ఖమ్మం క్రైం: ‘అందరినీ కలిపి హత్య చేయాలనుకుంటున్నారు.. దీన్ని ఆపేందుకు నేను ఆత్మహత్య చేసుకుంటున్నా.. అప్పుడు మిగతా ఐదుగురైనా బతుకుతారు.. నా మృతదేహం వద్దకు చిన్నకుమారుడైన శేఖర్‌–సుజాతను రానివ్వొద్దు’ అంటూ పోలీసు కమిషనర్‌కు లేఖ రాసి.. ఖమ్మంకు చెందిన చిట్‌ఫండ్‌ వ్యాపారి చేకూరి సత్యంబాబు (77) ఆత్మహత్య చేసుకున్నాడు. ఖమ్మంలో ఈ ఘటన కలకలం రేపింది. వివరాలు..ఖమ్మం వీడీవోస్‌ కాలనీకి చెందిన చేకూరి సత్యంబాబు చిట్‌ఫండ్‌ వ్యాపారంతో పాటు కుమారులైన శ్రీధర్, శేఖర్‌తో కలిసి ఇంకొన్ని వ్యాపారాలు చేశాడు. కొన్నాళ్ల క్రితం వ్యాపారాల నిమిత్తం చేసిన అప్పుల కారణంగా శ్రీధర్‌– శేఖర్‌కు మధ్య గొడవలు మొదలయ్యాయి. దీంతో శేఖర్‌ వేరుగా ఉంటున్నాడు. సత్యంబాబు – నాగేంద్రమ్మ, వీరి పెద్దకుమారు డైన శ్రీధర్‌ కుటుంబం కలిసి ఉంటోంది. కాగా, లావా దేవీలు, అప్పులకు సంబంధించి 2017 నుంచి గొడవలు పెరగడంతో సత్యంబాబు, ఆయన పెద్దకుమారుడు, కుటుంబసభ్యులపై పలు పోలీస్‌ స్టేషన్లలో కేసులు నమోద య్యాయి. ఈ క్రమంలో చిన్నకుమారుడైన శేఖర్, ఆయన భార్య సుజాత, ఆమె సోదరుడైన తాళ్లూరి గంగాధర్‌తో పాటు డాక్టర్‌ మహేంద్రనాథ్, పి.కృష్ణమోహన్‌ తమను వేధిస్తు న్నారని సత్యం కొన్నాళ్లుగా చెబుతున్నట్లు సమాచారం. అలాగే సత్యంబాబు–నాగేంద్రమ్మ, శ్రీధర్‌–ప్రవీణ దంపతులతో పాటు వారి పిల్లలు చైతన్య, చాణ క్యలను హత్య చేయాలని కొందరు కుట్ర పన్నారని సత్యంబాబు పలువురితో వెల్లడించినట్లు తెలిసింది. ఈ నేపథ్యంలో తానొక్కడినే చనిపోతే మిగతా ఐదుగురు బతుకుతారనే భావనతో లేఖ రాసిన ఆయన.. అందులో తన కుటుంబ వివాదాలతో పాటు ఆత్మహత్యకు కారణంగా ఐదుగురి పేర్లు రాశారు. తన మృతదేహం వద్దకు చిన్నకుమారుడైన శేఖర్‌ దంపతులను రానివ్వొద్దని కూడా పేర్కొన్నారు. ఈ మేరకు ఆదివారం రాత్రి గదిలో ఒంటరిగా పడుకున్న ఆయన సోమవారం ఉదయం ఎంత పిలిచినా పలకలేదు. దీంతో కుటుంబీకులు తలుపులు పగులకొట్టి చూడగా విషం తాగి మృతి చెంది ఉన్నాడు. ఈమేరకు ఖమ్మం టూటౌన్‌ ఎస్‌ఐ రవికుమార్‌ వివరాలు ఆరాతీశారు. ఐదుగురి వేధింపులతో తన తండ్రి ఆత్మహత్యకు పాల్పడ్డాడని, వారివల్ల తమ కుటుంబానికి ప్రాణహాని ఉందని శ్రీధర్‌ వెల్లడించారు. కాగా, ఐదు రోజుల క్రితం ఒక కుటుంబం తమకు రూ.2 కోట్లకు పైగా సత్యంబాబు బాకీ ఉన్నాడని ఆయన ఇంటి ఎదుట నిరసన తెలిపింది.

ఢిల్లీ: పుట్టిన ఊరును కన్నతల్లిగా భావించిన ఆ పెద్దాయన.. ఊరి జనాల సాక్షిగా పడ్డ నిందను భరించలేకపోయాడు. భయపడొద్దని, నిజం నిగ్గుతేలుతుందని ఇంట్లో వాళ్లు ఎంత ధైర్యం నింపినా ఫలితం లేకుండా పోయింది. పరువు పోయిందని, అరెస్ట్‌ చేస్తారనే ఆందోళన రెట్టింపు అయ్యింది. ఫలితం.. ఆ తాత ప్రాణం తీసింది. ఢిల్లీ గురుగ్రామ్‌ పరిధిలోని ఓ గ్రామంలో విషాదం చోటు చేసుకుంది. గ్రామంలోని 88 ఏళ్ల లాల్‌సింగ్‌పై అత్యాచార ఆరోపణలు, అదీ ఓ మైనర్‌పై కావడంతో కేసు నమోదు అయ్యింది. ఈ కేసుకు సంబంధించి పోక్సో చట్టం ప్రకారం పోలీసులు ఎఫ్‌ఐఆర్‌ సైతం నమోదు చేశారు. దీంతో ఆ వృద్ధుడు కలత చెందాడు. రోజంతా పచ్చి మంచి నీళ్లు ముట్టకుండా ఏడుస్తూనే ఉన్నాడు.  చివరకు.. పరువు పోయిందనే బాధతో గురవారం మధ్యాహ్నాం ఆత్మహత్యకు పాల్పడ్డాడు. ఘటనా స్థలంలో సూసైడ్‌ నోట్‌ దొరకలేదని, కేసు నమోదు అయ్యిందన్న బాధతోనే లాల్‌సింగ్‌ అఘాయిత్యానికి పాల్పడి ఉంటాడని స్టేషన్‌ హెడ్‌ వినీత్‌ కుమార్‌ భావిస్తున్నాడు. ఇక ఈ కేసులో కేసు పెట్టిన మహిళ(మైనర్‌ తల్లి) పోలీసులకు మొదటి నుంచి అనుమానాలు వ్యక్తం అయ్యాయి. తన కూతురిపై లాల్‌సింగ్‌ గత కొన్నాళ్లుగా అఘాయిత్యానికి పాల్పడుతున్నాడని, బయటకు చెబితే చంపేస్తానని బెదిరిస్తున్నాడంటూ కేసు పెట్టింది ఆమె. అయితే లాల్‌ సింగ్‌ గత కొన్నిరోజులు ఆరోగ్యం బాగోలేక కూతురి దగ్గరికి వెళ్లాడు. దీంతో అనుమానం వచ్చిన పోలీసులు.. ఆమెను గట్టిగా నిలదీయగా, లాల్‌సింగ్‌ కుటుంబంపై పాత గొడవల దృష్ట్యా కోపంతోనే కేసు పెట్టినట్లు ఒప్పుకుంది. పోయిన ప్రాణం ఎలాగూ తిరిగి రాదు కాబట్టి లాల్‌సింగ్‌ కుటుంబం.. ఆ మహిళను క్షమించి వదిలేసినట్లు తెలుస్తోంది.

సాక్షి, నిజాంపేట్‌: ఆరోగ్యం సహకరించకపోవడంతో ప్రాణం తీసుకోవాలనుకున్న ఓ వృద్ధుడు మొదట తన శరీరాన్ని బ్లెడ్‌తో కోసుకుని చనిపోవాలనుకున్నాడు. అయితే ఎంతకూ ప్రాణం పోకపోవడంతో చివరకు అపార్ట్‌మెంట్‌ నాలుగో అంతస్తు నుంచి దూకి ఆత్మహత్య చేసుకున్న ఘటన బాచుపల్లి పోలీస్‌స్టేషన్‌ పరిధిలో చోటు చేసుకుంది. పోలీసుల కథనం ప్రకారం.. ప్రగతినగర్‌లోని అదిత్య లేక్‌వ్యూ అపార్ట్‌మెంట్‌లోని ఫ్లాట్‌ నెంబర్‌ 302లో కె.రామలింగేశ్వర్‌రావు(70), హైమవతి భార్యాభర్తలు నివాసం ఉంటున్నారు. రామలింగేశ్వర్‌రావుకు రెండుసార్లు బైపాస్‌ సర్జరీ అయింది. బీపీ, షుగర్‌తో పాటు ఆహారం సరిగా తినలేకపోవడం లాంటి సమస్యలు ఉన్నాయి. చదవండి: దారుణం: కుటుంబంపై కత్తులతో దాడి.. ముగ్గురి మృతి నెల రోజులుగా ఆహారం సరిగా తీసుకోలేక ఇబ్బందులు పడుతున్నాడు. దీంతో మానసికంగా కుంగిపోయి సోమవారం రాత్రి సుమారు 8.45 గంటలకు టెర్రస్‌ పైకి వెళ్లాడు. అక్కడ తన శరీరంపై బ్లెడ్‌తో గాట్లు పెట్టుకున్నాడు. అప్పటి నుంచి పైనే ఉన్న రామలింగేశ్వర్‌రావు అర్ధరాత్రి సుమారు 12.45 గంటలకు అపార్ట్‌మెంట్‌ పైనుంచి దూకాడు. మంగళవారం ఉదయం అపార్ట్‌మెంట్‌ వాచ్‌మెచ్‌ ద్వారా సమాచారం తెలుసుకున్న అపార్ట్‌మెంట్‌ వాసులు కుటుంబ సభ్యులకు సమాచారం ఇచ్చారు. దీంతో పోలీసులు ఘటన స్థలానికి చేరుకుని మృతదేహాన్ని పోస్టుమార్టమ్‌ నిమిత్తం గాంధీ ఆస్పత్రికి తరలించారు. మృతుడు రామలింగేశ్వర్‌రావుకు ఇద్దరు కుమార్తెలు, ఒక కుమారుడు ఉన్నారు. చదవండి: ఆమెలాగా అతగాడి పరిచయం.. అశ్లీల వీడియోలను పంపించాలని..  ఒంటరి తనం కూడా కారణామా?  రామలింగశ్వేరావు, హైమవతి ఇద్దరే ప్రగతినగర్‌లో నివాసం ఉంటున్నారు. ఇద్దరికీ అనారోగ్య సమస్యలు ఉన్నాయి. కుమారుడు స్వగ్రామం పశ్చిమగోదావరి జిల్లా జంగారెడ్డిగూడెంలో నివాసం ఉంటున్నారు. ఇద్దరు కుమార్తెలు మాత్రం నగరంలోనే ఉంటున్నారు. వీరందరూ ఉన్నత స్థితిలోనే ఉన్నారు. అప్పడప్పుడూ వచ్చి తల్లిదండ్రులను చూసి వెళ్లేవారు. 

కర్ణాటక,దొడ్డబళ్లాపురం: కుమారుడు మరణించడం, బంధువులు దూరం కావడంతో జీవితం మీద విరక్తి చెందిన వృద్ధుడు చితిని పేర్చుకుని నిప్పంటించుకుని ఆత్మాహుతి చేసుకున్న సంఘటన బెంగళూరు సమీపంలో దొడ్డబళ్లాపుర తాలూకా తిప్పూరు గ్రామం శివారులో చోటుచేసుకుంది. తిప్పూరు నివాసి అజ్జప్ప(85)ఆత్మహత్యకు పాల్పడ్డ వృద్ధుడు. తిప్పూరు గ్రామం శివారులోని గొరవెహళ్ల అటవీ ప్రాంతంలో కట్టెలు పేర్చుకుని చితి ఏర్పాటుచేసుకుని చితిపై పడుకుని నిప్పంటించుకున్నట్టు పోలీసులు అనుమానిస్తున్నారు. ఏం జరిగింది   అజ్జప్ప కుమారుడు సిద్ధప్ప(58)గత ఆరు నెలల క్రితం తీవ్ర అనారోగ్యంతో మృతిచెందాడు. ఆనాటి నుండి మానసికంగా కృంగిపోయిన అజ్జప్ప ఇల్లు, ఊరు వదిలి దేవాలయాల్లో,పాడుబడ్డ మండపాల్లో నివసిస్తూ ఉండేవాడు. కోడలు, మనవళ్లతో కుమారుడు బ్రతికున్నప్పుడే గొడవలు వచ్చి మాట్లాడ్డం లేదు. గత నాలుగు రోజులుగా అజ్జప్ప ఎక్కడా కనిపించలేదు.ఈ క్రమంలో గొరవెహళ్ల అటవీ ప్రాంతానికి వెళ్లిన గొర్రెలకాపర్లకు బుధవారంనాడు చితిపై సగం కాలిన శవం కనిపించింది. పోలీసుల ప్రాథమిక విచారణలో శవం అజ్జప్పదే అని,తానే చితిపేర్చుకుని ఆత్మహత్య చేసుకున్నాడని తెలిసింది. నాలుగు రోజుల కిందటే ఘటన జరిగి ఉంటుందని పోలీసులు భావిస్తున్నారు. దొడ్డబెళవంగల పోలీసులు కేసు నమోదుచేసుకుని దర్యాప్తు చేస్తున్నారు.

సాక్షి, నర్మెట: గుర్తుతెలియని ఓ వ్యక్తి చెట్టుకు ఉరేసుకుని ఆత్మహత్యకు పాల్పడిన సంఘటన మండలం లోని లోక్యాతం డా శివారులో బుధవారం చోటు చేసుకుంది. పోలీసుల కథనం ప్రకారం... స్థానికులు ఇచ్చిన సమాచారంతో ఘటనా స్థలానికి చేరుకోగా వ్యక్తి చెట్టుకు ఉరేసుకుని మృతదేహం వేలాడుతూ కనిపించింది. స్థానికులను విచారించగా వ్యక్తి వివరాలు తెలియరాలేదని ఎస్సై జక్కుల పరమేశ్వర్‌ తెలిపారు.మృతుడు ఎర్రని చారల చొక్కా, చెవి పోగుతో గుండు చేయించుకున్న చామనచాయ రం గు కలిగి సుమారు 40 ఏండ్ల వయస్సు ఉంటుందని తెలిపారు. స్థలంలో తెల్లని ప్లాస్టిక్‌ సంచి, టార్చిలైటు,   నల్లని ప్యారాగాన్‌ చెప్పులు, దు ప్పటి, బొంతలు లభించాయని తెలి పారు. ఈ వివరాల మేరకు కేసు నమోదు చేసుకుని దర్యా ప్తు చేస్తున్నుట్ల ఎస్సై పరమేశ్వర్‌ తెలిపారు. 

చిన్నశంకరంపేట(మెదక్‌): అప్పులు తీర్చడానికి దుబాయ్‌ వెళ్లిన కొడుకు ఏజెంట్‌ చేతిలో మోసపోయి తిరిగి వస్తున్నాడని తెలిసిన రైతు ఆత్మహత్య చేసుకున్న విషాదకర ఘటన చిన్నశంకరంపేట మండలం సంగాయిపల్లిలో ఆదివారం చోటు చేసుకుంది. వివరాల ప్రకారం.. గ్రామానికి చెందిన రైతు గొల్ల సత్యనారాయణ తనకున్న ఎకరం భూమిలో సాగు చేస్తూ, కూలి పనులకు వెళ్తూ కుటుంబాన్ని పోషిస్తున్నాడు. తన ఇద్దరు బిడ్డల పెళ్లి కోసం రూ. 5 లక్షలు అప్పు చేశాడు. ఎదిగిన కుమారుడు నవీన్‌ను దుబాయ్‌ పంపి అక్కడ అతను సంపాదించిన డబ్బుతో అప్పులు తీర్చవచ్చని ఆశించాడు. మరో రూ. లక్ష అప్పు చేసి కొడుకును దుబాయ్‌ పంపించాడు. ఏజెంట్‌ చేతిలో మోస పోయిన కొడుకు ఇంటికి వస్తున్నానని ఫోన్‌ చేసి చెప్పాడు. దీంతో మనస్తాపానికి గురైన సత్యనారాయణ అప్పులు ఎలా తీర్చాలనే బెంగతో ఉరివేసుకుని ఆత్మహత్యకు పాల్పడ్డాడు. భార్య లక్ష్మి ఫిర్యాదు మేరకు కేసు నమోదు చేసినట్లు ఎస్‌ఐ ప్రకాష్‌గౌడ్‌ తెలిపారు.  

దేవరకద్ర రూరల్‌ మహబూబ్‌నగర్‌ : జీవితంపై విరక్తి చెంది ఓ వృద్ధుడు ఆత్మహత్యకు పాల్పడ్డాడు. ఏఎస్‌ఐ బాల్‌రెడ్డి కథనం ప్రకారం.. దేవరకద్ర మండలం కౌ కుంట్ల చెందిన హన్మంతు (70) మూడేళ్లుగా స మీపంలోని ఓ గోదాంలో వాచ్‌మన్‌గా పని చేస్తున్నాడు. కాగా, ఇటీవల అప్పు చేసి తన మనుమరాలి వివాహం జరిపించాడు. అంతేగాక కుటుంబ పోషణకు సైతం ఆయన అప్పు చేయాల్సి వచ్చింది. వీటిని తీర్చే మార్గం లేకపోవడంతో మ నోవేదనకు గురై శనివారం రాత్రి తాను పని చే స్తున్న గోదాంలోనే పురుగుమందు తాగి చనిపోయాడు. ఈ సంఘటనపై ఆదివారం ఉదయం మృతుడి భార్య సరస్వతమ్మ ఇచ్చిన ఫిర్యాదు మే రకు పోలీసులు కేసు దర్యాప్తు చేస్తున్నారు. అనంతరం మృతదేహాన్ని పోస్టుమార్టం నిమిత్తం జిల్లా జనరల్‌ ఆస్పత్రికి తరలించారు.

సాక్షి, ఢిల్లీ ​: పోలీసులకు పట్టుబడకుండా తప్పించుకునే యత్నంలో ఓ వృద్ధుడు(69) భవనం పైనుంచి దూకి ప్రాణాలు కోల్పోయాడు. ఈ ఘటన వసంత్‌ విహార్‌లో సోమవారం మధ్యాహ్నం చోటు చేసుకుంది. పోలీసులు తెలిపిన వివరాల ప్రకారం.. నగరంలో ఫైనాన్స్‌ వ్యాపారం చేసే వీరేంద్ర థింగ్రా ఒకరికి బాకీ పడిన మొత్తాన్ని తిరిగి చెల్లించలేక తీవ్ర ఒత్తిడిలో ఉన్నాడు. ఈ విషయమై అతనిపై ఒక చీటింగ్‌ కేసు కూడా నమోదైంది. పోలీసులకు దొరక్కుండా వీరేంద్ర గత కొంత కాలంగా తప్పించుకు తిరుగుతున్నాడు. అయితే అతను సోమవారం వసంత్‌ విహార్‌లోని తనయుడు సంజయ్‌ ఇంటికి వచ్చాడు. అతని ఆచూకీ పసిగట్టిన పోలీసులు నిందితుడిని పట్టుకుందామని ఆ ఇంటికి చేరుకున్నారు. కానీ, పోలీసులను చూసి తనను అరెస్టు చేస్తారని భయపడిన థింగ్రా భవనం పైకెక్కి దూకేశాడని పోలీసులు వెల్లడించారు. ‘థింగ్రా ఫైనాన్స్‌ వ్యాపారి. ఒకరికి డబ్బు చెల్లించడంలో విఫలమవడంతో అతనిపై ఒక చీటింగ్‌ కేసు నమోదై ఉంది. ఈ విషయమై అతను తీవ్ర ఒత్తిడికి లోనైనట్టు మృతుడి వద్ద లభించిన సూసైడ్‌ నోట్‌లో రాసి ఉంది’ అని సౌత్‌వెస్ట్‌ జోన్‌ డిప్యూటీ పోలీస్‌ కమీషనర్‌ మిలింద్‌ దుంబెర్‌ చెప్పారు. సూసైడ్‌ నోట్‌లోని చేతిరాత వీరేంద్రదా, కాదా? అనేది తేల్చాల్సివుందని ఆయన చెప్పారు. కానీ, మృతుడి కుటుంబ సభ్యులు మాత్రం వీరేం‍ద్రది హత్యేనని ఆరోపిస్తున్నారు. ‘మా నాన్నను ఎవరో చంపేశారాని నాకొక ఫోన్‌ కాల్‌ వచ్చింద’ని థింగ్రా తనయుడు సంజయ్‌ తెలిపారు. కేసుకు సంబంధించి ఇంతవరకూ అనుమానితులను గుర్తించలేదని పోలీసులు తెలిపారు.

కుభీర్‌(ముథోల్‌) : మండలంలోని చాత గ్రామానికి చెందిన ఆకుల పోశెట్టి(72) అనే వృద్దుడు కడుపునొప్పి భరించలేక పురుగుల మందు తాగి ఆత్మహత్య చేసుకున్నాడని ఎస్సై రమేశ్‌ తెలి పారు. పోశెట్టి కడుపునొప్పితో చాలా ఆసుపత్రులు తిరిగి నయం కాకపోవడంతో మనస్తాపం చెందాడు. ఆదివారం సాయంత్రం ఇంటి నుంచి చేనులోకి బయలుదేరి అక్కడే పురుగుల మందు సేవించాడు. చేనులో చు ట్టుపక్కల వారు గమనించి కుటుంబీకులకు సమాచారం ఇచ్చారు. కుటుంబీకులు ఆసుపత్రికి తరలిస్తుండగా మార్గంమధ్యలో చనిపోయాడు. మృతుడి కొడుకు భోజన్న ఫిర్యాదు మేరకు కేసు నమోదు చేసుకుని దర్యాప్తు జరుపుతున్నట్లు ఎస్సై తెలిపారు. మృతుడికి భార్య, ముగ్గురు కుమారులు, ఒక కుమార్తె ఉన్నారు.    

గోపాలపురం : గోపాలపురం మండలం గుడ్డిగూడెం గ్రామానికి చెందిన జగడాల సత్యనారాయణ(68) అనే వృద్ధుడు సోమవారం పురుగుమందు తాగి ఆత్మహత్యకు పాల్పడినట్టు ఎస్సై ఎం. జయబాబు చెప్పారు. మృతుడు సత్యనారాయణకు గత కొంతకాలంగా మతిస్థిమితం లేకుండా జీవితం మీద విరక్తి చెంది ఉన్నాడని, పురుగుల మందు తాగుతానని బెదిరిస్తూ ఉండేవాడని, ఆయనను కుటుంబసభ్యులు ఓదార్చినా పట్టించుకోలేదన్నారు. మతిస్థిమితం లేని సమయంలో పురుగుల మందు తాగిన సత్యనారాయణను స్థానిక పీహెచ్‌సీకి తరలించగా తాగిన మందు మోతాదు ఎక్కువకావడంతో ప్రయోజనం లేకుండా పోయిందన్నారు. మృతదేహాన్ని కొవ్వూరు ప్రభుత్వాసుపత్రికి పోస్టుమార్టంకు తరలించినట్టు ఎస్సై జయబాబు తెలిపారు. 

పాల్వంచరూరల్‌: మతి స్థిమితం సక్రమంగా లేని వృద్ధుడు తన ఇంట్లోనే ఉరి వేసుకుని ఆత్మహత్య చేసుకున్నాడు. పోలీసులు తెలిపిన వివరాలు... మండలంలోని పాండురంగాపురం గ్రామస్తుడు కఠోజు శ్రీనివాసచారి(56) శనివారం రాత్రి ఇంట్లో దూలానికి లుంగీతో ఉరి వేసుకున్నాడు. తెల్లవారుజామున భార్య మేల్కొని వరండాలోకి వచ్చేసరికి, ఉరికి వేలాడుతూ భర్త కనిపించాడు. పోలీసులకు ఆమె సమాచారమిచ్చింది. మానసిక వ్యాధితో బాధపడుతున్న ఇతడు, హైదరాబాద్‌లోని ఎర్రగడ్డ ఆస్పత్రిలో కొన్ని సంవత్సరాలుగా చికిత్స పొందుతున్నాడు. ఇతడికి భార్య పుష్పావతి, ఇద్దరు కుమార్తెలు ఉన్నారు. ఘటన స్ధలాన్ని హెడ్‌ కానిస్టేబుల్‌ సూర్యారావు పరిశీలించారు. శ్రీనివాసచారి భార్య ఫిర్యాదుతో పోలీసులు కేసు నమోదు చేశారు. పోస్టుమార్టం కోసం మృతదేహాన్ని స్థానిక ఏరియా ఆస్పత్రికి తరలించారు.


 ఆత్మకూరు : ఆర్థిక ఇబ్బందులు తట్టుకోలేక ఓ వృద్దుడు ఆత్మహత్య చేసుకున్నాడు. ముస్త్యాలపల్లికి చెందిన మంద పోషయ్య(60)కు ఆర్థికంగా ఇబ్బందులు ఉండడంతో క్రిమిసంహారక మందు తాగి బుధవారం ఆత్మహత్యకు యత్నించాడు. విషయాన్ని గమనించిన బంధువులు చికిత్స నిమిత్తం ఎంజీఎం తరలించగా చికిత్స పొందుతూ మృతి చెందాడు, మృతుడి భార్య సూరమ్మ ఫిర్యాదు మేరకు ఆత్మకూరు పోలీసులు కేసు నమోదు చేసుకొని దర్యాప్తు ప్రారంభించారు.
  


 పెద్ద అడిశర్లపల్లి మండలం గుడిపల్లిలో ఘటన
  
 పింఛన్ కోసం ఆ వృద్ధ దంపతులు కాళ్లరిగేలా తిరిగారు.. కనిపిం చిన వారినల్లా ప్రాథేయపడ్డారు.. అయినా ఫలితం శూన్యం.. అధికారుల ఈసడింపులూ చవిచూశారు..అయినా ప్రయత్నం మానలేదు..గురువారం కూడా ఎంపీడీఓ కార్యాలయానికి వెళ్లారు.. అక్కడ కనిపించిన వారందరినీ అడిగారు.. ఇక ఫలితం లేదనుకున్నాడో.. బతకడం వ్యర్ధమనుకున్నాడో.. తెలియదుకానీ ఇంటికెళ్లి ఉరిపోసుకుని బలవన్మరణానికి పాల్పడ్డాడు.. -పెద్ద అడిశర్లపల్లి
  
 పింఛన్ మంజూరు కాలేదనే బెంగతో ఓ వృద్ధుడు ఆత్మహత్య చేసుకున్నాడు. ఈ ఘటన పెద్ద అడిశర్లపల్లి మండలం గుడిపల్లిలో శుక్రవారం వెలుగుచూసింది.  మృతుడి కుటుంబ సభ్యులు, గ్రామస్తులు తెలిపిన వివరాల ప్రకారం.. పడాల పెద్దులమ్మ వికలాంగురాలు. వైకల్యం శాతం తక్కువగా ఉందన్న కారణంతో ఆసరా పింఛన్ ఇవ్వలేదు. ఆమె భర్త పడాల రాములు(70)కు కూడా పింఛన్ మంజూరు కాలేదు. ఇద్దరు దంపతులు పింఛన్ కోసం ఎంపీడీఓ కార్యాలయం చుట్టూ తిరిగినా ప్రయోజనం లేకపోయింది.
 
 గురువారం కార్యాలయానికి వచ్చిన రాములు కనిపించిన వారినల్లా పింఛన్ కొరకు ప్రాథేయపడ్డాడు.సరైన సమాధానం చెప్పేవారు లేకపోవడంతో సాయంత్రం గ్రామానికి చేరుకుని కనిపించిన వారితో తనకు పింఛన్ రాని విషయాన్ని ఆవేదనగా వెళ్లగక్కాడు. చీకటి పడుతుండగా ఇంటికి చేరుకుని తలుపునకు వస్త్రంతో ఉరేవేసుకున్నాడు. కుటుంబసభ్యులు గమనించి చూడగా అప్పటికే మృతిచెందాడు.
 
 గురువారం రాములు ఎంపీడీఓ వి.సరస్వతిని కలిసి పింఛన్ గురించి అడగ్గా నిర్లక్ష్యంగా సమాధానం చెప్పడంతోనే అతడు ఆత్మహత్య చేసుకున్నాడని గుడిపల్లి ఎంపీటీసీ వి.చంద్రారెడ్డి ఆరోపించారు. ‘‘రాములుకు తక్కువ వయస్సు ఉండడంతోనే పింఛన్ మంజూరు కాలేదని,  ఏ సంఘటన జరిగినా పింఛన్ కారణంగా చెప్పడం సరికాదని’’ ఎంపీడీఓ సరస్వతి అన్నారు. రాములు దరఖాస్తును పరిశీలిస్తే పూర్తి వివరాలు తెలుస్తాయని ఆమె పేర్కొన్నారు.