పన్నెండేళ్ల నుంచి ఇండస్ట్రీలో ఉంది. తెలుగు, తమిళం, మలయాళంలో కలిపి 30కి పైగానే సినిమాలు చేసింది. సైడ్ క‍్యారెక్టర్స్ చేస్తూ ఫేమ్ తెచ్చుకుంది. కట్ చేస్తే తెలుగు చిత్రాల్లో విలన్‌గా చేస్తున్న ఓ నటుడిని ప్రేమించి పెళ్లి చేసుకుంది. ఈ ఏప్రిల్ లో ఓ బిడ్డకు తల్లి అయింది. ఇప్పుడు కొన్ని ఫొటోలు పోస్ట్ చేసిన ఈ భామ.. గుర్తుపట్టలేనంతగా మారిపోయి కనిపించింది. 'స్వామి రారా' మూవీతో పైన ఫొటోలో కనిపిస్తున్న నటి పేరు పూజా రామచంద్రన్. బెంగళూరులో పుట్టి పెరిగిన ఈమె.. 2004లో మిస్ కోయింబత్తూర్ అవార్డు గెలిచింది. 2005లో మిస్ కేరళ రన్నరప్ గా నిలిచింది. ఆ తర్వాత వీడియో జాకీగా కొన్నాళ్లపాటు పనిచేసిన పూజ.. నటిగా మారింది. సూర్య '7th సెన్స్'తో ఇండస్ట్రీలోకి వచ్చింది. తెలుగులో నిఖిల్ 'స్వామి రారా' తో చాలామందికి పరిచయమైంది. (ఇదీ చదవండి: నిహారికపై చైతన్య తండ్రి సంచలన వ్యాఖ్యలు!) 16 సినిమాల్లో 'స్వామి రారా' చిత్రంతో మొదలుపెడితే దోచేయ్, దళం, కృష్ణార్జున యుద్ధం, వెంకీమామ తదితర సినిమాల్లో పలు పాత్రలు పోషించింది. సినిమాల పరంగా బాగానే పేరు తెచ్చుకుంది. బిగ్ బాస్ 2 సీజన్ లోనూ వన్ ఆఫ్ ది కంటెస్టెంట్ గా పాల్గొంది. కానీ విజయం సాధించలేక కొన్ని వారాలకే హౌస్ నుంచి బయటకొచ్చేసింది.  విలన్‌తో పెళ్లి నటి కాకముందే అంటే 2010లోనే వీజే క్రెయిగ్ అనే వ్యక్తిని పెళ్లి చేసుకున్న పూజా.. 2017లో అతడికి విడాకులు ఇచ్చింది. తెలుగుతో పాటు దక్షిణాది చిత్రాల్లో విలన్ పాత్రలు చేసిన జాన్ కొక్కేన్ ని 2019లో పెళ్లి చేసుకుంది. ఈ జంటకు ఏప్రిల్ లో ఓ బాబు పుట్టాడు. ప్రస్తుతం ఫ్యామిలీతో సమయాన్ని ఆస్వాదిస్తున్న పూజ.. ఇప్పుడు స్విమ్మింగ్ పూల్ లోని ఫొటోలని షేర్ చేసింది. ఇందులో ఆమెని చాలా గుర్తుపట్టలేకపోయారు.  View this post on Instagram A post shared by Pooja Ramachandran (@pooja_ramachandran) (ఇదీ చదవండి: లేటు వయసులో హనీమూన్.. పోకిరి విలన్ ఎంజాయ్)

టాలీవుడ్‌లో నిఖిల్ హీరోగా నటించిన 'స్వామి రారా' నటి పూజా రామచంద్రన్ పండంటి మగబిడ్డకు జన్మనిచ్చారు. ఈ విషయాన్ని ఆమె భర్త జాన్ కొక్కెన్ తన ఇన్‌స్టాలో పంచుకున్నారు. బాబు వేలిని పట్టుకున్న ఫోటోను పోస్ట్ చేశారు. అప్పుడే తమ బిడ్డకు కియాన్ కొక్కెన్ అని పేరు పెట్టినట్లు వెల్లడించారు. ఈ సందర్భంగా ప్రతి ఒక్కరి ప్రేమ, అభిమానానికి కృతజ్ఞతలు తెలిపారు.  (ఇది చదవండి: అప్పుడే ఓటీటీలోకి కిరణ్‌ అబ్బవరం మీటర్‌.. స్ట్రీమింగ్‌ ఎక్కడంటే..) తమిళంలో బిగ్ బాస్‌ ద్వారా పూజాకు ఫేమ్ వచ్చింది. ఆ తర్వాత కాంచన-2, దోచేయ్, త్రిపుర, దళం, వెంకీమామ, పవర్‌ ప్లే లాంటి సినిమాల్లో నటించారు. మరో వైపు ఆమె భర్త జాన్ కొక‍్కెన్ విలన్‌గా పలు చిత్రాల్లో మెప్పించారు. ముఖ్యంగా కేజీఎఫ్, కబ్జా, వీరసింహారెడ్డి, తెగింపు లాంటి విలన్‌గా నటించారు. ఈ విషయం తెలుసుకున్న సినీతారలు, అభిమానులు ఈ జంటకు అభినందనలు చెబుతున్నారు.  View this post on Instagram A post shared by John Kokken (@highonkokken)

బిగ్‌బాస్‌ బ్యూటీ, స్వామిరారా నటి పూజా రామచంద్రన్‌ త్వరలోనే తల్లికాబోతున్న సంగతి తెలిసిందే. ఇటీవల ఆమె సీమంతం వేడుక ఘనంగా జరిగింది. తాజాగా ఆమె బేబీ బెంప్‌తో ఫొటోషూట్‌ ఇచ్చింది. ఈ ఫొటోలను తన ఇన్‌స్టాగ్రామ్‌లో షేర్‌ చేసింది. ‘సమయం అనేది పరిమితం. కాబట్టి మరొకరి జీవితంలో జీవించడం కోసం వెచ్చించకండి. ప్రతి క్షణాన్ని స్వాధినం చేసుకోండి’ అంటూ తన పోస్ట్‌కు క్యాప్షన్‌ ఇచ్చింది. చదవండి: హౌజ్‌ కీపర్‌గా, సేల్స్‌ గర్ల్‌గా చేశా: నటి పవిత్ర బీచ్ ఒడ్డున ట్రాన్స్ పరెంట్ డ్రెస్ లో తన భర్త, నటుడు జాన్ కొక్కెన్‌తో కలిసి ఫొటోలకు ఫోజులు ఇచ్చింది. అంతేకాదు ఈ ఫొటోల్లో భర్తకు లిప్‌లాక్‌ ఇస్తూ రొమాంటిక్‌గా ఫొజులు ఇచ్చింది. ప్రస్తుతం పూజా రామచంద్రన్‌ బేబీ బంప్‌ ఫొటోలను నెటిజన్లను బాగా ఆకట్టుకుంటున్నాయి. క్యూట్‌ కపుల్‌, మీకు త్వరలోనే పండంటి బిడ్డ పుట్టాలంటూ నెటిజన్లు అభినందనలు తెలుపుతున్నారు. చదవండి: NTR30 నుంచి క్రేజీ అప్‌డేట్‌... అలాంటి పాత్రల్లో తారక్‌! కాగా లవ్‌ ఫెయిల్యూర్‌, స్వామిరారా అడవి కాచిన వెన్నెల వంటి చిత్రాల్లో కీలక పాత్ర పోషించిన పూజా రామచంద్రన్‌ తన కర్లీ హెయిర్‌తో ప్రేక్షకులను ఆకట్టుకుంది. తెలుగు బిగ్‌బాస్‌ 2 సీజన్‌లో పాల్గొన్ని మరింత పాపులర్‌ అయ్యింది. అనంతరం వెంకీ మామ, ఎంత మంచివాడవురా, పవర్ ప్లే వంటి సినిమాల్లో నటించింది. ఈ క్రమంలో 2010లో వీజే క్రెగ్‌ను పెళ్లాడిన పూజా.. 2017లో విడాకులు ఇచ్చేసింది. 2019లో జాన్ కొక్కెన్‌ను ప్రేమించి పెళ్లి చేసుకుంది. ఈ క్రమంలో త్వరలో ఈ జంట తల్లిదండ్రులు కాబోతున్నారు.  View this post on Instagram A post shared by Pooja Ramachandran (@pooja_ramachandran) View this post on Instagram A post shared by John Kokken (@highonkokken) View this post on Instagram A post shared by John Kokken (@highonkokken) View this post on Instagram A post shared by Pooja Ramachandran (@pooja_ramachandran)

ప్రముఖ నటి పూజా రామాచంద్రన్‌ త్వరలో పండంటి బిడ్డకు జన్మనివ్వబోతోంది. ఈ క్రమంలో ఆమె సీమంత వేడుకను ఘనంగా నిర్వహించారు కుటుంబ సభ్యులు. ఇందుకు సంబంధించిన ఫొటోలను పూజా తన ఇన్‌స్టాగ్రామ్‌ వేదికగా పంచుకుంది. కనుల పండుగగా జరిగిన ఈ సీమంత వేడుకలో పూజా దంపతుల ఫొటోలు ఆకట్టుకుంటున్నాయి. కాగా పూజా భర్త జాన్‌ కూడా నటుడనే విషయం తెలిసిందే.   చదవండి: హైటెక్‌ సిటీ ఆఫీసులో మహేశ్‌ బాబు .. వీడియో వైరల్‌ వన్‌.. నేనొక్కడినే, కేజీఎఫ్ చాప్టర్ 1, బాహుబలి బిగినింగ్ సినిమాల్లో అతడు విలన్‌ పాత్రలు పోషించాడు. కాగా పూజా తెలుగులో స్వామి రారా, ఎంత మంచివాడవురా సినిమాలతో గుర్తింపు తెచ్చుకుంది. అలాగే బిగ్‌బాస్ తెలుగు సీజన్ 2లో పాల్గొని మరింత పాపులర్‌ అయ్యింది. కాగా పూజా రామ చంద్రన్‌- జాన్ కొకెన్‌ల వివాహం 2019లో జరిగింది. పూజాకి ఇది​ రెండో పెళ్లి. అంతకు ముందు  2017లో విజె క్రెగ్‌తో పూజా వివాహం జరిగింది.   చదవండి: ‘యశోద’ లైంగిక వేధింపుల కేసు.. యువతి వాంగ్మూలంతో వెలుగులోకి షాకింగ్‌ విషయాలు! View this post on Instagram A post shared by Pooja Ramachandran (@pooja_ramachandran) View this post on Instagram A post shared by Pooja Ramachandran (@pooja_ramachandran) View this post on Instagram A post shared by John Kokken (@highonkokken)

బిగ్‌బాస్‌ కంటెస్టెంట్‌ పూజా రామచంద్రన్‌, తునివు విలన్‌ జాన్‌ కొకెన్‌ త్వరలో తల్లిదండ్రులు కాబోతున్న విషయం తెలిసిందే! గతేడాది నవంబర్‌లో తాను గర్భవతినన్న విషయాన్ని అభిమానులతో పంచుకుందీ నటి పూజా. 'అనేక భావోద్వేగాల మిళితమైన మా ప్రయాణం మరో కీలక దశకు చేరుకుంది. త్వరలో మా కుటుంబంలోకి మరొక వ్యక్తి రాబోతున్నారోచ్‌' అంటూ ట్వీట్‌ చేసి గుడ్‌న్యూస్‌ చెప్పింది. ఆ తర్వాత భర్తతో కలిసి థాయ్‌లాండ్‌కు వెకేషన్‌కు వెళ్లింది. కడుపులో ఉన్న బిడ్డ కోసం యోగా కూడా చేస్తూ ఆ వీడియోలను సైతం ఇన్‌స్టాగ్రామ్‌లో పంచుకుంది. తాజాగా ఈ జంట మరోసారి విహారయాత్రకు వెళ్లినట్లు తెలుస్తోంది. తునివు సక్సెస్‌తో ఆనందంలో ఉన్న జాన్‌.. తన భార్యను వెంటపెట్టుకుని టూర్‌కు చెక్కేశాడు. అక్కడ భార్యాభర్తలిద్దరూ స్విమ్మింగ్‌ పూల్‌లో జలకాలాటలు ఆడారు. జాన్‌ చంకలో ఎక్కిన పూజా అతడిపై ముద్దుల వర్షం కురిపించింది. ఈ ఫోటోలను వారు ఇన్‌స్టాగ్రామ్‌లో షేర్‌ చేయగా అవి వైరల్‌గా మారాయి. View this post on Instagram A post shared by John Kokken (@highonkokken) View this post on Instagram A post shared by Pooja Ramachandran (@pooja_ramachandran) View this post on Instagram A post shared by Pooja Ramachandran (@pooja_ramachandran) చదవండి: ప్రముఖ నిర్మాతకు హార్ట్‌ సర్జరీ రెండు గ్రాముల గోల్డ్‌ కాయిన్స్‌ పంచిన కీర్తి సురేశ్‌

బిగ్‌బాస్‌ ఫేం పూజా రామచంద్రన్‌ ఓ గుడ్‌ న్యూస్‌ని అభిమానులతో షేర్‌ చేసుకుంది. తాను గర్భవతిని అని ప్రకటించింది. ఈ మేరకు భర్త జాన్‌ కొకెన్‌తో సన్నిహితంగా కలిసి ఉన్న ఫోటోలను ట్విటర్‌లో షేర్‌ చేస్తూ ‘ అనేక భావోద్వేగాల మా జర్నీ మరో కీలక దశకు చేరింది. వచ్చే ఏడాది మా కుటుంబంలోకి మరొక వ్యక్తి వస్తున్నారు’అని ట్వీట్‌ చేసింది. పూజా రామ చంద్రన్‌  జాన్ కొకెన్ ని వివాహం 2019లో జరిగింది. పూజాకి ఇది​ రెండో పెళ్లి. అంతకు ముందు  2017లో విజె క్రెగ్‌తో పూజా వివాహం జరిగింది.   పెళ్లైన కొద్ది రోజులకే  మనస్పర్థలు రావడంతో విడాకులు తీసుకున్నారు. అనంతరం నటుడు జాన్‌తో కొన్నాళ్ల పాటు సహజీవనం సాగించి,  2019లో పెళ్లి చేసుకున్నారు. స్వామి రారా చిత్రంతో తెలుగు ప్రేక్షకులకు పరిచమైన పూజా.. బిగ్‌బాస్‌ షోతో మరింత గుర్తింపుని సంపాదించుకుంది.బిగ్‌బాస్‌ సీజన్‌ 2లో వైల్డ్‌ కార్డు ఎంట్రీ తనదైన ఆట తీరుతో అందరిని ఆకట్టుకుంది. స్ట్రాంగ్ లేడీగా పూజా రామచంద్రన్ బిగ్ బాస్ తెలుగు మీద ముద్ర వేసింది. కాగా, పూజా రామచంద్రన్‌ దంపతులకు నెటిజన్స్‌తో పాటు సీనీ ప్రముఖులు అభినందనలు తెలుపుతున్నారు.  Whirlwind of a love story, undying spirits, hearty laughters, crazy fights, endless conversations, lust, love and adventure, oh what a ride we’ve had and now we are excited to say our little miracle is on the way ♥️ 2023 you are going to be so special! @johnkokken1 pic.twitter.com/Tj1TiRDxhw — Pooja Ramachandran (@Poojaram22) November 12, 2022

రూపేశ్‌కుమార్‌ చౌదరి, సలోని మిశ్రా జంటగా తెరకెక్కుతున్న సస్పెన్స్‌ థ్రిల్లర్‌ చిత్రం ‘22’. మా ఆయి ప్రొడక్షన్స్‌ పతాకంపై సుశీలాదేవి నిర్మిస్తున్న ఈ చిత్రానికి శివకుమార్‌ బి దర్శకునిగా పరిచయమవుతున్నారు. విభిన్న టైటిల్‌కు తోడు ఇప్పటికే విడుదలైన ఫస్ట్‌ లుక్‌ పోస్టర్‌, ఫస్ట్‌ గ్లింప్స్‌ ఈ చిత్రంపై అందరి దృష్టి పడేలా చేసింది. తాజాగా మూవీ టీజర్‌ను చిత్ర బృందం కాసేపటి క్రితం విడుదల చేసింది. సినిమా ఎలా ఉండబోతోందో టీజర్‌ రూపంలో చెప్పే ప్రయత్నం చేసింది చిత్ర యూనిట్‌. పుల్‌ అండ్‌ ఫుల్‌ యాక్షన్‌ ఎపిసోడ్స్‌ ఈ చిత్రంలో ఉండేలా కనిపిస్తోంది.  ప్రస్తుతం ఈ టీజర్‌ సోషల్‌ మీడియాలో వైరల్‌ అవుతోంది. ఓ సీరియస్‌ కేస్‌ను ఇన్వెస్టిగేట్‌ చేస్తున్న సిన్సియర్‌ పోలీస్‌ ఆఫీసర్‌ గెటప్‌లో రూపేశ్‌ చాలా చక్కగా ఒదిగిపోయినట్టు కనిపిస్తోంది. ‘ఈ ఏటీఎమ్‌కు వచ్చి ఎవరెవరు బాధపడుతున్నారో వాళ్లకే ఇలా జరుగుతుంది’అనే బ్యాగ్రౌండ్‌ డైలాగ్‌తో మొదలైన టీజర్‌ 87 సెకన్ల పాటు ఉత్కంఠగా సాగింది. ఇక చివర్లో హీరోహీరోయిన్లు కూల్‌గా బైక్‌పై వెళ్లే సీన్‌తో టీజర్‌ ముగుస్తుంది. పూజా రామచంద్రన్, శరణ్య తదితరులు నటిస్తున్న ఈ చిత్రానికి సాయి కార్తీక్‌ సంగీతమందిస్తున్నాడు.  చదవండి: ‘ప్రదీప్‌’ పాటకు నెటిజన్లు ఫిదా ‘అమలాపాల్‌-విజయ్‌ విడిపోడానికి అతడే!’

ప్రేమ మీద నమ్మకం లేని ఓ అమ్మాయి బాయ్‌ఫ్రెండ్‌గా ఉండమని ఓ అబ్బాయితో డీల్‌ కుదుర్చుకుంటుంది. ఆ వెంటనే మరో అమ్మాయి వీరిద్దరి మధ్యలోకి వస్తుంది. అప్పుడు ఎలాంటి ఆసక్తికరమైన పరిస్థితులు చోటు చేసుకున్నాయనే అంశాల ఆధారంగా తెరకెక్కుతున్న సినిమాకు ‘బీఎఫ్‌హెచ్‌’ (బాయ్‌ఫ్రెండ్‌ ఫర్‌ హైర్‌) అనే టైటిల్‌ను ఖరారు చేశారు. ‘కేరింత, మనమంతా’ చిత్రాల ఫేమ్‌ విశ్వంత్‌ హీరోగా నటిస్తున్నారు. ఇందులో మాళవికా సతీషన్, పూజా రామచంద్రన్‌ కథానాయికలుగా నటించనున్నారు. సంతోష్‌ కంభంపాటి దర్శకత్వంలో వేణు మాధవ్‌ పెద్ది నిర్మించనున్న ఈ సినిమా ప్రారంభోత్సవం హైదరాబాద్‌లో జరిగింది. నిర్మాత యశ్‌ రంగినేని, హీరో విజయ్‌ దేవరకొండ తండ్రి గోవర్థన్‌ దేవరకొండ ముఖ్య అతిథులుగా పాల్గొన్నారు. ఈ సినిమా రెగ్యులర్‌ షూటింగ్‌  ఈ నెల 26న ప్రారంభం కానుంది. శివాజీరాజా, రాజా రవీందర్‌ కీలక పాత్రలు చేస్తున్న ఈ సినిమాకు గోపీ సుందర్‌ సంగీతం అందించనున్నారు.

‘లవ్‌ ఫెయిల్యూర్‌’, ‘స్వామి రారా’, ‘దోచెయ్‌’, ‘త్రిపుర’ చిత్రాలతో తెలుగు ప్రేక్షకులకు పరిచయమైన తార... పూజా రామచంద్రన్‌. ‘బిగ్‌బాస్‌’ షోతో మరింత దగ్గరైన పూజా ‘లా’ సినిమాతో మరోసారి పలకరించింది. ఆమె తన గురించి తాను చెప్పిన ముచ్చట్లు కొన్ని... అయ్యో! కోయంబత్తూరులో విజువల్‌ కమ్యూనికేషన్‌ చదువుకున్నాను. యస్‌యస్‌ మ్యూజిక్‌లో వీజేగా చేస్తున్నప్పుడు చాలా సినిమా ఆఫర్లు వచ్చాయి. ‘నేను నటించగలనా!’ అనే భయంతో సారీ చెప్పేశాను. నేను వద్దనుకున్న కొన్ని సినిమాలు పెద్ద హిట్‌ అయినప్పుడు మాత్రం ‘అయ్యో’ అనిపించింది.‘లవ్‌ ఫెయిల్యూర్‌’లో నటించిన తరువాత మాత్రం... ‘ఫరవాలేదు. నేను నటించగలను’ అనే నమ్మకం వచ్చింది. భయం వద్దు! ‘ఇదే ఫిల్మ్‌ ఇండస్ట్రీలో, ఇదే జానర్‌లో సుదీర్ఘకాలం పాటు నటించాలి’ అనే ఆశ లేదు. తొందరపాటు లేదు. నా కెరీర్‌గ్రాఫ్‌ గురించి సంతృప్తిగా ఉన్నాను. ఏ పని చేసినా సానుకూల దృక్పథంతో చేయడం మొదటి నుంచీ అలవాటు. ‘అలా జరుగుతుందేమో’ ‘ఇలా జరుగుతుందేమో’లాంటి ప్రతికూల ఆలోచనలను దగ్గరికి రానివ్వను.మనలో ప్రతికూల ఆలోచనలు ఉన్నప్పుడు ‘భయం’లో బందీలమవుతాం. ఒక అడుగు ముందుకు వేయడానికి కూడా భయపడతాం. ఇలా అయితేనే... నేను చేసే సినిమాలో అయిదు సీన్‌లు ఉన్నాయా, పది సీన్‌లు ఉన్నాయా అనే దాని గురించి ఆలోచించను.  చేసే పాత్ర నాకు క్రియేటివ్‌ శాటిస్పెక్షన్‌ ఇవ్వడంతో పాటు స్క్రిప్ట్‌ నచ్చాలి. డైరెక్టర్‌ నచ్చాలి. నేను ఎవరితో కలిసి పనిచేస్తున్నాను అనేది కూడా పరిగణనలోకి తీసుకుంటాను.తిండిగింజల మీద రాసి పెట్టి ఉన్నట్లుగానే పాత్రల విషయంలోనూ జరుగుతుందని నమ్ముతాను. హ్యాపీగా! బిగ్‌బాస్‌ షో వల్ల ‘నేనేమిటి?’ అనేది తెలిసిపోతుంది.మరి నేనేమిటీ? ఎప్పుడూ హ్యాపీగా ఉండాలనుకుంటాను. పాజిటివ్‌గా ఆలోచిస్తాను.  ఒకరి గురించి ఏదైనా అభిప్రాయం ఉంటే చాటుమాటుగా కాకుండా సూటిగా చెబుతాను. పారదర్శకంగా ఉండడానికి ప్రయత్నిస్తాను. ‘ఒక విషయం గురించి పదిమంది ఇలా అనుకుంటున్నారు. నేను కూడా అలా అనుకోకపోతే బాగోదు’ అనే మనస్తత్వం నాది కాదు.పదిమందికి ఒక అభిప్రాయం ఉన్నా, అది నా అభిప్రాయానికి సరిపోకపోతే విభేదిస్తాను! 

‘‘లా’ టైటిల్‌ చాలా బాగుంది. ‘లా’కి ‘లవ్‌ అండ్‌ వార్‌’ అని కొత్త అర్థం చెప్పారు గగన్‌ గోపాల్‌. ఈ చిత్రంతో కమల్‌ కామరాజు, మౌర్యాణిలకు మంచి పేరు వస్తుందని నమ్ముతున్నా. ‘లా’ సినిమా హిట్‌ అవుతుంది. 4 కోట్ల రూపాయల బడ్జెట్‌తో ఏపీలో సినిమా తీస్తే పన్నులన్నీ రద్దు చేస్తాం. లొకేషన్లు ఫ్రీగా ఇస్తాం’’ అని ఆంధ్రప్రదేశ్‌ ఎఫ్‌.డి.సి. చైర్మన్‌ అంబికా కృష్ణ అన్నారు. కమల్‌ కామరాజు, మౌర్యాణి, పూజా రామచంద్రన్‌ ముఖ్య తారలుగా గగన్‌ గోపాల్‌ ముల్కా డైరెక్షన్‌లో తెరకెక్కిన సినిమా ‘లా’ (లవ్‌ అండ్‌ వార్‌). రమేష్‌ బాబు మున్నా, మద్దిపాటి శివ నిర్మించిన ఈ సినిమా ఈ నెల 23న విడుదలవుతోంది. సత్య కశ్యప్‌ సంగీతం అందించిన ఈ చిత్రం పాటలను విజయవాడలో విడుదల చేశారు. కమల్‌ కామరాజు మట్లాడుతూ– ‘‘గగన్‌ రాసిన స్క్రీన్‌ ప్లే మా సినిమాకు ప్రధాన బలం. నేను ఈ సినిమా చేయడానికి ప్రధాన కారణం కథే. ఈ చిత్రానికి కథే హీరో. మంచి ట్విస్టులు ఉంటాయి. రమేష్‌ బాబు మున్నా, మద్దిపాటి శివ లేకపోతే ఈ సినిమా లేదు’’ అన్నారు. ‘‘లా’ సినిమా కథను అందరు ఆర్టిస్టులు ఒకే సిట్టింగ్‌లో ఓకే చేశారు. కమల్‌ కామరాజు, మౌర్యాణి, పూజ  చాలా సహకరించారు’’ అని గగన్‌ గోపాల్‌ అన్నారు. రమేష్‌ బాబు, మౌర్యాణి, పూజా రామచంద్రన్, సత్య కశ్యప్, నటి మంజు భార్గవి తదితరులు పాల్గొన్నారు.  

కమల్‌ కామరాజ్, మౌర్యాణి, పూజా రామచంద్రన్‌ ముఖ్య తారలుగా తెరకెక్కిన చిత్రం ‘లా’ (లవ్‌ అండ్‌ వార్‌). గగన్‌ గోపాల్‌ ముల్క దర్శకత్వంలో రమేష్‌ బాబు మున్నా నిర్మించిన ఈ చిత్రం ట్రైలర్‌ని రాజ్‌ కందుకూరి విడుదల చేశారు. ‘‘కమల్‌ హీరోగానే కాదు.. కథ బాగా రావడానికి సహకరించారు. సినిమా బాగుంటే పదిమందికి చెప్పండి.. బాగోకపోతే వందమందికి చెప్పండి... కానీ సినిమాని చూడండి’’ అన్నారు గగన్‌ గోపాల్‌. ‘‘లా’తో హీరోగా నేను రీ లాంచ్‌ అంటున్నారు. అవేమీ పెద్దగా నమ్మను. ఈ సినిమాకి మొదటి హీరో స్క్రీన్‌ప్లే. ‘లా’ని ఫాలో చేయకపోవడం  హీరోయిజం అనుకుంటాం. బేసిక్‌ కామన్‌ సెన్స్‌ వాడితే అందరూ ‘లా’ని ఫాలో అయినట్లే’’ అని కమల్‌ కామరాజ్‌ అన్నారు. ఈ చిత్రానికి కెమెరా: పి. అమర్‌ కుమార్, సంగీతం: సత్య కశ్యప్, సహ నిర్మాత: మద్దిపాటి శివ.

సాక్షి, హైదరాబాద్‌: ఈ వారం కాస్త బోర్‌ కొట్టిన బిగ్‌బాస్‌.. వారంతంలో ప్రేక్షకులకు కావాల్సిన మజా ఇచ్చింది. తనీష్‌-కౌశల్‌ మధ్య జరిగిన గొడవ, శనివారం నాటి ఎపిసోడ్‌లో కంటెస్టెంట్‌లకు హోస్ట్‌ నాని పీకిన క్లాసులు, ఆదివారం రాఖీ పండుగ స్పెషల్‌ ఎపిసోడ్‌లో భాగంగా నాని హౌజ్‌లోకి వెళ్లడం ఇంట్రెస్టింగ్‌ అనిపించాయి. హౌజ్‌లోకి వెళ్లిన నాని వారితో కలిసి రాఖీ వేడుకలు జరుపుకున్నారు. కంటెస్టెంట్‌లకు స్పెషల్‌ ఐటమ్స్‌ దగ్గర ఉండి మరి వడ్డించి.. వారితో కలిసి భోజనం చేశారు. ఆ తర్వాత హౌజ్‌లో ప్రతి ఒక్కరి గురించి తన అభిప్రాయాల్ని వారితో పంచుకున్నారు. ఎపిసోడ్‌ చివర్లో పూజా ఎలిమినేట్‌ అయిన విషయాన్ని నాని హౌజ్‌లోనే ప్రకటించారు. ఎలిమినేట్‌ అయిన పూజా బిగ్‌బాంబ్‌ గీతపై వేసింది. దీని ప్రకారం గీత ఈ శనివారం వరకు జైల్లోనే పడుకోవాల్సి ఉంటుంది. కాగా ఈ వారం ఎలిమినేషన్‌ ప్రక్రియలో ఉన్న కౌశల్‌, పూజా రాంచంద్రన్‌, తనీష్‌, దీప్తిల్లో ఎవరు ప్రొటెక్ట్‌జోన్‌లోకి వెళతారనే అంశంపై నాని శనివారం నాటి ఎపిసోడ్‌లో కాసింత ఆసక్తి క్రియేట్‌ చేశారు. కానీ ప్రతి ఎలిమినేషన్‌ సోషల్‌ మీడియా వేదికగా తెలుస్తున్న విషయం తెలిసిందే. ఈసారి కూడా పూజా ఎలిమినేట్‌ అయిన విషయం ముం‍దుగానే తెలిసిపోయింది. అంతా అనుకున్నట్లే ఈ వారం హౌస్‌ నుంచి వైల్డ్‌ కార్డ్‌ ఎంట్రీ పూజా రాంచంద్రన్‌ ఎలిమినేట్‌ అయ్యారు. లీకుల విషయంలో బిగ్‌బాస్‌ నిర్వాహకులు ఎంత కట్టడి చేసినా లాభంలేకపోయింది. దీంతో వారు కూడా చేసేదేమి లేక సైలెంట్‌ అయిపోయారు.   ఎలిమినేట్‌ అయిన పూజా గతవారమే దీప్తి సునయనతో గట్టెక్కిన పుజాకు ఈ సారి నిష్క్రమణ తప్పలేదు. ఆమె నామినేట్‌ కాగానే ఈ సారి ఎలిమినేషన్‌ అయ్యేది పూజానే అని ప్రేక్షకులు అంచనా వేశారు. అయితే ఆమె ఎలిమినేషన్‌కు కారణం మాత్రం తెలుగు రాకపోవడం.. ఇక్కడి అమ్మాయి కాకపోవడం, తొలి వారంలో ఉన్నంత ఉత్సాహం కొనసాగించకపోవడమని అర్థం అవుతోంది. అంతేకాకుండా టాస్క్‌ల్లో ఆమె సహనం కోల్పోతూ అరవడం.. సంచాలకురాలిగా తన బాధ్యత సరిగ్గా నిర్వర్తించకపోవడం ప్రేక్షకులకు చికాకు పుట్టించాయి. దాదాపు బిగ్‌బాస్‌ను తమ ఆదీనంలోకి తీసుకున్న కౌశల్‌ ఆర్మీ.. దీప్తి సునయనను టార్గెట్‌ చేయడంతో పూజా తక్కువ ఓటింగ్‌తో గతవారం గట్టెక్కింది. (చదవండి: అనుకోని సంఘటన.. దీప్తికి షాక్‌!) #Biggbosstelugu2 #KaushalArmy #PoojaRamachandran back to 🏠 Source found it in twitter Randomly while searching Malli adakakandi source ani 😂😂😂 Once again pics leaked If not great photoshop by someone🙏🙏 pic.twitter.com/0Nl0eeTBkP — Pathan Usif (@Pathan4141) August 26, 2018 ఈ రియాల్టీ షో పూర్తికావడానికి ఇంకా కొంత సమయమే ఉండటంతో ఈ వారం డబుల్‌ ధమాకా ఎలిమినేషన్‌ ఉంటుందని భావించారు. పూజాతో దీప్తి సైతం ఎలిమినేట్‌ అవుతుందని, అందుకే ఆమె కెప్టెన్సీ తొలిగించారనే ప్రచారం జరిగింది.  కానీ అలాంటిదేం జరగలేదు. కేవం ఒక పూజా మాత్రమే ఎలిమినేట్‌ అయింది.  (చదవండి: మరిన్ని బిగ్‌బాస్‌ ముచ్చట్లు) Follow us :- @biggboss_telugu_season_2 . . . . #biggboss2telugu #biggbosscontestant #biggboss11 #biggboss @kaushalmanda #biggbossofficial #biggbosshouse #biggbosstelugu2 #biggbosstelugu @kaushal_fan_army @kaushal_force @kaushal_fan_army_ #biggbossnews #biggboss2 #biggbosslivefeeds #biggbossjourney #biggbossupdates #biggbosstamil #biggbossseason2 #biggbossteluguvote #teluguactress #telugubiggboss #teluguhotactress #telugu #hotactress  #deepthisunainaarmy #deepthisunainatroller #deepthi #sunaina #trolls A post shared by Biggboss season 2 telugu (@biggboss_season_2_telugu) on Aug 24, 2018 at 8:41pm PDT

గత కొన్ని రోజులుగా వైల్డ్‌ కార్డ్‌ ఎంట్రీపై వచ్చిన ఊహాగానాలకు తెరపడింది. లవ్‌ ఫెయిల్యూర్‌, స్వామి రారా సినిమాలతో ఫేమస్‌ అయిన పూజా రామచంద్రన్‌ అర్దరాత్రి దాటాక బిగ్‌బాస్‌ ఇంట్లోకి ఎంట్రీ ఇచ్చారు. సోమవారం ఎపిసోడ్‌లోనే ఈ విషయం స్పష్టమైన విషయం తెలిసిందే. అయితే ఆమె వైల్డ్‌ కార్డా లేక యాంకర్‌ ప్రదీప్‌లా గెస్టా.. అనే సందేహం కలిగింది. ఆమె వైల్డ్‌ కార్డ్‌ ఎంట్రీ అని స్పష్టమైంది. ఇంటి సభ్యులను సర్‌ప్రైజ్‌ చేయడం కోసం.. కౌశల్‌ సలహా మేరకు డైనింగ్‌ టేబుల్‌ కింద దాక్కున్నారు. మొదటగా గణేష్‌, దీప్తి సునయనలు పూజను గమనించారు. అనంతరం ఆమె ఇంటి సభ్యులందరిని పరిచయం చేసుకున్నారు. బిగ్‌బాస్‌ షోపై బయట జనాల అభిప్రాయం, ఇంట్లో తీసిన సినిమా గురించి టాక్‌ ఎలా ఉందో ఇంటి సభ్యులకు వివరించారు.  ఎమోషనల్‌గా సాగిన కార్యక్రమం... ఆరు వారాలకు పైగా ఇంటికి దూరంగా ఉన్న హౌస్‌ మేట్స్‌కు బిగ్‌బాస్‌ ఓ మంచి అవకాశాన్ని అందించారు. వారి ఇంటి సభ్యులతో ముచ్చటించేందుకు ఓ ఫోన్‌ను ఇంట్లో అమర్చాడు. అయితే ఈ ఫోన్‌ను మొదటగా గీత లిఫ్ట్‌ చేసి.. అవతల వారు ఇచ్చే హింట్స్‌తో ఆ వ్యక్తి ఎవరో గుర్తు పట్టి వారికి ఫోన్‌ ఇవ్వాలి. ఇలా ఫోన్‌ మాట్లాడిన వ్యక్తి తరువాతి కాల్‌ను లిఫ్ట్‌ చేసి.. వారిచ్చే హింట్స్‌ను గుర్తుపట్టి సరైన హౌజ్‌మేట్‌కు ఫోన్‌ను ఇచ్చేయాలి. ఇలా గుర్తుపట్టని యెడల ఆ ఫోన్‌ కట్‌ అయిపోతుంది. ఆ హౌస్‌ మేట్‌కు తన వాళ్లతో మాట్లాడే అవకాశం కోల్పోతారు. మొదటి కాల్‌ కౌశల్‌కు..  మొదట వచ్చిన కాల్‌ను గీత లిఫ్ట్‌ చేయగా.. మిష్టర్‌ ఫర్‌ఫెక్ట్‌, మోడలింగ్‌ బ్యాగ్రౌండ్‌ నుంచి వచ్చారు అని చెప్పగా.. కౌశల్‌కు ఫోన్‌ ఇచ్చారు. కౌశల్‌ పిల్లలు మాట్లాడగానే కన్నీరు పెట్టుకున్నాడు. తన బిజినెస్‌, పిల్లల స్కూల్‌ వివరాల గురించి అడిగాడు. కౌశల్‌ భార్య మాట్లాడుతూ.. బిగ్‌బాస్‌ హౌస్‌లో ఫ్రెండ్స్‌గా భావించి మాట్లాడే వారే నీ గురించి నెగెటివ్‌గా ప్రచారం చేస్తున్నారు అలాంటి వారితో జాగ్రత్తగా ఉండమని, బయట తనకు ఫాలోయింగ్‌ ఉందని కౌశల్‌ చెప్పారు. నందిని, దీప్తిల విషయాన్ని కూడా ప్రస్తావించారు. తనకు సోషల్‌ మీడియాలో భారీగా సపోర్ట్‌ లభిస్తోందని, గేమ్‌ జాగ్రత్తగా ఆడాలంటూ సలహా ఇచ్చారు.  రెండో కాల్‌ రోల్‌ రైడాకు.. మొదటగా ఫోన్‌ మాట్లాడిన కౌశల్‌.. రెండో కాల్‌ను లిఫ్ట్‌ చేసిన వెంటనే.. అటునుంచి గల్లీ పోరగాడు.. బిర్యానీ తిండిబోతు అని హింట్స్‌ ఇవ్వగా... రోల్‌ రైడా అని గుర్తుపట్టి ఫోన్‌ అందజేశాడు. రోల్‌ ఫోన్‌ తీసుకోగా.. తన చెల్లెలితో మాట్లాడాడు. హౌస్‌లో చాలా ఎంటర్‌టైన్‌ చేస్తున్నాడనీ, రోల్‌కు బయట చాలా మంది ఫ్యాన్స్‌ అయ్యారని చెప్పారు. ఎవరినీ సెల్ఫ్‌ నామినేట్‌ చేసుకో అని చెప్పకూడదని, నీ ఆట నువ్వు ఆడాలి అంటూ సలహా ఇచ్చారు.  మూడో కాల్‌ దీప్తి సునయనకు..  రెండో కాల్‌ రోల్‌ మాట్లాడగా.. తరువాతి ఫోన్‌ రింగ్‌ అయ్యాక.. అవతలి వ్యక్తి తమ పేరును చెప్పేయడంతో కాల్‌ కట్‌ అయింది. అవతలి వ్యక్తి ఇచ్చిన హింట్స్‌తో దీప్తి సునయనకు ఫోన్‌ వచ్చిందని గుర్తుపట్టాడు రోల్‌. కానీ ముందే పేరు చెప్పేయడంతో కాల్‌ కట్‌ అయినట్లు బిగ్‌బాస్‌ తెలిపాడు. దీంతో దీప్తి సునయన చిన్నబోయింది. మళ్లీ తరువాత వచ్చే ఫోన్‌ కూడా రోల్‌ రైడానే గుర్తుపట్టాలని ఆదేశించాడు. ఈ సారి సామ్రాట్‌కు సంబంధించిన వారు ఫోన్‌ చేశారు. వారిచ్చిన హింట్స్‌తో సామ్రాట్‌ను గుర్తుపట్టిన రోల్‌.. తనకి ఫోన్‌ అందజేశాడు. ఫోన్‌లో సామ్రాట్‌ అమ్మ మాట్లాడారు. ఎలిమినేషన్‌ నుంచి తప్పించిన ప్రేక్షకులకు ఆమె ఈ సందర్భంగా ధన్యవాదాలు తెలిపారు. అలాగే సామ్రాట్‌ను బిగ్‌బాస్‌ ఎందుకు వచ్చావని, నువ్వు నీలా ఉండాలని, అందరితో కలవాలంటూ, అనవసరమైన ట్యాగ్స్‌ను తగిలించుకోవద్దని, అర్దరాత్రి స్విమ్మింగ్‌ చేయద్దంటూ సలహాలు ఇస్తూ.. ‘నీపై చాలా నెగటివ్‌ ఉంది నాన్నా.. దానిని నేను తట్టుకోలేను.. జాగ్రత్తా’ అని హెచ్చరించారు.  తరువాతి ఫోన్‌ ఎవరికి వస్తుందో.. వారిచ్చిన హింట్స్‌ను గుర్తుపడతారో లేదో మిగతా హౌస్‌ మేట్స్‌ వారి కుటుంబ సభ్యులతో మాట్లాడే అవకాశం వస్తుందో లేదో చూడాలి. 

‘‘సినిమాలంటే ప్యాషన్‌తో ‘ఇంతలో ఎన్నెన్ని వింతలో’ రూపొందించా. ఈ చిత్రం విజయంతో సినిమా పట్ల ఉన్న ఇష్టం మరింత పెరిగింది. ప్రేక్షకులు, ఫ్రెండ్స్‌ నుంచి మంచి రెస్పాన్స్‌ వస్తున్నందుకు సంతోషంగా ఉంది. ఈ ఆనందాన్ని మాటల్లో చెప్పలేను’’ అని నిర్మాత రామ్మోహన్‌రావు ఇప్పిలి అన్నారు. నందు, సౌమ్య వేణుగోపాల్, పూజారామచంద్రన్‌ ముఖ్య తారలుగా వరప్రసాద్‌ వరికూటి దర్శకత్వంలో తెరకెక్కిన చిత్రం ‘ఇంతలో ఎన్నెన్ని వింతలో’. హరహర చలన చిత్ర సమర్పణలో ఎస్‌. శ్రీకాంత్‌ రెడ్డి, రామ్మోహన్‌రావు ఇప్పిలి నిర్మించిన ఈ చిత్రం ఈ నెల 6న విడుదలైంది. ఈ సందర్భంగా రామ్మోహన్‌రావు ఇప్పిలి మాట్లాడుతూ– ‘‘మా చిత్రానికి  ఇప్పటికీ థియేటర్స్‌ పెరుగుతున్నాయి. త్వరలోనే గ్రాండ్‌ సక్సెస్‌ మీట్‌ నిర్వహిస్తాం. మా హరిహర చలనచిత్ర బ్యానర్‌లో 2వ ప్రాజెక్ట్‌ని త్వరలో అనౌన్స్‌ చేస్తాం’’ అన్నారు.  

టైటిల్ : ఇంతలో ఎన్నెన్ని వింతలో జానర్ : కామెడీ ఎంటర్‌టైనర్‌ తారాగణం : నందు, పూజ రామచంద్రన్‌, సౌమ్య వేణుగోపాల్‌ సంగీతం : యాజమాన్య దర్శకత్వం : వరప్రసాద్‌ వరికోటి నిర్మాత : ఎస్‌. శ్రీకాంత్‌ రెడ్డి, ఇప్పిలి రామ్మోహన్‌ రావు యువ నటుడు నందు హీరోగా తెరకెక్కిన తాజా చిత్రం ఇంతలో ఎన్నెన్ని వింతలో. హీరోగా నిలదొక్కుకునేందుకు చాలా కాలంగా కష్టపడుతున్న నందు ఈ సినిమాతో ఎలాగైనా సక్సెస్‌ సాధించాలని భావిస్తున్నాడు. అందుకే డిఫరెంట్ కాన్సెప్ట్‌ తో తెరకెక్కిన కామెడీ ఎంటర్‌టైనర్‌తో ప్రేక్షకుల ముందుకు వచ్చాడు. యూత్‌ఫుల్‌ ఎంటర్‌టైనర్‌గా తెరకెక్కిన ఈ సినిమా నందుకు ఆశించిన విజయాన్ని అందించిందా..? ఘన విజయాలుసాధిస్తున్న చిన్న సినిమాల సరసన ఇంతలో ఎన్నెన్ని వింతలు చేరిందా..? కథ : విష్ణు (నందు).. మోడ్రన్‌ శ్రీరామ చంద్రుడు లాంటి కుర్రాడు. వ్యవహారశైలిలో గాని వ్యక్తిత్వంలో గాని ఎలాంటి మచ్చలేని మంచి కుర్రాడు. విష్ణులోని ఆ మంచితనం చూసే వందన (సౌమ్య వేణుగోపాల్) ప్రేమలో పడుతుంది. ఓలెక్స్ ద్వారా పరిచయం అయిన విష్ణు, వందనలు ఒకరికొకరు నచ్చటంతో పెళ్లి చేసుకోవాలని నిర్ణయించుకుంటారు. పెద్దలు కూడా అంగీకరించటంతో వీరి పెళ్లికి ముహూర్తం ఫిక్స్‌ చేస్తారు. పెళ్లిపనులన్ని పూర్తి చేసిన విష్ణు తెల్లవారితే పెళ్లి అనగా ఫ్రెండ్స్‌ కలిసి బ్యాచిలర్స్‌ పార్టీ చేసుకోవడానికి ఓ రెస్టారెంట్‌కి వెళతాడు. అక్కడ తార (పూజ రామచంద్రన్‌) విష్ణు గ్యాంగ్‌కు కలుస్తుంది. తార పరిచయం కారణంగా విష్ణు అతని స్నేహితులు ఇబ్బందుల్లో పడతారు. ఈ ఇబ్బందులను దాటుకొని విష్ణు ముహూర్తం సమయానికి పెళ్లి మండపానికి చేరుకున్నాడా..? అసలు తార వల్ల ఎదురైన ఇబ్బందులు ఏంటి..? వాటిని విష్ణు ఎలా ఎదుర్కొన్నాడు అన్నదే మిగతా కథ. విశ్లేషణ : హీరోగా ప్రూవ్‌ చేసుకునేందుకు చాలా కాలంగా ప్రయత్నిస్తున్న నందు అన్నీ మంచి లక్షణాలే ఉన్న అబ్బాయి పాత్రలో ఆకట్టుకున్నాడు. కామెడీ టైమింగ్‌తోనూ మెప్పించాడు. హీరోయిన్‌ సౌమ్య వేణుగోపాల్ కు పెద్దగా నటనకు ఆస్కారం ఉన్న పాత్ర దక్కక పోయినా ఉన్నంతలో మంచి నటన కనబరిచింది. తారా పాత్రలో పూజా రామచంద్రన్‌ మెప్పించింది. ఫస్ట్‌ హాఫ్‌లో హాట్‌ లుక్స్‌ ఆకట్టుకున్న  పూజా క్లైమాక్స్‌ లో వచ్చే ఎమోషనల్‌ డైలాగ్స్ లో పరవాలేదనిపించింది. ఇతర పాత్రల్లో పెద్దగా గుర్తింపు ఉన్న నటులు కనిపించలేదు. కాస్టింగ్‌ ఇంకాస్త బాగుండి ఉంటే సినిమా స్థాయి పెరిగేది. తనకున్న బడ్జెట్‌ పరిదిలో ఓ మంచి ఎంటర్‌టైనర్‌ తీయాలనుకున్న దర్శకుడు వర ప్రసాద్‌ విజయం సాధించాడనే చెప్పాలి. అనుకున్న కథను ఎక్కడా గాడి తప్పకుండా ఆడియన్స్‌ ను కదలకుండా కూర్చో బెట్టేలా కథా కథనాలను నడిపించాడు. టైటిల్‌కు తగ్గట్టుగా సినిమాలో ఎన్నో ట్విస్ట్‌ లు చూపించి మెప్పించాడు. కథా కథనాలకు అవసరం లేకపోయినా పాటలను ఇరికించకుండా కథలో భాగంగా వచ్చే బ్యాక్‌ గ్రౌండ్‌ సాంగ్స్‌ తో సినిమా వేగం తగ్గకుండా జాగ్రత్త పడ్డాడు. యాజమాన్య అందించిన బ్యాక్‌ గ్రౌండ్ సాంగ్స్‌తో పాటు నేపథ్య సంగీతం కూడా సినిమా స్థాయికి తగ్గట్టుగా ఉంది. అక్కడక్కడా తడబడినా ఓవరాల్‌గా సినిమాను ఎంటర్‌టైనింగ్‌ తెరకెక్కించటంలో చిత్రయూనిట్‌ విజయం సాధించిందనే చెప్పాలి. ప్లస్‌ పాయింట్స్‌ : కథా కథనం నందు నటన మైనస్‌ పాయింట్స్‌ : సహాయ పాత్రల్లోని నటులు అక్కడక్కడా నెమ్మదించిన కథనం - సతీష్‌ రెడ్డి జడ్డా, ఇంటర్‌నెట్‌ డెస్క్‌

‘‘నేను మలయాళీ అమ్మాయిని. పుట్టింది మాత్రం బెంగళూరులో. నాన్న ఆర్మీ ఆఫీసర్‌. సౌత్, నార్త్‌తో పాటు ఇండియాలోని మొత్తం అన్ని రాష్ట్రాలూ ట్రావెల్‌ చేశా. సౌత్‌లో అన్ని భాషల్లోనూ నటించా. తెలుగులో నా తొలి చిత్రం ‘లవ్‌ ఫెయిల్యూర్‌’’ అన్నారు పూజ రామచంద్రన్‌. నందు కథానాయకునిగా, పూజ రామచంద్రన్, సౌమ్య వేణుగోపాల్‌ కథానాయికలుగా వరప్రసాద్‌ వరికూటి దర్శకత్వంలో రూపొందిన చిత్రం ‘ఇంతలో ఎన్నెన్ని వింతలో’. హరహర చలన చిత్ర సమర్పణలో ఎస్‌. శ్రీకాంత్‌ రెడ్డి, రామమోహనరావు ఇప్పిలి నిర్మించిన ఈ చిత్రం రేపు విడుదలవుతోంది. ఈ సందర్భంగా పూజ మాట్లాడుతూ –‘‘ఇందులో నా పాత్ర పేరు తార. డిఫరెంట్‌ షేడ్స్‌ ఉన్న పాత్ర. పెళ్లికి 36 గంటల ముందు ఎటువంటి సన్నివేశాలు చోటు చేసుకున్నాయనే నేపథ్యంలో కథ సాగుతుంది. ఎమోషన్స్, పాటలు, ఫైట్స్, వినోదం ఉన్న ఈ సినిమా కుటుంబ ప్రేక్షకులతో పాటు అన్ని వర్గాల ఆడియన్స్‌ని కచ్చితంగా ఆకట్టుకుంటుంది. వరప్రసాద్‌సార్‌గారు చాలా క్లారిటీగా 38 రోజుల్లో ఈ చిత్రం పూర్తి చేశారు. తనకు ఏం కావాలో మా నుంచి రాబట్టుకున్నారు. ప్రేక్షకులు మా సినిమాని ఆదరిస్తారనే నమ్మకం ఉంది’’ అన్నారు.

నందు, సౌమ్య వేణుగోపాల్, పూజ రామచంద్రన్‌ ముఖ్య పాత్రల్లో రూపొందిన చిత్రం ‘ఇంతలో ఎన్నెన్ని వింతలో’. వరప్రసాద్‌ వరికూటి దర్శకత్వంలో హరహర చలన చిత్ర సమర్పణలో ఎస్‌. శ్రీకాంత్‌ రెడ్డి, రామమోహన రావు ఇప్పిలి నిర్మించిన ఈ సినిమా ఏప్రిల్‌ 6న విడుదలకానుంది. ఈ సందర్భంగా వరప్రసాద్‌ వరికూటి మాట్లాడుతూ– ‘‘ఇది నా మొదటి సినిమా. ఈ చిత్రం మొదలుపెట్టినప్పుడు ఎలాంటి కాన్ఫిడెన్స్‌ ఉందో ఇప్పటికీ అదే కాన్ఫిడెన్స్‌తో ఉన్నాం. కథ, స్క్రీన్‌ప్లే హైలైట్‌. ఆరోగ్యకరమైన గార్డెన్‌ నుంచి ఒక ఫ్రూట్‌ బయటకు వస్తే ఎలా ఫీల్‌ అవుతారో ఆ ఫ్రెష్‌ ఫీల్‌ను మా సినిమా చూసిన ప్రేక్షకులకు కలుగుతుంది’’ అన్నారు. ‘‘నలుగురి మధ్య ఉత్కంఠభరితంగా సాగే కథ ఇది. సినిమా చాలా బాగా వచ్చింది. ఇటీవల పాటలు విడుదల చేశాం.  3 పాటలు చాలా బాగున్నాయని అందరూ అభినందిస్తున్నారు’’ అని రామమోహన రావు అన్నారు. ఈ చిత్రానికి కెమెరా: ఎస్‌. మోహన్‌రెడ్డి, సంగీతం: యాజమాన్య, సహనిర్మాత: డి. శ్రీనివాస్‌ ఓంకార్‌.  

నందు, సౌమ్యవేణుగోపాల్, పూజ రామచంద్రన్‌ ముఖ్య తారలుగా రూపొందిన చిత్రం ‘ఇంతలో ఎన్నెన్ని వింతలో’. వరప్రసాద్‌ వరికూటి దర్శకత్వంలో హరహర చలనచిత్ర సమర్పణలో ఎస్‌. శ్రీకాంత్‌ రెడ్డి, రామ్మోహన్‌రావు ఇప్పిలి నిర్మించిన ఈ సినిమా విడుదలకు సిద్ధమైంది. నందు మాట్లాడుతూ– ‘‘ఈ రోజు సాయంకాలం మొదలై రేపు ఉదయం వరకు ఏం జరుగుతుందనేదే ఈ సినిమా కథ. నా గత సినిమాల కంటే ఈ చిత్రవిజయంపై ఎక్కువ నమ్మకంగా ఉన్నా. ఈ సినిమాలో నాతో పాటు నటించిన ముగ్గురు కూడా హీరోలే. మార్చి నుంచి థియేటర్స్‌ బంద్‌ అంటున్నారు. అది లేకుంటే మార్చి 2న సినిమా విడుదల చేస్తాం’’ అన్నారు. ‘‘అన్ని వర్గాల ప్రేక్షకులకు నచ్చే చిత్రమిది.  రషెస్‌ చూసినవాళ్లు ప్రశంసించారు. విడుదలకు రెండు రోజుల ముందే ప్రెస్‌ వారికి ప్రివ్యూ వేయాలనుకుంటున్నామంటే ఎంత కాన్ఫిడెంట్‌గా ఉన్నామో అర్థం చేసుకోవచ్చు’’ అన్నారు దర్శక–నిర్మాతలు. మంచి చిత్రంలో నటించామని సౌమ్యవేణుగోపాల్, పూజరామచంద్రన్‌ అన్నారు.

‘‘డిఫరెంట్‌ కాన్సెప్ట్‌తో తీసిన చిత్రమిది. మన దేశంలో ఇంతకు ముందెప్పుడూ ఇటువంటి కాన్సెప్ట్‌తో సిన్మా రాలేదు. ఒకవేళ.. ఎవరైనా వచ్చిందని నిరూపిస్తే, వారికి ఐదు లక్షల నగదు బహుమతి ఇస్తాం’’ అని సవాల్‌ విసిరారు నిర్మాత డి. వెంకటేశ్‌. పూజా రామచంద్రన్, భూపాల్‌ రాజు, ధనరాజ్, మనోజ్‌ నందం ముఖ్య తారలుగా శ్రీకిశోర్‌ దర్శకత్వంలో డి. వెంకటేశ్, ఆర్వీ రాజు, ఆక్రోశ్‌ నిర్మించిన సినిమా ‘దేవిశ్రీ ప్రసాద్‌’. ఈ నెల 24న సినిమా విడుదలవుతోంది. డి. వెంకటేశ్‌ మాట్లాడుతూ– ‘‘గతంలో భారతీయ తెరపై రాని కథను సినిమాగా మలచడం దర్శకుడి తెలివితేటలకు నిదర్శనం. వచ్చిందంటారా? దేవిశ్రీని పట్టుకోండి... ఐదు లక్షలు గెలుచుకోండి! కొత్తదనం కోరుకునే తెలుగు ప్రేక్షకులకు తప్పకుండా మా సినిమా నచ్చుతుంది. సుమారు 200 థియేటర్లలో విడుదల చేయడానికి సన్నాహాలు చేస్తున్నాం’’ అన్నారు. పోసాని కృష్ణమురళి, టిల్లు వేణు తదితరులు నటించిన ఈ చిత్రానికి సంగీతం: కమ్రాన్, లైన్‌ ప్రొడ్యూసర్‌: చంద్ర వట్టికూటి.

‘‘మా సినిమా టీజర్, ట్రైలర్‌ చూసినోళ్లు... ‘శవాన్ని రేప్‌ చేయడం ఏంటి? ఇదొక వల్గర్‌ సిన్మా’ అన్నారు. సినిమా చూస్తే... ఎక్కడా వల్గారిటీ కనపడదు. మాది యూత్‌ సినిమానే... బూతు సినిమా కాదు’’ అన్నారు ధనరాజ్‌. శ్రీ కిశోర్‌ దర్శకత్వంలో డి. వెంకటేశ్, ఆర్వీ రాజు, ఆక్రోశ్‌ నిర్మించిన సినిమా ‘దేవిశ్రీ ప్రసాద్‌’. పూజా రామచంద్రన్, భూపాల్, ధనరాజ్, మనోజ్‌ నందం ముఖ్య తారలు. ఈ శుక్రవారం ప్రేక్షకుల ముందుకొస్తున్న ఈ సినిమా గురించి ధనరాజ్‌ మాట్లాడుతూ– ‘‘ఇందులో మార్చురీ వ్యాన్‌ డ్రైవర్‌ ‘శ్రీ’ పాత్రలో నటించాను. ధనరాజ్‌ ఏ పాత్ర అయినా చేయగలడనే మంచి పేరొస్తుంది. ఈ సినిమా కథంతా ఆరు పాత్రల చుట్టూ తిరుగుతుంది. నటి లీలా రామచంద్రన్‌ పాత్రలో పూజారామచంద్రన్, దేవిగా భూపాల్, ప్రసాద్‌గా మనోజ్‌ నందం, ప్రధాన పాత్రలు చేశారు. పూజ కంటే ముందు 13 మంది హీరోయిన్లకు ఈ కథ చెబితే... రిజెక్ట్‌ చేశారు. మీ సినిమాలో నటించం అని చెప్పారు. పర్‌ఫెక్ట్‌ ప్లానింగ్‌తో, తక్కువ బడ్జెట్‌తో 20 రోజుల్లో సినిమా తీశాం. ప్రేక్షకులకు సినిమా నచ్చుతుందని ఆశిస్తున్నా. సంగీత దర్శకుడు దేవిశ్రీ ప్రసాద్‌గారి పేరుని టైటిల్‌గా పెట్టినప్పటికీ... ఆ పేరుని మిస్‌ యూజ్‌ చేయలేదు’’ అన్నారు.

‘‘మూడు పాత్రల మధ్య జరిగిన అసాధారణ ఘటన వల్ల ఎలాంటి పరిణామాలు జరిగాయనే నేపథ్యంలో రూపొందిన చిత్రం ‘దేవి శ్రీ ప్రసాద్‌’. పూజా రామచంద్రన్, భూపాల్‌రాజు, ధనరాజ్, మనోజ్‌ నందం ప్రధానపాత్రల్లో శ్రీకిషోర్‌ దర్శకత్వంలో రూపొందిన  చిత్రమిది. యశ్వంత్‌ మూవీస్‌ సమర్పణలో డి. వెంకటేష్, ఆర్‌.వి. రాజు, ఆక్రోష్‌ నిర్మించిన ఈ సినిమా ఈ నెల 17న విడుదల కానుంది. ఈ సందర్భంగా హైదరాబాద్‌లో ప్రీ–రిలీజ్‌ వేడుక నిర్వహించారు. ‘సోగ్గాడే చిన్ని నాయనా’ దర్శకుడు కల్యాణ్‌కృష్ణ మాట్లాడుతూ– ‘‘టైటిల్‌ వైవిధ్యంగా ఉంది. ట్రైలర్‌ చూస్తుంటే కొత్త కథాంశంతో రూపొందిన సినిమా అనిపిస్తోంది. శ్రీకృష్ణతో నాకు పరిచయం ఉంది. తన ప్రతి సినిమా వైవిధ్యంగా ఉండేలా చూసుకుంటాడు. ఈ సినిమా కూడా అలాగే ఉంటుందనే నమ్మకం ఉంది’’ అన్నారు. ‘‘కొత్తదనం కోరుకునే తెలుగు ప్రేక్షకులకు మా చిత్రం కచ్చితంగా నచ్చుతుంది. ఓ మంచి వైవిధ్యమైన కథని ఎంకరేజ్‌ చేయాలని ఈ సినిమాలో నేనూ భాగస్వామి అయ్యా. అమెరికాలోనూ 45 థియేటర్స్‌లో ఈ చిత్రం విడదలవుతోంది’’ అన్నారు నిర్మాతల్లో ఒకరైన డి. వెంకటేష్‌. ‘‘ముగ్గురు యువకుల మధ్య జరిVó  విచిత్రమైన కథ ఇది. దెయ్యం ఉంటుందా? లేదా? అన్నది సస్పెన్స్‌’’ అన్నారు శ్రీకిషోర్‌. పూజా రామచంద్రన్, భూపాల్‌రాజు, ధనరాజ్, మనోజ్‌ నందం, ఆక్రోష్, రాజు పాల్గొన్నారు. 

బతికున్నవారితో సరదాలు.. సరసాలు సహజం. శవంతో సరసాలేంటి? కొందరు ప్రబుద్ధులంతే. శవమైనా తమ సరదాలు తీర్చుకోవడానికి వెనకాడరు. లీల అనే ఓ సినిమా ఆర్టిస్టు డెడ్‌బాడీని ఓసారి శవాలగదికి తీసుకొస్తారు. అక్కడ పనిచేసే ఒకడు తన ఇద్దరు స్నేహితులను ఆ గదికి తీసుకొచ్చి లీల శవాన్ని చూపిస్తాడు. వారిలో ఒకడు ఆమె శవంతో సరసాలు ఆడదామని మిగిలిన స్నేహితులనూ ఒప్పిస్తాడు. ఆ తర్వాత ఏమైంది? అసలు లీల ఎలా చనిపోయింది? హత్య చేశారా? ఆత్మహత్య చేసుకుందా? ఈ విషయాలతో తెరకెక్కిన చిత్రం ‘దేవిశ్రీ ప్రసాద్‌’. పూజా రామచంద్రన్, భూపాల్‌ రాజు, ధనరాజ్, మనోజ్‌ నందం ప్రధాన పాత్రల్లో శ్రీకిషోర్‌ దర్శకత్వంలో డి.వెంకటేష్, ఆర్‌.వి.రాజు, ఆక్రోష్‌ నిర్మించారు. కమ్రాన్‌ స్వరపరచిన ఈ సినిమా పాటలను నటుడు శివ బాలాజీ, నిర్మాత మల్కాపురం శివకుమార్‌ విడుదల చేశారు. ‘‘ఈ సినిమా ఇంత బాగా రావడానికి ధనరాజ్‌ కారణం. ఈ కథ చాలామందికి చెప్పినా నచ్చలేదు. పూజా రామచంద్రన్‌కి నచ్చి, చేశారు’’ అన్నారు శ్రీకిషోర్‌. ‘‘మంచి సినిమా చేయాలనే ప్రయత్నంతో చేసిన చిత్రమిది. అభ్యంతరకర సన్నివేశాలుండవు’’ అన్నారు నిర్మాతలు.


 దేవిశ్రీ ప్రసాద్‌ అంటే తెలుగు ప్రేక్షకులకు సంగీత దర్శకుడు డీయస్పీ గుర్తొస్తారు. కానీ, ఇప్పుడాయన పేరుతో ఓ సినిమా రూపొందుతోంది. అలాగని, ఇదేదో మ్యూజికల్‌ బేస్డ్‌ సిన్మా కాదు. డి ఫర్‌ డెవిల్, ఎస్‌ ఫర్‌ సస్పెన్స్‌లతో తెరకెక్కిన పి ఫర్‌ పక్కా హారర్‌ థ్రిల్లర్‌. పూజా రామచంద్రన్, మనోజ్‌ నందన్, భూపాల్‌ ముఖ్య తారలుగా శ్రీ కిశోర్‌ దర్శకత్వంలో ఆర్వీ రాజు, ఆక్రోశ్‌ నిర్మించిన థ్రిల్లర్‌ ‘దేవిశ్రీ ప్రసాద్‌’. ధనరాజ్‌ కీలక పాత్రధారి. అక్టోబర్‌లో సిన్మాను విడుదల చేయాలనుకుంటున్నారు.  ‘‘వినోదంతో పాటు సందేశంతో రూపొందిన చిత్రమిది. దేవి, శ్రీ, ప్రసాద్‌... అనే ముగ్గురు నటులు, లీలా రామచంద్రన్‌ అనే నటి చుట్టూ కథ నడుస్తుంది. సిన్మాలో ప్రతి సీన్‌ ప్రేక్షకుల్ని థ్రిల్‌కు గురి చేస్తుంది. తర్వాత ఏం జరుగుతుందనే ఉత్కంఠ రేకెత్తిస్తుంది’’ అన్నారు దర్శక–నిర్మాతలు.


 ప్రిన్స్, వ్యోమనంది, పూజా రామచంద్రన్ నటీనటులుగా శ్రీ చైత్ర చలనచిత్ర సంస్థ నిర్మించిన సినిమా ‘మరల తెలుపనా ప్రియా’. వాణి ఎమ్.కొసరాజు దర్శకత్వం వహించారు. శేఖర్ చంద్ర సంగీత దర్శకుడు. ప్రసాద్ ల్యాబ్స్ అధినేత రమేశ్ ప్రసాద్ నిర్మాణ సంస్థ లోగోని, హీరో నిఖిల్ పాటల సీడీలను ఆవిష్కరించారు. ‘‘భిన్నమైన వ్యక్తిత్వాలు, నేపథ్యాలు ఉన్న ఓ అమ్మాయి, అబ్బాయి మధ్య సాగే విభిన్నమైన ప్రేమకథా చిత్రమిది’’ అని వాణి ఎమ్.కొసరాజు అన్నారు.
 
 ‘‘శేఖర్‌చంద్ర బాణీలు, భాస్కరభట్ల సాహిత్యం సినిమాకి ప్రత్యేక ఆకర్షణగా నిలుస్తాయి. నటీనటులతో పాటు విలన్‌గా సుజోమ్యాథ్యూ చక్కగా నటించారు. సినిమా బాగా వచ్చింది’’ అని ఎగ్జిక్యూటివ్ నిర్మాతలు కె.సురేష్ బాబు, వుడిగ శ్రీనివాస్‌లు తెలిపారు. రాహుల్ రవీంద్రన్, అశ్విన్, ప్రిన్స్, వ్యోమనంది, శేఖర్ చంద్ర, భాస్కరభట్ల తదితరులు కార్యక్రమంలో పాల్గొన్నారు.


 ఒక రాత్రిలో ఇద్దరమ్మాయిల జీవితం ఎలాంటి మలుపు తీసుకుంది? అనే అంశంతో చైల్డ్ ట్రాఫికింగ్ నేపథ్యంలో రూపొందిన ఓ తమిళ చిత్రం ‘ఒక రాత్రిలో ఇద్దరమ్మాయిలు’ పేరుతో తెలుగులో విడుదల కానుంది. బాలాజి.కె.కుమార్ దర్శకత్వం వహించిన ఈ చిత్రాన్ని అల్తాఫ్ విడుదల చేస్తున్నారు. పూజా రామచంద్రన్, మాళవిక, వినోద్, కృష్ణ ముఖ్య తారలుగా నటించిన ఈ చిత్రం ప్రచార చిత్రాలను హైదరాబాద్‌లో విడుదల చేశారు. అల్తాఫ్ మాట్లాడుతూ -‘‘ఓ సాయంత్రం ప్రారంభమై, మర్నాడు తెల్లవారుజాము ముగిసే కథతో ఈ చిత్రం ఉంటుంది. త్వరలోనే రిలీజ్’’ అని చెప్పారు.


 అరవింద్ కృష్ణ, మీనాక్షి దీక్షిత్, పూజా రామచంద్రన్ ప్రధాన పాత్రధారులుగా రూపొందిన చిత్రం ‘అడవి కాచిన వెన్నెల’. అక్కి విశ్వనాథరెడ్డి స్వీయ దర్శకత్వంలో నిర్మించిన ఈ చిత్రం విడుదలకు సిద్ధమైంది. ఈ సందర్బంగా ఆదివారం హైదరాబాద్‌లో ఏర్పాటు చేసిన విలేకరుల సమావేశంలో విశ్వనాథ్‌రెడ్డి మాట్లాడుతూ-‘‘భిన్నమైన కథాంశంతో ఈ చిత్రాన్ని రూపొందించాం. ఊహకందని కోణాలు ఈ కథలో ఉంటాయి. సిరివెన్నెల సాహిత్యం ఈ చిత్రానికి ప్రధాన బలం. ఆర్.కార్తీక్, జోస్యభట్ల కలిసి స్వరాలందించిన ఈ చిత్రం పాటలను ఇటీవలే విడుదల చేశాం.
  
   మంచి స్పందన లభిస్తోంది. సెన్సార్ కార్యక్రమాలు పూర్తి చేసుకున్న ఈ చిత్రాన్ని త్వరలోనే విడుదల చేస్తాం’’ అన్నారు. ‘‘ఇందులో శక్తిమంతమైన పాత్ర చేశాను. ఆర్టిస్టులు ఎలివేట్ అవ్వాలంటే మంచి నేపథ్య సంగీతం ముఖ్యం. ఇందులో అద్భుతమైన రీ-రికార్డింగ్ కుదిరింది. దర్శకుడు అన్ని శాఖల నుంచి మంచి అవుట్‌పుట్‌ని రాబట్టుకున్నారు’’ అని అరవింద్ కృష్ణ చెప్పారు. ఆడియోకి మంచి స్పందన రావడం ఆనందంగా ఉందని సంగీత దర్శకులు చెప్పారు. ఇంకా ఈ కార్యక్రమంలో కోటేశ్వరరావు, కళ్లు కృష్ణారావు తదితరులు కూడా మాట్లాడారు.
  


 అరవింద్కృష్ణ, మీనాక్షి దీక్షిత్, పూజా రామచంద్రన్ ముఖ్య తారలుగా స్వీయదర్శకత్వంలో అక్కి విశ్వనాధరెడ్డి రూపొందిస్తున్న చిత్రం ‘అడవి కాచిన వెన్నెల’. ఆదివారం ఈ చిత్రం ప్రచార చిత్రాలను ఎ.రమేష్ప్రసాద్ ఆవిష్కరించి, యూనిట్ సభ్యులకు శుభాకాంక్షలు అందజేశారు. విశ్వనాధరెడ్డి మాట్లాడుతూ - ‘‘టైటిల్ వినగానే ఇది అదో తరహా సినిమా అనుకునే అవకాశం ఉంది. కానీ, ఇది నెగటివ్ సినిమా కాదు.  పాజిటివ్గా సాగడంతో పాటు క్లయిమాక్స్ కూడా పాజిటివ్గా ఉంటుంది. కొత్త కథ, కథనంతో రూపొందిస్తున్నాం. జనవరిలో సినిమాని విడుదల చేస్తాం’’ అని చెప్పారు. హాలీవుడ్ చిత్రంలో నటించినట్లపించిందని మీనాక్షి అన్నారు. హౌస్వైఫ్గా నటించానని పూజా చెప్పారు. అరవింద్కృష్ణ చెబుతూ-‘‘దర్శకుడు చెప్పిన కథ అద్భుతం అనిపించింది. ఇందులో గొప్ప డైలాగులున్నాయి. అచ్చ తెలుగు టైటిల్తో రూపొందిన అసలు సిసలైన తెలుగు సినిమా ఇది’’ అన్నారు. ఈ చిత్రానికి సంగీతం: కార్తీక్ రోడ్రిగ్యుజ్, డా. జోశ్యభట్ల, పాటలు: సిరివెన్నెల.