశీకృష్ణ ఈ చిత్రాన్ని నిర్మిస్తున్నారు.
  
  నిర్మాత, సుమంత్ అశ్విన్ తండ్రి ఎమ్మెస్ రాజు బర్త్‌డే సందర్భంగా మంగళవారం ఈ చిత్రం మేకింగ్ వీడియో రిలీజ్ చేశారు. ఎమ్మెస్ రాజు మాట్లాడుతూ- ‘‘సుమంత్ అశ్విన్ కె రీర్లోనే చెప్పుకునే చిత్రమవుతుంది. మేకింగ్ వీడియో ప్రామిసింగ్‌గా ఉంది’’ అన్నారు. ‘‘నాన్న గారి బర్త్‌డేకి మేకింగ్ వీడియో విడుదల చేయడం హ్యాపీగా ఉంది’’ అని సుమంత్ అశ్విన్ అన్నారు. ‘‘ఈ నెల 15న పాటలను రిలీజ్ చేస్తాం’’ అని నిర్మాత చెప్పారు. ఈ చిత్రా నికి సంగీతం: జె.బి, కెమెరా: శేఖర్ వి. జోసఫ్, సహ నిర్మాత: జె.శ్రీనివాసరాజు, సమర్పణ: వత్సవాయి వెంకటేశ్వర్లు.
  


 - హీరో రామ్
 ‘‘‘తొలి చిత్రం నుంచి సుమంత్ అశ్విన్ నటనలో వైవిధ్యం చూపిస్తున్నాడు. ఈ సినిమా తన కెరీర్‌కు మంచి టర్నింగ్ పాయింట్ అవుతుంది. ఇప్పుడు విడుదల చేసిన ఈ పాట బాగుంటుంది. ముఖ్యంగా ఈ పాటలో అశ్విన్‌తో పాటు ప్రభాకర్ స్టెప్స్ వేయడం సరదాగా ఉంది’’ అని రామ్ అన్నారు. సుమంత్ అశ్విన్, పూజా ఝవేరీ జంటగా ‘బాహుబలి’ ప్రభాకర్ ప్రధాన పాత్రలో తెరకెక్కిన చిత్రం ‘రైట్... రైట్’. మను దర్శకత్వంలో శ్రీ సత్య ఎంటర్‌టైన్‌మెంట్స్ పతాకంపై జె.వంశీకృష్ణ ఈ చిత్రం నిర్మించారు.
 
 జె.బి. స్వరపరచిన ఈ చిత్రంలోని ‘అల్లి బిల్లి చెక్కిలి గిల్లి.. రెక్కలే విప్పెను లిల్లి’ అనే తొలి పాట వీడియోను సోమవారం హీరో రామ్ విడుదల చేశారు. ఈ సందర్భంగా సుమంత్ అశ్విన్ మాట్లాడుతూ- ‘‘అప్పుడప్పుడూ లుంగీతో నాన్నగారు ఇంట్లో సరదాగా స్టెప్స్ వేస్తుంటారు. లుంగీలో అంత క్యాజువల్‌గా ఎలా డ్యాన్స్ చేయగలుగుతారా? అనిపించేది. ఇప్పుడీ సినిమాలో నేను కూడా  లుంగీ కట్టుకుని డ్యాన్స్ చేశా. లుంగీలో డ్యాన్స్ ఇదే ఫస్ట్ టైమ్. ఈ సినిమా అధిక భాగం చిత్రీకరణ అరకులో జరిపాం.
 
 ‘నువ్వొస్తానంటే నేనొద్దంటానా’ తర్వాత అరకు అంత అందంగా కనిపించేది ఈ సినిమాలోనే’’ అని చెప్పారు. తొలి సగం వినోదాత్మంగా, మలి సగం మిస్టరీతో ఈ చిత్రం ఉత్కంఠగా సాగుతుందని దర్శకుడు అన్నారు. మే 7న పాటలను విడుదల చేస్తామని నిర్మాత చెప్పారు. ఈ కార్యక్రమంలో నటుడు ‘బాహుబలి’ ప్రభాకర్, సంగీత దర్శకుడు జేబీ, చిత్ర సమర్పకుడు వత్సవాయి వెంకటేశ్వర్లు, సహ నిర్మాత జె.శ్రీనివాసరాజు, ఆదిత్యా మ్యూజిక్ నిరంజన్ తదితరులు పాల్గొన్నారు.
 
 
 
 
  


 ఆ కుర్రాడో బస్ కండక్టర్. ఎస్. కోట నుంచి గవిటికి వెళ్లే ఓ ఆర్టీసీ బస్సులో బాధ్యతలు నిర్వహిస్తుం టాడు. ఆ బస్‌డ్రైవరూ, ఈ కండక్టరూ బాగా దోస్తులు అయిపోతారు. ఆ బస్ రూట్‌లో ఎన్ని మలుపులు ఉంటాయో- ఈ కండక్టర్ లైఫ్‌లో కూడా అన్ని మలుపులు ఉంటాయి. ఆర్డినరీ బస్సులో జాబ్ చేసే ఈ కుర్రాడి లైఫ్ ఎక్స్‌ట్రార్డినరీ కావడానికి ఓ అమ్మాయి ప్రేమ కారణమవుతుంది. అదేంటో తెలియాలంటే ‘రైట్ రైట్’ సినిమా చూడాల్సిందే అంటున్నారు దర్శకుడు మను. సుమంత్ అశ్విన్, పూజా ఝవేరీ, ‘బాహుబలి’ ఫేమ్ ప్రభాకర్ ప్రధాన తారాగణంగా రూపొందుతోన్న ఈ చిత్రాన్ని శ్రీ సత్య ఎంటర్‌టైన్‌మెంట్స్ పతాకంపై జె.వంశీకృష్ణ నిర్మిస్తు న్నారు.
  
  ఇటీవల కేరళలో జరిపిన షెడ్యూల్స్‌లో చిత్రీకరణ మొత్తం పూర్తయిందనీ, మే నెలాఖరున గానీ , జూన్ ప్రథమార్ధంలో గానీ చిత్రాన్ని విడుదల చే స్తామని నిర్మాతలు తెలిపారు. మలయాళంలో ఘనవిజయం సాధించిన ‘ఆర్డినరీ’ ఆధారంగా ఈ సినిమా రూపొందించామని దర్శకుడు పేర్కొన్నారు. ఈ చిత్రానికి సమర్పణ: వత్సవాయి వెంకటేశ్వర్లు, సహ నిర్మాత: జె. శ్రీనివాసరాజు.
  


 ‘‘ఎమ్మెస్ రాజుగారు నిర్మించిన ‘మనసంతా నువ్వే’ సినిమాతో నా కెరీర్‌కు బలమైన పునాది పడింది. ఆ సినిమా అప్పట్నుంచీ సుమంత్ అశ్విన్ నాకు బాగా క్లోజ్. ఎమ్మెస్ రాజుగారు జస్ట్ స్టార్స్‌ని సూపర్ స్టార్స్‌ని చేశారు. సుమంత్ అశ్విన్ కూడా స్టార్ హీరో కావాలని కోరకుంటున్నా’’ అని హాస్యనటుడు, హీరో సునీల్ అన్నారు. సుమంత్ అశ్విన్, పూజా జవేరి జంటగా మను దర్శకత్వంలో శ్రీ సత్య ఎంటర్‌టైన్‌మెంట్స్ పతాకంపై జె. వంశీకృష్ణ నిర్మిస్తున్న చిత్రం ‘రైట్ రైట్’. ఈ చిత్రం మోషన్ పోస్టర్‌ను సునీల్ రైట్ రైట్ అంటూ విజిల్ ఊది, ఆవిష్కరించారు.
 
 సుమంత్ అశ్విన్ మాట్లాడుతూ- ‘‘నా చిన్నతనంలో షూటింగ్స్‌కు వె ళ్లినప్పుడు సునీల్‌ని బాగా గమనించేవాణ్ణి. ఈ చిత్రంలో ప్రభాకర్, నా  కాంబినేషన్‌లో వచ్చే సీన్స్ కొత్తగా ఉంటాయి’’ అని తెలిపారు. ‘మర్యాద రామన్న’ సినిమా సమయంలో సునీల్ సహకారాన్ని ఎప్పటికీ మర్చిపోలేను. క్యారెక్టర్ ఆర్టిస్టుగా ‘రైట్ రైట్’ నాకు బ్రేక్‌నిస్తుంది’’ అని ‘కాలకేయ’ ప్రభాకర్ అన్నారు.
 
 మార్చి 9 వరకు జరిపే షెడ్యూల్‌తో ఓ పాట మినహా సినిమా పూర్తవుతుందనీ, ఏప్రిల్‌లో పాటలనూ, మేలో చిత్రాన్నీ విడుదల చేస్తామని జె. వంశీకృష్ణ తెలిపారు. ఈ చిత్రానికి సంగీతం: జె.బి, పాటలు: శ్రీమణి, కెమెరా: శేఖర్ వి.జోసఫ్, ఎగ్జిక్యూటివ్ నిర్మాత: జె .శ్రీనివాసరాజు, కో-ప్రొడ్యూసర్: ఎం.వి. నరసింహులు.


 ఓ చలాకీ కుర్రాడు. ఓ అందమైన అమ్మాయి. వీరిద్దరి మధ్యలో ఓ ఆర్టీసీ బస్సు. ఉత్తరాంధ్రలోని ఎస్. కోట నుంచి గవిటికి వెళ్లే ఆ బస్సు వీరిద్దరి మధ్యలో ప్రేమను పుట్టించిందా? ఏమో తెలీదు. తెలియాలంటే ‘రైట్... రైట్’ రిలీజయ్యే వరకు ఆగాల్సిందే. ఇంతవరకూ సుమంత్ అశ్విన్ చేసినవన్నీ మోడ్రన్ కేరెక్టర్సే. ఇందులోనేమో చాలా సింపుల్‌గా కనిపిస్తున్నాడు. స్టిల్స్ చూస్తుంటే ఇదేదో డిఫరెంట్ ప్యాట్రన్ సినిమా అనిపిస్తోంది.
  
   అది నిజమే అంటున్నారు సుమంత్ అశ్విన్. అలాగని వాణిజ్య అంశాలు వదులుకోలేదట. ఓ మలయాళ సూపర్‌హిట్ చిత్రాన్ని తెలుగుకు అనుగుణంగా ఇలా రీ-డిజైన్ చేస్తున్నారు. కొత్త దర్శకుడు మనుతో జె.వంశీకృష్ణ తీస్తున్నారీ సినిమా. ‘బాహుబలి’లో కాలకేయ పాత్రతో భయపెట్టిన ప్రభాకర్ ఇందులో ఫుల్ పాజిటివ్ రోల్ చేస్తున్నారు. పూజా ఝవేరీ కథానాయిక. ఇటీవలే అరకులోయ, ఒరిస్సాల్లో ఓ షెడ్యూలు చేసి వచ్చారు. మిగతా షూటింగ్ హైదరాబాద్, మున్నార్‌లలో చేస్తారు. శేఖర్ వి. జోసఫ్ లాంటి టాప్ కెమెరా మ్యాన్ ఈ సినిమాకి పనిచేస్తు న్నారు. ఈ చిత్రానికి సహ నిర్మాత: జె.శ్రీనివాసరాజు.
  


 యూత్ మాత్రమే కాదు... ఫ్యామిలీస్ కూడా మెచ్చే ప్రేమకథా చిత్రాలు చేస్తూ సుమంత్ అశ్విన్ అందరికీ దగ్గరయ్యాడు. ‘లవర్స్’, ‘కేరింత’, ‘కొలంబస్’... ఇలా వరుస చిత్రాలతో ప్రేక్షకుల ముందుకు వస్తున్న ఈ యువహీరో తాజాగా ‘రైట్ రైట్’ అనే చిత్రం అంగీకరించారు. నూతన దర్శకుడు మను దర్శకత్వంలో శ్రీ సత్య ఎంటర్‌టైన్‌మెంట్స్ పతాకంపై జె. వంశీకృష్ణ నిర్మించనున్న ఈ చిత్రం షూటింగ్ డిసెంబరు 7న ప్రారంభం కానుంది. నిర్మాత మాట్లాడుతూ - ‘‘ఒక మలయాళ సూపర్‌హిట్ సినిమాకు ఇది రీమేక్. ఇప్పటి వరకూ సుమంత్ అశ్విన్ చేసిన పాత్రలకు భిన్నంగా ఇందులోని పాత్ర ఉంటుంది.
 
 ‘బాహుబలి’లో విలన్‌గా భయపెట్టిన ప్రభాకర్ ఓ కీలక పాత్రలో నవ్వించ నున్నారు. విజయనగరం, అరకు పరిసర ప్రాంతాల్లో జరిగే సింగిల్ షెడ్యూల్‌తో ఈ సినిమా పూర్తవుతుంది. వచ్చే ఏడాది వేసవికి విడుదల చేయాలనుకుంటున్నాం’’ అని చెప్పారు. ఈ చిత్రానికి మాటలు: ‘డార్లింగ్’ స్వామి, ఛాయాగ్రహణం: శేఖర్ వి. జోసఫ్, సంగీతం: జె.బి, ఆర్ట్: కె.ఎం. రాజీవ్, సహ నిర్మాత: జె.శ్రీనివాసరాజు.


 ‘‘ఈ విజయదశమి నాకు మర్చిపోలేని రోజు. 25 ఏళ్ల క్రితం సరిగ్గా అక్టోబర్‌లో నేను సినిమాలు తీయడం మొదలుపెట్టాను. ఈ ఏడాది మా అబ్బాయి ‘కేరింత’, ‘కొలంబస్’ చిత్రాలతో నాకు రెండు మంచి గిఫ్టులు ఇచ్చాడు’’ అని నిర్మాత ఎమ్మెస్ రాజు అన్నారు. సుమంత్ అశ్విన్, శీరత్ కపూర్, మిస్తీ చక్రవర్తి నాయకానాయికలుగా ఆర్. సామల దర్శకత్వంలో అశ్వనీకుమార్ సహదేవ్ నిర్మించిన ‘కొలంబస్’ చిత్రవిజయోత్సవం శనివారం జరిగింది.
  
  ఎమ్మెస్ రాజు మాట్లాడుతూ- ‘‘అన్ని చోట్లా మంచి రెస్పాన్స్ వస్తోంది. ఫస్ట్ క్రెడిట్ చిత్ర నిర్మాత అశ్వనీ కుమార్ సహదేవ్‌కు దక్కుతుంది. ఎంతో ప్యాషన్‌తో నిర్మించారు’’ అన్నారు. ‘‘ఈ సినిమా కోసం కష్టపడిన టెక్నీషియన్లకు నటీనటులకు చాలా థ్యాంక్స్’’ అని నిర్మాత అన్నారు. దర్శకుడు మాట్లాడుతూ- ‘‘రాజుగారితో పనిచేయడం ఆనందం అనిపించింది. ఆయనతో మరోసారి వర్క్ చేయాలని ఉంది. క్రియేటివ్ ఫ్రీడమ్ ఇచ్చారు’’ అని చెప్పారు.
  
   ‘‘ఈ రోజు చాలా హ్యాపీగా ఉంది. ద్వితీయార్ధం
  చూస్తున్నప్పుడు ఇంత మంచి సినిమా చేశామా అని చాలా ఎమోషనల్‌గా ఫీలయ్యాను’’ అని సుమంత్ అశ్విన్ చెప్పారు. కథానాయిక శీరత్‌కపూర్, ఎడిటర్ కేవీ కృష్ణారెడ్డి, సంగీతదర్శకుడు జితిన్, ఎగ్జిక్యూటివ్ నిర్మాతలు రాంబాబు, మను తదితరులు పాల్గొన్నారు.
  


 కెమేరా: భాస్కర్ సామల,
 నిర్మాతలు: అశ్వనీకుమార్ సహదేవ్,
 ఎస్.సి.కపాడియా, దర్శకత్వం: ఆర్.సామల
 
 కొలంబస్... ఈ పేరు చెప్పగానే కొత్త ప్రదేశం కనిపెట్టిన నౌకాయాత్రికుడు గుర్తొస్తాడు. కాకపోతే, కొలంబస్ కనిపెట్టాలనుకున్నది వేరు. కనుక్కున్నది వేరు. ఇండియాను కనిపెట్టేందుకు ప్రయాణం మొదలుపెట్టి, చివరకు అమెరికాను కనుక్కున్నాడు. దీన్నే ప్రేమకు అన్వయిస్తూ అల్లుకున్న కథ - ఈ ‘కొలంబస్’ సినిమా. ఒకరి ప్రేమను గెల్చుకోవడానికి ప్రయత్నించిన హీరో ఆ ‘డిస్కవరింగ్ లవ్...’ జర్నీలో ఎక్కడకు చేరాడన్నది స్టోరీ.
 
 కథ ఏమిటంటే... అశ్విన్ (సుమంత్ అశ్విన్) రెండేళ్ళుగా జైలుశిక్ష అనుభవిస్తుంటాడు. ఇందు (మిస్తీ చక్రవర్తి) అనే ప్రేమికురాలి పేరునూ, ఆమెతో ప్రేమనూ కలవరిస్తూ, పలవరిస్తుంటాడు. గమ్మత్తేమిటంటే, అసలు అతను జైలులో పడడానికే కారణం - ఆ ప్రేమికురాలు. జైలు నుంచి బయటికొచ్చిన హీరో తన స్నేహితులెవరూ తెలియదని చెప్పినా, కనిపించని హీరోయిన్ అడ్రస్, ఫోన్‌ల కోసం అన్వేషణ సాగిస్తుంటాడు. ఆ క్రమంలో అతనికి మరో హీరోయిన్‌తో పరిచయమవుతుంది. పేరు- నీరజ అలియాస్ నీరూ (సీరత్ కపూర్). తగాదాగా మొదలైన ఆ పరిచయం క్రమంగా స్నేహంగా మారుతుంది. ప్రేమికురాలికి మళ్ళీ దగ్గరవడానికి హీరో, నీరూ సాయం తీసుకుంటాడు.
  ఫ్లాష్‌బ్యాక్‌లో ఇందుతో హీరో ప్రేమ ఒకప్పుడు దెబ్బతినడానికి కారణం మాజీ క్లాస్‌మేట్ వంశీ (రోషన్). ఆ కథ అంతా విన్న నీరూ, హీరో ప్రేమ గెలవడానికి స్నేహం కొద్దీ సాయపడడం మొదలుపెడుతుంది. ప్రేమికురాలి దగ్గరే హీరోకు ఉద్యోగం వచ్చేలా చేస్తుంది. వంశీ మీద ఇందుకు అనుమానం కలిగేందుకు సినిమా హాలులో బాత్రూమ్ దగ్గర సన్నిహితంగా మెలగడం దగ్గర నుంచి అన్నీ చేస్తుంది. ఫలితంగా వంశీ మీద అనుమానం పెరిగి, హీరోతో పెళ్ళికి ప్రేమికురాలు ఇందు సిద్ధపడుతుంది. కానీ, అక్కడే మరో ట్విస్ట్. అదేమిటి, స్నేహం కోసం హారతి కర్పూరంగా మారిన నీరూ కథ ఏమైందన్నది మిగతా సినిమా.
 
  రెండు గంటల చిల్లర నిడివే... ఉన్న చిన్న సినిమా ఇది. కాకపోతే, సినిమా నిండా సీన్లు, ఎపిసోడ్లు అనేకం. ఫస్టాఫ్ అంతా హీరో మొదలు అన్ని పాత్రల పరిచయం, దూరమైన ప్రేమికురాలు ఇందు ఆచూకీ కనుక్కోవడానికి అతను చేసే ప్రయత్నాల చుట్టూరానే తిరుగుతుంది. అసలు కథ సెకండాఫ్. హీరో ఫ్లాష్‌బ్యాక్ తెలిశాక హీరోకు సాయపడేందుకు నీరూ త్యాగాల పరంపర మొదలయ్యాక విషయం చిక్కబడుతుంది. ప్రేక్షకులకు కూడా అక్కడ నుంచే రెండో హీరోయిన్ క్యారెక్టర్ మీద సానుభూతి మొదలవుతుంది. ఆ పైన హీరో తన అసలు సిసలు ప్రేమను ఎవరి దగ్గర పొందాడన్నది ఓపెన్‌మైండ్‌తో చూడాల్సిన మిగతాకథ.
 
  ప్రేమ, కాస్తంత హీరోయిజమ్, కావాల్సినంత చలాకీదనం నిండిన పాత్ర సుమంత్ అశ్విన్ చేశారు. ‘చిన్నదాన నీ కోసం’ ఫేమ్ మిస్తీ చేసిన ఇందు పాత్ర మందు, చిందు తరహా వేషం. ‘నేను సక్సెస్‌ఫుల్ వ్యక్తిని ప్రేమించాలనుకున్నానే కానీ, ప్రేమను సక్సెస్ చేసుకోవాలనుకోలేదు’ అని వాపోయే డైలాగే ఆమె క్యారెక్టరైజేషన్‌కూ, కథకూ కీలకం. కథ సాగుతున్న కొద్దీ స్క్రిప్ట్‌లో, యాక్షన్‌లో ముఖ్యమైనది నీరూ పాత్ర. ‘రన్ రాజా రన్’ ఫేమ్ సీరత్‌తో దాన్ని బాగా చేయించారు. చివరలో ఎయిర్‌పోర్ట్ సీన్ ఆ క్యారెక్టరైజేషన్‌కు ఎమోషనల్ క్లైమాక్స్.
  నవ యువ రక్తం వైపే... సంగీతం, ఆర్ట్, కెమేరా వర్క్ - ఇలా ముఖ్య విభాగాలన్నిటిలో మొగ్గుచూపారు. ఆ సంగతి తెరపై కనిపిస్తుంది. మాటల రచన, దర్శకత్వ బాధ్యత చేపట్టిన ఆర్. సామలకు ఇది తొలి డెరైక్షన్ చాన్స్. బాక్సాఫీస్ లవ్‌స్టోరీలెన్నో అందించిన ఎం.ఎస్. రాజు ఆ ప్యాట్రన్‌లో, చాలారోజులకు ఇప్పుడు కథ, స్క్రీన్‌ప్లే, క్రియేటివ్ సూపర్‌విజన్‌లతో అందించిన ఫిల్మ్ ఇది. ‘ఒక్కడు’లో మహేశ్ తరహాలో ఈ ఫిల్మ్‌లోనూ హీరోతో సెంటిమెంటల్ గా కబడ్డీ ఆటగాడిగా తెరపై కూత పెట్టించారు. ఇలాంటి సక్సెస్‌ఫుల్ ఫార్ములా సెంటిమెంట్లన్నీ బాక్సాఫీస్ వద్ద కొలంబస్ లవ్ జర్నీకి కలిసొస్తాయేమో చూడాలి.
  
 షూటింగ్ అంతా హైదరాబాద్‌లోనే. మొత్తం వర్కింగ్ డేస్ 55 రోజులు.ఇలియానా, రకుల్ ప్రీత్‌సింగ్‌లకు డబ్బింగ్ చెప్పే హరిత ఇందులో సీరత్ కపూర్‌కు గళమిచ్చారు. మిస్తీ చక్రవర్తికి గాయని శ్రావణ భార్గవి చెప్పారు. కథ, స్క్రీన్‌ప్లే, క్రియేటివ్ సూపర్‌విజన్ చేసిన ఎమ్మెస్ రాజు చివరలో తెరపై మెరుస్తారు.
  


 - సుమంత్ అశ్విన్
 ‘‘మొదటి నుంచి ‘కొలంబస్’ విషయంలో చాలా కాన్ఫిడెంట్‌గా ఉన్నా. ‘నువ్వే కావాలి’, ‘మనసంతా నువ్వే’ లాంటి సూపర్‌హిట్ లవ్‌స్టోరీల తరువాత ఆ జాబితాలో చేరే సినిమా ఇది’’ అని నమ్మకంగా చెబుతున్నారు సుమంత్ అశ్విన్.
 ఈ యువహీరో నటించిన ‘కొలంబస్’ రేపు రిలీజ్ కానుంది. ఈ సందర్భంగా ఆయన చెప్పిన విశేషాలు...
  
 * ఈ కథ రాసింది మా నాన్నగారే. ఎప్పుడెప్పుడు చేద్దామా అని ఆసక్తిగా ఎదురుచూస్తూ వచ్చా. మంచి నిర్మాత అశ్వనీ కుమార్ సహదేవ్, మంచి దర్శకుడు రమేశ్ సామల దొరకడంతో ఈ ప్రాజెక్టుకు ఇంకా మంచి షేప్ వచ్చింది.
 * ఇందులో ఇద్దరు హీరోయిన్లు సీరత్ కపూర్, మిస్తీ చక్రవర్తి... చాలా అందంగా ఉంటారు. ఇద్దరు హీరోయిన్లు కాబట్టి అందరూ దీన్ని ట్రయాంగిల్ లవ్‌స్టోరీ అనుకుంటున్నారు. కానీ ఇది కొత్త తరహాలో ఉంటుంది. అదేంటో తెర మీద చూస్తేనే బాగుంటుంది. ఇందులో నాది ఓ అమ్మాయిని నిజాయతీగా ప్రేమించే పాత్ర. ఆ అమ్మాయి కోసం ఏమైనా చేస్తాను. ఎంతకైనా తెగిస్తాను. ఇది లవ్‌స్టోరీ అయినా కూడా ఫ్యామిలీస్‌కి, మాస్‌కి కూడా నచ్చుతుంది.
 * నా వయసుకు తగ్గట్టుగా ప్రస్తుతం ఎక్కువ ప్రేమకథలకు ప్రాధాన్యమిస్తున్నా. ఆమిర్‌ఖాన్ కూడా మొదట్లో ప్రేమ కథలే చేశాడు. ‘గులామ్’ తర్వాత తన ప్యాట్రన్ మార్చాడు. నేనూ అంతే. నటుడనేవాడు ఒకే ఇమేజ్‌కు పరిమితం కాకూడదు. అన్ని తరహా పాత్ర లూ చేయాలి. నాకు విలన్‌గా కూడా చేయాలని ఉంది. అలాగే ప్రయోగాలు చేయాలని ఉంది.
 * ఒక సినిమా చేస్తుంటే నా ప్రాణం మొత్తం దాని మీదే పెట్టేస్తా. స్నేహితులు, కుటుంబం, ఫోన్...ఇలాంటి విషయాలేవీ పట్టించుకోను. అంత కష్టపడతాను కాబట్టే నా సినిమా ప్రేక్షకులను ఆకట్టుకోకపోతే హార్ట్ బ్రేక్ అయిన ఫీలింగ్ కలుగుతుంది.
 * ప్రముఖ నిర్మాత ఎమ్మెస్ రాజు తనయుడిగా నాకు నిర్మాత పరిస్థితి ఏంటో తెలుసు. అందుకే బడ్జెట్ విషయంలో చాలా కేర్ తీసుకుంటాను. ‘కేరింత’ షూటింగ్ టైమ్‌లో ‘దిల్’ రాజుగారు ఒక నిమిషం ఆలస్యమైతే వెయ్యి రూపాయల నష్టమొస్తుందని చెప్పారు. ఆ మాట ఎప్పుడూ గుర్తు పెట్టుకుంటాను.
 * ప్రస్తుతం ‘రైట్ రైట్’ అనే సినిమా ఒప్పుకున్నా. హిస్టరీ, థ్రిల్లర్ జోనర్‌లో ఉండే చిత్రమిది. పూర్తి వివరాలు త్వరలో చెబుతా.


 ఆ అమ్మాయి పేరు నీరజ. చూడచక్కగా ఉంటుంది. చూడగానే కుర్రకారు లవ్‌లో పడిపోయేంత అందగత్తె. నీరజకు దీటుగా అంతే అందంగా ఉంటుంది ఇందు. ఈవిడగారి కళ్లల్లోకి చూస్తే కుర్రకారు ఫ్లాట్. ఈ ఇద్దరి సంగతి పక్కన పెట్టి, ఆ కుర్రాడి గురించి చెప్పుకుందాం.  ఇతగాడు చాకులాంటివాడు. అమ్మాయిల మనసు దోచుకునేంత హ్యాండ్‌సమ్‌గా ఉంటాడు. ఆ ఇద్దరు అమ్మాయిలు, ఈ అబ్బాయి చేసే సందడితో సాగే చిత్రం ‘కొలంబస్’. ఆ కుర్రాడు సుమంత్ అశ్విన్. నీరజగా సీరత్ కపూర్, ఇందు పాత్రను మిస్తీ చక్రవర్తి చేశారు. ఆర్. సామల దర్శకత్వంలో అశ్వనీకుమార్ సహదేవ్ నిర్మించిన ఈ చిత్రం ఈ 22న ప్రేక్షకుల ముందుకు రానుంది.
  
 ఈ సందర్భంగా సీరత్ కపూర్ మాట్లాడుతూ -‘‘ఇందులో కుటుంబ విలువలకు ప్రాధాన్యమిచ్చే అమ్మాయి పాత్ర చేశాను. ఒక కొత్త లవ్‌స్టోరీతో ఈ సినిమా ఉంటుంది. సుమంత్ అశ్విన్ మంచి కో-స్టార్. ‘రన్ రాజా రన్’, ‘టైగర్’ చిత్రాలు నటిగా నాకు మంచి పేరు తెచ్చిపెట్టాయి. ఈ చిత్రం ఆ పేరును రెట్టింపు చేస్తుందనే నమ్మకం ఉంది. మొదట్లో తెలుగు భాష తెలియకపోవడంతో చాలా ఇబ్బందిపడ్డా. ఇప్పుడు అర్థం చేసుకోగలుగుతున్నా. నటనకు అవకాశం ఉండే గ్లామరస్ రోల్స్ చేయాలని ఉంది. ప్రస్తుతం తెలుగులో మంచి మంచి అవకాశాలు వస్తున్నాయి’’ అని చెప్పారు.
  
 మరో హీరోయిన్ మిస్తీ చక్రవర్తి మాట్లాడుతూ - ‘‘ఈ చిత్రంలో చలాకీగా, హుందాగా ఉండే అమ్మాయి పాత్ర చేశాను. కథ, స్క్రీన్‌ప్లే కొత్తగా ఉంటాయి. అలాగే, ఈ ప్రేమకథ చాలా కొత్తగా ఉంటుంది. సుమంత్ అశ్విన్‌తో నటించడం కంఫర్టబుల్‌గా అనిపించింది. యూత్, ఫ్యామిలీస్ ఎంజాయ్ చేసే విధంగా ఈ చిత్రం ఉంటుంది. ‘కొలంబస్’ తర్వాత నాకు తెలుగులో అవకాశాలు పెరుగుతాయనుకుంటున్నాను. ప్రస్తుతం హిందీలో చేసిన ‘గ్రేట్ గ్రాండ్ మస్తీ’ విడుదలకు సిద్ధమవుతోంది’’ అన్నారు.


 ‘‘టైటిల్, ట్రైలర్ చూస్తుంటే వెరీ ఇంట్రస్టింగ్ లవ్ ప్లాట్‌లా అనిపిస్తోంది. ఇలాంటి యూత్‌ఫుల్ ఎంటర్‌టైనర్స్ ఎప్పుడొచ్చినా ఆదరణ ఉంటుంది. సుమంత్ అశ్విన్‌కిది వండర్‌ఫుల్ ఫిల్మ్ అవుతుంది. సినిమా సినిమాకీ అతను బాగా ఎదుగుతున్నాడు’’ అని హీరో వెంకటేశ్ అన్నారు. సుమంత్ అశ్విన్, సీరత్‌కపూర్, మిస్తీ కాంబినేషన్‌లో ఆర్. సామల దర్శకత్వంలో అశ్వనీ కుమార్ సహదేవ్ నిర్మించిన ‘కొలంబస్’ చిత్రం బిగ్ ఆడియో సీడీని శనివారం హైదరాబాద్‌లో వెంకటేశ్ ఆవిష్కరించారు.
  
  నిర్మాతగా అశ్వనీ కుమార్ ఇలాంటి మంచి సినిమాలు మరిన్ని తీయాలని సీనియర్ దర్శకుడు బి. గోపాల్ ఆకాంక్షించారు. సుమంత్ అశ్విన్ చాలా నిబద్ధత, క్రమశిక్షణ కలిగిన నటుడని దర్శకుడు ఇంద్రగంటి మోహనకృష్ణ ప్రశంసించారు. ఈ నెల 22న దసరా కానుకగా చిత్రాన్ని విడుదల చేస్తున్నామని అశ్వనీకుమార్ సహదేవ్ ప్రకటించారు.
  
   అమెరికాను కొలంబస్ కనిపెడితే, తనలాంటి వారిని ఎమ్మెస్ రాజు కనిపెడుతున్నారని దర్శకుడు ఆర్. సామల సంతోషం వ్యక్తం చేశారు. చాలా ఎగ్జైటింగ్ కథాంశమిదని సుమంత్ అశ్విన్ పేర్కొన్నారు. ఈ కార్యక్రమంలో నిర్మాతలు ఎమ్మెస్ రాజు, సురేశ్ కపాడియా, దర్శకుడు అడివి సాయికిరణ్, ఛాయాగ్రాహకుడు భాస్కర్ సామల, నాయికలు సీరత్ కపూర్, మిస్తీ, చీఫ్ అసోసియేట్ డెరైక్టర్ ఇంద్రసేనా తదితరులు మాట్లాడారు.
  


 కొలంబస్ అమెరికా కనిపెట్టాడు.... ఇదే పేరు పెట్టుకున్న ఓ యువకుడు మాత్రం ప్రేమలో కొత్త కోణాలను అన్వేషించి, లవ్‌కి కొత్త అర్థం చెప్పేశాడు. అదేంటో తెలియాలంటే కొలంబస్ చూడాల్సిందే. ‘డిస్కవరీ ఆఫ్ లవ్’ అనేది ఉపశీర్షిక.  సుమంత్ అశ్విన్, సీరత్ కపూర్, మిస్త్రీ చక్రవర్తి నాయకానాయికలుగా ఆర్. సామల దర్శకత్వంలో ఏకేఎస్ ఎంటర్‌టైన్ మెంట్స్ పతాకంపై అశ్వనీ కుమార్ సహదేవ్ నిర్మించిన ఈ చిత్రం త్వరలో విడుదల కానుంది. సుమంత్ అశ్విన్ మాట్లాడుతూ- ‘‘ఇది ఫీల్ గుడ్ లవ్ స్టోరీ.
 
 నా పాత్ర చాలా లైవ్లీగా, లవ్లీగా ఉంటుంది. యూత్‌కే కాకుండా అందరికీ నచ్చే సినిమా అవుతుంది’’ అని చెప్పారు. ‘‘యూత్‌ఫుల్  రొమాంటిక్ ఎంటర్‌టైనర్‌గా ఈ చిత్రాన్ని రూపొందించాం. ప్రతి అమ్మాయి, అబ్బాయి ఐడెంటిఫై చేసుకునే విధంగా హీరోహీరోయిన్ల పాత్రలు ఉంటాయి. ప్రస్తుతం నిర్మాణానంతర కార్యక్రమాలు జరుగుతున్నాయి. నవంబరు మొదటి వారంలో ఈ చిత్రాన్ని విడుదల చేయనున్నాం’’ అని చెప్పారు. ఈ చిత్రానికి సంగీతం: జితిన్, కెమెరా: భాస్కర్ సామల.


 కొలంబస్ అనేవాడు సముద్రంలో ఎక్కడికో వెళుతూ..వెళుతూ అమెరికాను కనిపెట్టేశాడు. కుర్రాళ్లు కూడా అంతే. జీవిత సముద్రంలో ఈదుకుంటూ వెళ్తూ ప్రేమకోసం అన్వేషిస్తుంటారు. ప్రేమ దొరికితే మాత్రం కొలంబస్ కన్నా ఎక్కువ ఆనందపడిపోతారు. అలా డిస్కవరీ ఆఫ్ లవ్ కోసం తపించిన ఓ అందమైన, తెలివైన కుర్రాడి కథే ‘కొలంబస్’. ఇటీవల ‘లవర్స్’, ‘కేరింత’ చిత్రాలతో రెండు భారీ విజయాలు సాధించిన సుమంత్ అశ్విన్ ఇందులో కథానాయకుడు. ‘రన్ రాజా రన్’ ఫేమ్ సీరత్ కపూర్, ‘చిన్నదాన నీకోసం’ ఫేమ్ మిస్తీ చక్రవర్తి కథానాయికలు. ఏకేఎస్ ఎంటర్‌టైన్‌మెంట్స్ పతాకంపై ఆర్.సామల దర్శకత్వంలో అశ్వనీకుమార్ సహదేవ్ నిర్మిస్తున్న ఈ చిత్రం షూటింగ్ ఇటీవలే పూర్తయింది.
 
 సుమంత్ అశ్విన్ మాట్లాడుతూ, ‘‘ఇష్క్’ రచయిత ఆర్.సామల చెప్పిన కథ వినగానే వెంటనే కనెక్టయిపోయా. ఎంటర్‌టైన్‌మెంట్‌తో ఎమోషన్స్‌కు అధిక ప్రాధాన్యమున్న చిత్రమిది. నా హార్ట్‌కి చాలా దగ్గరగా అనిపించిన సినిమా ఇది. అక్టోబర్‌లో పాటలను, నవంబర్ మొదటి వారంలో చిత్రాన్ని విడుదల చేయాలనుకుంటున్నాం’’ అని చెప్పారు. ఈ చిత్రానికి సంగీతం: జితిన్, కెమెరా: భాస్కర్ సామల, ఎడిటింగ్: కేవీ కృష్ణారెడ్డి.
  
  


  ఈ రెండేళ్లలో సుమంత్ అశ్విన్ నటించిన నాలుగు చిత్రాల్లో మూడు హిట్. ప్రస్తుతం హీరోగా నటిస్తున్న ‘కొలంబస్’ ఆ విజయ పరంపరను కొనసాగిస్తుందనే నమ్మకంతో ఉన్నారాయన. ఏకేఎస్ ఎంటర్‌టైన్‌మెంట్స్ పతాకంపై అశ్వనీ కుమార్ సహదేవ్ నిర్మిస్తున్న ఈ చిత్రానికి ‘డిస్కవరీ ఆఫ్ లవ్’ అనేది ఉపశీర్షిక. సీరత్ కపూర్, మిస్తీ చక్రవర్తి కథానాయికలుగా ఆర్. సామల దర్శకత్వంలో ఈ చిత్రం రూపొందుతోంది. మనసుకు నచ్చిన అమ్మాయి కోసం ప్రేమాన్వేషణ సాగించే ఓ కుర్రాడి కథ ఇది. ఇప్పటివరకు జరిపిన షూటింగ్‌తో 90 శాతం సినిమా పూర్తయ్యింది.
  
   ఈ నెల 25న చివరి షెడ్యూల్‌ను మొదలుపెట్టనున్నారు. ‘‘ఇందులో సుమంత్ అశ్విన్ పాత్ర చాలా వైవిధ్యంగా ఉంటుంది. సినిమా సినిమాకీ నటుడిగా ఎదుగుతున్న తనలోని మరో కోణాన్ని ఆవిష్కరించే చిత్రం. మంచి రొమాంటిక్ ఎంటర్‌టైనర్‌గా అన్ని వర్గాల వారినీ ఆకట్టుకునేలా ఉంటుంది’’ అని నిర్మాత చెప్పారు. చివరి షెడ్యూల్‌లో ఒక ఛేజ్, ఒక ఫైట్, ఓ పాట చిత్రీరిస్తామని, ఆగస్ట్‌లో పాటలను, సెప్టెంబర్‌లో చిత్రాన్ని విడుదల చేస్తామని దర్శకుడు తెలిపారు. ఈ చిత్రానికి సంగీతం: జితిన్, కెమెరా: భాస్కర్ సామల, ఎడిటింగ్: కె.వి. కృష్ణారెడ్డి.
  


 మూడేళ్లు...అయిదు సినిమాలు...నాలుగు హిట్లు.
  ఇదీ యువ కథానాయకుడు సుమంత్ అశ్విన్ ప్రోగ్రెస్ రిపోర్ట్. ప్రముఖ నిర్మాత ఎమ్మెస్ రాజు తనయుడిగా బలమైన పునాదితో ఎంటరైన అశ్విన్ తనకంటూ ఓ విభిన్న మార్గంలో నడుస్తూ అటు యువతను, ఇటు కుటుంబ ప్రేక్షకులను ఆకట్టుకుంటున్నారు. ఇటీవలే ‘కేరింత’తో సూపర్‌హిట్ సాధించిన సుమంత్ అశ్విన్ పుట్టినరోజు నేడు. ఈ సందర్భంగా అతనితో ‘సాక్షి’ జరిపిన భేటి...
 
  
  హీరోగా మీకిది మూడో పుట్టినరోజు.. కెరీర్‌ని విశ్లేషించుకుంటే ఏమనిపిస్తోంది?
  ఇప్పటివరకు ఐదు సినిమాలు చేశాను. మొదటి సినిమా ‘తూనీగ తూనీగ’ యావరేజ్‌గా ఆడింది. ఆ సినిమా విడుదలైన వారానికి ‘అంతకు ముందు ఆ తర్వాత’ సినిమాకి అవకాశం ఇచ్చినందుకు దర్శకుడు ఇంద్రగంటి మోహన్‌కృష్ణ, నిర్మాత దామూగారికి ధన్యవాదాలు చెప్పాలి. ఎందుకంటే, ఆ చిత్రం నాకు మంచి బ్రేక్ అయ్యింది. ఆ తర్వాత మారుతీగారితో చేసిన ‘లవర్స్’ మంచి కమర్షియల్ హీరోగా బ్రేక్ ఇచ్చింది. ‘చక్కిలిగింత’ ఆశిం చిన ఫలితం ఇవ్వలేదు. ఐదో సినిమా ‘కేరింత’ సూపర్ హిట్. నటుడిగా సినిమా సినిమాకీ నిరూపించుకుంటూ, ముందుకెళుతున్నా.
  
  ‘కేరింత’కు మొదట్లో డివైడ్ టాక్ వచ్చింది కదా?
  అవును. ‘దిల్’ రాజుగారు ఎంతో నమ్మి ఈ సినిమా తీశారు. కానీ, మొదట్లో టాక్ డివైడ్‌గా ఉండటం ఆయన్ను నిరుత్సాహపరిచింది. కానీ, టాక్‌తో సంబంధం లేకుడా వసూళ్లు బాగున్నాయి. ఇప్పుడు సూపర్ హిట్ స్థాయికి చేరుకుంది.
  
  విడుదలైనప్పుడు వచ్చిన టాక్‌కి మీరేమైనా టెన్షన్ పడ్డారా?
  ఈ సినిమాపై నాకు చాలా నమ్మకం ఉండేది. అందుకని టెన్షన్ పడలేదు. ఫస్ట్ హాఫ్ బ్రహ్మాండం. సెకండాఫ్‌లో చివరి 40 నిమిషాలు కూడా అలానే ఉంటుంది. కచ్చితంగా యూత్, ఫ్యామిలీస్ అందరూ కనెక్ట్ అవుతారనుకున్నాను. నా నమ్మకం నిజమైంది. మొదట ఈ చిత్రానికి డివైడ్ టాక్ రావడానికి కారణం ‘హ్యపీ డేస్’ని మళ్లీ తీశారని కొంతమంది ఊహించుకోవడం, స్కూల్స్ తెరవడం, వర్షాలు. ఆ తర్వాత బాగుందనే టాక్ స్ప్రెడ్ అయ్యింది. ఈ చిత్రం విజయ యాత్రలో భాగంగా విజయనగరం వెళ్లిప్పుడు, ఓ టీ స్టాల్ దగ్గర కారు ఆపాం. అప్పుడు జనాలు గుమిగూడిపోయి, బాగా మాట్లాడారు. పిల్లలైతే, ఈ సినిమాలో నేను చేసిన పాత్ర పేరుతో పిలిచారు.     ‘జై అన్నా.. జై అన్నా..’ అన్నారు. నాకిలా జరగడం ఇదే మొదటిసారి. అలాగే, ఇలాంటి అబ్బాయి, ఇటువంటి అన్నయ్య, ఇలాంటి ఫ్రెండ్ ఉంటే బాగుంటుందని ‘జై’ పాత్రను చూసినవాళ్లు అంటున్నారు.
  
  నూకరాజు పాత్ర విషయంలో శ్రీకాకుళంవాళ్లు హర్ట్ అయ్యారట?
  ఈ పాత్ర ఎవర్నీ కించపరిచే విధంగా ఉండదు. శ్రీకాకుళం యాసలో నూకరాజు మాట్లాడతాడు. అలాంటివాళ్లు ఉంటారు కదా. ఏ శ్లాంగ్ వాడినా, వివాదం చేస్తే, అసలు సినిమానే తీయలేం.
  
  కొంత భాగం రీషూట్ చేశారని తెలిసింది?
  అవును. అది నిజమే. ‘దిల్’ రాజుగారు అన్నీ పర్‌ఫెక్ట్‌గా ఉండాలనుకుంటారు. 25 రోజులు కొన్ని సన్నివేశాలు చిత్రీకరించాం. కానీ, అవి కథకు కనెక్ట్ కాలేదనిపించి, రీషూట్ చేశారు. అలా రీషూట్ చేశారు కాబట్టే, ఈ రోజు వంద శాతం విజయాన్ని ఈ చిత్రం సొంతం చేసుకుంది. లేకపోతే, 60, 70 శాతంతో సరిపెట్టుకోవాల్సి వస్తోంది.
  
  సోలో హీరోగా చేస్తున్న మీరు, ఈ చిత్రంలో మరో ఇద్దరు కుర్రాళ్లతో స్క్రీన్ షేర్ చేసుకున్నారు?
  ఈ మాట నాలో చాలామంది అన్నారు. ‘చక్కగా సోలో హీరోగా చేస్తున్నావ్? ఇప్పుడీ సినిమా ఎందుకు? సోలో హీరో సినిమా కమిట్ అయ్యి, మార్కెట్‌ని పెంచుకోవచ్చుగా?’ అనడిగారు. నేనీ సినిమా చేయడానికి మొదటి కారణం ‘దిల్’ రాజుగారు. ఆ తర్వాత కథ, నా పాత్ర బాగా నచ్చడంతో చేశాను. ఇలాంటి చిత్రాలు వదులుకుంటే మళ్లీ భవిష్యత్తులో వస్తాయనే గ్యారంటీ లేదు. అందుకే చేశా.
  
  లవర్‌బోయ్ పాత్రలకే పరిమితమవుతున్నట్లున్నారు?
  హిందీ పరిశ్రమను తీసుకుందాం. ఆమిర్‌ఖాన్ రావడం రావడమే ‘గజిని’ చేయలేదు. ముందు లవర్‌బోయ్ పాత్రలు చేశారు. ఆ తర్వాత మెల్లిగా మాస్ క్యారెక్టర్లు చేయడం మొదలుపెట్టారు. ఇప్పుడు నేను లవర్‌బోయ్ పాత్రలు చేసే వయసులో ఉన్నాను. ఈ వయసులో ఇవి చేయకపోతే ఆ తర్వాత చేయలేను. అందుకే ఇంకొన్నాళ్లు ఈ తరహా పాత్రలు చేస్తాను.
  
  ప్రస్తుతం ఏం సినిమా చేస్తున్నారు?
  ‘కొలంబస్’ అనే చిత్రంలో నటిస్తున్నా. అది ఈ ఏడాదే విడుదలవుతుంది. మరో సినిమా చర్చల దశలో ఉంది.
  
  సినిమాలు కాకుండా మీకిష్టమైన అంశాలు?
  ఏమీ లేవు. ప్రస్తుతం నా దృష్టంతా సినిమాల పైనే.
  
  పెళ్లి గురించి కూడా ఆలోచించరా?
  అసలా ఆలోచనే లేదు.
  
  మరి, ఇంట్లోవాళ్లు ఒత్తిడి చేయరా?
  పెళ్లికి ఇంకా టైముందండి. మా ఇంట్లో మేమంతా ఆలోచించేది సినిమాల గురించే. రోజంతా షూటింగ్ చేసి, ఇంటికి వచ్చిన తర్వాత కూడా సినిమా గురించే ఆలోచిస్తా.. మా ఇంట్లో మేమందరం కలిసే భోజనం చేస్తాం. ఆ సమయంలో సినిమాల గురించి తప్ప వేరే మాట్లాడుకోం.
  
  ప్రొఫెషన్‌కి పూర్తిగా అంకితమైపోయినట్లున్నారు?
  అవును. ఆ డెడికేషన్ లేకపోతే కష్టం. ఇష్టంగా హీరో అయ్యా. నిరూపించుకోవడానికి ఇష్టంగా కృషి చేస్తున్నా. యూత్, ఫ్యామిలీస్ అందరూ నన్నిష్టపడుతున్నారు. అందుకే, ఇంకా ఇంకా కష్టపడాలని ఉంది.
  
  


 తొలి చిత్రాన్నే ఇంటిపేరుగా మార్చుకొని, ఈ ఏప్రిల్‌తో పన్నెండేళ్ళు పూర్తి చేసుకున్న నిర్మాత - ‘దిల్’ రాజు. చిన్న సినిమాలతో మొదలై పెద్ద సినిమాలు చేసి, పట్టిందల్లా బంగారమైన రోజులు, చేతులు కాల్చుకున్న అనుభవాలు - రెండూ చవిచూశారాయన. ‘కేరింత’ అనే చిన్న సినిమాతో శుక్రవారం జనం ముందుకొస్తున్న ఈ సినీ ప్రేమికుడితో...
  
 * చాలారోజులకి చిన్న సినిమాతో ‘కేరింత’ కొడుతున్నారే!
  (నవ్వేస్తూ...) ‘కొత్త బంగారు లోకం’ తర్వాత చాలాకాలానికి  మంచి స్క్రిప్టు దొరికింది. కొత్తవాళ్ళతో చేశాం. హీరో హీరోయిన్లు సుమంత్ అశ్విన్, శ్రీదివ్యలను పక్కనపెడితే, ఇద్దరబ్బాయిలు, ముగ్గురమ్మాయిలను ఈ సినిమాతో పరిచయం చేస్తున్నాం. ఏడాది పాటు స్క్రిప్టు మీద వర్క్ చేసి, అందులోని బెస్ట్ వెర్షన్‌ను ఇప్పుడు సినిమాగా అందిస్తున్నాం. వినోదంతో పాటు, చిన్న చిన్న భావోద్వేగాలతో కూడిన క్షణాలను తెరపై అందిస్తున్నాం. ‘ఆర్య, బొమ్మరిల్లు, కొత్త బంగారు లోకం’ తరువాత నా బ్యానర్‌లో వన్ ఆఫ్ ది బెస్ట్ ఫిల్మ్స్.
  
  * మొత్తానికి, పెద్దవి వదిలేసి, మళ్ళీ చిన్న సినిమాల మీద పడ్డారు?
  2008 వరకు నేనూ వర్ధమాన హీరోలతో సినిమాలు తీసినవాణ్ణే. ఆ తరువాత ‘మిస్టర్ పర్‌ఫెక్ట్’, ‘బృందావనం’, ‘సీతమ్మవాకిట్లో సిరిమల్లె చెట్టు’, ‘ఎవడు’-ఇలా వరుసగా పెద్ద సినిమాలు అనుకోకుండా సెట్ అవుతూ వచ్చాయి. రెండేళ్ళ నుంచి మంచి ఫీల్‌గుడ్ చిన్న సినిమా చేయాలనుకుంటున్నా. దాని ఫలితమే ఈ ‘కేరింత’. యూత్‌కీ, ఫ్యామిలీలకూ పట్టే ఇది చిన్న సినిమాగా మొదలైనా అందర్నీ ఆకర్షించి పెద్ద సినిమా అవుతుందని నమ్మకం.
  
  * ఆ మధ్య ఆర్థిక నష్టాల్లో ఉండి, నిర్మాణం తగ్గించారని విన్నాం!
  అదేమీ లేదు. ఏ నిర్మాతకైనా గడ్డుకాలం సహజమే. ఏ ప్రాజెక్ట్‌నైనా దగ్గరుండి జాగ్రత్తగా చూసుకోకపోతే, నష్టపోయేది నిర్మాత, డిస్ట్రిబ్యూటర్‌లే. నిజానికి, నిర్మాణంలో నేను పెద్ద నష్టపోయిందేమీ లేదు. అయితే, మారుతున్న నిర్మాణ పరిస్థితుల్నీ, అభిరుచుల్నీ ఆగి, అబ్జర్వ్ చేయ్యాలనుకున్నా. అందుకే, ఏణ్ణర్ధంగా ప్రొడక్షన్‌లో స్లో అయ్యా. అలా మొదలైందే ‘కేరింత’ సినిమా.
  
  * ఇదే టైమ్‌లో డిస్ట్రిబ్యూషన్‌పై శ్రద్ధ పెట్టినట్లున్నారు!
  అవును. ఈ మధ్య చాలా సినిమాలే డిస్ట్రిబ్యూట్ చేస్తూ వచ్చా. ఈ ఏడాది ‘పటాస్, సన్నాఫ్ సత్యమూర్తి, గంగ’ - ఇలా చాలా చేశా. ఆ రంగంలో ఈ ఏడాది నాకు బాగుంది.
  
 * కానీ, వసూళ్ళ సమ్మర్ సీజన్ ఈసారి వేస్టయిందే!
  నూటికి నూరుపాళ్ళు మనం ఈ సమ్మర్‌ను సరిగ్గా ఉపయోగించుకోలేదు. కేవలం పెట్టుబడిని వెనక్కి తెచ్చిన బ్రేక్ ఈవెన్ సినిమాలే వచ్చాయి. ‘ఓ.కె. బంగారం’, ‘గంగ’ లాంటి డబ్బింగ్ సినిమాలే ఆడాయి. ప్రతి ఏటా సమ్మర్‌లో బాక్సాఫీస్ హిట్స్ వస్తాయి. కానీ, ఈసారి అలాంటి అద్భుతాలేమీ జరగలేదు. సినిమాల రిలీజ్‌లలో ప్లానింగ్ లేకపోవడం, ముందుగా అనుకున్న ‘రుద్రమదేవి’, ‘బాహుబలి’, ‘కిక్2’ చిత్రాలు ఆలస్యమై రిలీజ్ కాకపోవడంతో ఇబ్బంది అయిపోయింది.
  
  * సినిమాకు రిలీజ్ టైమ్ ఎంత కీలకమంటారు?
  ఎంత మంచి సినిమా అయినా సరైన టైమ్‌కి రిలీజ్ చేయడం ముఖ్యం. రైట్ టైమ్‌లో రిలీజ్ చేస్తేనే హిట్లు, లాభాలు వస్తాయి.
 
  * ‘బాహుబలి’, ‘రుద్రమదేవి’కి నైజామ్‌లో మీరే డిస్ట్రిబ్యూటర్‌గా!
  అవును. నేను తీయలేని చారిత్రక సినిమాలు, భారీ సినిమాలను ఇలా కొని, డిస్ట్రిబ్యూట్ చేసి, తృప్తి పడుతుంటా. ఈ రెండు సినిమాలపై చాలా అంచనాలున్నాయి. రెండూ వేర్వేరు తరహా సినిమాలు. చరిత్రను మార్చకుండా కథను కథలా తీయాల్సిన సినిమా ‘రుద్రమదేవి’. కొన్ని ఎపిసోడ్స్ చూశా. బాగుంది. ఇమాజినేషన్‌కు పరాకాష్ఠ ‘బాహుబలి’. అది మన తెలుగు సినీసీమ విస్తృతినీ, మార్కెట్‌నూ, ప్రేక్షకుల ఆలోచననూ మారుస్తుందని నా నమ్మకం.
  
 * మీరెక్కువగా యూత్‌ఫుల్ సినిమాలు నిర్మించడానికి కారణం?
  సినిమాకు మున్ముందుగా వచ్చేది - యూత్, మాస్. నేను పెరిగిన వాతావరణం వల్ల కావచ్చు. నాకు మాస్ మీద పట్టు లేదు. పైగా, లాజిక్‌లు లేకపోయినా మాస్‌కు పట్టే కథలు నేను ఊహించలేను. అందుకే, నాకు పట్టున్న యూత్‌ఫుల్ సినిమాలు ఎక్కువగా చేస్తా. మాస్ మీద పట్టున్న దర్శకులు తమ స్క్రిప్ట్ మీద నమ్మకంతో వచ్చినప్పుడు, వాళ్ళను నమ్మి మాస్ సినిమాలు తీశా.
  
 * సినిమా గురించి ఇంత తెలుసు. దర్శకత్వం వహించాలని లేదా?
  (నవ్వుతూ...) లేదు. డెరైక్టరైతే, మనం తీస్తున్న ప్రాజెక్ట్‌ను బాగా ప్రేమించేసి, తీస్తున్నదే అద్భుతం అనుకుంటాం. అలా అనుకోకపోతే, సినిమా తీయలేం. దాంతో, జడ్జిమెంట్ పోతుంది. అలా కాకుండా, ఒక మామూలు ప్రేక్షకుడిలా ఉంటూ, ఆడియన్స్‌కు ఏం కావాలనేది గమనిస్తూ, నిర్మాతగా కొనసాగడమే నాకిష్టం. స్క్రిప్టు దశ నుంచి రిలీజైన సినిమా మంచిదని ప్రేక్షకులకు తెలియజెప్పి, వాళ్ళను హాళ్ళకు రప్పించే పోస్ట్ రిలీజ్ పబ్లిసిటీ దాకా అన్నింటినీ బాధ్యతగల నిర్మాత చూసుకోవాలి. అన్నింటిలో ఇన్‌వాల్వ్ అయి, యూనిట్‌తో కలసి ప్రయాణిస్తేనే నిర్మాత బాగుంటాడు.
  
 * కానీ సిండికేట్లు, ‘ఆ నలుగురు’... ఇలా మీలోనే యూనిటీ లేదు!
  (గంభీరంగా...) నిర్మాతల్లో ఎప్పుడూ ఐకమత్యం ఉండదు.     ఆ మాటకొస్తే, క్రియేటివ్, కాంపిటీటివ్ ఫీల్డ్ దేనిలోనైనా అనైక్యత సహజం. కానీ, నిజంగా సినిమాలు తీస్తున్న పాతికమందో, యాభై మందో నిర్మాతలంతా ఒక తాటి మీదకొస్తే అద్భుతాలు చేయచ్చు. అందరి మధ్య ఐక్యత తేవాలని ఈ తరంలో మేము ప్రయత్నిస్తున్నాం. మార్పు రావడానికి టైమ్ పడుతుంది. ఓర్పు కావాలి.
  
 * నిర్మాతగా ఈ 12 ఏళ్ళలో ఎందుకొచ్చిందీ ఖర్మ అనిపించలేదా?
  లేనే లేదు. నిర్మాతగా సినిమాకు సంబంధించి ‘ఏ’ టు ‘జడ్’ అన్నీ చూసుకోవాలనుకొనే వ్యక్తిగా సక్సెస్, ఫెయిల్యూర్లకు అతీతంగా సినిమాను నేను ప్రేమించాను. అది తగ్గలేదు. తగ్గదు.
  
 * ఐనా మీపై విమర్శలు, గాసిప్‌లొచ్చాయి. అప్పటి మానసిక స్థితి?
  (సాలోచనగా...) చూడండి. నాకు తెలియకుండానే మంచి సినిమాలు తీశా. గుర్తింపు వచ్చింది. అయితే, మంచితో పాటూ చెడూ వస్తుంది. ఈ రంగంలోని అందరినీ తృప్తి పరచలేం కదా! అందుకే, విమర్శలూ వస్తాయి. నాది తప్పని అనిపిస్తే, నేనే ఫోన్ చేసి, సారీ చెబుతా. ఇక, సినిమా, రాజకీయాలు, క్రీడా రంగాల్లో గాసిప్‌లు తప్పవు. టైమ్‌పాస్ కోసం ఎవరెవరో ఏవేవో రాస్తుంటారు. దాని బదులు నాకే ఫోన్ చేసి అడిగితే, వాస్తవం చెబుతా కదా! అలా అడగరు కాబట్టే, అది గాసిప్ అయింది.
  - రెంటాల జయదేవ
  


  ఆరుగురి యువతీ యువకుల  జీవితాల్లో జీవితంలో స్నేహం, ప్రేమ ఎలాంటి మార్పులు తీసుకొచ్చాయనే కథాంశంతో తెరకెక్కిన చిత్రం ‘కేరింత’. అడవి సాయికిరణ్ దర్శకత్వంలో  సుమంత్ అశ్విన్, శ్రీదివ్య, తేజస్వి ముఖ్య తారలుగా శ్రీ వెంకటేశ్వర క్రియేషన్స్ పతాకంపై ‘దిల్’ రాజు నిర్మించిన ఈ చిత్రం  ఈ నెల 12న విడుదల కానుంది. ‘దిల్’ రాజు మాట్లాడుతూ -‘‘చాలా ఫ్రెష్ స్టోరీతో ఈ సినిమా తెరకెక్కించాం. అందరికీ నచ్చుతుందనే నమ్మకం ఉంది. యువతరంతో పాటు కుటుంబ ప్రేక్షకులను  ఆకట్టుకునే సినిమా ఇది’’ అని చెప్పారు. ఈ సినిమాలో పాటలు చాలా బాగా వచ్చాయనీ, రామజోగయ్య శాస్త్రి మంచి సాహిత్యాన్ని అందించారనీ సంగీత దర్శకుడు మిక్కీ జే. మేయర్ అన్నారు. ఈ చిత్రానికి  కెమెరా: విజయ్ కె.చక్రవర్తి, సహనిర్మాతలు: శిరీష్,లక్ష్మణ్.
  


 అమెరికాను కనుగొన్నది ఎవరు? అనడిగితే ఎవరైనా కొలంబస్ పేరే చెబుతారు. ఇప్పుడు అదే పేరుతో ఓ ప్రేమకథ తయారవుతోంది. ‘కొలంబస్’లా అతను కూడా ప్రేమను అన్వేషిస్తూ అనుకున్నది సాధిస్తాడేమో! సుమంత్ అశ్విన్ , ‘రన్ రాజా రన్’ ఫేం శీరత్ కపూర్ జంటగా నటిస్తున్న  ఈ చిత్రం ద్వారా ఆర్. సామల దర్శకునిగా పరిచయమవుతున్నారు. ఏకేఎస్ ఎంటర్‌టైన్‌మెంట్స్ పతాకంపై అశ్వినీ కుమార్ సహదేవ్ ఈ చిత్రాన్ని నిర్మిస్తున్నారు. ‘చిన్నదాన నీ కోసం’ ఫేమ్ మిస్తి ఇందులో ప్రత్యేక పాత్ర పోషిస్తున్నారు.
  
  ఇటీవలే ఒక షెడ్యూలు పూర్తయింది. ఈ నెల 21 నుంచి జూన్ 6 వరకూ ఏకధాటిగా మరో షెడ్యూలు జరగనుంది. ఆగస్టు 14న చిత్రాన్ని విడుదల చేయడానికి సన్నాహాలు చేస్తున్నారు. ‘‘యువతరం, కుటుంబ ప్రేక్షకులను ఆకట్టుకునే విధంగా ఈ చిత్రం ఉంటుంది’’ అని సుమంత్ అశ్విన్ తెలిపారు. ఈ చిత్రానికి సంగీతం: జితిన్ రోషన్, ఎడిటింగ్: కేవీ కృష్ణారె డ్డి, కెమెరా: భాస్కర్ సామల, ఎగ్జిక్యూటివ్ నిర్మాతలు: జి.రాంబాబు, మనోహర్.
  


 యువ హీరో సుమంత్ అశ్విన్ ఈ ఏడాది ఒకటికి, రెండు సినిమాల్లో తెరపై మెరవనున్నారు. మునుపటి చిత్రాల నుంచి బాక్సాఫీస్ పాఠాలు నేర్చుకున్న ఈ కథానాయకుడు ఇప్పటికే ‘దిల్’ రాజు నిర్మాతగా, అడివి సాయి కిరణ్ దర్శకత్వంలో రూపొందుతోన్న ‘కేరింత’లో నటిస్తున్నారు. ఆ సినిమా పూర్తి కాగానే ‘కొలంబస్’ అనే కొత్త చిత్రంలో నటించడానికి పచ్చజెండా ఊపేశారు. ఈ వినోదాత్మక ప్రేమకథకు దర్శకుడు కొత్తవాడని భోగట్టా.
  
  


  ‘‘మా నాన్నగారి జడ్జిమెంట్ మీద నాకు చాలా నమ్మకం.  నా గత రెండు చిత్రాలు విజయం సాధించాయంటే ఆయన జడ్జిమెంటే కారణం. నాన్నగారి సలహాని నేనెంత ఎక్కువగా తీసుకుంటే నా కెరీర్ అంత బాగుంటుంది’’ అని సుమంత్ అశ్విన్ చెప్పారు. అగ్ర నిర్మాత ఎమ్మెస్ రాజు తనయుడైన సుమంత్ అశ్విన్ హీరోగా చేసిన చిత్రం ‘చక్కిలిగింత’. వేమారెడ్డి దర్శకత్వంలో సీహెచ్. నరసింహాచారి, నరసింహారెడ్డి ఇలవల నిర్మించిన ఈ చిత్రం ఈ శుక్రవారం విడుదల కానుంది. ఈ సందర్భంగా సుమంత్ అశ్విన్‌తో జరిపిన ఇంటర్వ్యూ...
  
   ‘చక్కిలిగింత’ ఒప్పుకోవడానికి కారణం ఏంటి?
  వేమారెడ్డిగారు ఈ కథ నేరేట్ చేసినప్పుడు, అసలాయన బ్రెయిన్‌లోకి ఇలాంటి కాన్సెప్ట్ ఎలా వచ్చిందబ్బా అనిపించింది. చేయకపోతే మంచి సినిమా మిస్సయినట్లే అనిపించింది. సుకుమార్‌గారు, వేమారెడ్డిగారు మంచి స్నేహితులు. ఇద్దరి ఆలోచనలు వినూత్నంగా ఉంటాయి. ‘నా ఆలోచనలకన్నా వేమారెడ్డివి ఇంకా వినూత్నంగా ఉంటాయి’ అని సుకుమార్ ఓ సందర్భంలో అన్నారు. అతిశయోక్తి కాదు కానీ.. హాలీవుడ్ చిత్రం ‘ఇన్‌టర్‌స్టెల్లార్’ దర్శకుడు క్రిస్టోఫర్ నోలన్ థాట్స్‌కి దగ్గరగా వేమారెడ్డిగారివి ఉంటాయి.
  
  అంటే.. ఈ కాన్సెప్ట్‌కీ, ఏదైనా హాలీవుడ్ చిత్రానికీ పోలిక ఉంటుందా?
  ఇది పూర్తిగా ఒరిజినల్ కాన్సెప్ట్. వేరే సినిమా పోలికలు ఇసుమంత కూడ కనిపించవు. ఈ కథ చెప్పిన తర్వాత ‘నువ్వు అన్ని రకాల సినిమాలు చూస్తావ్ కదా.. ఈ కాన్సెప్ట్ ఏ సినిమాలో అయినా కనిపించిందా’ అనడిగారు వేమారెడ్డి. లేదన్నాను.
  
  ఇప్పటిదాకా లవర్ బోయ్‌గానే చేశారు. మరి, ఈ చిత్రంలో ఫైట్స్ ఏమైనా?
   ఓ రోజు ఇంట్లో ‘ఇవాళ షూటింగ్ విశేషాలేంటి’ అని నాన్నగారడిగితే, ‘ఫైట్ చేస్తున్నా’ అన్నా. వెంటనే, ‘నువ్వేమైనా ప్రభాస్‌వా? మహేశ్‌వా?’ అన్నారు. దాంతో వేమారెడ్డిగారికి ఫోన్ చేసి, ‘నేను ఫైట్స్ చేస్తే బాగుంటుందా’ అనడిగితే ‘అందుకేగా మొదట్నుంచీ బాస్కెట్‌బాల్ ప్లేయర్‌గా చూపాం. పవర్‌ఫుల్‌గా ఆవిష్కరించాం’ అన్నారు.
  
  ఓకే.. ఈ చిత్రంలో లిప్ లాక్ సీన్ ఉందట?
  ఉంది కానీ.. దాన్ని లిప్ లాక్ అనరు. జస్ట్ పెక్ అంటారు. సిక్స్ ప్యాక్ అయినా, హాట్ కిస్సయినా.. ఏదైనా కథానుగుణంగా ఉంటేనే నేను చేస్తాను.
  
  మీరు హీరో రామ్‌ని అనుకరిస్తారని కొంతమంది అంటారు?
  అంటే అననివ్వండి.. ఫర్వాలేదు. ఎంత పెద్ద స్టార్‌నయినా.. ఏ హాలీవుడ్, బాలీవుడ్ స్టార్‌తోనో పోల్చుతారు. నటనలో పోలికలు కనిపించడం సహజం. కానీ, నేనెవర్నీ అనుకరించలేను. ఎందుకంటే, నాకు అనుకరించడం చేత కాదు. మా నాన్నగారు మహేశ్‌బాబు, ప్రభాస్.. ఇలా పెద్ద పెద్ద హీరోలతో సినిమాలు తీసినప్పుడు నేను లొకేషన్లో ఉండి, వాళ్ల క్రమశిక్షణను ఆదర్శంగా తీసుకున్నాను కానీ, నటనను అనుకరించడానికి ప్రయత్నం చేయలేదు.
  
  మీ లైఫ్‌లో ఎవరైనా అమ్మాయి ఉన్నారా?
  లేరండి. అయినా అమ్మాయి ఉంటే ప్రాబ్లమ్. చీటికి మాటికి ఎస్‌ఎమ్‌ఎస్‌లు చేస్తారు.. వాటికి స్పందించకపోతే ఏకంగా ఫోన్ చేసేస్తారు. షూటింగ్‌లో ఉన్నాం కదా.. తర్వాత చేద్దాం అనుకుంటే అలుగుతారు. అలాంటి అమ్మాయిలు నాకొద్దండి బాబూ. అర్థం చేసుకునే అమ్మాయి అయితే ఓకే. కానీ, ప్రస్తుతానికి నా లైఫ్‌లో అమ్మాయి లేదు.
  


  ‘‘వేమారెడ్డిగారు ఈ చిత్రకథ చెప్పగానే ఎగ్జయిట్ అయ్యాను. షూటింగ్ చేసినప్పుడు, విడుదలకు సిద్ధమయ్యాక అదే ఫీలింగ్ ఉంది. వేమారెడ్డిగారికి పెద్ద హీరోల నుంచి ఫోన్స్ వస్తున్నాయని విన్నాను. ఆనందంగా ఉంది’’ అని సుమంత్ అశ్విన్ అన్నారు. ఇలవల ఫిలింస్ సమర్పణలో రచయిత వేమారెడ్డి దర్శకత్వంలో సుమంత్ అశ్విన్, రెహానా జంటగా సీహెచ్. నరసింహాచారి, నరసింహారెడ్డి ఇలవల నిర్మించిన ‘చక్కిలిగింత’. డిసెంబర్ 5న విడుదల కానుంది. ఈ సందర్భంగా నరసింహారెడ్డి మాట్లాడుతూ -‘‘ఈ చిత్రంతో సుమంత్ అశ్విన్ హ్యాట్రిక్ సాధించడం ఖాయం’’ అని చెప్పారు.
  
  నరసింహాచారి మాట్లాడుతూ -‘‘నా జీవితంలో వచ్చిన మంచి మార్పులన్నీ డిసెంబర్ 5న జరిగినవే. ఇప్పుడీ చిత్రం అదే తేదీన విడుదల కానుంది. మిక్కీ జె. మేయర్ స్వర పరచిన పాటలకు ఆదరణ లభించినట్లుగానే, ఈ చిత్రం కూడా ప్రేక్షకాదరణ పొందుతుందనే నమ్మకం ఉంది’’ అన్నారు. వేమారెడ్డి మాట్లాడుతూ -‘‘ఈ కథ వినగానే ఎమ్మెస్ రాజుగారు అంగీకరించారు. అలాగే, నైజాం ఏరియాలో విడుదల చేస్తానని మొదట్నుంచీ ‘దిల్’ రాజుగారు అనేవారు’’ అన్నారు. ఈ చిత్రం తర్వాత మరిన్ని అవకాశాలొస్తాయనే నమ్మకముందని మాటల రచయిత జయంత్ అన్నారు.
  


  ‘‘నాకు ‘వర్షం’ వంటి విజయవంతమైన చిత్రం ఇచ్చారు ఎమ్మెస్ రాజుగారు. ఆ సినిమా అప్పుడు సుమంత్ అశ్విన్ చిన్నవాడు. ఇప్పుడు హీరో అయ్యాడు. తనకు మంచి భవిష్యత్తు ఉంది. ఈ చిత్రం మంచి విజయాన్ని సొంతం చేసుకోవాలి’’ అని ప్రభాస్ చెప్పారు. ఇలవల ఫిలింస్ సమర్పణలో రచయిత వేమారెడ్డిని దర్శకునిగా పరిచయం చేస్తూ, సీహెచ్. నరసింహాచారి, నరసింహారెడ్డి ఇలవల నిర్మిస్తున్న చిత్రం ‘చక్కిలిగింత’. సుమంత్ అశ్విన్, రెహానా నాయకా నాయికలు. ఈ చిత్రానికి మిక్కీ జె మేయర్ పాటలు స్వరపరిచారు. హైదరాబాద్‌లో జరిగిన ఈ చిత్రం ఆడియో వేడుకలో అతిథిగా పాల్గొన్న ప్రభాస్ సీడీని ఆవిష్కరించి దర్శకుడు సుకుమార్‌కి ఇచ్చారు.
  
  ప్రచార చిత్రాన్ని ‘దిల్’ రాజు, సంస్థ లోగోను సుకుమార్, సురేందర్‌రెడ్డి ఆవిష్కరించారు. సుమంత్ అశ్విన్ మాట్లాడుతూ - ‘‘ప్రభాస్ నా ఫేవరెట్ హీరో. ‘వర్షం’ సినిమాలో ప్రభాస్ జీప్ ఎత్తే సన్నివేశం, ఇంట్రడక్షన్ సీన్ తీసినప్పుడు లొకేషన్లోనే ఉన్నాను. హీరో అంటే ఇలా ఉండాలనుకున్నాను. ఆయన ఈ వేడుకకు రావడం ఆనందంగా ఉంది. ఈ చిత్రంలో నాది చాలా మంచి పాత్ర’’ అన్నారు. మంచి కథ కావడంతో చక్కని స్వరాలివ్వగలిగానని మిక్కీ చెప్పారు. దర్శకునిగా తనకిది తొలి చిత్రమనీ, అవకాశం ఇచ్చిన నిర్మాతలకు ధన్యవాదాలని వేమారెడ్డి అన్నారు. ఈ చిత్రంలో నటించడంపట్ల రెహానా ఆనందం వ్యక్తం చేశారు. ఈ వేడుకలో ఎమ్మెస్ రాజు, బీవీయస్‌యన్ ప్రసాద్, మారుతి తదితరులు పాల్గొన్నారు.
  


  ‘‘నేను, వేమా, ప్రకాశ్ ఒకప్పుడు ఒకే రూమ్‌లో ఉండేవాళ్లం. కష్ట సుఖాలు పంచుకునేవాళ్లం. ఈ చిత్రబృందం మొత్తం నాకు తెలుసు. ఈ చిత్రం పాటలు విన్నాను. చాలా బాగున్నాయి. ‘ఆర్య’ సినిమా అప్పట్నుంచి ఎమ్మెస్ రాజుగారు నాకు సలహాలు, సూచనలు ఇస్తూ, మంచి సపోర్ట్‌గా నిలుస్తున్నారు. ఆయన తనయుడు సుమంత్ అశ్విన్ ఇప్పటికే సక్సెస్ ట్రాక్‌లో ఉన్నాడు. ఈ చిత్రం అందుకు కొనసాగింపు కావాలని కోరుకుంటున్నాను’’ అని దర్శకుడు సుకుమార్ అన్నారు. ఇలవల ఫిలింస్ సమర్పణలో రచయిత వేమారెడ్డిని దర్శకునిగా పరిచయం చేస్తూ, సీహెచ్. నరసింహాచారి, నరసింహారెడ్డి ఇలవల నిర్మిస్తున్న చిత్రం ‘చక్కిలిగింత’.
  
   సుమంత్ అశ్విన్, రెహానా జంటగా నటిస్తున్న ఈ చిత్రం టైటిల్ లోగోను దర్శకుడు సుకుమార్ ఆవిష్కరించారు. మరో అతిథి, నిర్మాత బీవీయస్‌యన్ ప్రసాద్ చిత్రబృందానికి శుభాకాంక్షలందజేశారు. మరో అతిథి, దర్శకుడు ప్రకాశ్ తోలేటి మాట్లాడుతూ - ‘‘సుకుమార్, నేను, వేమా మంచి స్నేహితులం. మా ముగ్గురిలో వేమా డిఫరెంట్. ఈ చిత్రం కూడా అలానే ఉంటుందని అనుకుంటున్నా’’ అన్నారు. ఎంతో బిజీగా ఉన్నప్పటికీ సుకుమార్ ఈ వేడుకకు రావడం ఆనందంగా ఉందని వేమారెడ్డి చెప్పారు. ఈ చిత్రం ఎవర్నీ నిరుత్సాహపరచదని సుమంత్ అశ్విన్ అన్నారు. రెండు పాటలు మినహా ఈ చిత్రం పూర్తయ్యిందని, త్వరలో పాటలను విడుదల చేయనున్నామని నిర్మాతలు చెప్పారు. ఇంకా పలువురు చిత్రబృందం ఈ వేడుకలో పాల్గొన్నారు.
  


 ‘‘ఏ రంగంలో అయినా పోటీ సహజం. గ్లామర్ రంగంలో అయితే... మరీనూ. అందునా విజయంలో ఉన్నవారిపై ఆ ప్రభావం ఎక్కువగా ఉంటుంది. అందుకే... జాగ్రత్తగా పాత్రలను ఎన్నుకుంటూ ముందుకెళ్తున్నాను’’ అని నందిత అన్నారు. సుమంత్ అశ్విన్, నందిత జంటగా హరినాథ్ దర్శకత్వంలో రూపొందిన చిత్రం ‘లవర్స్’. మారుతి సమర్పణలో సూర్యదేవర నాగవంశీ, మహేంద్రబాబు కలిసి నిర్మించిన ఈ చిత్రం ఇటీవలే విడుదలైంది. సినిమాకు మంచి స్పందన లభిస్తోందని నందిత ఆనందం వెలిబుచ్చారు.
  
 ఈ సందర్భంగా మంగళవారం హైదరాబాద్‌లో విలేకరులతో ముచ్చటిస్తూ ‘‘మేం అనుకున్న దానికంటే ‘లవర్స్’కి మంచి స్పందన లభిస్తోంది. సుమంత్ అశ్విన్ సెటిల్డ్‌గా నటించాడు. సప్తగిరి, సాయి కామెడీ సినిమాకు ప్లస్ అయ్యింది’’ అని చెప్పారు నందిత. కుటుంబ ప్రేక్షకులకు దగ్గర కావడమే తన లక్ష్యమని, దాని కోసం ఏ తరహా పాత్ర చేయడానికైనా సిద్ధమని నందిత చెప్పారు. తెలుగుతో పాటు, తమిళ , మలయాళ భాషల్లో కూడా నటిస్తున్నానని, అవకాశం వస్తే బాలీవుడ్‌లో చేయడానికి కూడా సిద్ధమేనని నందిత తెలిపారు.


  ‘‘సినిమాను థియేటర్‌లో చూస్తే వచ్చే మజా ఏంటో ఇప్పుడు తెలిసింది. ముఖ్యంగా మా ‘లవర్స్’ సెకండ్ హాఫ్‌కి థియేటర్లో వస్తున్న స్పందన చూస్తే... ఇండియా వరల్డ్‌కప్ ఫైనల్ గుర్తొచ్చింది. ద్వితీయార్ధంలోని సీన్లు టెన్‌థౌజండ్ వాలా పేలినట్లు పేలాయి’’ అన్నారు సుమంత్ అశ్విన్. ఆయన కథానాయకునిగా హరినాథ్ దర్శకత్వంలో... సూర్యదేవర నాగవంశీ, మహేంద్రబాబు నిర్మించిన ‘లవర్స్’ ఇటీవల విడుదలైన విషయం తెలిసిందే.
  
  మారుతి సమర్పకుడిగా వ్యవహరించిన ఈ సినిమాకు ప్రేక్షకుల నుంచి ఆపూర్వ స్పందన లభిస్తోందనీ, తన కెరీర్‌లోనే గొప్ప విజయాన్నిచ్చిన చిత్రమిదని సుమంత్ అశ్విన్ ఆదివారం ఏర్పాటు చేసిన విలేకరుల సమావేశంలో ఆనందం వెలిబుచ్చారు. ఇంకా మాట్లాడుతూ- ‘‘నా కథల విషయంలో నాన్న ప్రమేయం ఉంటుంది. అయితే... ఏ కథ అయినా ముందు వినేది నేనే. నాకు నచ్చాకే నాన్న వింటారు. నాన్న మంచి జడ్జ్. అందుకే ఇలా...’’ అని చెప్పారు.
  
  కథానాయిక నందిత పాత్ర కథలో కీలకమనీ, సప్తగిరి కామెడీ ఈ సినిమాకి పెద్ద ఎసెట్ అయ్యిందనీ ఆయన తెలిపారు. ‘‘‘లవర్స్’లో ఓ రొమాంటిక్ సీన్ చేస్తున్నప్పుడు ఎక్స్‌ప్రెషన్ నాకు తెలీకుండానే గొప్పగా వచ్చేసింది. ‘ఏంటి? నిజంగానే లవ్‌లో పడ్డావా?’ అని మారుతి ఏడిపించారు. నిజానికి నా లవర్ సినిమానే’’ అన్నారు సుమంత్ ఆశ్విన్. ప్రస్తుతం ‘దిల్’రాజు ‘కేరింత’ చేస్తున్నాననీ, అలాగే... రచయిత వేమారెడ్డి దర్శకత్వంలో కూడా ఓ సినిమా చేయనున్నాననీ సుమంత్ అశ్విన్ చెప్పారు.
  


 తారాగణం: సుమంత్ అశ్విన్, నందిత,
 కెమేరా: మల్హర్ భట్ జోషీ, సంగీతం: జె.బి,
 నిర్మాతలు: సూర్యదేవర నాగ వంశీ, బి.మహేంద్ర బాబు,
 దర్శకత్వం: హరినాథ్, కథ, స్క్రీన్‌ప్లే, మాటలు: మారుతి
  
 కొన్ని కథలు వినడానికి బాగుంటాయి... మరికొన్ని చూడడానికి బాగుంటాయి. వినడానికి బాగున్నవన్నీ తెరపై చూసేందుకు సరిపడక పోవచ్చు. పదే పదే ఒక అబ్బాయి ప్రేమను భగ్నం చేసే అమ్మాయి. చివరకు ఆ అమ్మాయి, అబ్బాయే ప్రేమలో పడితే? వినడానికి బాగున్న ఈ ఇతివృత్తానికి మారుతి మార్కు వెండితెర రూపం - ‘లవర్‌‌స’.
  
 కథ ఏమిటంటే... సిద్ధు (సుమంత్ అశ్విన్) ఇంటర్ చదువుతున్న రోజుల నుంచి ఒకరి తరువాత మరొకరుగా గీత (తేజస్వి), సౌమ్య అనే ఇద్దరు అమ్మాయిలతో ప్రేమలో పడతాడు. కానీ, ఆ అమ్మాయిలకు ఫ్రెండ్ అయిన చిత్ర  (‘ప్రేమకథా చిత్రవ్‌ు’ ఫేవ్‌ు నందిత) ‘అది నిజమైన ప్రేమ కాదు... ప్రేమ పేరిట ఉబుసుపోక కాలక్షేప (ఫ్లర్టింగ్)’మంటూ, ఆ ప్రేమల్ని చెడగొడుతుంది. తీరా ఇంజినీరింగ్ చదువుకొంటున్న రోజుల్లో ఆ చిత్రనే అనుకోకుండా హీరో ప్రేమిస్తాడు. ఆ విషయం తెలిశాక ఏమైంది, వాళ్ళ ప్రేమ ఫలించిందా అన్నది మిగతా సినిమా.
  
 ఎలా నటించారంటే... హీరో సుమంత్ అశ్విన్ హుషారుగా నటించాడు, నర్తించాడు. కెమేరా లుక్స్ మీద, ఎంచుకొనే కథల మీద ఈ యువ నటుడు మరింత శ్రద్ధ పెట్టాలి. నందిత ఫరవాలేదనిపిస్తారు. మారుతి చిత్రాల్లో తరచూ కనిపించే సాయి పంపన హీరో ఫ్రెండ్‌గా మాటల హడావిడి చేశారు. సెకండాఫ్ లోని సప్తగిరి ఎపిసోడే ఈ బలహీనమైన కథ, కథనాల్లో కాస్త రిలీఫ్.  
  
 ఎలా ఉందంటే... సినిమా మొదలైనప్పుడు కాస్త ఆసక్తిగా అనిపించినా, చర్చి ఫాదర్ (ఎమ్మెస్ నారాయణ)తో హీరో తన మొదటి ప్రేమకథ చెప్పి, రెండో కథ మొదలుపెట్టేటప్పటికే ఆసక్తి పోతుంది. పాత్రల పరిచయం, అసలు హీరోయిన్‌తో హీరో ప్రేమ మొదలవడం - ఈ కొద్దిపాటి కథనే ఫస్టాఫ్ అంతా నడిపారు. ఇక, వారిద్దరి మధ్య ప్రేమను ఎలా ముందుకు నడపాలన్న దానిపై దర్శక, రచయితలకు కూడా ఒక స్పష్టత లేదు. దాంతో, ప్రధాన కథకు సంబంధం లేని పాత్రలను తెచ్చి, వాటి ద్వారా కామెడీ చేయిస్తూ, కథను ముగింపు దగ్గరకు తీసుకురావాలని విఫలయత్నం చేశారు. కానీ, దురదృష్టవశాత్తూ ప్రేక్షకులప్పటికే డిస్‌కనెక్ట్ అయిపోతారు.
  
 మారుతి సినిమాలన్నిటి లాగానే దీనిలోనూ అక్కడక్కడ ఆడియో కట్‌లను దాటుకొని వచ్చిన ద్వంద్వార్థపు డైలాగులు వినిపిస్తాయి. ఒకటీ అరా చోట్ల డైలాగులు సమకాలీన యువతరం ఆలోచనల్ని ప్రతిఫలిస్తూ, హాలులో జనాన్ని నవ్విస్తాయి. కెమేరా వర్‌‌క, సంగీతం లాంటి అక్కడక్కడ ఫరవాలేదనిపించినా, పాత్రధారులకు టచప్ కూడా చేయకుండా తీసిన కొన్ని దృశ్యాలు, సాగదీత కథనం మధ్య వాటికి గ్రహణం పట్టేసింది.
  
 కథను ఎలా ముగించాలో తెలియక కేవలం సెకండాఫ్‌లో పిచ్చివాడు గజిని  పాత్రలో సప్తగిరితో వచ్చే కామెడీతోనే సినిమాను నడిపేయాలనుకోవడం దర్శక, రచయితల పొరపాటు. వెరసి, హాలులోకి వెళ్ళిన కాసేటికే కథ గ్రహించేసిన జనం పూర్తిగా రెండు గంటల పది నిమిషాల సినిమా బోర్ అనుకోకుండా చూడగలగడం కష్టం. అందుకే, హాల్లోంచి బయటకొస్తూ ఒక స్టూడెంట్ అన్నట్లు, ఈ ‘లవర్‌‌స’ - ప్రేక్షకుల చెవిలో దర్శక, నిర్మాతలు పెట్టిన ఫ్లవర్‌‌స.
  
 బలాలు:
 * హీరో హుషారు నటన  
 * లౌడ్‌గా అనిపించినా, కాసేపు నవ్వించే సప్తగిరి కామెడీ
 * ఒకటి రెండు పాటలు
  
 బలహీనతలు: 
   *   సున్నా కథ  
 * మైనస్ కథనం
 * కథలోని పాత్రలను ప్రవేశపెట్టి, వాటి మధ్య అనుబంధం తెలియజేయడానికే ఫస్టాఫ్ అయిపోవడం  ఫస్టాఫ్ కన్నా సెకండాఫ్‌లో కథ,
 * కథనం.. మరీ పిల్లలాట లాగా ఉండడం  
 * దర్శకత్వం


 కొవ్వూరు రూరల్: ‘అచ్చ తెలుగు అమ్మాయిని.. ఎంబీఏ చదువుతుండగా మోడలింగ్‌లో అవకాశమొచ్చింది..’ అని అంటున్నారు బందిపోటు చిత్రంలో హీరోయిన్‌గా నటిస్తున్న ఈషా. ఇంద్రగంటి మోహనకృష్ణ దర్శకత్వంలో వచ్చిన ‘అంతకుముందు ఆ తరువాత’ సినిమాతో తెలుగు తెరకు పరిచయమైన ఈ హైదరాబాదీ అమ్మాయి కొవ్వూరు మండలం కుమారదేవంలో సందడి చేశారు. బందిపోటు చిత్ర షూటింగ్‌లో భాగంగా ఇక్కడకు వచ్చిన ఈషా విలేకరులతో ముచ్చటించారు.  
 
  సినీ పరిశ్రమకు ఎలా పరిచయమయ్యారు
 దర్శకుడు ఇంద్రగంటి మోహనకృష్ణ ప్రోత్సాహంతో సినీ పరిశ్రమకు వచ్చాను. స్వతహాగా నాకు మోడలింగ్ అంటే ఇష్టం. చదువుకుంటూనే అంబికా దర్బార్‌బత్తి, అపర్ణ కనస్ట్రక్షన్స్, చెన్నై జ్యూయలరీస్ వంటి యాడ్స్‌లో నటించాను.
 
 తొలిసారిగా నటించినప్పుడు మీకు ఎలా అనిపించింది
 ‘అంతకుముందు ఆ తరువాత’ సినిమాలో కెమెరా ముందుకు వచ్చినప్పుడు చాలా భయం వేసింది. అయితే దర్శకుడు మోహనకృష్ణ, కో-ఆర్టిస్ట్ సుమం త్ అశ్విన్ ప్రోత్సాహంతో భయం పోయింది.
 
  ఏ సినిమాల్లో నటిస్తున్నారు
 బందిపోటుతో పాటు కేరింత లో హీరోయిన్‌గా నటిస్తున్నా.
 
  ఏ పాత్రలంటే ఇష్టం
 యాక్షన్, సెంటిమెంట్‌తోపాటు అన్ని రకాల పాత్రలు చేయాలని ఉంది. పాత హీరోయిన్లంతా నాకు రోల్ మోడల్సే. శ్రీదేవి అంటే చాలా ఇష్టం.
 
  మీ కుటుంబ నేపథ్యం
 నాన్న శంకర్‌లాల్ బీహెచ్‌ఈఎల్‌లో ఉద్యోగి. అమ్మ నాగేశ్వరి గృహిణి. అక్క, చెల్లి ఉన్నారు.
 
  గోదావరి ప్రాంతం మీకెలా ఉంది
 ఇక్కడి పరిసర ప్రాంతాలు, వాటి అందాలు, ఆహ్లాదకర వాతావరణం కట్టిపడేస్తున్నాయి. అమ్మ నాగేశ్వరి స్వగ్రామం రాజ మండ్రి కావడంతో తరచూ వస్తుండేదాన్ని. ప్రస్తుతం హైదరాబాద్‌లో స్థిరపడ్డాం.
  


  సుమంత్ అశ్విన్, నందిత జంటగా మారుతి సమర్పణలో రూపొందిన చిత్రం ‘లవర్స్’. హరినాథ్ ఈ చిత్రానికి దర్శకుడు. సూర్యదేవర నాగవంశీ, మహేంద్రబాబు నిర్మాతలు. నిర్మాణం తుది దశకు చేరుకున్న ఈ చిత్రం ప్రచార చిత్రాలను సోమవారం హైదరాబాద్‌లో సుమంత్ అశ్విన్ పుట్టిన రోజు సందర్భంగా విడుదల చేశారు. ఈ సందర్భంగా సుమంత్ అశ్విన్ పుట్టిన రోజు కేక్ కట్ చేశారు. ‘లవర్స్’ టీమ్ సమక్షంలో బర్త్‌డే వేడుకను జరుపుకోవడం ఆనందంగా ఉందని సుమంత్ అశ్విన్ అన్నారు. మారుతి మాట్లాడుతూ -‘‘నిర్మాణ బాధ్యత తప్ప క్రియేటివ్ సైడ్ ఎలాంటి జోక్యం చేసుకోకూడదు అనుకున్నాను.
  
   అయితే... ఎమ్మెస్ రాజుగారి కోరిక మేరకు ఈ సినిమాకు కథనం, సంభాషణలు అందించాల్సి వచ్చింది. రెండు రోజుల షూటింగ్ మినహా చిత్రీకరణ పూర్తయింది. సమంత చేతుల మీదుగా ఈ నెల 24న పాటల్ని విడుదల చేస్తాం. ఆగస్ట్‌లో సినిమా విడుదల ఉంటుంది’’ అని తెలిపారు. యువతరానికి నచ్చే అంశాలన్నీ ఇందులో ఉంటాయని దర్శకుడు చెప్పారు. చిత్రం యూనిట్ సభ్యులతో పాటు దామోదరప్రసాద్, వేమారెడ్డి కూడా మాట్లాడారు. ఈ చిత్రానికి కెమెరా: మల్హర్‌భట్ జోషి, సంగీతం: జె.బి, ఎగ్జిక్యూటివ్ నిర్మాత: అడ్డాల శ్రీనివాస్.
  


  ‘అంతకు ముందు  ఆ తరువాత’లో పరిణతి చెందిన నటన కనబర్చిన సుమంత్ అశ్విన్ ప్రస్తుతం మరో ప్రేమకథా చిత్రంలో నటిస్తున్నారు. మహి ఎంటర్‌టైన్‌మెంట్ ప్రైవేట్ లిమిటెడ్ పతాకంపై సీహెచ్ నరసింహాచారి, ఇలవల నరసింహారెడ్డి ఈ చిత్రం నిర్మిస్తున్నారు. ఈ చిత్రం ద్వారా రచయిత వేమారెడ్డి దర్శకునిగా పరిచయమవుతున్నారు. ప్రస్తుతం హైదరాబాద్ పరిసర ప్రాంతాల్లో రెగ్యులర్ షూటింగ్ జరుగుతోంది. ఈ సందర్భంగా నిర్మాతలు మాట్లాడుతూ -‘‘అన్ని వర్గాలవారిని అలరించే సున్నితమైన ప్రేమకథతో ఈ చిత్రం రూపొందిస్తున్నాం. వినోద ప్రధానంగా సాగే సినిమా. ప్రస్తుతం జరుగుతున్న షెడ్యూల్‌లో కీలక సన్నివేశాలతో పాటు హీరో, హీరోయిన్ పాల్గొనగా ఓ పాట కూడా చిత్రీకరిస్తాం. మే 5 వరకు ఈ షెడ్యూల్ సాగుతుంది. మిక్కీ జె మేయర్ స్వరపరచిన పాటలు ఈ చిత్రానికి ప్రధాన ఆకర్షణగా నిలుస్తాయి’’ అన్నారు.


 సుమంత్ అశ్విన్ కథానాయకునిగా ఓ చిత్రం రూపొందుతోంది. వేమారెడ్డి దర్శకుడు. సీహెచ్ నరసింహాచారి, నరసింహారెడ్డి ఇలవాల నిర్మాతలు. ఈ చిత్రం షూటింగ్ శుక్రవారం హైదరాబాద్‌లో మొదలైంది. ముహూ ర్తపు దృశ్యానికి దిల్ రాజు కెమెరా స్విచాన్ చేయగా, సుకుమార్ క్లాప్ ఇచ్చారు.
 వీవీ వినాయక్ గౌరవ దర్శకత్వం వహించారు. దర్శకునిగా తనకు తొలి అవకాశం ఇచ్చిన నిర్మాతలకు కృతజ్ఞతలని, ఈ నెలాఖరు నుంచి రెగ్యులర్ షూటింగ్ మొదలుపెడతామని వేమారెడ్డి తెలిపారు. విభిన్న కథాంశంతో ఈ చిత్రం రూపొందుతోందని సుమంత్ అశ్విన్ చెప్పారు. అడగ్గానే సుమంత్ డేట్స్ ఇచ్చి తమను ప్రోత్సహించిన ఎమ్మెస్‌రాజుగారికి కృతజ్ఞతలని,
 ‘అంతకు ముందు ఆ తర్వాత’ చిత్రంలా... ఈ సినిమా కూడా సుమంత్‌కి మంచి పేరు తెచ్చిపెడుతుందని నిర్మాతలు నమ్మకం వెలిబుచ్చారు. తాగుబోతు రమేష్, వివా హర్ష, తులసి, అంబటి శ్రీను, జోష్ రవి తదితరులు ఇతర పాత్రలు పోషిస్తున్న ఈ చిత్రానికి కెమెరా: సాయిశ్రీరామ్, కూర్పు: కార్తీక శ్రీనివాస్, కళ: ఏఎస్ ప్రకాష్, రచనా సహకారం: టి.మధుసూదన్, జయంత్, నిర్మాణం: మహి ఎంటర్‌టైన్‌మెంట్స్.
  
  


 ‘‘స్టార్స్‌ను కాకుండా కథను నమ్మి సినిమాలు తీసే అతి తక్కువ మంది నిర్మాతల్లో దాము ఒకరు. ఇలాంటి నిర్మాతలు మరికొందరు వస్తే ఇంకా కొత్త కథలు, కొత్త దర్శకులు పరిశ్రమకు వస్తారు’’ అని దర్శకురాలు నందినీరెడ్డి అన్నారు.
  
  సుమంత్ అశ్విన్, ఈషా జంటగా మోహనకృష్ణ ఇంద్రగంటి దర్శకత్వంలో శ్రీ రంజిత్ మూవీస్ పతాకంపై కేఎల్ దామోదర ప్రసాద్ నిర్మించిన ‘అంతకు ముందు... ఆ తరువాత’ యాభై రోజుల వేడుక బుధవారం హైదరాబాద్‌లో జరిగింది. నిర్మాత ఒక మిత్రునిలాగా ఈ సినిమా విషయంలో సహకరించారని దర్శకుడు పేర్కొన్నారు. 
  
  సుమంత్ అశ్విన్ ఈ సినిమాతో పెద్ద హిట్టు కొట్టినందుకు సునీల్ సంతోషం వెలిబుచ్చారు. ఈ కార్యక్రమంలో ఇంకా రమేష్‌ప్రసాద్, భీమనేని శ్రీనివాసరావు, మారుతి, స్వాతి, బి.గోపాల్, వీఎన్ ఆదిత్య, సురేష్ కొండేటి తదితరులు మాట్లాడారు.
  


 ‘అంతకు ముందు ఆ తర్వాత’ సినిమాతో ప్రామిసింగ్ హీరో అనిపించుకున్న సుమంత్ అశ్విన్ తన కెరీర్‌ని పక్కాగా ప్లాన్ చేసుకుంటున్నారు. ఓ పక్క యువతకు, మరో పక్క కుటుంబ ప్రేక్షకులకూ దగ్గరయ్యే విధంగా కథలు ఎంచుకుంటున్నారు. ప్రస్తుతం మారుతి నిర్మాణంలో ఓ సినిమా చేస్తున్న సుమంత్ అశ్విన్, సుకుమార్ నిర్మాణంలో మరో సినిమా కమిట్ అయ్యారు. సుకుమార్ నిర్మాతగా మారి వరుసగా తన శిష్యులతో సినిమాలు చేయడానికి ప్రణాళికలు చేస్తున్నారు. ‘ఆర్య’ నుంచి తనతో కలిసి పనిచేసిన వేమారెడ్డిని దర్శకునిగా పరిచయం చేస్తూ సుకుమార్ తొలి సినిమా నిర్మించబోతున్నారు. ఇందులో కథానాయకునిగా సుమంత్ అశ్విన్‌ని ఎంపిక చేసుకున్నారు. పూర్తి వివరాలు త్వరలోనే తెలుస్తాయి.
  


 ‘‘చిన్న సినిమాగా విడుదలైన ఈ చి త్రం పెద్ద విజయాన్ని సాధించింది. దర్శకుడు రొటీన్‌గా కాకుండా కొత్తదనంతో ఈ చిత్రాన్ని తెరకెక్కించారు. దాము అభిరుచిగల నిర్మాత అని మరోసారి నిరూపించుకున్నారు’’ అని దర్శకుడు భీమనేని శ్రీనివాసరావు అభినందించారు. 
  
  సుమంత్ అశ్విన్, ఇషా జంటగా మోహనకృష్ణ ఇంద్రగంటి దర్శకత్వంలో శ్రీ రంజిత్ మూవీస్ పతాకంపై కేఎల్ దామోదరప్రసాద్ నిర్మించిన చిత్రం ‘అంతకుముందు... ఆ తర్వాత’. ఇటీవలే విడుదలై విజయం సాధించిన ఈ సినిమా ట్రిపుల్ ప్లాటినమ్ డిస్క్ వేడుక హైదరాబాద్‌లో జరిగింది. 
  
  నిర్మాత సహకారంతోనే ఈ సినిమా తీయగలిగానని, కల్యాణి కోడూరి సంగీతం ఈ సినిమా విజయాన్ని పై స్థాయికి తీసుకువెళ్లిందని దర్శకుడు తెలిపారు. గత చిత్రాలతో రాని గుర్తింపు ఈ సినిమాతో వచ్చిందని సంగీత దర్శకుడు కల్యాణి కోడూరి చెప్పారు. ఈ కార్యక్రమంలో ఇంకా దామోదర ప్రసాద్, సుమంత్ అశ్విన్, ఇషా, శ్రీకృష్ణ తదితరులు మాట్లాడారు.


 ‘‘బోల్డ్‌గా ఉన్న పాయింట్‌ని అన్ని వర్గాల ప్రేక్షకులకూ చేరువయ్యేలా సినిమా తీయడం చాలా కష్టం. ఈ విషయంలో దర్శకుడు ఇంద్రగంటి మోహనకృష్ణ విజయం సాధించాడు. తక్కువ వసూళ్లతో ప్రారంభమై... ఈ రోజున భారీ వసూళ్ల స్థాయికి చేరుకుందీ సినిమా. సినిమా చూసిన వారందరూ బాగుంది అంటుంటే... సుమంత్ అశ్విన్ తండ్రిగా చాలా ఆనందంగా ఉంది’’ అని ఎమ్మెస్ రాజు అన్నారు. 
  
  సుమంత్ అశ్విన్ కథానాయకునిగా ఇంద్రగంటి మోహనకృష్ణ దర్శకత్వంలో కె.ఎల్.దామోదరప్రసాద్ నిర్మించిన చిత్రం ‘అంతకు ముందు- ఆ తరువాత’. ఈ చిత్రం విజయవంతంగా ప్రదర్శితమవుతోందని సుమంత్ అశ్విన్ తండ్రి, ప్రముఖ నిర్మాత ఎమ్మెస్ రాజు ఆనందం వ్యక్తం చేశారు. 
  
  ఆయన ఇంకా చెబుతూ -‘‘సుమంత్ అశ్విన్ తొలి సినిమా ‘తూనీగ తూనీగ’ అనుకున్న స్థాయిలో విజయాన్ని అందుకోలేకపోయినా... తన సక్సెస్, ఫెయిల్యూర్ గురించి ఆలోచించకుండా ఒక మంచి కథకు కథానాయకునిగా ఎంచుకున్న దర్శకనిర్మాతలకు ముందు థ్యాంక్స్ చెబుతున్నాను.
  
  బౌండ్ స్క్రిప్ట్‌తో ఇంద్రగంటి మా వద్దకొచ్చారు. విన్న వెంటనే నచ్చిందీ కథ. అందుకే ఎంతో ఎంజాయ్ చేస్తూ చేశాడు సుమంత్. ఇప్పటివరకూ నేను చాలా విజయాలను అందుకున్నాను. అవేవీ ఇవ్వనంత ఆనందాన్ని ఈ సినిమా ఇచ్చింది’’ అన్నారు ఎమ్మెస్ రాజు.
  


 ‘‘ఒక సినిమా విజయం ఎవరికైనా ఆనందాన్నిస్తుంది. ఈ సినిమా విజయం ఆనందంతో పాటు ఆత్మవిశ్వాసాన్ని కూడా ఇచ్చింది’’ అంటున్నారు సుమంత్ అశ్విన్. ఇంద్రగంటి మోహన్‌కృష్ణ దర్శకత్వంలో సుమంత్ అశ్విన్, ఇషా జంటగా దామోదర్‌ప్రసాద్ నిర్మించిన ‘అంతకు ముందు ఆ తర్వాత’ చిత్రం ఇటీవల విడుదలైన విషయం తెలిసిందే. విభిన్న కథాంశంతో రూపొందిన ఈ చిత్రం విజయం సాధించడం ఖాయం అని నిర్మాణంలో ఉన్నప్పుడు సుమంత్ అశ్విన్ నమ్మకం వ్యక్తం చేసుకుంటూ వచ్చారు. ఆ నమ్మకం నిజమైందని పేర్కొన్న సుమంత్ అశ్విన్ పాత్రికేయులు అడిగిన పలు ప్రశ్నలకు ఈ విధంగా స్పందించారు.
  
  ****  ఈ సినిమా విడుదలకు ముందు, ఆ తర్వాత మీ ఫీలింగ్ ఎలా ఉంది?
  నిజం చెప్పాలంటే కొంచెం టెన్షన్‌గా ఉంది. సక్సెస్ అయిందనే ఆనందం ఒకవైపు ఉన్నా, తదుపరి సినిమాపై అంచనాలు ఏర్పడుతాయి కాబట్టి... ఆ ఆనందాన్ని పూర్తిగా ఆస్వాదించలేకపోతున్నాను. ఈ విజయం నా బాధ్యతను పెంచింది. తదుపరి చిత్రాల విషయంలో కూడా తగిన జాగ్రత్త తీసుకుని, ఆ చిత్రాల్లోని పాత్రలకు కూడా పూర్తి న్యాయం చేయాలనుకుంటున్నాను.
  
  ****  ఈ సినిమాని మీ నాన్నగారు (ఎమ్మెస్‌రాజు) చూశారా.. ఆయన కూడా దర్శక, నిర్మాతే కాబట్టి ఏమైనా ఇన్‌వాల్వ్ అయ్యారా?
  ఈ సినిమాకి దాముగారు, మోహన్‌కృష్ణగారు నన్నడిగినప్పుడు.. నాన్నగారు ఒకటే అన్నారు. ‘మంచి యూనిట్‌తో సినిమా చేయబోతున్నావ్. తప్పకుండా ఓ సక్సెస్‌ఫుల్ సినిమా అవుతుందనే నమ్మకం ఉంది’ అన్నారు. ఈ బృందం మీద ఆయనకంత నమ్మకం ఉంది. అందుకే ఇన్‌వాల్వ్ అవ్వలేదు. ఈ సినిమా విజయం సాధించినందుకు ఎక్కువగా ఆనందపడింది నాన్నగారే. ఇటీవలి కాలంలో ఆయనకు దాదాపు ఏ సినిమా నచ్చలేదు. కానీ ఈ సినిమా చూసిన తర్వాత, పరిపూర్ణంగా ఉందన్నారు. బాగా యాక్ట్ చేశానని మెచ్చుకున్నారు.
  
  ****  ముందుగా సక్సెస్ గురించి ఎవరి ద్వారా విన్నారు?
  యూఎస్ నుంచి ఎగ్జిబిటర్స్, డిస్ట్రిబ్యూటర్స్ ఫోన్ చేసి, చాలా బాగుందన్నారు. కానీ నేను నమ్మలేదు. ఎందుకంటే రెండో రోజు వేరే రకంగా చెబితే, నిరుత్సాహపడిపోతాను. అందుకే రెండు, మూడో రోజు రిజల్ట్ కోసం వెయిట్ చేశాను. వసూళ్లు బాగున్నాయని తెలుసుకున్న తర్వాత అప్పుడు నమ్మకం కుదిరింది.
  
  ****  వినూత్నమైన కథాంశంతో ఈ సినిమా చేశారు కాబట్టి.. రిస్క్ అవుతుందేమో అనిపించిందా?
  తెలుగు సినిమా అంటే ఇలా ఉండాలి అని కొన్ని రూల్స్ ఉన్నాయి. ఆ రూల్స్‌ని ఫాలో అవ్వకుండా తీసిన ‘కాన్సెప్ట్ ఓరియంటెడ్’ మూవీ ఇది. కొంచెం రిస్క్ లేకపోలేదు. కానీ దాముగారు, ఇంద్రగంటి గారు, మేమందరం కథని నమ్మి ఈ సినిమా చేశాం. ఆ కథను ప్రేక్షకులు ఇష్టపడ్డారు. వాస్తవానికి ఈ సినిమా చేస్తున్నప్పుడు ‘తెలుగు ప్రేక్షకులు కొత్త కథలను అంగీకరిస్తారు. చాలా ఇంటలెక్చువల్’ అని ఇంద్రగంటిగారు అనేవారు. ఆయన నమ్మకాన్ని నిజం చేసిన ప్రేక్షకులకు ధన్యవాదాలు చెప్పాలి. ఇక్కడ ఇంకో విషయం చెప్పాలి. నిర్మాణ సమయంలో ‘ఒకవేళ ఈ సినిమా ఆడకపోయినా సరే.. మంచి సినిమా చేశాననే తృప్తి మిగులుతుంది’ అని ఇంద్రగంటిగారితో అన్నాను.
  
  ****  సీమాంధ్రలో ఈ సినిమా పరిస్థితి ఏంటి?
  మంచి వసూళ్లనే రాబడుతోంది. తిరుపతిలో శుక్ర, శని, ఆదివారాలకన్నా ఈరోజు (సోమవారం) వసూళ్లు ఇంకా బాగున్నాయి. కుటుంబ సమేతంగా సినిమా చూస్తున్నారు.
  
  ****  తదుపరి కూడా మీరిలా ఫ్యామిలీ ఎంటర్‌టైనర్సే చేస్తారా?
  తప్పకుండా. యూత్‌ఫుల్ మూవీస్ అయినప్పటికీ కుటుంబ సమే తంగా చూసేట్లు జాగ్రత్తలు తీసుకుంటా.
  
  ****  ఓ నిర్మాత, దర్శకుడి కొడుకుగా నిర్మాణంలో ఉండే ఇబ్బందులు మీకు తెలిసే ఉంటాయి కాబట్టి.. మీరెలాంటి సహకారం అందిస్తారు?
  షూటింగ్ ఏడుకి అంటే.. ఠంచనుగా హాజరైపోతాను. ఎందుకంటే గంట ఆలస్యం అయితే లక్షల రూపాయలు వృథా అవుతాయి. నా కారణంగా షూటింగ్‌కి ఆటంకం కలగకుండా చూసుకుంటాను.
  
  ****  ప్రస్తుతం చేస్తున్న చిత్రాల గురించి?
  ‘లవర్స్’ చేస్తున్నాను. ఇంకొన్ని సినిమాలు చర్చల దశలో ఉన్నాయి.


 ఇప్పుడొస్తున్న అన్ని ప్రేమకథలూ ఒకేలా ఉంటున్నాయనేది సగటు తెలుగు సినీ ప్రేక్షకుడి ఫిర్యాదు. అందులో వాస్తవం కూడా ఉంది. అందమైన అమ్మాయి, అబ్బాయి... తొలి చూపులో ప్రేమ... కులమో, మతమో, డబ్బో ఇలా ఏదో ఒక అవాంతరం రావడం... చివరకు కథ సుఖాంతం కావడం. ఈ నేపథ్యానికి రకరకాల మసాలాలు అద్దడం. ఫైనల్‌గా ప్రొడక్ట్ ఇదే. ఇంద్రగంటి మోహనకృష్ణలాంటి సెన్సిబుల్ దర్శకుడు ఓ ప్రేమకథ తీస్తున్నాడంటే, ఇలాంటి మసాలాలే ఉంటాయా? అదే జరిగుంటే, అసలు మనం ఈ సినిమా గురించే మాట్లాడుకోనవసరం లేదు.
  
  ముందు ఈ సినిమా కథ గురించి చెప్పుకుందాం. 23 ఏళ్ల కుర్రాడు ఓ ఫంక్షన్‌లో అమ్మాయిని చూసీ చూడగానే మనసు పారేసుకుంటాడు. తను కూడా ఈ అబ్బాయిని ఇష్టపడుతుంది. ఇద్దరూ పీకల్లోతు ప్రేమలో కూరుకుపోతారు. కానీ ఏవో కన్‌ఫ్యూజన్లు. ఈ ప్రేమ జీవితాంతం ఇంతే ఫ్రెష్‌గా, క్వాలిటీగా ఉంటుందా? ప్రేమలో ఉండగా రంగు రంగుల సీతా కోకచిలుకలా ఉండే జీవితం పెళ్లి కాగానే గొంగళిపురుగులా కనిపిస్తుందా? అని రకరకాల సందేహాలు. దీనికి పరిష్కారం ఏంటి? అబ్బాయికో ఐడియా వస్తుంది. ఇద్దరం రెండు నెలల పాటు భార్యాభర్తలుగా సహజీవనం చేద్దామంటాడు. ఆ అమ్మాయి భయపడుతూ, ఇబ్బందిపడుతూనే ఓకే అంటుంది. ఇలా ఫస్ట్ హాఫ్ అంతా ప్రణయం. సెకండాఫ్ ఏమో సహజీవనం. ఫైనల్‌గా ఈ జంట ఏం తెలుసుకున్నారు? ఏం తేల్చుకున్నారన్నదే మిగిలిన కథ.
  వినగానే రెగ్యులర్ స్టోరీ కాదనే ఫీలింగ్ కలుగుతుంది. కానీ రెండు నెలల సహజీవనం కాన్సెప్ట్ అంటేనే, మన థాట్స్ ఎటెటో వెళ్లిపోవడం, బోలెడంత రొమాన్స్‌ని ఆశించడం సహజం. కానీ ఇంద్రగంటి ఈ కథను డీల్ చేసిన విధానం ఎక్స్‌లెంట్. మనలో చాలామందిమి రొమాన్స్‌కి, సెక్స్‌కి తేడా ఎప్పుడో మర్చిపోయాం. రొమాన్స్ అంటే సెక్స్ అన్నట్టుగా కొన్ని సినిమాలు డెఫినిషన్ చెప్పేశాయి. కానీ ఇంద్రగంటి రొమాన్స్‌కి, సెక్స్‌కీ మధ్య ఉండే సున్నితమైన లేయర్‌ని టచ్ చేశాడు. ఇంతటి గంభీరమైన, సంప్రదాయ విరుద్ధమైన కథాంశాన్ని చాలా హోమ్లీగా, లవ్లీగా, సెన్సిబుల్‌గా, క్లీన్‌గా చూపించాడు. నిజం చెప్పాలంటే ఇది లవ్‌స్టోరీ కాదు. లైఫ్ స్టోరీ. ప్రేమ అనే వస్తువుని తీసుకుని జీవితాన్ని స్వచ్ఛంగా ఆవిష్కరించాడు. జీవితం ఒక సినిమా అనుకుంటే, దానికి ప్రత్యేకంగా ట్రయిలర్స్ ఏమీ ఉండవు. ముఖ్యంగా లైఫ్ సినిమాకి లవ్ అనేది ట్రయిలరే కాదని స్పష్టంగా చెప్పారు. అలాంటి అనుమానాలు, పొరపాట్లు, సర్దుబాట్ల గురించి ఇంద్రగంటి సున్నితంగా చర్చ లేవనెత్తారు. అయితే తను ఎక్కడా క్లాసులు పీకుతున్న ధోరణిలో లేకుండా ఓ లైవ్లీగానే ఈ సినిమాని ఆవిష్కరించారు. ప్రేమకథలో ఫ్యామిలీ ఎమో షన్స్‌నీ, డ్రామానీ అందంగా సమ్మిళితం చేయడంతో సినిమాకో డెప్త్ వచ్చింది. ముఖ్యంగా క్లైమాక్స్ హార్ట్ టచింగ్‌గా అనిపిస్తుంది. హీరోయిన్, హీరోతో కలిసి 2 నెలలు వేరే ఫ్లాట్‌లో ఉంటుంది. ఆ రెండు నెలలు ఇంట్లో చెప్పకుండా ఎలా మేనేజ్ చేసిందనే విషయంలో క్లారిటీ లేదు. అలాగే హీరో బిజినెస్ స్టార్ట్ చేయడం, ఆ వ్యవహారాలు... అంత ఇంపాక్టివ్‌గా అనిపించవు. ఇలాంటి చిన్న చిన్నవి మినహా ఓవరాల్‌గా సినిమా ఓకే.
  
  హీరోగా సుమంత్ అశ్విన్‌కిది రెండో సినిమా. ఎక్కడా జర్కుల్లేకుండా చాలా ఈజ్‌తో అనిల్ పాత్రలో అందంగా ఇమిడిపోయాడు. తనకు మంచి భవిష్యత్తు ఉందని ఈ సినిమా నిరూపించింది. ఇక హీరోయిన్ ఇషా ఆ పాత్రకు టైలర్‌మేడ్‌లా అనిపించింది. మనకో తెలుగు కథానాయిక దొరికినందుకు ఆనందపడాలి. తండ్రి పాత్రలకు ప్రకాశ్‌రాజ్‌కు ఆల్టర్‌నేట్‌గా రావు రమేష్ స్థిరపడిపోయినట్టే. అంత గొప్పగా ఇందులో యాక్ట్ చేశారు. రోహిణి, రవిబాబు, ఝాన్సీలు తమ పాత్రలకు న్యాయం చేశారు. చాలాకాలం తర్వాత కనిపించిన మధుబాల మాత్రం నిరాశపరుస్తారు. సెపరేట్ కామెడీ ట్రాక్స్ లేకపోయినా, అవసరాల శ్రీనివాస్ పాత్రే పెద్ద రిలీఫ్ ఇస్తుంది. కళ్యాణి కోడూరి రీరికార్డింగ్, పీజీ విందా ఫొటోగ్రఫీ సినిమాకు మెయిన్ హైలైట్స్. డైలాగ్స్ బాగా స్కోర్ చేస్తాయి. ఈ సినిమా విషయంలో నిర్మాత దామోదర ప్రసాద్ టేస్ట్‌ని మెచ్చుకోవాలి.
  
 హైలైట్స్: హీరో హీరోయిన్ల కెమిస్ట్రీ, బ్యాక్‌గ్రౌండ్ స్కోర్, ఫ్రెష్‌నెస్, డైలాగ్స్, నేచురల్ రొమాంటిక్ సీన్స్
  
 డ్రాబ్యాక్స్: ద్వితీయార్థంలో స్లో నేరేషన్, కొన్ని బలహీన సన్నివేశాలు
  
 బాటమ్ లైన్: సినిమా చూసిన తర్వాత కూడా... కూల్


 ‘‘ఈ కథను హరినాథ్ తొమ్మిది నెలలు కష్టపడి తయారు చేసుకున్నాడు. కథ, డైలాగులు అద్భుతంగా రాశాడు. అందుకే నిర్మాణంలో భాగస్వామి అయ్యాను. అంతకు మినహా క్రియేటివ్ సైడ్ నా ఇన్‌వాల్వ్‌మెంట్ ఏమీ ఉండదు. ఒకవైపు దర్శకత్వం వహించడంతో పాటు మరోవైపు మారుతి టాకీస్‌పై ఇలాంటి మంచి చిత్రాలను నిర్మిస్తుంటాను. 
  
  ఈ నెల 26న ఈ చిత్రం రెగ్యులర్ షూటింగ్ ప్రారంభిస్తాం’’ అన్నారు మారుతి. సుమంత్ అశ్విన్, నందిత జంటగా మారుతి సమర్పణలో సూర్యదేవర నాగవంశీ, మహేంద్ర నిర్మిస్తున్న చిత్రం ‘లవర్స్’. హరినాథ్ దర్శకుడు. ముహూర్తపు సన్నివేశానికి డా. డి.రామానాయుడు, కె.ఎస్. రామారావు కెమెరా స్విచాన్ చేయగా, బెల్లంకొండ సురేష్ క్లాప్ ఇచ్చారు.
  
  వీవీ వినాయక్ గౌరవ దర్శకత్వం వహించారు. ఇది హోల్‌సమ్ ఫ్యామిలీ ఎంటర్‌టైనర్ అని దర్శకుడు తెలిపారు. సుమంత్ అశ్విన్ మాట్లాడుతూ -‘‘అంతకు ముందు మంచి టీమ్‌తో, ఆ తర్వాత మంచి టీమ్‌తో సినిమా చేస్తున్నందుకు ఆనందంగా ఉంది. 
  
  ఈ స్క్రిప్ట్ నాకు బాగా నచ్చింది’’ అన్నారు. పెళ్లయిన కొత్తలో, సింహా, బస్‌స్టాప్, జబర్దస్త్ చిత్రాలకు సహనిర్మాతగా చేశానని, మాయాబజార్ మూవీస్ ప్రారంభించి తొలి ప్రయత్నంగా వంశీతో కలిసి ఈ సినిమా నిర్మిస్తున్నానని మహేంద్ర తెలిపారు. ఇంకా ఈ సమావేశంలో సూర్యదేవర నాగవంశీ, నందిత పాల్గొన్నారు. ఈ చిత్రానికి సంగీతం: జీవన్, కెమెరా: మల్హర్‌భట్ జోషి, లైన్ ప్రొడ్యూసర్: డి. సతీష్.