breaking news
Mayookha Movie
-
ఓటీటీలోకి సస్పెన్స్ థ్రిల్లర్.. డోంట్ మిస్
పాయల్ చెంగప్ప, దేవ్ ప్రధాన పాత్రల్లో నటించిన మూవీ ‘మయూఖ’. ఈ సినిమాకు శ్రీ తేజ్ ఎస్కే((శ్రీకాంత్ కండ్రాగుల)) దర్శకత్వం వహించగా.. శశిధర్ నల్ల నిర్మించారు. సస్పెన్స్ అండ్ ఎమోషనల్ థ్రిల్లర్గా తెరకెక్కిన ఈ చిత్రం అక్టోబర్ 9న విడుదలై మిక్స్డ్ టాక్ సంపాదించుకుంది. అయితే ఈ చిత్రం మరోసారి ప్రేక్షకులను పలకరించేందుకు సిద్ధమైంది.నవంబర్ 20 అర్ధరాత్రి 12 గంటల నుంచి అమెజాన్ ప్రైమ్ వీడియోలో తెలుగు వెర్షన్లో స్ట్రీమింగ్ కానుంది. అయితే నవంబర్ 23 నుంచి తెలుగుతో పాటు కన్నడ, తమిళం, హిందీ వెర్షన్లలో అమెజాన్ ప్రైమ్ వీడియో, జియో హాట్స్టార్లలో స్ట్రీమింగ్ కానుంది.కథేంటంటే..మయూఖ (పాయల్ చెంగప్ప) సింగిల్ గా ఉంటూ ఒక బ్యాంకు లో పని చేస్తుంది. ఆమెకు కొంచెం భయం ఎక్కువ. తను ఉండే ఫ్లాట్ లోకి ఒక అపరిచ వ్యక్తి వచ్చి వెళ్తుంటాడు. తనను ఎవరో ఫాలో అవుతున్నారు అని...గదిలోకి వచ్చి వెళ్తున్నారని పోలీసులకి చెప్తే నమ్మరు. ఆధారాలు అడుగుతుంటారు. అదే సమయంలో సిటీలో వరుస హత్యలు జరుగుతుంటాయి. దీంతో అపార్ట్మెంట్లో ఉన్న వాచ్ మెన్ నుంచి ఓనర్ వరకు ప్రతి ఒక్కరిని మయూఖ అనుమానస్తుంది. సీసీ కెమెరాలను పరిశీలిస్తే..తన సహోద్యోగి వచ్చివెళ్లినట్లుగా తెలుస్తుంది. అదే రోజు అతని మయూఖ దగ్గరకు వస్తాడు. గది ముందు నిలబడి కాలింగ్ బెల్ కొట్టగానే..భయంతో డోర్ ఓపెన్ చేస్తుంది. అతను ఇంట్లోకి రాగానే డోర్ లాక్ చేసి పోలీసులకు ఫోన్ చేస్తుంది. వాళ్లు వచ్చి చూసేసరికి అతను చనిపోతాడు. దీంతో మయుఖను పోలీసులు అరెస్ట్ చేస్తారు. విచారణలో ఆమె హత్య చేయలేదని తేలుతుంది. మరి ఆ హత్య చేసిందెవరు? ఎందుకు చేశారు? మయుఖను భయపెడుతున్న అజ్ఞాత వ్యక్తి ఎవరు? నిజంగానే ఆమె గదిలో మరో వ్యక్తి ఉన్నాడా లేడా? చివరకు పోలీసులు ఈ కేసును ఎలా చేధించారు? అనేది తెలియాలంటే సినిమా చూడాల్సిందే.(ఇదీ చదవండి: 'ఆకాశంలో ఒక తార' మూవీ రివ్యూ) -
25 రోజుల గ్రాండ్ సక్సెస్.. ‘మయూఖ’ టీమ్ సంబరాలు
పాయల్ చెంగప్ప ప్రధాన పాత్రలో శ్రీతేజ్ ఎస్.కె. దర్శకత్వంలో తెరకెక్కిన థ్రిల్లర్ మూవీ ‘మయూఖ’ 25 రోజుల విజయవంతమైన ప్రదర్శనను పూర్తి చేసుకుంది. ఈ సందర్భంగా హైదరాబాద్లో చిత్రబృందం గ్రాండ్ సక్సెస్ సెలబ్రేషన్స్ నిర్వహించింది. ఈ కార్యక్రమానికి పొలిటికల్ లీడర్ చిన్న శ్రీశైలం యాదవ్ ముఖ్య అతిథిగా హాజరయ్యారు.(చదవండి: ఓటీటీలో క్రైమ్ థ్రిల్లర్ ‘రుద్రవనం PS’ రివ్యూ..)ఈ సందర్భంగా హీరోయిన్ పాయల్ చెంగప్ప మాట్లాడుతూ.. తెలుగులో తనకు ఇదే తొలి సినిమా అని, కొత్త టీమ్కు ఇంతటి విజయాన్ని అందించిన ప్రేక్షకులకు కృతజ్ఞతలు తెలిపారు. దర్శకుడు శ్రీతేజ్ మాట్లాడుతూ.. చిన్న సినిమాగా మొదలైన ‘మయూఖ’కు ప్రేక్షకులు మంచి విజయాన్ని అందించారని అన్నారు. నిర్మాత శశిధర్ నల్ల మాట్లాడుతూ.. మంచి కంటెంట్, సరైన ప్రణాళిక, కష్టపడే టీమ్ ఉంటే చిన్న సినిమాలు కూడా థియేటర్లలో విజయాలు సాధిస్తాయని పేర్కొన్నారు.ముఖ్య అతిథి చిన్న శ్రీశైలం యాదవ్ మాట్లాడుతూ.. మంచి కంటెంట్ ఉన్న చిన్న చిత్రాలను ప్రేక్షకులు ఎప్పుడూ ఆదరిస్తారని, చిన్న సినిమాలకు తమ మద్దతు ఉంటుందని తెలిపారు. ఈ కార్యక్రమంలో చిత్రబృందం సభ్యులు, పలువురు సినీ ప్రముఖులు, మీడియా ప్రతినిధులు పాల్గొన్నారు. -
‘మయూఖ’మూవీ రివ్యూ
టైటిల్: మయూఖనటీనటులు: పాయల్ చెంగప్ప, దేవ్ డి, మురళీధర్ గౌడ్, లావణ్య రాణి, చరిష్మా దబ్బారా, అమన్ మసూద్ తదితరులునిర్మాత: శశిధర్ నల్లదర్శకుడు: శ్రీ తేజ్ ఎస్కే (శ్రీకాంత్ కండ్రేగుల)సంగీతం: సిబి మాథ్యూ అలెక్స్ఎడిటర్: శరత్ జెవిడుదల తేది: అక్టోబర్ 9, 2026విడుదలకు ముందే న్యూయార్క్ ఫిలిం ఫెస్టివల్లో బెస్ట్ మిస్టరీ మూవీ అవార్డును(థ్రిల్లర్ కేటగిరీలో రెండో ఉత్తమ చిత్రంగా నిలిచింది) అందుకున్న చిత్రం ‘మయూఖ’. సాధారణంగా విడుదలైన తర్వాత సినిమాలకు అవార్డులు రావడం చూస్తుంటాం. కానీ, విడుదలకు ముందే అంతర్జాతీయ వేదికపై గుర్తింపు పొందడం అంటే చిన్న విషయం కాదు. అసలు ఈ సినిమాలో అంత ప్రత్యేకత ఏముంది? ప్రేక్షకులను ఆకట్టుకునే మిస్టరీ ఏంటి? ఈ థ్రిల్లర్ సినిమా తెలుగు ప్రేక్షకులను ఏ మేరకు ఆకట్టుకుంది? రివ్యూలో చూద్దాం.కథేంటంటే..మయూఖ (పాయల్ చెంగప్ప) సింగిల్ గా ఉంటూ ఒక బ్యాంకు లో పని చేస్తుంది. ఆమెకు కొంచెం భయం ఎక్కువ. తను ఉండే ఫ్లాట్ లోకి ఒక అపరిచ వ్యక్తి వచ్చి వెళ్తుంటాడు. తనను ఎవరో ఫాలో అవుతున్నారు అని...గదిలోకి వచ్చి వెళ్తున్నారని పోలీసులకి చెప్తే నమ్మరు. ఆధారాలు అడుగుతుంటారు. అదే సమయంలో సిటీలో వరుస హత్యలు జరుగుతుంటాయి. దీంతో అపార్ట్మెంట్లో ఉన్న వాచ్ మెన్ నుంచి ఓనర్ వరకు ప్రతి ఒక్కరిని మయూఖ అనుమానస్తుంది. సీసీ కెమెరాలను పరిశీలిస్తే..తన సహోద్యోగి వచ్చివెళ్లినట్లుగా తెలుస్తుంది. అదే రోజు అతని మయూఖ దగ్గరకు వస్తాడు. గది ముందు నిలబడి కాలింగ్ బెల్ కొట్టగానే..భయంతో డోర్ ఓపెన్ చేస్తుంది. అతను ఇంట్లోకి రాగానే డోర్ లాక్ చేసి పోలీసులకు ఫోన్ చేస్తుంది. వాళ్లు వచ్చి చూసేసరికి అతను చనిపోతాడు. దీంతో మయుఖను పోలీసులు అరెస్ట్ చేస్తారు. విచారణలో ఆమె హత్య చేయలేదని తేలుతుంది. మరి ఆ హత్య చేసిందెవరు? ఎందుకు చేశారు? మయుఖను భయపెడుతున్న అజ్ఞాత వ్యక్తి ఎవరు? నిజంగానే ఆమె గదిలో మరో వ్యక్తి ఉన్నాడా లేడా? చివరకు పోలీసులు ఈ కేసును ఎలా చేధించారు? అనేది తెలియాలంటే సినిమా చూడాల్సిందే.ఎలా ఉందంటే..మిస్టరీ థ్రిల్లర్ అంటే ప్రేక్షకులను ఉత్కంఠకు గురిచేస్తూ, తర్వాత ఏం జరగబోతోందనే ఆసక్తిని కలిగించాలి. ముఖ్యంగా ట్విస్టులను ముందే ఊహించలేకుండా కథనం సాగాలి. ‘మయూఖ’ కూడా అలాంటి సైకో కిల్లర్ థ్రిల్లర్ చిత్రం.ఇలాంటి నేపథ్యంలో ఇప్పటికే ఎన్నో సినిమాలు వచ్చినప్పటికీ, టాలీవుడ్లో తొలిసారిగా ‘ఫ్రాంగింగ్’ అనే కొత్త పాయింట్ను కథకు ఆధారంగా తీసుకుని దర్శకుడు శ్రీతేజ్ ఈ చిత్రాన్ని రూపొందించారు. ఓ హత్య సీన్తో కథ ప్రారంభం అవుతుంది. ఆ తర్వాత మయుఖ నేపథ్యం..ఆమె గదిలోకి ఓ వ్యక్తి వెళ్లడంతో కథనంపై ఆసక్తి పెరుగుతుంది. అసలు ఆమె గదిలో నిజంగానే ఓ వ్యక్తి వచ్చివెళ్తున్నాడా? లేదా ఆమె ఊహించుకుంటుందా? ఒకవేళ నిజంగానే వస్తే..అతను ఎవరు? అతని లక్ష్యం ఏమై ఉంటుంది? అనే క్యూరియాసిటీ ప్రేక్షకుల్లో పెరుగుతంది. ఫస్టాఫ్ అంతా అసలు ఏం జరుగుతోంది? నిజంగానే అక్కడ ఎవరైనా ఉన్నారా? లేక ఇదంతా మయూఖకు కలుగుతున్న భ్రమేనా? అనే సందేహాలు ప్రేక్షకుల్లో కలుగుతాయి. ఈ ప్రశ్నలకు సమాధానాలు వెతుక్కుంటూనే ప్రేక్షకులు కథలో లీనమవుతారు. సెకండాఫ్లో దర్శకుడు ఒక్కో చిక్కుముడిని విప్పుతూ కథను ముందుకు తీసుకెళ్తాడు. అనుమానాలు ఒక్కొక్కరి మీదకు మళ్లుతూ కథనం ఆసక్తికరంగా సాగుతుంది. చివరి అరగంట సినిమా మరింత ఆసక్తికరంగా సాగుతుంది.అయితే సైకో కిల్లర్ నేపథ్యం తెలియగానే..తర్వాత ఏం జరుగుతందనేది ముందుగానే ఊహించొచ్చు. అయినా కూడా కొన్ని సన్నివేశాలు భయపెడతాయి. ఫస్టాఫ్ని ఇంకాస్త బలంగా రాసుకొని ఉంటే ఫలితం మరోలా ఉండేది. థ్రిల్లర్ చిత్రాలను ఇష్టపడేవారికి ఈ సినిమా నచ్చుతుంది.ఎవరెలా చేశారంటే.. మయూఖ పాత్రలో పాయల్ చెంగప్ప న్యాయం చేసింది. కథ మొత్తం ఆమె పాత్ర చుట్టూనే తిరుగుతంది. బిగ్బాస్ 10 కంటెస్టెంట్ అమన్ ఈ చిత్రంలో ఓ కీలక పాత్రలో కనిపించి మెప్పించాడు. మురళీధర్ గౌడ్, లావణ్య రాణి, చరిష్మా దబ్బారాతో పాటు మిగిలినవారంతా తమ తమ పాత్రల పరిధిమేర చక్కగా నటించారు. సాంకేతికంగా సినిమా బాగుంది. ముఖ్యంగా సిబి మాథ్యూ అలెక్స్ సంగీతం ఈ సినిమాకు ప్రధాన బలం. తనదైన బీజీఎంతో కొన్ని చోట్ల భయపెట్టేశాడు. సినిమాటోగ్రఫీ బాగుంది. ఎడిటింగ్ పర్వాలేదు. నిర్మాణ విలువలు బాగున్నాయి. -
న్యూయార్క్ ఫిలిం ఫెస్టివల్లో అవార్డు.. ఊహించలేదు: డైరెక్టర్ శ్రీ తేజ్ ఎస్.కె
పాయల్ చెంగప్ప ప్రధాన పాత్రలో నటిస్తున్న సినిమా ‘మయూఖ’.. సినిమా బండి ప్రొడక్షన్స్ బ్యానర్ పై పలు ఇంట్రెస్టింగ్ మూవీస్ నిర్మించిన శ్రీకాంత్ కాండ్రేగుల... శ్రీతేజ్ ఎస్.కె. గా స్క్రీన్ నేమ్ మార్చుకుని ఈ చిత్రానికి దర్శకత్వం వహించాడు. ప్రశ్విత ఎంటర్టైన్మెంట్ బ్యానర్ పై శశిధర్ నల్ల నిర్మించిన ఈ మూవీ ఈ నెల 9న ప్రపంచ వ్యాప్తంగా విడుదల కానుంది. ఈ నేపథ్యంలో డైరెక్టర్ శ్రీతేజ్ ఎస్.కే మీడియాతో ముచ్చటించారు. ఆ విశేషాలు..→ ‘మయూఖ’ అంటే ఆశాకిరణం. సినిమా చివరి వరకు చూసిన తర్వాత టైటిల్ను ఎందుకు పెట్టామో ప్రేక్షకులకు అర్థమవుతుంది. నేను రూపొందించిన చివరి షార్ట్ఫిలిం పేరు కూడా ‘మయూఖ’. ఆ షార్ట్ఫిలింను పూర్తి చేయకుండానే అమెరికా వెళ్లాను. ఆ సమయంలో రాజమౌళి గారు ఒక పాపను దత్తత తీసుకుని ఆమెకు మయూఖ అనే పేరు పెట్టారు. ఆ తర్వాత నా ప్రొఫెషనల్ కెరీర్ కొనసాగుతున్న సమయంలో నిర్మాత శశిధర్ నల్లకు ఈ కథ చెప్పాను. కథ ఆయనకు నచ్చడంతో సినిమా చేయడానికి ముందుకొచ్చారు.→ మా ‘మయూఖ’ సినిమాకు ఇటీవల న్యూయార్క్ ఫిలిం ఫెస్టివల్లో బెస్ట్ మిస్టరీ మూవీగా అవార్డు వచ్చింది. థ్రిల్లర్ కేటగిరీలో సెకండ్ బెస్ట్గా నిలిచింది. ఈ అవార్డు వస్తుందని మేము అసలు ఊహించలేదు. మా సినిమా అవార్డుకు ఎంపికైందని తెలిసినప్పుడు టీమ్ అంతా చాలా సంతోషించింది. ప్రస్తుతం ‘మయూఖ’ను కేన్స్ ఫిలిం ఫెస్టివల్కు కూడా అప్లై చేశాం.→ మా ప్రమోషనల్ కంటెంట్ చూస్తే కొరియన్, హాలీవుడ్ సినిమాల తరహా స్టోరీ టెల్లింగ్, కలర్ గ్రేడింగ్ కనిపిస్తుంది. కథను ఒకేసారి చెప్పకుండా కొద్దికొద్దిగా రివీల్ చేస్తూ సెకండాఫ్కు వచ్చే సరికి పీక్స్కు తీసుకెళ్లాం. ప్రస్తుతం ప్రేక్షకులు ఓటీటీల్లో థ్రిల్లర్ వెబ్సిరీస్లు, సినిమాలు విపరీతంగా చూస్తున్నారు. అలాంటి ఆడియెన్స్ను మెప్పించాలంటే కొత్తగా, క్వాలిటీగా ప్రయత్నించాలి. ‘మయూఖ’ విషయంలో మేము అదే చేశాం.→ ఎక్కడో స్మశానంలో దెయ్యాలు ఉన్నాయని చెబితే మనసు ముందుగానే భయానికి సిద్ధమవుతుంది. కానీ మనం ప్రతిరోజూ ఉండే ఇంట్లోకి ఒక అపరిచిత వ్యక్తి వస్తే ఆ భయం మరింత ఎక్కువగా ఉంటుంది. ‘మయూఖ’ హారర్ సినిమా కాదు.. థ్రిల్లర్ మూవీ. హీరోయిన్ ఉండే ఫ్లాట్లోకి ఒక అపరిచిత వ్యక్తి ఎందుకు వచ్చాడు? అతను ఏం చేశాడు? హీరోయిన్ పాత్రతో అతనికి ఉన్న సంబంధం ఏమిటి? అనే అంశాల చుట్టూ కథ ఆసక్తికరంగా సాగుతుంది.→ ఇలాంటి థ్రిల్లర్స్ గతంలో వచ్చినప్పటికీ ‘మయూఖ’లో స్క్రీన్ప్లే, కథను ప్రజెంట్ చేసిన విధానం కొత్తగా ఉంటుంది. అదే మా సినిమాకు ప్రత్యేకత. ప్రెజెంటేషన్ కొత్తగా ఉండటం వల్లే న్యూయార్క్ ఫిలిం ఫెస్టివల్లో అవార్డు దక్కిందని భావిస్తున్నాం.→ ఈ కథను మొదట నటి మహేశ్వరి (గులాబీ ఫేమ్)కు చెప్పాం. ఆమెకు మేము చెప్పిన రెండు కథలు నచ్చాయి. అయితే మరో కథను ఆమె ఎంచుకున్నారు. ఆ తర్వాత ‘మయూఖ’ పాత్రకు పాయల్ చెంగప్ప అయితే బాగా సరిపోతుందని అనిపించింది.→ పాయల్ కన్నడలో మంచి ఎంటర్టైనింగ్ సినిమాలు చేశారు. ఆమె చేసిన వెబ్సిరీస్ల ద్వారా ఇప్పటికే తెలుగు ప్రేక్షకులకు కూడా చేరువయ్యారు. ఈ సినిమాలో ఆమె పాత్రను ప్రేక్షకులు బాగా రిలేట్ చేసుకుంటారు. ఆమె క్యారెక్టర్ ఎదుర్కొనే స్ట్రగుల్స్కు స్పందిస్తారని నమ్మాం. మయూఖగా పాయల్ అద్భుతంగా నటించారు. ఈ సినిమాతో ఆమె నటనకు మంచి గుర్తింపు వస్తుందని భావిస్తున్నాను.→ ఒక సినిమా హిట్ అయితే అదే జానర్లో వరుసగా సినిమాలు వస్తుంటాయి. మనం ఆ జానర్లో సినిమా చేసేలోపు ట్రెండ్ మారిపోయే అవకాశం ఉంటుంది. అందుకే లవ్, ఫ్యామిలీ ఎంటర్టైనర్ చేయగలిగినా.. కొత్తగా ఏదైనా ప్రయత్నిద్దామనే ఉద్దేశంతో ‘మయూఖ’ను రూపొందించాను.→ తదుపరి నా దర్శకత్వంలో ఒక ఎమోషనల్ సైన్స్ ఫిక్షన్ మూవీ చేయబోతున్నాను. అది క్లీన్ యు సర్టిఫికెట్ పొందేలా ఉండే సినిమా. ‘ -
'మయూఖ' సినిమా ట్రైలర్ ఆవిష్కరణ (ఫొటోలు)
-
టాలీవుడ్ సస్పెన్స్ థ్రిల్లర్ మూవీ.. ట్రైలర్ రిలీజ్
పాయల్ చెంగప్ప, దేవ్ ప్రధాన పాత్రల్లో వస్తోన్న మూవీ మయూఖ. ఈ సినిమాకు శ్రీ తేజ్ ఎస్కే((శ్రీకాంత్ కండ్రాగుల)) దర్శకత్వం వహిస్తున్నారు. ఈ మూవీని శశిధర్ నల్ల నిర్మిస్తున్నారు. ఈ చిత్రాన్ని సస్పెన్స్ అండ్ ఎమోషనల్ థ్రిల్లర్గా తెరకెక్కిస్తున్నారు. తాజాగా ఈ మూవీకి సంబంధించి ట్రైలర్ రిలీజ్ చేశారు మేకర్స్. తాజాగా విడుదలైన మయూఖ ట్రైలర్ చూస్తుంటే సస్పెన్స్ థ్రిల్లర్గా తెరకెక్కించినట్లు తెలుస్తోంది. ఈ కథ మొత్తం మిస్టరీ హత్యల చుట్టు తిరిగే కోణంలో ఉన్నట్లు ట్రైలర్లో అర్థమవుతోంది. ఈ మూవీ హారర్ అండ్ సస్పెన్స్ థ్రిల్లర్గా రూపొందించారు. ట్రైలర్లో హారర్ సీన్స్ ఆడియన్స్లో ఆసక్తి మరింత పెంచుతున్నాయి. ఈ చిత్రంలో మురళీధర్ గౌడ్, లావణ్య రాణి, చరిష్మా దబ్బారా, అమన్ మసూద్ కీలక పాత్రలు పోషిస్తున్నారు. ఈ సినిమాకు మాథ్యూ అలెక్స్ సంగీతమందిస్తున్నారు.


