ఇటీవలే మంత్ ఆఫ్ మధు చిత్రంతో ప్రేక్షకులను అలరించారు మంజుల ఘట్టమనేని. నటిగా, నిర్మాతగా టాలీవుడ్‌లో తనకంటూ ప్రత్యేక గుర్తింపు తెచ్చుకున్నారు. ఇవాళ బర్త్ డే జరుకుంటున్న మంజుల తన తండ్రి, సూపర్ స్టార్ కృష్ణను తలుచుకుంటూ ఎమోషనల్ పోస్ట్ చేశారు.  గతేడాది తండ్రితో కలిసి పుట్టిన రోజు జరుపుకున్న ఫోటోలను తన ఇన్‌స్టాలో పంచుకున్నారు.  ఆమె తన ఇన్‌స్టాలో రాస్తూ..' ప్రతి పుట్టిన రోజుకు మా నాన్న ఎప్పుడు నా పక్కనే ఉండేవారు. తొలిసారి ఆయన లేకుండా నా బర్త్ డే జరుగుతోంది. ఈ ఫోటోల్లోని క్షణాలు నా జీవితంలో మధుర జ్ఞాపకాలు. నాన్నతో ఉన్న ఈ క్షణాలు నా జీవితాంతం గుర్తుంటాయి.' అంటూ ఎమోషనలైంది. ఈ ఫోటోల్లో కృష్ణతో పాటు మహేశ్ బాబు, నమ్రత, ఆమె భర్త సంజయ్ స్వరూప్ కూడా ఉన్నారు.  కాగా..  గతేడాది సూపర్ స్టార్ కృష్ణ కన్నుమూసిన సంగతి తెలిసిందే. ఘట్టమనేని ఫ్యామిలీలో వరుస విషాదాలు చోటు చేసుకున్నాయి. మహేశ్ బ్రదర్ రమేష్ బాబు, ఇందిరమ్మ కూడా గతేడాదిలోనే కన్నుమూశారు. View this post on Instagram A post shared by Manjula Ghattamaneni (@manjulaghattamaneni)

స్టార్ హీరోల కుటుంబాల నుంచి అబ్బాయిలు క‌థానాయ‌కుడిగా వెండితెర‌పై రంగ‌ప్ర‌వేశం చేస్తుంటారు. అమ్మాయిలు చాలా అరుదుగా వెండితెర‌పై మెరుస్తుంటారు. అయితే సూప‌ర్ స్టార్ కృష్ణ రెండో కూతురు మంజుల బాల‌న‌టిగా న‌టించ‌డ‌మే కాకుండా త‌ర్వాతి క్ర‌మంలో నిర్మాత‌గా, ద‌ర్శ‌కురాలిగా కొన‌సాగింది. శ‌భాష్ గోపి సినిమాలో హీరోయిన్‌గా న‌టించిన మంజుల మ‌ల‌యాళంలో స‌మ్మ‌ర్ ఇన్ బెత్లెహామ్‌,  త‌మిళంలో రాజ‌స్థాన్ మూవీలో న‌టించింది. త‌ర్వాత షో సినిమాతో నిర్మాత‌గా మారింది. మ‌హేశ్‌బాబు నాని, పోకిరి, ఏ మాయ చేశావె సినిమాల నిర్మాణంలో పాలుపంచుకుంది. మ‌న‌సుకు న‌చ్చింది చిత్రంతో డైరెక్ట‌ర్‌గానూ మారింది. ఈ మ‌ధ్యే విడుద‌లైన‌ మంత్ ఆఫ్ మ‌ధు సినిమాలోనూ క‌నిపించింది. పూజ‌తోనే రోజు ప్రారంభం తాజాగా ఈ టాలెంటెడ్ న‌టి, నిర్మాత‌ త‌న యూట్యూబ్ ఛాన‌ల్‌లో హోంటూర్ వీడియోను షేర్ చేసింది. ఈ వీడియోలో మంజుల‌ మాట్లాడుతూ.. 'నేను హోంటూర్ చేస్తున్నాను. మా ఇల్లు చాలా సింపుల్‌గా ఉంటుంది. మ‌రీ ఎక్కువ ఎక్స్‌పెక్ట్ చేయొద్దు' అంటూ త‌న ఇంటిని చూపించింది. దేవుడి పూజ‌తోనే రోజును ప్రారంభిస్తాను అంటూ మొద‌ట పూజ‌గ‌దిని చూపించింది. లివింగ్ ఏరియా, డైనింగ్ రూమ్‌, కిచెన్ గ‌దులను చూపించింది. త‌న కూతురి కోసం చిన్న‌ప్ప‌టి నుంచి కొన్న బొమ్మ‌లు, ఆట‌వ‌స్తువులు అన్నింటినీ చిన్న‌పాటి గ‌దిలో అందంగా అమ‌ర్చింది. ఇంట్లో ఆఫీస్ రూమ్ & బార్‌ అంద‌రూ క‌లిసి క‌బుర్లాడుకునేందుకు ఒక ఫ్యామిలీ రూమ్ కూడా ఉంది. అలాగే కాఫీ బార్‌ను చూపిస్తూ అది త‌న భ‌ర్త‌కు ఎంతో ఇష్ట‌మ‌ని పేర్కొంది. ఇంట్లో ఉన్న పెయింటింగ్స్‌ను చూపిస్తూ దాని ప్ర‌త్యేక‌త‌లు కూడా చెప్పుకొచ్చింది. ఇక ఇంట్లోనే ఆఫీస్ రూమ్ ఏర్పాటు చేసుకుంది మంజుల‌. త‌న‌కు పుస్త‌కాలు చ‌ద‌వ‌డం అంటే ఎంతో ఇష్ట‌మని వీలైతే మీరు కూడా చ‌ద‌వండి అని అభిమానుల‌కు స‌ల‌హా ఇచ్చింది. ఇంట్లో ఆరు బాల్క‌నీలు ప్ర‌కృతితో మ‌మేకం అవ‌డం అంటే చాలా ఇష్ట‌మ‌ని, అందుకే త‌న ఇంటికి ఆరు బాల్క‌నీలు ఉన్నాయంది. ఒక బాల్క‌నీలో డైనింగ్ టేబుల్ ఉండ‌గా కొన్నిసార్లు అక్క‌డే రాత్రిపూట భోజ‌నం చేస్తామంది. పెర‌ట్లో చాలా ర‌కాల చెట్లున్నాయంది. జిమ్ ఏరియాలో టేబుల్ టెన్నిస్ కూడా ఏర్పాటు చేసింది. ఇంటిపై భాగంలోనూ చిన్నపాటి గార్డెన్ ఏర్పాటు చేసింది.. మంజుల చెప్పిన‌ట్లుగానే త‌న ఇల్లు చాలా సింపుల్‌గా అలాగే ఎంతో అందంగా ఉంది. చ‌ద‌వండి: అప్పటిలా లేను.. చాలా మారిపోయా: అనసూయ

సూపర్‌ స్టార్ కృష్ణ మరణం వారి కుటుంబంతో పాటు అభిమానుల్లో విషాదాన్ని నింపింది. ఇవాళ ఆ నటశేఖరుని పెద్ద కర్మ కార్యక్రమం హైదరాబాద్‌లోని జేఆర్సీ, ఎన్‌ కన్వెన్షన్స్‌లో నిర్వహించారు. ఈ కార్యక్రమంలో కృష్ణ కుటుంబసభ్యులతో పాటు వేలాది మంది అభిమానులు హాజరయ్యారు. ఈ సందర్భంగా సూపర్ స్టార్ కృష్ణ కుమార్తె మంజుల ఘట్టమనేని నాన్నను గుర్తు చేసుకున్నారు. (చదవండి: నాన్న ఎన్నో ఇచ్చారు.. వాటిలో నాకు అదే గొప్పది : మహేశ్‌ బాబు) కృష్ణను తలుచుకుంటూ ఎమోషనల్ ట్వీట్ చేశారు. ట్వీట్‌లో రాస్తూ.. 'మీరు మమ్మల్ని వదిలివెళ్లినా.. మీరు ఇచ్చిన గొప్ప వారసత్వం రూపంలో ఇంకా జీవించే ఉన్నారు. మేము ఎప్పటికీ ప్రేమిస్తునే ఉంటాం నాన్నా' అంటూ పోస్ట్ చేశారు. సూపర్‌ స్టార్‌ కృష్ణ కార్యక్రమానికి సినీ, రాజకీయ ప్రముఖులతో పాటు రెండు రాష్ట్రాల నుంచి భారీగా అభిమానులు తరలివచ్చారు.  You continue to live through the rich legacy you left behind. We love you forever Nana ❤️❤️❤️ pic.twitter.com/Mjw7fdcQ3d — Manjula Ghattamaneni (@ManjulaOfficial) November 27, 2022

కొద్ది రోజుల సూపర్ స్టార్ కృష్ణ కన్నుమూసిన సంగతి తెలిసిందే. సూపర్‌స్టార్‌  కృష్ణ సతీమణి, మహేశ్‌బాబు తల్లి ఘట్టమనేని ఇందిరా దేవి కన్నుమూశారు. ఈ ఏడాదిలోనే కృష్ణ పెద్ద కుమారుడు రమేశ్‌ బాబు కూడా మరణించారు. మహేశ్ బాబుకు ఈ ఏడాది తీవ్ర విషాదాన్ని మిగిల్చింది. టాలీవుడ్ చిత్రసీమ మొత్తం కదలివచ్చి సూపర్‌స్టార్‌కు నివాళులర్పించింది. ఇందిరా దేవికి ర‌మేష్ బాబు, మహేష్ బాబు, ప‌ద్మావ‌తి, మంజుల, ప్రియదర్శిని ఐదుగురు సంతానం. తాజాగా ఇవాళ సూపర్ స్టార్ కృష్ణ, ఇందిరా దేవి పెళ్లిరోజు సందర్భంగా మంజుల ఎమోషనల్ పోస్ట్ చేసింది. (చదవండి: నాన్న.. నువ్వు ప్రపంచానికే సూపర్ స్టార్.. మంజుల ఎమోషనల్ ట్వీట్) మంజుల తన ఇన్‌స్టాలో రాస్తూ..' వారి వివాహబంధం స్వర్గంలో కొనసాగేంత గొప్ప బంధం. అమ్మ వెళ్లిన తర్వాత నాన్న చాలా మిస్  అయ్యారని నేను అనుకుంటున్నా. అందుకేనేమో మమ్మల్ని విడిచి అమ్మ వద్దకే చేరాడు. నిజంగా  వారు ఆత్మలు కూడా సహచరులేనేమో. వారి 60 ఏళ్ల వివాహబంధానికి మేం ఐదుగురు పిల్లలం. ఇలాంటి ఉన్నతమైన వ్యక్తులు నా తల్లిదండ్రులు కావడం నిజంగా అదృష్టం. వారి ప్రేమ మాకు ఎల్లప్పుడు అండగా ఉంటుంది. వారిలో కనీసం 10 శాతమైన స్వచ్ఛంగా మారడమే వారికిచ్చే ఉత్తమ బహుమతి అని నేను భావిస్తున్నా.' అంటూ ఎమోషనల్ అయ్యారు మంజుల. అమ్మా, నాన్నకు వివాహ వార్షికోత్సవ శుభాకాంక్షలు తెలుపుతూ వారితో కలిసి ఉన్న ఫోటో సోషల్ మీడియాలో షేర్ చేశారు .  View this post on Instagram A post shared by Manjula Ghattamaneni (@manjulaghattamaneni)

తండ్రిని తలచకుంటూ కృష్ణ కూతురు మంజుల ఘట్టమనేని ఎమోషనల్‌ పోస్ట్‌ చేసింది.‘ప్రియమైన నాన్న.. మీరు మాకు, ఈ ప్రపంచానికి సూపర్‌స్టార్‌వి. ఇంట్లో ఎప్పుడూ సాదాసీదా తండ్రిలాగే వ్యవహరించేవాడివి. ఎలా జీవించాలో మీరు మాకు ఎప్పుడూ ఉపన్యాసాలు ఇవ్వలేదు. మీరు మీ చర్యల ద్వారా మాకు బోధించారు. మీ సరళత, సౌమ్యత, వివేకం, క్రమశిక్షణ, సమయపాలన మరియు దాతృత్వం .. అసమానమైనవి. సినిమాకి, మీ వారసత్వానికి చేసిన సేవలు ఎప్పటికీ బతికే ఉంటాయి. నువ్వే నా బలం, నువ్వే నాకు వెన్నెముక, నువ్వే నా హీరో. నీ ప్రేమ అంతులేని సముద్రం. మాకు అవసరమని మాకు తెలియనప్పుడు కూడా మీరు మాకు కావాల్సినవన్నీ ఇచ్చారు.ఇప్పటికే నిన్ను చాలా మిస్ అవుతున్నాను.  ప్రతి రోజు ఉదయం 11 గంటల పోన్‌ కాల్స్‌, సంభాషణలను కోల్పోతున్నాను. మీరు లేని లోటు ఎప్పటికీ పూడ్చలేనిది. ఎప్పటికి ప్రేమిస్తూనే ఉంటాను నాన్న’అని తన ఇన్‌స్టా ఖాతాలో మంజుల రాసుకొచ్చింది. కాగా, గతకొంత కాలంగా అనారోగ్యంతో బాధపడుతున్న కృష్ణ మంగళవారం తెల్లవారుజామున మరణించిన సంగతి తెలిసిందే. బుధవారం సాయంత్రం ఆయన అంత్యక్రియలు జరగనున్నాయి.  View this post on Instagram A post shared by Manjula Ghattamaneni (@manjulaghattamaneni)

సూపర్‌ స్టార్ కృష్ణ మరణం పట్ల ఆయన కూతురు మహేశ్‌ సోదరి మంజుల ఘట్టమనేని తీవ్ర దిగ్భ్రాంతి వ్యక్తం చేశారు. నాన్నను తలుచుకుని ఎమోషనల్ అయ్యారు మంజుల. మీరు టాలీవుడ్‌కు మాత్రమే కాదు.. ప్రపంచానికే సూపర్ స్టార్ అంటూ కొనియాడారు. మా పట్ల మీరు చూపించిన ప్రేమానురాగాలు చిరకాలం మాతోనే ఉంటాయని నాన్నతో ఉన్న క్షణాలను గుర్తు చేసుకున్నారు. తండ్రి మరణాన్ని తలుచుకుంటూ ఎమోషనల్ ట్వీట్ చేశారు. (చదవండి: గచ్చిబౌలి స్టేడియానికి కృష్ణ పార్థివదేహం.. ఎందుకు తరలించలేదంటే?) ట్విటర్‌లో మంజుల రాస్తూ.. ' నాన్నా. మీరు ప్రపంచానికే సూపర్ స్టార్. మా కోసం మీరు చూపించిన ప్రేమ చిరకాలం మాతోనే ఉంటుంది. ఏది ఏమైనా మీరే నా జీవితానికి సూపర్ ‍స్టార్. చిత్రసీమకు మీరు చేసిన సేవలు చరిత్రలో నిలిచిపోతాయి. ఇప్పటికే నిన్ను చాలా మిస్‌ అవుతున్నా. లవ్‌ యూ నాన్న.' ఎమోషనల్ పోస్ట్ చేసింది.      Dearest Nana, You are a superstar to the world and for us, at home, you are a loving, simple father who is always there for us, no matter what.Your legacy and immense contribution to cinema continue to live forever. I already miss you terribly. Love you forever Nana ❤ pic.twitter.com/xJ3G8L7iGH — Manjula Ghattamaneni (@ManjulaOfficial) November 15, 2022

సూపర్ స్టార్ మహేష్ బాబు సతీమణి నమ్రత శిరోద్కర్‌ గురించి ప్రత్యేకంగా పరిచయం చేయాల్సిన పనిలేదు. 1993లో మిస్‌ ఇండియా టైటిల్‌ గెలుచుకున్న ఆమె ‘జబ్ ప్యార్ కిసీసే హోతాహై’ అనే సినిమాతో హీరోయిన్ గా ఎంట్రీ ఇచ్చింది. ఆ తర్వాత వచ్చిన వాస్తవ్ మూవీ నమ్రత కెరీర్లో తొలి హిట్ సినిమా. దీని తర్వాత నమ్రతకు అవకాశాలు క్యూ కట్టాయి. అలా దాదాపు 20కి పైగా బాలీవుడ్ చిత్రాల్లో నటించింది. ఇక తెలుగులో ఆమె నటించిన తొలి సినిమా వంశీ. ఈ సినిమా షూటింగ్‌ టైంలోనే మహేశ్‌తో ఏర్పడిన పరిచయం కాస్త ప్రేమగా మారింది. అలా పెద్దల అంగీకారంతో 2005, ఫిబ్రవరి 10న ముంబైలో వీరు వివాహ బంధంతో ఒక్కటయ్యారు.అయితే వీరి పెళ్లి జరగడానికి మహేశ్‌ సోదరి మంజుల ముఖ్య పాత్ర వహించారట. గతంలో ఓ ఇంటర్వ్యూలో ఆమె మాట్లాడుతూ మంజలతో తనకున్న రిలేషన్‌ను షేర్‌ చేసుకున్నారు. చదవండి: నమ్రతను ఒప్పుకోని మహేశ్‌ ఫ్యామిలీ.. అప్పుడు ఏం చేశారంటే.. 'ఓ పార్టీలో అనుకోకుండా మంజులను కలిశాను. అప్పుడు నేను మహేశ్‌ను ప్రేమిస్తున్నట్లు ఆమెకు తెలియదు. ఆ తర్వాత ఒక ఫ్యామిలీ అయ్యాం. తను నా బెస్ట్‌ఫ్రెండ్‌. అంతేకాదు. మేమిద్దరం ఒకేసారి ప్రెగ్నెన్సీని ధరించడం యాధృచ్చికంగా జరిగింది. నిజానికి మంజులకు పిల్లలను కనడం మొదట్లో ఇష్టమే లేదు. కానీ ఇప్పుడో కూతురు. తల్లిగా ఆమె ఎంతో ఆనందిస్తుంది' అంటూ చెప్పుకొచ్చింది. ఇక పెళ్లి తర్వాత సినిమాలకు గుడ్‌బై చెప్పినందుకు తనకెలాంటి బాధ లేదని, స్తుతం తన ఫ్యామిలీని చూసుకోవడంలో బిజీగా ఉన్నానంటూ తెలిపారు. అందుకే ప్రస్తుతానికి సినిమాలు చేసే ఆలోచన లేదు అంటూ చెప్పుకొచ్చింది. చదవండి: అందుకే సావిత్రిపై కృష్ణకుమారికి కోపం..చనిపోయినా వెళ్లలేదు!

సూపర్‌ స్టార్‌ కృష్ణ గురించి ప్రత్యేకంగా పరిచయం అక్కర్లేదు. అంత పెద్ద స్టార్‌ అయినప్పటికీ కృష్ణ బయటకు మాత్రం చాలా సింపుల్‌గా ఉంటారు. అందుకే ఆయనను నటుడిగానే కాదు పర్సనల్‌గా కూడా చాలా మంది ఇష్టపడుతుంటారు. ఆ సింప్లిసిటీ ఆయనలో మాత్రమే కాదు, ఇంటిని కూడా అన్ని సౌకర్యాలతో చాలా సింపుల్‌గా నిర్మించుకున్నారు కృష్ణ. ఇటీవల కృష్ణ హోంటూర్‌ వీడియో ప్రోమోను ఆయన కూతురు మంజుల ఘట్టమనేని తన యూట్యూబ్‌ ఛానల్‌లో రిలీజ్‌ చేసిన సంగతి తెలిసిందే. తాజాగా ఆమె ఫుల్‌ వీడియోను వదిలారు ఆమె. ఎప్పుడూ బిజీ బిజీగా ఉండే హైదరాబాద్‌ నగరంలో ఎవరూ ఊహించని రీతిలో కృష్ణ ఇల్లు ఉండటం అందరినీ ఆశ్చర్యపరుస్తోంది. చూట్టూ ఆకుపచ్చని చెట్లు, పక్షుల కిలకిల రాగాలు, రకరకాల పూలు, పండ్ల తోటలతో పూర్తి ప్రకృతమయంగా ఇంటిని నిర్మించుకున్నారు కృష్ణ. ఇంట్లో అడుగడుగునా ఆయన అభిరుచి కళ్లకు కట్టినట్లు కనిపిస్తోంది. ఇంట్లోకి అడుగుపెట్టగానే పచ్చని వనం, మధ్యలో కృష్ణుడి విగ్రహం.. వాటర్‌ ఫౌంటెన్‌ దాని చుట్టూ గులాబీ చెట్లు.. కొబ్బరి చెట్లు, పెరటిలో తులసి, ఆ పక్కనే విజయ నిర్మల గారి విగ్రహం ఇలా ఆహ్లాద వాతావరణాన్ని తలపిస్తోంది. భాగ్య నగరంలో ప్రశాంత వాతావరణాన్ని కలిగించేలా కట్టుకున్న ఇల్లును చూసి ఫిదా అవుతున్నారంతా. మరో విశేషం ఏంటంటే ఇంటి వెనకాలే మామిడి తోట.. ఆకుకూరలు, కూరగాయల చెట్లు కూడా ఉన్నాయి. ఇక కుటుంబమంతా కలిసి సరదాగా గడిపేందుకు గార్డెన్‌లో, ఇంట్లో స్పెషల్‌ సిట్టింగ్‌ అరేంజ్‌మెంట్స్‌, ఇంటి లోపల హోం థియేటర్‌, స్మిమ్మింగ్‌ ఫూల్‌, ఇంట్లోనే పార్టీ చేసుకునేందుకు అన్ని హంగులతో నిర్మించుకున్న హాల్‌, పిల్లల కోసం ప్లేయింగ్‌ రూమ్స్‌ అన్నీ చక్కగా అమర్చి ఉండటంతో ఇది ఇంద్రభవనాన్ని తలపిస్తోంది. లివింగ్‌ రూంలో ఎక్కడ చూసినా విజయ నిర్మల ఫొటోలు, విగ్రహాలు.. బంగారంతో చేయించిన ఆమె కాళ్లు.. కృష్ణ గెలుచుకున్న పతకాలు ఇలా ఎన్నింటినో చూపిస్తూ ఆసక్తికర అంశాలను షేర్‌ చేశారు మంజుల. లివింగ్‌ రూం వరకే చూపించి మొదటి అంతస్తులో నాన్న ఉంటారని, ప్రస్తుతం అక్కడికి నో ఎంట్రీ అని చెప్పారామె. కుదిరితే భవిష్యత్తులో చూపిస్తానన్నారు. మొత్తానికి ఆయన ఇంటిని చూస్తుంటే ఓ సుందరవనాన్ని తలపిస్తోంది. ప్రకృతిమయమైన రిసార్టును చూస్తున్న భావన కలుగుతోంది. ఇలా ఎన్నో విశేషాలతో ఆయన ఇల్లు చాలా ప్రత్యేకతను సంతరించుకుంది.

ఈ మధ్యకాలంలో సెలబ్రిటీ హోంటూర్స్‌ బాగా పాపులర్‌ అయ్యాయి. ఇప్పటికే మంచు లక్ష్మీ, కమెడియన్‌ అలీ,కృష్ణం​ రాజు వంటి ప్రముఖుల హోంటూర్స్‌ నెట్టింట ఎంత వైరల్‌ అయ్యాయో ప్రత్యేకంగా చెప్పనక్కర్లేదు. ఇప్పుడు మరో సెలబ్రిటీ హోంటూర్‌ కూడా వచ్చేసింది. ప్రముఖ నటుడు, సూపర్‌ స్టార్‌ కృష్ణ హోంటూర్‌ వీడియో ప్రస్తుతం నెట్టింట సందడి చేస్తుంది. ఆయన కుమార్తె మంజుల ఘట్టమనేని స్వయంగా తన యూట్యూబ్‌ చానెల్‌లో హోంటూర్‌కు సంబంధించిన ప్రోమో వీడియోను రిలీజ్‌ చేసింది. సకల సైకర్యాలతో అందమైన హంగులతో ఇంద్రభవనాన్ని తలపిస్తున్నట్లు ప్రోమోను చూస్తే అర్థమవుతుంది. విజయ నిర్మల విగ్రహం ఇందులో స్పెషల్‌ అట్రాక్షన్‌గా నిలిచింది. త్వరలోనే ఈ ఇంటికి సంబంధించిన పూర్తి వీడియో రానుంది. 

Special Interview With My Super Star Nanna Promo: సూపర్‌ స్టార్‌ కృష్ణ క్రేజ్‌ గురించి ప్రత్యేకంగా చేప్పనక్కర్లేదు. తెలుగు చిత్ర పరిశ్రమలో సరికొత్త ప్రయోగాలకు నిర్వచనం సూపర్‌ స్టార్‌ కృష్ణ అనేంతగా ఆయన గుర్తింపు పొందారు. జేమ్స్‌ బాండ్‌ వంటి హాలీవుడ్‌ తరహా పాత్రలను టాలీవుడ్‌కు పరిచయం చేసి హిట్‌ కొట్టిన తొలి హీరో. విభిన్న పాత్రలు, కథలతో ప్రేక్షకులు, అభిమానులను ఎంతగానో అలరించిన నిర్మాతగా, దర్శకుడిగా సైతం రాణించి ఎందరో ఆర్టిస్ట్‌లకు దేవుడిగా మారారు. ప్రస్తుతం ఆయన వయసురీత్యా సినిమాలకు దూరమయ్యారు. కనీసం బయట కాలు కూడా పెట్టకుండ ఇంటికే పరిమితం అయ్యారు. చదవండి: చరణ్‌ కోసం 264 కిమీ నడిచిన ఫ్యాన్‌, అతడిని కలిసి మురిసిపోయిన మెగా హీరో ఫ్యామిలీ ఫంక్షన్స్‌ అయితే తప్పా ఆయన మీడియా ముందుకు రారు. ఈ క్రమంలో మరో రెండు రోజుల్లో కృష్ణ బర్త్‌డే రానుంది. మే 31న ఆయన పుట్టిన రోజు సందర్భంగా కృష్ణ పెద్ద కూతురు మంజుల ఘట్టమనేని సూపర్ స్టార్‌ ఫ్యాన్స్‌కు సర్‌ప్రైజ్‌ ప్లాన్‌ చేసింది. కాగా మంజులకు సొంతంగా ఓ యూట్యూబ్‌ చానల్‌ ఉన్న విషయం తెలిసిందే. ఈ నేపథ్యంలో కృష్ణ సినీ కెరీర్‌, వ్యక్తిగత విషయాలపై స్పెషల్‌ ఇంటర్య్వూ విత్‌ మై సూపర్‌స్టార్‌ నాన్న పేరుతో తండ్రిని ఇంటర్య్వూ చేసింది.  తాజాగా ఈ స్పెషల్‌ ఇంటర్య్వూకు సంబంధించిన ప్రోమోను ఆమె రిలీజ్ చేసింది. ఇందులో మంజుల.. కృష్ణ హీరో ఎలా అయ్యారు, ఆయన సినీరంగం ప్రవేశం ఎలా జరిగింది, మహేశ్‌ను సినిమాల్లోకి ఎలా తీసుకువచ్చారు వంటి ఆసక్తికర విషయాలపై తండ్రితో చర్చించింది. చదవండి: ఓటీటీకి ‘సర్కారు వారి పాట’, అంతకు ముందే స్ట్రీమింగ్‌? ఈ క్రమంలో మహేశ్‌ను చిన్నప్పడే సూపర్‌ స్టార్‌ చేశారు.. ఇది ప్లాన్డ్‌గా జరిగిందా? అనుకోకుండా జరిగిపోయిందా? అని అడగ్గా.. ఇది అనుకొకుండ జరిగిందని ఆయన సమాధానం ఇచ్చారు. ‘ఓ రోజు షూటింగ్‌ చూస్తానని స్టూడియోకు వచ్చాడు. షూటింగ్‌ జరుగుతుంటే దూరం నుంచి చూస్తు అలా నిలబడ్డాడు. దగ్గరి పిలిచి ఒకసారి యాక్ట్‌ చేయమని అడిగితే లేదు నేను చేయను చేయను అంటూ స్టూడియో అంతా పరిగెత్తించాడు’ అంటూ కృష్ణ చెబుతూ మురిసిపోయారు. అనంతరం మహేశ్‌తో కలిసి పోకిరి,దూకుడు చూశానని, అవి రెండు సినిమాలు లాండ్‌ మార్క్‌ అయ్యాయని’ కృష్ణ అన్నారు. ఇలా తనయుడు మహేశ్‌ బాబు గురించి, తన గురించిన ఎన్నో ఆసక్తికర విషయాలపై చర్చించిన కృష్ణ పూర్తి ఇంటర్య్వూ చూడాలంటే మే 31 వరకు ఆగాల్సిందే.  

సూపర్‌ స్టార్‌ మహేశ్‌బాబు సోదరి మంజుల ఘట్టమనేని.. సిల్కర్‌ స్క్రీన్‌పై మరోసారి రీ ఎంట్రీ ఇవ్వనున్నారు. సుమంత్‌, నైనా గంగూలీ జంటగా తెరకెక్కుతోన్న మళ్లీ మొదలైంది చిత్రం ద్వారా రీఎంట్రీకి సిద్దమయ్యారు. ఇటీవలె విడుదలైన ఈ సినిమా ఫస్ట్‌లుక్‌ ఆకట్టుకున్న సంగతి తెలిసిందే. ఈ చిత్రంలో మంజుల 'డాక్టర్ మిత్ర'-థెరపిస్ట్ పాత్ర పోషిస్తున్నారు. ఈ విషయాన్ని స్వయంగా ఆమె ట్విట్టర్‌ ద్వారా వెల్లడించారు. మూవీ విడుదల తేదీపై ఎగ్జయిటెడ్‌గా ఉన్నట్లు తెలిపారు. ఈ సినిమాలో సుహాసిని మ‌ణిర‌త్నం, వెన్నెల కిశోర్ కీల‌క పాత్ర‌ల్లో న‌టిస్తున్నారు. కాగా 1998లో స‌మ్మ‌ర్ ఇన్ బెత్తెహామ్ సినిమాతో తొలిసారి వెండితెరకు  కనిపించిన మంజుల ఆ తర్వాత నాని సినిమాతో నిర్మాత‌గా మారింది. పోకిరి, కావ్యాస్ డైరీ, యే మాయ చేశావే చిత్రాల‌ను నిర్మించి సక్సెస్‌ ఫుల్‌ ప్రొడ్యూసర్‌గా గుర్తింపు పొందింది ఆ తర్వాత 2018లో మ‌న‌సుకు న‌చ్చింది సినిమాకు దర్శకత్వం వహించింది. చివరగా 2013లో సేవకుడు చిత్రంలో కనిపించారు. మళ్లీ దాదాపు ఎనిమిదేళ్ల అనంతరంనటిగా వెండితెరపై కనిపించనున్నారు.  It was fun and exciting to act in the movie "malli modalaindi" as Dr.Mitra - the therapist. Eagerly looking forward to the movie release.@tgkeerthikumar@iSumanth@NainaGtweets@tej_uppalapati#MalliModalaindi #manjulaghattamaneni pic.twitter.com/L7NluBokIv — Manjula Ghattamaneni (@ManjulaOfficial) August 8, 2021

సూపర్‌ స్టార్‌ కృష్ణ నేడు(సోమవారం)78వ వసంతంలోకి అడుగుపెట్టారు. ఈ సందర్భంగా ఆయన తనయుడు, హీరో మహేష్‌ బాబు ట్విటర్‌ ద్వారా పుట్టినరోజు శుభాకాంక్షలు తెలిపారు. 'హ్యాపీ బర్త్‌డే నాన్న. నేను ముందుకెళ్లడానికి ఎప్పుడూ నాకు అత్యుత్తమైన మార్గాన్ని చూపించినందుకు ధన్యవాదాలు. మీరు అనుకునేదాని కంటే ఎక్కువగా మిమ్మల్ని ప్రేమిస్తుంటాను నాన్న' అంటూ బర్త్‌డే విషెస్‌ను తెలిపారు. ఈ సందర్భంగా తండ్రితో కలిసి ఉన్న ఓ ఫోటోను షేర్‌ చేశారు.  Happy birthday Nanna.. Thank you for always showing me the best way forward.. Love you more than you'll ever know ♥️♥️♥️ pic.twitter.com/Mm3J0OA8by — Mahesh Babu (@urstrulyMahesh) May 30, 2021 కృష్ణ బర్త్‌డే సందర్భంగా కూతురు మంజుల ఆయనకు పుట్టినరోజు శుభాకాంక్షలు తెలుపుతూ 'హ్యాపీ బర్త్‌డే నాన్న. నా హృదయంలో మీకు చాలా గొప్ప స్థానం ఉంది. నా జీవితంపై మీ ప్రభావం చాలా ఉంది. మీరే నా హీరో, నా రోల్‌ మోడల్‌. లవ్‌ యూ సో మచ్‌' అంటూ ట్వీట్‌ చేశారు.  Happy birthday day nanna. You have the biggest heart! You are my hero and the greatest influence in my life. You are my role model. I love you soooooo much. pic.twitter.com/WuGTmDVM4B — Manjula Ghattamaneni (@ManjulaOfficial) May 31, 2021 ఇక కృష్ణ అల్లుడు, హీరో సుధీర్‌బాబు కూడా కృష్ణపై తన అభిమానాన్ని చాటుకున్నారు. 'పుట్టినరోజు శుభాకాంక్షలు మావయ్య. సూపర్‌ హ్యూమన్‌, సూపర్‌ స్టార్‌గా రెండు వెర్షన్లలో నేను మీకు పెద్ద అభిమానిని' అంటూ సుధీర్‌బాబు ఎంతో ప్రేమతో విషెస్‌ తెలిపారు.  Happy Birthday Mavayya ❤️ Biggest fan of your both versions, the super human being and the Superstar 😊 #HBDLegendarySSKgaru pic.twitter.com/Q205qy61lp — Sudheer Babu (@isudheerbabu) May 30, 2021 (ఫొటో గ్యాలరీ కోసం ఇక్కడ క్లిక్ చేయండి)

సూపర్‌ స్టార్‌ మహేష్‌బాబుకు ఫ్యామెలీ మెన్‌ అన్న సంగతి తెలిసిందే. ఏ మాత్రం సమయం దొరికినా కుటుంబంతో గడపడానికే ప్రయత్నిస్తారు. ప్రస్తుతం ఆయన పరుశురామ్‌ దర్శకత్వంలో రూపొందుతున్న సర్కారువారిపాట సినిమాలో నటిస్తున్నారు. ఈ సినిమాలో మహేష్‌కు జోడీగా తొలిసారిగా కీర్తి సురేష్‌ నటిస్తుంది. కరోనా కారణంగా ప్రస్తుతం ఈ సినిమా షూటింగ్‌ తాత్కాలికంగా వాయిదా పడింది. ఇక ఏప్రిల్‌ 20 మహేష్‌బాబుకు చాలా ప్రత్యేకమైన రోజు. ఎందుకంటే మహేష్‌ తల్లి ఇందిరా దేవీ పుట్టినరోజు నేడు( మంగళవారం). దీంతో తల్లితో కలిసి దిగిన ఫోటోను మహేష్‌బాబు షేర్‌ చేస్తూ బర్త్‌డే విషెస్‌ తెలిపారు. ఇక మహేష్‌ సోదరి మంజులా సైతం తల్లికి పుట్టినరోజు శుభాకాంక్షలు తెలిపారు. 'తన నవ్వులానే తన వ్యక్తిత్వం కూడా ఎంతో స్వచ్చమైనది. మా జీవితంలోని ప్రతీ రోజును గొప్పగా తీర్చదిద్దావు. మన కుటుంబానికి నువ్వే వెన్నముక..లవ్‌ యూ అమ్మ..హ్యపీ బర్త్ డే అమ్మ' అంటూ మంజులా ట్వీట్ చేసింది.  April 20!! A very special day of the most special person in my life... Happy birthday Amma❤️❤️❤️ pic.twitter.com/OuxWEN4q7x — Mahesh Babu (@urstrulyMahesh) April 20, 2020 The charmer that she is,she always wears a smile as beautiful as her personality.💛 She brightens up our day,has always touched our hearts with kindness,goodness,https://t.co/en89wteV3w the woman of the family,she truly is the backbone of it all,we love you.Happy Birthday Amma♥️ pic.twitter.com/nlvBN69p6S — Manjula Ghattamaneni (@ManjulaOfficial) April 20, 2020 చదవండి : హీరోయిన్‌ అంజలా జవేరీ భర్త 'విలన్'‌ అని మీకు తెలుసా? ఈ జీవితానికి ఇంకేం కావాలి: మంగ్లీ భావోద్వేగం

ఏదైనా కొత్త ప్రయత్నం మొదలుపెట్టాలంటే ఓ మంచిరోజు చూడాలి. ‘పుట్టినరోజుకి మించిన మంచి రోజు లేదు’ అంటున్నారు మంజుల. దానికి కారణం కూడా చెప్పారు. ఆ విషయంతో పాటు మరెన్నో విశేషాలు పంచుకున్నారు. నేడు తన బర్త్‌డే సందర్భంగా ‘సాక్షి’తో ప్రత్యేకంగా మాట్లాడారు మంజుల. ► పుట్టినరోజు విశేషాలు చెబుతారా? ఎవరికైనా పుట్టినరోజు అనేది చాలా చాలా మంచిరోజు. ఆ రోజు స్టార్స్‌ అన్నీ అందరికీ అలైన్‌మెంట్‌ (అమరిక)లో ఉన్నట్లుగా ఉంటాయి. అందుకే ఆ రోజు ఏం చేసినా అది సజావుగా జరుగుతుందని నమ్ముతాను. పుట్టినరోజు సందర్భంగా ముఖ్యంగా నేను రెండు నిర్ణయాలు తీసుకున్నాను. ఒకటేంటే.. నా యూ ట్యూబ్‌ చానల్‌లో ‘వెయిట్‌ లాస్‌’కి సంబంధించిన సిరీస్‌ చేయాలనుకుంటున్నాను. ఇంకోటి హెల్త్‌ ప్రొడెక్ట్స్‌. మనకొచ్చే ఆరోగ్య సమస్యలన్నీ చాలావరకు మనం వాడే నూనెలతోనే వస్తాయి. అందుకే ఆర్గానిక్‌ ఉత్పత్తులతో కొబ్బరినూనె, శనగనూనె, ఆవనూనె, నెయ్యి.. వంటివన్నీ తయారు చేస్తున్నాం. మా ఉత్పత్తులు 100శాతం యుఎస్‌డిఏ సర్టిఫికెట్‌తో మార్కెట్‌లోకి వస్తున్నాయి. ఆరోగ్యానికి సంబంధించిన మంచి విషయాలు మనకు తెలిసినప్పుడు అందరితోనూ పంచుకోవాలి. అవన్నీ మన దగ్గరే పెట్టుకుంటే లావైపోతాం. ‘శ్రీమంతుడు’లో మహేశ్‌ చెప్పాడుగా. నేను ఒకప్పుడు చాలా బరువు పెరిగాను. మళ్లీ మామూలుగా ఎలా అయ్యానో కూడా యూ ట్యూబ్‌లో షేర్‌ చేసుకున్నాను. ► పుట్టినరోజున స్టార్స్‌ అన్నీ అనుకూలంగా ఉంటాయనే విషయం ఎలా తెలిసింది? భారతీయ జాతక చక్రం లాగానే ‘కబాలా’ అని ఒకటుంది. చైనీస్, ఫిలిప్పీన్స్‌ వాళ్లు కబాలాను నమ్ముతారంటారు. ‘సన్‌ పీరియడ్‌’ అని ఒకటుంటుందని వాళ్లు చెబుతారు. మనం పుట్టినరోజు నుంచి 52 రోజులపాటు ఆ శక్తి ఉంటుందట. ఆ 52 రోజుల సమయంలో మనం ఏం పట్టుకున్నా బంగారం అవుతుందంటారు. అలాగని మనం కష్టపడకుండా కూర్చుంటే కుదరదు. మన కృషికి స్టార్‌ పవర్‌ తోడవుతుంది. ► మీ గత పుట్టినరోజులకు ఇది పాటించి, చేసినవి మీకు కలిసొచ్చాయా? నిజానికి ఈ విషయం నాకు ఏడాది క్రితమే తెలిసింది. నా గత బర్త్‌డేకి వెబ్‌సైట్, యూట్యూబ్‌ చానల్, ఆర్గానిక్‌ ఫుడ్స్‌.. ఇవన్నీ చేయాలని నిర్ణయం తీసుకున్నాను. అవన్నీ ఆచరణలో పెట్టగలిగాను. ► మీ నాన్నగారికోసం ప్రత్యేకమైన డైట్‌ ఏమైనా చెప్పారా? నాన్నగారే నాకు చాలా విషయాలు చెప్పారు. ఆయన ఇంట్లో వండిన ఆహారమే తీసుకుంటారు. మొన్నీ మధ్య నాకు కొంచెం ఎలర్జీ అయితే ఆయనతో చెప్పాను. ‘అమ్మూ.. పసుపునీళ్లతో ఆవిరి పట్టు’ అన్నారు. రోజూ పదకొండు గంటలకు ఫోన్‌ చేసి, ‘ఈరోజు ఆవిరి పట్టావా, లేదా’ అని అడిగేవారు. నాన్న చెప్పిన చిట్కా వర్కవుట్‌ అయింది. ► ఇప్పుడు కృష్ణగారి ఆరోగ్యం ఎలా ఉంది? ఆ మధ్య కొంచెం డల్‌గా కనబడ్డారు.. ఆయన చాలా బాగున్నారు. ఒక్కోసారి ఎవరికైనా డల్‌గా ఉంటుంది. అది సహజం. అయితే ఇదివరకటిలా నాన్న స్పీడ్‌గా నడవటం లేదు. అది అనారోగ్యం వల్ల కాదు. జాగ్రత్తగా ఉంటున్నారు.. అంతే. మిగతాదంతా మామూలే. రోజూ వాక్‌ చేస్తారు, యోగా చేస్తారు. నాన్న ఫుల్‌ ఎనర్జీగా ఉన్నారు. ► విజయనిర్మలగారు చనిపోయాక ఆయన జీవితంలో ఏదైనా మార్పు వచ్చిందా? ఆ బాధ నుంచి బయటపడగలిగారా? నాన్న కచ్చితంగా ఆవిడ్ని మిస్సవుతున్నారు. వాళ్లిద్దరిదీ 50 ఏళ్ల అనుబంధం. ఇద్దరి మధ్య ఉన్న బాండింగ్‌ చాలా స్ట్రాంగ్‌. కానీ ఆవిడ పక్కన లేకపోయినా నాన్నగారు ఆ బాధ నుంచి బయటకు రాగలిగారు. బేసిక్‌గా నాన్న కూడా చాలా స్ట్రాంగ్‌ పర్సనాలిటీ. ► నిజానికి విజయనిర్మలగారు దూరం అయ్యాక కృష్ణగారు మీలో ఎవరి దగ్గరికన్నా వస్తారేమో అనుకున్నాం? ఎప్పటినుంచో ఉంటున్న ఇంట్లో ఆయనకంటూ ఒక సెటప్‌ తయారు చేసుకున్నారు. ఆ ఇంట్లో అందరూ ఉన్నారు. మా ఇంటికి, నాన్నగారింటికి దూరం రెండు నిమిషాలే. ఓ రకంగా చెప్పాలంటే మేం కలిసి ఉంటున్నట్లే. అలాగే రోజూ మనవళ్లు, మనవరాళ్లను కలుస్తారు.

సాక్షి, విజయవాడ : వైఎస్సార్‌సీపీ ఎమ్మెల్యే ఆర్కే రోజా విజయవాడ కనకదుర్గ అమ్మవారిని దర్శించుకున్నారు. శ్రావణ శుక్రవారం సందర్భంగా అమ్మవారిని దర్శించుకున్నట్టుగా ఆమె తెలిపారు. మరోవైపు తెలగు రాష్ట్రాల్లో మహిళలు వరలక్ష్మీ వ్రతం పూజలు ఘనంగా నిర్వహిస్తున్నారు. లక్ష్మీదేవి నట్టింట్లోకి నడిచిరావాలని, బాధలు, కష్టాలు తొలగిపోవాలని వరలక్ష్మిని కొలుస్తున్నారు. కరోనా నేపథ్యంలో చాలా మంది ఇళ్లలోనే పూజలు చేస్తున్నారు. నిర్మాత, నటి మంజుల ఘట్టమనేని కూడా ఇంట్లోనే వరలక్ష్మీ వత్రం పూజలు చేశారు. ఇందుకు సంబంధించిన ఫొటోలను ఆమె ట్విటర్‌లో షేర్‌ చేశారు. లక్ష్మీ దేవి అందరి జీవితాల్లోకి ఆనందం, విజయం, ఆరోగ్యం, సంపద తీసుకురావాలని ఆకాంక్షించారు. హీరోయిన్‌ ప్రణీత కూడా అందరికి వరలక్ష్మీ వ్రతం శుభాకాంక్షలు తెలియజేశారు.

సూపర్‌స్టార్‌ కృష్ణ కూతురు, మహేష్‌బాబు సోదరిగా సుపరిచితురాలైన ఘట్టమనేని మంజుల ఇటీవల ఓ యూట్యూబ్‌ ఛానల్‌ను ప్రారంభించారు. ఈ వీడియోల ద్వారా తనలోని మరో కోణాన్ని ఘట్టమనేని అభిమానులకు పరిచయం చేశారు మంజులా. గతంలో తను అనుభవించిన మనసిక వేదన గురించి, డిప్రెషన్‌తో పోరాడిన విషయాల గురించి తన ఛానల్‌లో మొదటి వీడియోగా పోస్ట్‌ చేశారు. అయిదు నిమిషాల నిడివి గల ఈ వీడియోలో పదేళ్ల పాటు తను మానసిక ఒత్తిడికి గురైనట్లు, ఆరోగ్య సమస్యల నుంచి ఎలా బయట పడిందో వివరించారు. ఆరోగ్యకరమైన జీవనశైలి అవలంబించడం, సుదీర్ఘ ధ్యానం ద్వారా ఈ సమస్య నుంచి  గట్టేక్కినట్లు మంజుల తెలిపారు. (నేను భయపడే ఏకైక వ్యక్తి నువ్వు: అనిల్‌ కపూర్‌) ‘ఇప్పటి వరకు మీకు సూపర్‌ స్టార్‌ కూతురుగా, మహేష్‌బాబు అక్కగా, నేషనల్‌ అవార్డు విన్నర్‌గా, బిగ్గెస్ట్‌ కమర్షియల్‌ హిట్‌ ‘పోకిరి’ ప్రోడ్యూసర్‌గా తెలుసు. ఇవన్నీ నాకు ఆనందాన్ని ఇచ్చి, మీకు నన్ను దగ్గరగా చేశాయి. నేను నా జీవితంలో 30 సంవత్సరాలు వ్యక్తిగత  అభివృద్ధికి, 20 సంవత్సరాలు ధ్యాన సాధనకు అంకితం చేశాను. 10 వేల గంటల కంటే ఎక్కువగా యోగా ప్రాక్టిస్‌ చేశాను. నాన్న గారిని చూస్తూ పెరగడం వల్ల ఆయనలా గొప్ప యాక్టర్‌ అవ్వాలనుకున్నాను. ఆయనే నాకు ఆదర్శం‌. కృష్ణా గారి అమ్మాయి హీరోలతో నటించడం, రొమాన్స్‌ చేయడం నాన్న అభిమానులకు నచ్చలేదు. గొప్ప యాక్టర్‌ అవ్వాలని ఎన్నో కలలు కన్నాను. ఎంతో ప్రయత్నించాను. కానీ అస్సలు కుదరలేదు. చాలా బాధపడ్డాను. దాని నుంచి ఎలా బయటపడాలో అర్థం కాలేదు. (26 ఏళ్ల వయసులో ఆమెను ఇష్టపడ్డాను) ఈ ఒత్తిడి నుంచి బయటకు రావాలని ఓ రోజు నిర్ణయించుకున్నాను. అప్పటి నుంచి నాకు తెలియకుండానే గాఢమైన ధ్యానంలోకి వెళ్లిపోయాను. అప్పుడు నా ఆలోచనలు, మనసు, నమ్మకాలు నీకు పరిచయమయ్యాయి. ఎవరో చెప్పారని, ఎవరో ఆపారని కాదు. ఈ కమర్షియల్‌ సినిమాలకు కరెక్టు కాదు. నాకే అర్థమైంది. నిజమైన సంతోషం మనలోనే ఉంది అని. అప్పటి నుంచి ప్రతిక్షణం ప్రేమతో ఉండాలని నిర్ణయించుకున్నాను. ఈ అనుభవం నా జీవితాన్ని పూర్తిగా మార్చింది. ఈ జర్నీలో ‘షో’ సినిమా ద్వారా నా యాక్టింగ్‌ కలను నిజం చేసుకోగలిగాను. నన్ను నేను మార్చుకున్నాను. ప్రశాంత వాతావరం ఏర్పరుచుకున్నాను.  నాన్నతో, అమ్మతో కబుర్లు చెప్పడం చేస్తున్నాను. నా కుటుంబంతో, స్నేహితులతో ఎక్కువ సమయం గడుపుతున్నాను. అంటూ చెప్పుకొచ్చారు. అయితే ఇక నుంచి తన యూట్యూబ్‌ ఛానల్‌లో మరిని ఆసక్తికర విషయాల గురించి వివరించనున్నట్లు మంజుల పేర్కొన్నారు. 

నమ్రతా శిరోద్కర్‌.. సూపర్‌స్టార్‌ మహేశ్‌బాబు అర్ధాంగిగా అందరికీ సుపరిచితమే. మహేశ్‌బాబుకు అన్ని విషయాల్లో సూచనలు, సలహాలు అందిస్తూ ఎల్లప్పుడూ తోడుగా నిలుస్తుందన్న విషయం తెలిసిందే. నేడు ఆమె పుట్టిన రోజు. ఈ సందర్భంగా మహేశ్‌బాబు తన భార్యకు బర్త్‌డే విషెస్‌ తెలిపాడు. ‘ఎంతగానో ప్రేమించే నా ఇల్లాలికి, జీవిత భాగస్వామికి పుట్టిన రోజు శుభాకాంక్షలు’ అని ట్వీట్‌ చేశాడు. ఇక మహేశ్‌ సోదరి మంజుల కూడా నమ్రతకు బర్త్‌డే విషెస్‌ తెలిపింది. ‘నీ కలలు నిజమవ్వాలని మనస్ఫూర్తిగా కోరుకుంటున్నాను. లవ్‌ యూ సో మచ్‌..’ అంటూ నమత్రతో కలిసి దిగిన ఫొటోను సోషల్‌ మీడియాలో షేర్‌ చేసింది. మహేశ్‌ అభిమానులు సైతం ఆమెకు పెద్ద ఎత్తున శుభాకాంక్షలు తెలుపుతున్నారు. మహేశ్‌, నమ్రత దంపతులు టాలీవుడ్‌లో ఆదర్శ దంపతులుగా పేరు గడించారు. తనకు ఎలాంటి చీకూచింతా లేకుండా ప్రశాంతంగా ఉండటానికి నమ్రతే కారణమని మహేశ్‌ గతంలో ప్రస్తావించాడు. తన యాడ్స్‌, సినిమాలు, వ్యక్తిగత జీవితం.. ఇలా అన్నింటిలోనూ ఆమె కీలక పాత్ర పోషాస్తుందని చెప్పుకొచ్చాడు. కాగా మహేశ్‌బాబు ప్రస్తుతం ‘సరిలేరు నీకెవ్వరు’ సక్సెస్‌ను ఎంజాయ్‌ చేస్తున్నారు. జనవరి 11న విడుదలైన ఈ సినిమా సంక్రాంతి బ్లాక్‌బస్టర్‌గా నిలిచిన సంగతి తెలిసిందే. Wishing the woman of the house, the woman in my life❤❤❤ the Happiest Birthday!!! Just love and more love 🤗🤗🤗 Namrata 💞💞💞 pic.twitter.com/QuhuO64LSG — Mahesh Babu (@urstrulyMahesh) January 21, 2020 Happy Birthday my dearest Tom cat. Hope all your dreams and aspirations come true. Love You so much. God bless you.❤❤❤ pic.twitter.com/ALr6Y3Y66A — Manjula Ghattamaneni (@ManjulaOfficial) January 22, 2020 చదవండి: నమ్రతా హార్ట్‌ టచింగ్‌ మెసేజ్‌... వైరల్‌ అది నేను తీసుకున్న మంచి నిర్ణయం: మహేశ్‌

సవాళ్లతో కూడుకున్న సినిమా రంగంలో తెరపైనే కాదు తెర వెనుక కూడా మహిళలు సత్తా చాటుతున్నారు. కథానాయికలు, సహాయక పాత్రల్లో తెరపై కనిపించడానికి పరిమితం కాకుండా సినిమా నిర్మాణంలో తమదైన శైలిలో దూసుకెళ్తున్నారు. 24 క్రాప్టుల్లోనూ భాగస్వాములవుతున్న మహిళల సంఖ్య పెరుగుతుండటం ఇందుకు నిదర్శనం. ఒకప్పుడు సినిమాల్లో నటనకు, పాటలు పాడటానికి, నర్తించడానికే మాత్రమే పరిమితమైన మహిళలు ఇప్పుడు అన్నిరంగాల్లోకి ప్రవేశిస్తున్నారు. ముఖ్యంగా ఎంతో సంక్లిష్టమైన దర్శకత్వ విభాగంలోకి నవతరం నారీమణుల రాక పెరుగుతుండటం శుభపరిణామం. ఛాన్స్‌ వచ్చింది కదా అని మూస సినిమాలు చుట్టేయడం లేదు. నవ్యపంథాలో ముందుకు సాగుతూ తమదైన ముద్ర వేసేందుకు ప్రయత్నిస్తున్నారు.   ఇదివరకటి రోజుల్లో అమ్మాయిలు సినిమా రంగంలోకి అడుగుపెడతామంటే కుటుంబ సభ్యులతో పాటు సమాజం నుంచి కూడా వ్యతిరేకత వ్యక్తమయ్యేది. ఇప్పుడా పరిస్థితిలో చాలావరకు మార్పు రావడంతో చిత్రసీమలోకి అడుగుపెట్టే యువతుల సంఖ్య క్రమంగా పెరుగుతోంది. తమకు ఇష్టమైన విభాగాల్లో ప్రవేశించిన అమ్మాయిలు అందివచ్చిన అవకాశాలతో తామేంటో నిరూపించుకుంటున్నారు. మగాళ్లకు ఏమాత్రం తీసిపోమని ఢంకా బజాయిస్తున్నారు. సినిమా రంగంలో నిలదొక్కుకున్న కుటుంబాలకు చెందిన మహిళలు కూడా మెగాఫోన్ పట్టడం తాజా పరిణామం. నాగార్జునను పడేసింది! 'పడేశావే' సినిమాతో దర్శకురాలిగా వెండితెరకు పరిచయమైంది చునియా. మా టీవీలో ప్రసారమైన యువ సీరియల్ ద్వారా ఆమె దర్శక జీవితం మొదలైంది. అక్కినేని కుటుంబం ప్రతిష్టాత్మకంగా రూపొందించిన మనం సినిమాకు లైన్ ప్రొడ్యూసర్‌గా వ్యవహరించింది. చునియా ప్రతిభను గుర్తించిన హీరో నాగార్జున ఆమెకు దర్శకురాలిగా అవకాశం ఇచ్చారు. ఆమె చెప్పిన స్టోరీలైన్ నచ్చడంతో 'పడేశావే' సినిమాను స్వయంగా నిర్మించారు. ఈ సినిమాకు విజయం సాధించనప్పటికీ డైరెక్టర్‌గా చునియాకు మంచి మార్కులు పడ్డాయి. డైరెక్టర్‌గా మారిన జర్నలిస్ట్ చిత్రసీమపై ఎనలేని అభిమానం సంజనారెడ్డిని దర్శకురాలిని చేసింది. రాజ్ తరుణ్, అమైరా దస్తర్ జంటగా నటిస్తున్న 'రాజుగాడు' సినిమాతో దర్శకురాలిగా టాలీవుడ్‌కు పరిచయం అవుతోంది. ఎలక్ట్రానిక్  మీడియా జర్నలిస్ట్‌గా పనిచేసిన ఆమె తన కలను సాకారం చేసుకునేందుకు ఉద్యోగాన్ని వదులుకుంది. కథలు రాయం, వాటిని ఆకట్టుకునేలా చెప్పడం లాంటి అంశాల్లో తన ప్రతిభకు పదుకుపెట్టుకుంది. సినిమా పరిశ్రమలో సాంకేతిక నిపుణులుగా పనిచేస్తున్న వారితో మాట్లాడి ఎన్నో విషయాలు తెలుసుకుంది. ప్రముఖ దర్శకుడు రాంగోపాల్ వర్మ దగ్గర 'రౌడీ' సినిమాకు అసిస్టెంట్ డైరెక్టర్ గా పనిచేసింది. ఘట్టమనేని వారసురాలు సీనియర్ నటుడు సూపర్ కృష్ణ తనయ, హీరో మహేశ్ బాబు సోదరి ఘట్టమనేని మంజుల కూడా 'మనసుకు నచ్చిన'పని మొదలు పెట్టింది. దర్శకురాలిగా మారి 'మనసుకు నచ్చింది' అనే సినిమా తీసింది. స్వీయ రచనా దర్శకత్వంలో తెరకెక్కిన ఈ సినిమా ఫిబ్రవరి 16న ప్రేక్షకుల ముందుకు వచ్చింది. 'షో' సినిమాతో నటిగా పరిచయమైన మంజుల పలు సినిమాలకు నిర్మాత కూడా వ్యవహరించారు. ఆమె తండ్రి కృష్ణ కూడా నటుడిగా నిరూపించకున్న తర్వాత నిర్మాత, దర్శకుడిగా మారారు. ఇప్పుడు ఆయన కుమార్తె మంజుల కూడా అదే దారిలో ముందుకు సాగుతున్నారు. సాహో శశికిరణ్‌ తండ్రి వారసత్వాన్ని అందిపుచ్చుకున్న సినీ రచయిత, హాస్యనటుడు ఎంఎస్‌ నారాయణ కుమార్తె శశికిరణ్‌ కూడా మెగాఫోన్‌ పట్టింది. తండ్రి పేరు వాడకుండా స్వయం ప్రతిభతో ఛాన్స్‌ దక్కించుకుంది. సాహెబా సుబ్రహ్మణ్యం సినిమాతో టాలీవుడ్‌లోకి దూసుకొచ్చింది. వాణిజ్యపరంగా ఈ సినిమా విజయం సాధించకున్నా ఆమె దర్శకత్వ ప్రతిభకు ప్రశంసలు దక్కాయి. మహిళలు దర్శకత్వం చేయలేరేమోనన్న భయం క్రమంగా టాలీవుడ్‌లో తగ్గుతోందని చెబుతున్న శశికిరణ్‌.. మున్ముందు మరింత మంది యువతులను డైరెక్టర్లుగా చూడొచ్చన్న ఆశాభావాన్ని వ్యక్తం చేశారు. - పోడూరి నాగ శ్రీనివాసరావు, సాక్షి వెబ్‌

టైటిల్ : మనసుకు నచ్చింది జానర్ : రొమాంటిక్‌ కామెడీ తారాగణం : సందీప్‌ కిషన్‌, అమైరా దస్తూర్‌, త్రిదా చౌదరి, అదిత్‌ అరుణ్, బేబీ జాన్వీ సంగీతం : రధన్‌ దర్శకత్వం : మంజుల ఘట్టమనేని నిర్మాత : సంజయ్‌ స్వరూప్‌, పి.కిరణ్‌ షో సినిమాతో నటిగా వెండితెరకు పరిచయం అయిన సూపర్‌ స్టార్‌ కృష్ణ వారసురాలు మంజుల. తొలి సినిమాతోనే జాతీయ స్థాయి గుర్తింపు తెచ్చుకున్న మంజుల తరువాత నటిగా, నిర్మాతగా పేరు తెచ్చుకున్నారు. తాజాగా దర్శకురాలిగా మారి మనసుకు నచ్చింది సినిమాతో ప్రేక్షకుల ముందుకు వచ్చారు. సందీప్‌ కిషన్‌, అమైరా దస్తర్‌లు హీరో హీరోయిన్లుగా తెరకెక్కిన ఈ సినిమాకు సూపర్‌ స్టార్ మహేష్‌ బాబు వాయిస్‌ ఓవర్‌ అందించటంతో మరింత హైప్‌ క్రియేట్‌ అయ్యింది. నటిగా ప్రూవ్ చేసుకున్నా మంజుల దర్శకురాలిగానూ సక్సెస్‌ సాధించిందా..? ఈ సినిమాతో సందీప్‌ కిషన్‌ హిట్ అందుకున్నాడా..? కథ : సూరజ్‌(సందీప్‌ కిషన్‌), నిత్య (అమైరా దస్తూర్‌) ఒకే ఫ్యామిలీలో కలిసి పెరిగిన స్నేహితులు. వాళ్ల స్నేహాన్ని ప్రేమగా భావించిన పెద్దవాళ్లు వాళ్లకు పెళ్లిచేయాలని నిర్ణయిస్తారు. కానీ తమ మధ్య స్నేహం తప్ప ప్రేమ లేదని సూరజ్‌, నిత్యలు ఇంట్లోనుంచి పారిపోతారు. తమ ఫ్రెండ్‌ శరత్‌(ప్రియదర్శి) సాయంతో గోవాలోని ఓ గెస్ట్‌ హౌజ్‌లో ఉంటుంటారు. అప్పటి వరకు ఎలాంటి గోల్స్‌ లేని సూరజ్‌ గోవా వెల్లిన తరువాత ఫొటోగ్రాఫర్‌ కావాలని నిర్ణయించుకుంటాడు. ఆ ప్రయత్నాల్లో ఫెయిల్ అవుతాడు. కానీ నిత్యా ధైర్యం చెప్పటంతో కూల్ అవుతాడు. అదే సమయంలో నిత్య.. తనకు సూరజ్‌ మీద ఉన్నది ఇష్టం కాదు ప్రేమ అని తెలుసుకుంటుంది. సూరజ్‌ కూడా ఏదో ఒకరోజు తన ప్రేమను ఫీల్‌ అవుతాడని ఎదురుచూస్తుంటుంది. కానీ ఈ లోగా గోవాలో పరిచయం అయిన నిక్కి (త్రిదా చౌదరి)ని సూరజ్‌ ఇష్టపడతాడు. అదే సమయంలో అభయ్‌ (అదిత్‌ అరుణ్‌) అనే కుర్రాడు నిత్యను ఇష్టపడతాడు. దీంతో వారి పెద్దలు ఈ రెండు జంటలకు పెళ్లి చేయాలని నిర్ణయిస్తారు. చివరకు సూరజ్‌.. నిత్య ప్రేమను అర్ధం చేసుకున్నాడా..? వారిద్దరు ఒక్కటయ్యారా..? ప్రయాణంలో అసలు ప‍్రకృతి పాత్ర ఏంటి అన్నదే మిగతా కథ. నటీనటులు : సందీప్‌ కిషన్‌ తనకు అలవాటైన యూత్‌ ఫుల్‌ క్యారెక్టర్ లో కనిపించాడు. అయితే ఎమోషనల్‌ సీన్స్‌లో మాత్రం ఆశించిన స్థాయిలో ఆకట్టుకోలేకపోయాడు. ముఖ్యంగా సెకండ్‌ హాఫ్‌ లో వచ్చే చాలా సన్నివేశాల్లో సందీప్‌ నటన నిరాశపరుస్తుంది. హీరోయిన్‌ అమైర దస్తూర్‌ అందంతో ఆకట్టుకుంది. నటన పరంగానూ పరవాలేదనిపించింది. మరో హీరోయిన్‌గా నటించిన త్రిదా చౌదరి పూర్తిగా గ్లామర్‌ షోకే పరిమితమైంది. ప్రియదర్శి లాంటి లీడింగ్ కమెడియన్‌ను హీరో ఫ్రెండ్‌ పాత్రకు తీసుకున్నా.. సరిగ్గా ఉపయోగించుకోలేదు. ప్రియదర్శి డైలాగ్స్‌లో గత చిత్రాల్లో కనిపించే చమక్కులు ఈ సినిమాలో మిస్‌ అయ్యాయి. ఈ సినిమాతో వెండితెరకు పరిచయం అయిన ఘట్టమనేని వారసురాలు, మంజుల కూతురు జాన్వీ మంచి నటన కనబరించింది. ఇంగ్లీష్ కలిసి తెలుగు యాక్సెంట్‌లో జాన్వీ చెప్పిన డైలాగ్స్‌ అలరిస్తాయి. ఇతర పాత్రలు పెద్దగా తెర మీద కనిపించవు. అదిత్‌ అరుణ్‌, నాజర్‌, సంజయ్‌, అనితా చౌదరిలవి దాదాపుగా అతిథి పాత్రలే. విశ్లేషణ : మంజుల ఘట్టమనేని దర్శకురాలిగా చేసిన తొలి ప్రయత్నంలో ఆకట్టుకోలేకపోయింది. రొటీన్‌ ట్రయాంగ్యులర్‌ లవ్‌ స్టోరికి ‘నేచర్‌’ అనే ఎలిమెంట్‌ను జోడించి చేసిన ఈ ప్రయత్నం పూర్తిగా నిరాశపరిచింది. కథలో కొత్తదనం లేకపోవటం కథనం కూడా నెమ్మదిగా సాగటం ప్రేక్షకుల సహనాన్ని పరీక్షిస్తుంది. సినిమాలో ఆకట్టుకునే ఒకే ఒక్క అంశం సినిమాటోగ్రఫి, ప్రకృతి అందాలను వెండితెర మీద మరింత అందంగా చూపించారు సినిమాటోగ్రాఫర్ రవియాదవ్‌. రధన్ సంగీతం పరవాలేదు. ఎడిటింగ్‌, నిర్మాణవిలువలు బాగున్నాయి. ఖర్చుకు వెనుకాడకుండా ప్రతీ ఫ్రేము రిచ్‌గా తెరకెక్కించారు.  ప్లస్ పాయింట్స్ : సినిమాటోగ్రఫి హీరోయిన్ల గ్లామర్‌ మైనస్ పాయింట్స్ : కథా కథనం - సతీష్ రెడ్డి జడ్డా, ఇంటర్నెట్ డెస్క్

సాక్షి, సినిమా :  సూపర్‌ స్టార్‌ ఫ్యామిలీ నుంచి డైరెక్టర్‌గా మారిన మంజుల ఘట్టమనేనికి టాలీవుడ్‌ ఇప్పుడు ఆల్‌ ది బెస్ట్‌ చెబుతోంది. ఆ వరుసలో ముందున్న సోదరుడు మహేష్‌ బాబు తన వంతుగా సినిమా ప్రీ రిలీజ్‌ ఈవెంట్‌కు ముఖ్య అతిథిగా హాజరై ‘అక్క.. సక్సెస్‌ కొట్టాలి’ అంటూ కోరుకున్నాడు. అయితే మహేష్‌ తన సాయాన్ని ఇక్కడితోనే సరిపెట్టలేదు.  తాజాగా విడుదల చేసిన ఈ చిత్ర ట్రైలర్‌కు వాయిస్‌ ఓవర్‌ కూడా ఇచ్చాడు. ‘ఐ లవ్‌ యూ టూ.. ఇప్పుడే కాదు. ఎప్పటి నుంచో  ప్రేమిస్తున్నాను. ఎప్పటికీ ప్రేమిస్తునే ఉంటాను. నన్ను ప్రేమ అనోచ్చు.. ప్రకృతి అని కూడా అనొచ్చు.   నువ్వు నన్ను ఎలాగైనా పిలవొచ్చు. ఎందుకంటే నీ చుట్టూ ఎటు చూసినా నేనే. ఆఖరికి నువ్వు కూడా నేనే. నువ్వు-నేనూ వేరు కాదు. నువ్వు ప్రేమ, నేనూ ప్రేమే. నేను నీకు హెల్ప్‌ చేస్తాను. నువ్వు చేయాల్సిందల్లా నన్ను ఫీలవ్వటమే. నిన్ను నిద్ర లేపే పక్షి గొంతులో నేనున్నాను. చెట్టు పూల రంగులో నేనున్నాను. నువ్వు పీల్చే గాలిలో నీ ఊపిరినై నేనున్నాను. ​నీ ప్రతీ శ్వాస నేనే. ఐ యామ్‌ ఫీల్‌ యువర్‌ లవ్’ అంటూ మహేష్‌ వాయిస్‌ ఓవర్‌ ను అందించాడు.  సందీప్‌ కిషన్, అమైరా దస్తూర్, త్రిదా చౌదరి హీరో హీరోయిన్లుగా మంజుల దర్శకత్వంలో ఈ చిత్రం తెరకెక్కింది. ఆనందీ ఆర్ట్స్‌, మంజుల సొంత బ్యానర్‌ ఇందిరా ప్రొడక్షన్స్‌ సంయుక్తంగా నిర్మించిన ఈ చిత్రానికి రాధన్‌ సంగీతం సమకూర్చాడు. ఫిబ్రవరి 16న మనసుకు నచ్చింది ప్రేక్షకుల ముందుకు రానుంది. #ManasukuNachindi #TrailerWithATwist @urstrulyMahesh https://t.co/seFdtwg60d — Manjula Ghattamaneni (@ManjulaOfficial) February 15, 2018

‘‘ఏదో ఒక సినిమా డైరెక్షన్‌ చేయాలనే ఆలోచన, అవసరం నాకు లేదు. ప్రకృతిలో నేను ఏదైతే ఫీల్‌ అయ్యానో దాన్ని ప్రేక్షకులకు పంచాలని ఓ బాధ్యతగా ‘మనసుకు నచ్చింది’ కథ తయారు చేసుకున్నా. పైగా నాన్నగారు (కృష్ణ), మహేశ్‌బాబు సంపాదించుకున్న ఇమేజ్‌ వల్ల నాపై ఓ బాధ్యత ఉంటుంది’’ అని మంజుల ఘట్టమనేని అన్నారు. సందీప్‌ కిషన్, అమైరా దస్తూర్‌ జంటగా మంజుల దర్శకత్వం వహించిన తొలి చిత్రం ‘మనసుకు నచ్చింది’. సంజయ్‌ స్వరూప్‌. పి.కిరణ్‌ నిర్మించిన ఈ సినిమా ఈ నెల 16న విడుదలవుతోంది.  మంజుల పంచుకున్న విశేషాలు.. ► ప్రస్తుత బిజీ లైఫ్‌లో మనం చిన్న చిన్న అనుభూతుల్ని కోల్పోతున్నాం. వాటిని ఎలా ఆస్వాదించాలి? ప్రకృతితో ఎలా మమేకం కావాలి? అన్నదే ‘మనసుకు నచ్చింది’ క£ý . భాషపై నాకు పట్టు లేకపోవడంతో కథ రాయడానికి ఏడాది పట్టింది. నేను డైలాగులు ఇంగ్లీష్‌లో రాశా. వాటిని బుర్రా సాయిమాధవ్‌గారితో తెలుగులో రాయించాం.   ► నా ఫస్ట్‌ లవ్‌ ఎప్పుడూ డైరెక్షనే. నేను డైరెక్షన్‌ చేస్తాననగానే నా భర్త (సంజయ్‌ స్వరూప్‌) సపోర్ట్‌ చేశారు. నాన్నగారు (కృష్ణ) థ్రిల్‌ అయ్యారు. ఈ సినిమాకి కిరణŠ గారు నిర్మాత అనగానే ఇంకా సంతోషపడ్డారు. మహేశ్‌బాబుకి చెప్పగానే ‘నీకు పిచ్చెక్కిందా. సడెన్‌గా డైరెక్షన్‌ ఏంటి?’ అన్నాడు. కానీ నా కథ విన్నాక నమ్మకం వచ్చింది. సినిమాలో ప్రకృతికి వాయిస్‌ ఓవర్‌ ఇచ్చాడు. ట్రైలర్‌ చూసి షాక్‌ అయ్యాడు. చాలా బాగుందన్నాడు. ► ప్రకృతే మా సినిమాలో ప్రధాన హైలెట్‌. అది కూడా ఒక హీరోనే. స్వచ్ఛమైన ప్రేమకథ, ఫన్‌ అందరినీ ఆకట్టుకుంటాయి. ప్రతి సన్నివేశం నా హృదయం నుంచి వచ్చింది. ఇందులో నిత్య పాత్ర నా క్యారెక్టర్‌కి దగ్గరగా ఉంటుంది. ఒక్క మాటలో చెప్పాలంటే ‘మనసుకు నచ్చింది’ ఒక సముద్రం లాంటి సినిమా. ► సందీప్‌ని దృష్టిలో పెట్టుకుని కథ రాయలేదు. ముందు కథ రాసుకున్నా. హీరో ఎవరైతే బాగుంటారా? అనుకున్నా. కిరణ్‌గారు సందీప్‌ పేరు చెప్పారు. అప్పటి వరకూ నేను సందీప్‌ సినిమాలు చూడలేదు. ‘వెంకటాద్రి ఎక్స్‌ప్రెస్‌’ సీడీ పంపితే చూశా. తర్వాత కలిసినప్పుడు కథకి తనే కరెక్ట్‌ అనిపించింది. మంచి పాత్ర ఇవ్వాలే కానీ తను బాగా నటిస్తాడు. ► నాకు డైరెక్షన్‌ కష్టం అనిపించలేదు. చాలా ఎంజాయ్‌ చేశా. నేను డైరెక్షన్‌ చేసిన తీరు చూసిన కెమెరామెన్‌ రవి యాదవ్‌ ‘మీకిది తొలి సినిమాలా లేదు మేడమ్‌. పది సినిమాలు తీసిన అనుభవం ఉన్నట్లుంది’ అన్నారు. నా సినిమాకు రెహమాన్‌గారితో సంగీతం చేయించాలనే ఆలోచన ఉండేది. రధన్‌ స్వరపరచిన ‘అందాల రాక్షసి’ పాటలు వినగానే నాకు రెహమాన్‌గారు గుర్తుకొచ్చారు. రధన్‌ అద్భుతమైన పాటలు, నేపథ్య సంగీతం ఇచ్చారు. ► నాన్నగారు, మహేశ్‌ ఇంకా ఈ సినిమా చూడలేదు. ఫస్ట్‌ డే ఫస్ట్‌ షో చూస్తామన్నారు. 16వ తేదీ ఎప్పుడొస్తుందా అని చాలా ఎగై్జటింగ్‌గా ఉంది. మహేశ్‌కి ఏ కథ అయినా సరిపోతుంది. తను ఇక్కడ ఉండటం టాలీవుడ్‌ అదృష్టం. తనతో పనిచేయడం నా కల. తన ఇమేజ్‌కి తగ్గట్టు కథ రెడీ చేస్తే పిలిచి మరీ అవకాశమిస్తాడేమో.    ► ట్రైలర్‌ చూసిన కొందరు కృష్ణవంశీగారిలా కొత్తగా తీశావని అభినందిస్తున్నారు. రెగ్యులర్‌ కమర్షియల్‌ చిత్రాలు తప్ప కొత్త కథలను ప్రేక్షకులు ఆదరించరనే భావన ఫిల్మ్‌మేకర్స్‌లో ఉంది. ఆ ఆలోచనా ధోరణి మారాలి. ప్రేక్షకులు చాలా తెలివైనవారు. కొత్త కథలనెప్పుడూ ఆదరిస్తారు. అందుకే ‘పెళ్ళిచూపులు, అర్జున్‌రెడ్డి, తొలిప్రేమ’ వంటి వైవిధ్యమైన చిత్రాలు వచ్చాయి.. హిట్‌ అయ్యాయి. ► ఓ టాప్‌ హీరో ప్రజలకు సేవ చేద్దామనుకొని రాజకీయాల్లోకి ఎలా వెళ్లాడు? అనే అంశంపై ఓ కథ రాసుకున్నా. అది పవన్‌ కల్యాణ్‌గారి వ్యక్తిత్వానికి దగ్గరగా ఉంటుంది. అవకాశం వస్తే ఆయనతో చేయడానికి రెడీ. హీరోని దృష్టిలో పెట్టుకుని కథలు రాయను. కథ రాశాకే హీరో ఎవరని ఆలోచిస్తా.

ఆనంది ఆర్ట్ క్రియేషన్స్, ఇందిరా ప్రొడక్షన్స్ పతాకాలపై సంజయ్ స్వరూప్, పి.కిరణ్ సంయుక్తంగా నిర్మిస్తున్న సినిమా ‘మనసుకు నచ్చింది’. సందీప్ కిషన్, అమైరా దస్తూర్, త్రిదా చౌదరి హీరోహీరోయిన్లుగా నటించిన ఈ చిత్రం ద్వారా మంజుల ఘట్టమనేని దర్శకురాలిగా పరిచయమవుతున్నారు.  ఇప్పటికే అన్ని కార్యక్రమాలు పూర్తిచేసుకున్న ఈ సినిమా ఇటీవల సెన్సార్ పూర్తి చేసుకొని ‘యు/ఎ’ సర్టిఫికెట్ అందుకొంది. ఫిబ్రవరి 16న ఈ చిత్రాన్ని ప్రపంచవ్యాప్తంగా విడుదల చేసేందుకు చిత్రబృందం సన్నద్ధమవుతోంది.  ఈ సందర్భంగా నిర్మాతలు మాట్లాడుతూ.. ‘విడుదలైన పోస్టర్స్, ట్రైలర్, టీజర్ కి మంచి రెస్పాన్స్ వచ్చింది. ఫ్రెష్ & రొమాంటిక్ యూత్ ఫుల్ ఎంటర్ టైనర్ గా మనసుకి నచ్చింది తెరకెక్కింది. సెన్సార్ పూర్తయ్యింది, యు/ఎ సర్టిఫికేషన్ సొంతం చేసుకుంది. రాధన్ మ్యూజిక్ సినిమాకి బిగ్గెస్ట్ ఎస్సెట్ గా నిలుస్తుంది. ప్రేక్షకులకి ఒక మంచి సినిమా చూశామనే భావన కలిగించే చిత్రం మనసుకు నచ్చింది’ అన్నారు.