పద్మనాభం: మండలంలోని పాండ్రంగి పంచాయతీ కురపల్లి చెక్‌ డ్యామ్‌ వద్ద ఆదివారం స్నానానికి దిగిన ఇంటర్‌ విద్యార్థి గల్లంతైనట్టు ఎస్‌ఐ జె.సురేష్‌ తెలిపారు. ఎస్‌ఐ అందించిన వివరాలిలా ఉన్నాయి. పీఎం పాలెం గాయత్రినగర్‌కు చెందిన ఎనిమిది మంది మహిళలు, ఐదుగురు పురుషులు కలిసి ఆదివారం మధ్యాహ్నం 12.30 గంటల సమయంలో ఆటోలో కురపల్లి పిక్నిక్‌కు వచ్చారు. వీరిలో పొన్నగంటి హరి (16)తోపాటు ముగ్గురు చెక్‌ డ్యామ్‌ వద్ద గోస్తనీ నదిలోకి స్నానానికి దిగారు. ఈ క్రమంలో హరి నదిలో గల్లంతయ్యాడు. మిగతా ఇద్దరు ఒడ్డుకు చేరుకుని కుటుంబ సభ్యులకు విషయం చెప్పారు. విషయం తెలుసుకున్న పాండ్రంగి గ్రామానికి చెందిన జాలర్లు, కురపల్లి గ్రామస్తులు నదిలో హరి కోసం సాయంత్రం ఐదు గంటల వరకు గాలించినప్పటికీ ఆచూకీ లభించలేదు. దీనిపై అందిన ఫిర్యాదు మేరకు కేసు నమోదు చేసి దర్యాప్తు చేసినట్టు ఎస్‌ఐ సురేష్‌ తెలిపారు. గాయత్రినగర్‌కు చెందిన పొన్నగంటి అప్పారావు, రమణమ్మ దంపతులకు హరి, ఉదయ్‌ ఇద్దరు కుమారులు సంతానం. వీరిలో రెండోవాడైన హరి మద్దిలపాలెం కృష్ణా కళాశాలలో ఇంటర్‌ చదువుతున్నాడు. ఉదయ్‌ పాలిటెక్నికల్‌ చదువుతున్నాడు. తండ్రి అప్పారావు స్థానిక బీసీ హాస్టల్‌లో హెల్పర్‌గా పని చేస్తున్నాడు. హరి, ఉదయ్‌ చక్కగా చదువుకుని ప్రయోజకులై తమకు అండగా నిలుస్తారని ఆశపడితే, ఇలా గల్లంతయ్యాడని తల్లి రమణమ్మ, గుండెలవిసేలా రోదిస్తున్నారు. ఆమెను ఓదార్చడం ఎవరి తరమూ కాలేదు. ఇది చదవండి: పాదయాత్రగా వెళ్లి.. దుర్మరణం పాలై!

రాజేంద్రనగర్‌: అమ్మా క్షమించు అంటూ ఓ విద్యార్థిని సెల్‌ఫోన్‌కు మెసేజ్‌ చేసి ఇంటి నుంచి బయటకు వెళ్లి కనిపించకుండాపోయిన సంఘటన నార్సింగి పోలీస్‌స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం మంచిరేవుల ప్రాంతానికి చెందిన బుర్రయ్య కూతురు అర్చన(26) డిగ్రీ పాసై వివిధ ఉద్యోగాల పరీక్షలు రాసేందుకు సిద్దమవుతుంది. ఇందులో భాగంగా నగరంలోని ఓ కోచింగ్‌ సెంటర్‌లో శిక్షణ పొందుతుంది. ఈ నెల 19న ఉదయం 11గంటలకు ఇంటి నుంచి కోచింగ్‌కు వెళ్తున్నానని చెప్పి బయలుదేరింది. అనంతరం 11:58 నిమిషాలకు తల్లి సెల్‌ఫోన్‌కు అమ్మా క్షమించు అంటూ మెసేజ్‌ పెట్టి సెల్‌ఫోన్‌ స్విచ్‌ ఆఫ్‌ చేసింది. దీంతో తల్లి విషయాన్ని కుమారుడికి తెలిపింది. శిక్షణ పొందుతున్న కోచింగ్‌ సెంటర్‌కు వెళ్లగా అక్కడికి రాలేదని తేలింది. చూట్టు పక్కల ప్రాంతాలు, బంధువులు, స్నేహితుల వద్ద వాకబు చేసిన ఆచూకీ లభించలేదు. దీంతో శుక్రవారం ఉదయం నార్సింగి పోలీసులకు ఫిర్యాదు చేశారు. కేసు నమోదు చేసిన పోలీసులు దర్యాప్తు ప్రారంభించారు.

పుట్టిన రోజు కావడంతో ఉదయం నుంచి తల్లిదండ్రులతో ఆ యువకుడు ఆనందంగా గడిపాడు. ఆలయాలకు వెళ్లి పూజలు చేశాడు. తరువాత స్నేహితులతో కలిసి విహారయాత్ర కోసం బీచ్‌కు వెళ్లాడు. సాయంత్రం వరకూ అక్కడే సందడి చేశారు. మరికొద్దిసే పట్లో ఇంటికి తిరిగిముఖం పడతారకుంటున్న సమయంలో విషాదం చోటుచేసుకుంది. స్నానం కోసం సముద్రంలో దిగి యువకుడు గల్లంతయ్యాడు. దీంతో తోటి స్నేహితులు ఆందోళనకు గురయ్యారు. ఈ విషయం తెలిసి కన్నవారు గుండెలు పగిలేలా రోదిస్తున్నారు. పొందూరు మండలం నందివాడ గ్రామానికి చెందిన మజ్జి చంద్రమౌళి (17) కళింగపట్నం బీచ్‌లో గల్లంతు కావడంతో స్వగ్రామంలో విషాదం నెలకొంది. శ్రీకాకుళం, గార/పొందూరు:  నందివాడ గ్రామానికి చెందిన మజ్జి వెంకటరమణ, సర్వలక్ష్మి దంపతులకు కుమారుడు చంద్రమౌళి, కుమార్తె భాగ్యలక్ష్మి ఉన్నారు. వెంకటరమణ ఆటో డ్రైవర్‌గా పని చేస్తు కుటుంబాన్ని నెట్టుకొస్తున్నాడు. కుమారుడు చంద్రమౌళి (17) పొందూరు మండలం వావిలాపల్లి ఆదర్శ పాఠశాలలో ఇంటర్‌ (ఎంపీసీ) రెండో ఏడాది చదువుతున్నాడు. బుధవారం కళాశాలకు సెలవు కావడంతో పాటు తన పుట్టినరోజు కలసి రావడంతో ఆనందంగా గడపాలని భావించాడు. మంగళవారమే స్నేహితులతో కలిసి విహార యాత్ర కోసం గార మండలం కళింగపట్నం బీచ్‌కు వెళ్లాలని నిర్ణయిం చకున్నారు. బుధవారం ఉదయం తల్లిదండ్రులు ఆశీస్సులు చంద్రమౌళి తీసుకున్నాడు. అనంతరం 11 మంది స్నేహితులతో కలిసి ఆటోలో కళింగపట్నం బీచ్‌కు బయలుదేరారు. మార్గమధ్యలో ఎచ్చె ర్ల మండలం కుంచాలకుర్మయ్యపేటలోని దేవీ ఆశ్రమానికి వెళ్లి అక్కడ పూజలు చేశారు. అక్కడ నుంచి బీచ్‌కు వెళ్లారు.  స్నేహితులతో కలిసి బీచ్‌లో సందడిగా గడిపారు. సెల్ఫీలు తీసుకొని తల్లి దండ్రులకు చంద్రమౌళి వాట్సాప్‌లో పోస్టు చేశా డు. వాటిని చూసి కన్నవారు మురిసిపోయారు. స్నేహితులకు కూడా ప్రత్యేకంగా డిజైన్‌ చేసిన ఫొటోలను వాట్సాప్‌లో పంపించాడు. సాయంత్రం నాలుగు గంటల వరకూ బీచ్‌లో సందడిగా స్నేహితులంతా గడిపారు. అనంతరం స్నానం చేసేందుకు సముద్రంలో దిగారు. అయితే ఇక్కడే విషాదం నెలకొంది. పుట్టిన రోజును సంతోషంగా జరుపుకుంటున్న చంద్రమౌళిని రాకాసి అల ఉవ్వెత్తిన వచ్చి ఈడ్చుకుపోవడంతో గల్లంతయ్యాడు. దీన్ని చూసి మిగిలిన స్నేహితులు ఆందోళనకు గురయ్యారు. విధుల్లో ఉన్న మెరైన్‌ పోలీసులకు సమాచారం ఇవ్వడంతో గాలింపుచర్యలు చేపట్టా రు. అయినా రాత్రి వరకూ ఎలాంటి ఆచూకీ లేదు.  మెరైన్‌ పోలీసులు వద్దంటున్నా.. బీచ్‌లో స్నానానికి దిగవద్దని విధుల్లో ఉన్న మెరైన్‌ పోలీసులు మైక్‌లో హెచ్చరించారు. అయితే చంద్రమౌళితోపాటు అతని స్నేహితులు వీటిని పట్టించుకోకుండా సముద్రంలోకి దిగారు. వీరిలో చంద్రమౌళి గల్లంతయ్యాడు. పడవలో మెరైన్‌ సీఐ అంబేడ్కర్‌ ఆధ్వర్యంలో పోలీసులు గాలింపు చర్యలు చేపట్టారు. విద్యార్థి చంద్రమౌళి తండ్రి వెంకటరమణ ఇచ్చిన ఫిర్యాదు మేరకు కేసు నమోదు చేశామని గార ఏఎస్సై తలే రామారావు తెలిపారు.

మిస్సోరీ: భారత సంతతి విద్యార్థి హరన్‌ కుమార్‌(17) మిస్సింగ్‌ కేసు విషాదాంతంగా ముగిసింది.  హరన్‌ మృతి చెందినట్లు ముస్సోరీ పోలీసులు శుక్రవారం సాయంత్రం ప్రకటించారు. ‘హరన్‌ చనిపోయాడని ప్రకటిస్తున్నందుకు చింతిస్తున్నాం. అతని కుటుంబం కోసం మీరంతా ప్రార్థించాలని కోరుతున్నాం’ అంటూ చెస్టర్‌ఫీల్డ్‌ పోలీస్‌ విభాగం అధికారికంగా ఓ ట్వీట్‌ చేసింది. సెయింట్‌ లూయిస్‌లో హరన్ కుటుంబం నివసిస్తోంది. గురువారం మధ్యాహ్నం ఇంటి నుంచి తన వాహనంలో వెళ్లిన హరన్‌ తిరిగి రాలేదు. దీంతో కుటుంబ సభ్యులు ఫిర్యాదు చేయగా.. మిస్సింగ్‌ కేసు నమోదు చేసుకున్న చెస్టర్‌ఫీల్డ్‌ పోలీసులు గాలింపు చేపట్టారు. అతను తరచూ వెళ్లే పార్క్‌, ప్రదేశాల్లో వెతికారు. అయినా లాభం లేకుండా పోయింది. బహుశా అతను ఆత్మహత్య చేసుకుని ఉంటాడని భావిస్తున్నట్లు పోలీసులు తొలుత ప్రకటించారు. హర్వర్డ్‌ వెళ్లాల్సిన విద్యార్థి... 17 ఏళ్ల హరన్‌ కుమార్‌ పార్క్‌వే వెస్ట్‌ హైస్కూల్‌లో ఇటీవలె గ్రాడ్యుయేషన్‌ పూర్తి చేశాడు. ఉన్నత చదువుల కోసం హర్వర్డ్‌ యూనివర్సిటీకి వెళ్లాల్సి ఉంది. కంప్యూటర్‌ సైన్స్‌ అండ్‌ హిస్టరీ విభాగాన్ని అతను ఎంచుకున్నాడు. ఇంతలోనే ఇలా విగతజీవిగా మారాడు. హరన్‌ తరచూ డిప్రెషన్‌కి గురయ్యే వాడని స్నేహితులు, బంధువులు చెబుతున్నారు. అయితే హరన్‌ మృతికి గల కారణంపై పోలీసులు ఇంతదాకా స్పష్టత ఇవ్వలేదు. ***MISSING/ SUICIDAL PERSON*** We are attempting to locate Haran Kumar,17 yrs old.He was wearing black or gray shorts, tie dye shirt.He is 5’6” tall,110 lbs, and short black hair. Kumar was last seen at 1:20pm driving his silver Toyota Avalon msl AD6T7X Please call 6365373000 pic.twitter.com/xtUU6uvzij — Chesterfield Police (@ChesterfieldPD) 15 June 2018 In reference to the missing person from yesterday, we are very sad to announce Haran has been found deceased. We ask that you keep his family in your thoughts and in your prayers. Thank you to everyone who helped in the search.*** — Chesterfield Police (@ChesterfieldPD) 16 June 2018


 జైపూర్ (ఆదిలాబాద్ జిల్లా): రెండు రోజుల క్రితం ఆదిలాబాద్ జిల్లా జైపూర్ మండలం దిండా గ్రామ సమీపంలోని వాగులో గల్లంతైన విద్యార్థి శవం ఎట్టకేలకు ఆదివారం లభ్యమైంది. వివరాలు.. దిండా గ్రామానికి చెందిన రామకృష్ణ హైదరాబాద్‌లో ఎంబీఏ చదువుతున్నాడు. కాగా, రెండు రోజుల క్రితం నగరం నుంచి స్వగ్రామానికి వెళ్లాడు. ఈ క్రమంలోనే గ్రామ శివారులో ఉన్న వాగు దాటుతుండగా ప్రమాదవశాత్తు నీటి ఉధృతికి కొట్టుకొనిపోయి గల్లంతయ్యాడు.
 
 కాగా, యువకుడి ఆచూకీ కోసం గ్రామస్తులు రెండు రోజులుగా గాలిస్తున్నారు. ఎట్టకేలకు ఆదివారం గ్రామ సమీపంలోనే వాగులో యువకుడి మృతదేహాన్ని గుర్తించారు. బాధిత కుటుంబాన్ని స్థానిక ఎమ్మెల్యే కోనేరు కోనప్ప పరామర్శించారు.


 ఎల్కతుర్తి : ఆరేళ్ల వయసులో హాస్టల్ నుంచి పారిపోయిన ఓ విద్యార్థి... పదిహేనేళ్లయ్యూక ఇంటిమీద మమకారంతో గురువారం తిరిగి వచ్చాడు. విధి వక్రించి తల్లిదండ్రులు మరణించగా.. ఉన్న ఒక్కగానొక్క తమ్ముడిని కలుసుకుని ప్రేమ ఆప్యాయతలు పంచుకున్న దృశ్యం గ్రామస్తులను కంటతడి పెట్టించింది.
 
 కరీంనగర్ జిల్లా ఎల్కతుర్తి మండల కేంద్రానికి చెందిన రాధ, లింగయ్య దంపతులకు ఇద్దరు కుమారులు. దంపతులిద్దరు పని చేస్తేనే ఇల్లు గడిచేది. పెద్దకొడుకు పున్నంచందర్‌ను చదువు కోసం ఆరేళ్ల వయసులోనే బొల్లికుంట హాస్టల్‌లో చేర్పించారు. చదువుపై శ్రద్ధలేని అతడు మరో విద్యార్థి సహాయంతో పారిపోయాడు. లారీల్లో విజయవాడ చేరుకున్నాడు. అక్కడ అనాథగా తిరుగుతూ దొరికిన చోటల్లా పనిచేశాడు. దువ్వెన్లు, అద్దాలు అమ్ముకుంటూ కాలం వెళ్లదీశాడు.
 
 చిన్ననాటి జ్ఞాపకాలను ఎప్పుడూ తోటివారితో చెప్పుతుండే అతడికి ఇటీవల ఇంటికి వెళ్లాలనే తపన బాగా పెరిగింది. వెంటనే రైలులో కాజీపేట్ వచ్చి అక్కడినుంచి ఓ లారీలో గురువారం ఎల్కతుర్తి చేరుకున్నాడు. పదిహేనేళ్ల తర్వాత ఇంటికి రావడం... నాటి పరిస్థితులు లేకపోవడంతో గ్రామంలో తన తల్లిదండ్రుల గురించి చెప్పాడు. గుర్తించిన కొందరు తల్లి అనారోగ్యంతో 15 ఏళ్ల క్రితమే మరణించగా, తండ్రి మూడేళ్ల క్రితం బిల్డింగ్‌పై నుంచి ప్రమాదవశాత్తు పడి మృతి చెందాడని చెప్పారు.
 
 ఒక తమ్ముడు ఉన్నాడని హోటల్‌లోనే పనిచేస్తున్నాడని చెప్పి నాగరాజును పిలిపించారు. తమ్మున్ని చూసిన ఆనందంలో పున్నంచందర్ అతడిని హత్తుకుని వివరాలు తెలుసుకున్నాడు. తాను తమ్ముడిని విడిచిపెట్టి వెళ్లనని, తమ్ముడితో ఇక్కడే ఉండి కష్టాన్ని ఇద్దరం పంచుకుంటామని చెప్పాడు. ఇన్నాళ్లకు తిరిగి వచ్చి తమ్ముడి ఆప్యాయత పంచుకున్న తీరు చూసిన గ్రామస్తుల కళ్లు చెమ్మగిల్లాయి.