Kumkum

మహిళల ఆర్చరీ రికర్వ్‌ వ్యక్తిగత విభాగంలో భారత ప్లేయర్‌ కుంకుమ్‌ మొహొద్‌ కొత్త చరిత్ర సృష్టించింది. ఆసియా క్రీడల్లో మహిళల రికర్వ్‌ ఈవెంట్‌ లో స్వర్ణం సాధించిన తొలి భారతీయ ఆర్చర్‌గా రికార్డు నెలకొల్పింది. ఫైనల్లో ‘షూటాఫ్‌’ ద్వారా ఆమె విజయాన్ని సొంతం చేసుకుంది. ఓవరాల్‌గా 6–5 స్కోరుతో యెజిన్‌ ఓ (దక్షిణ కొరియా)ను కుంకుమ్‌ ఓడించింది. ఐదు సెట్‌ల తర్వాత ఇద్దరు ఆర్చర్లు 5–5తో సమంగా నిలిచారు. దాంతో విజేతను నిర్ణయించేందుకు ‘షూటాఫ్‌’ అవసరమైంది. ఈసారి భారత ఆర్చర్‌ సరిగ్గా 10 పాయింట్లు స్కోర్‌ చేయగా, కొరియా ఆర్చర్‌ 8 పాయింట్లకే పరిమితమై ఓటమిపాలైంది. అంతకుముందు కుంకుమ్‌ క్వార్టర్‌ ఫైనల్లో 6–4తో ప్రస్తుత ప్రపంచ చాంపియన్‌ కాంగ్‌ చెయంగ్‌ (దక్షిణ కొరియా)పై, సెమీఫైనల్లో 2025 ప్రపంచ చాంపియన్‌షిప్‌ రజత పతక విజేత జూ జింగీ (చైనా)పై విజయం సాధించింది. ఈ ప్రదర్శనతో కుంకుమ్‌ 2028 లాస్‌ ఏంజెలిస్‌ ఒలింపిక్స్‌లో భారత్‌కు నేరుగా బెర్త్‌ను అందించింది.పురుషుల రికర్వ్‌ విభాగంలో భారత ఆటగాడు నీరజ్‌ చౌహాన్‌కు కాంస్య పతకం లభించింది. మూడో స్థానం కోసం జరిగిన పోరులో అతను మరో భారత ఆర్చర్, ఆంధ్రప్రదేశ్‌కు చెందిన ధీరజ్‌ బొమ్మదేవరను 6–4తో ఓడించడం విశేషం.‘పసిడి కుంకుమ్‌’17 ఏళ్ల కుంకుమ్‌ స్వస్థలం మహారాష్ట్రలోని అమరావతి. చదువులో బాగా చురుకైన అమ్మాయి. ప్రతీసారి కనీసం 90 శాతం మార్కులు సాధిస్తూ వచ్చే ఆమెకు గణితం బాగా ఇష్టమైన సబ్జెక్ట్‌. కానీ ఇప్పుడు ఆమె దృష్టిలో అంకెలు అంటే లక్ష్యాన్ని చేరుకున్న తర్వాత లెక్కించే స్కోరింగ్‌ పాయింట్లే! 2018లో తల్లి రూపాలి ప్రోత్సాహంతో తన 9 ఏళ్ల వయసులో ఆమె ఆర్చరీని మొదలు పెట్టి ఆపై ఒక్కో మెట్టే ఎక్కుతూ వచ్చింది. కోచ్‌ ప్రఫుల్‌ డాంగే చిన్నప్పుడు ఆమెలో ప్రతిభను గుర్తించి ప్రోత్సహిస్తూ అన్ని రకాలుగా ఆటలో మేటిగా తీర్చిదిద్దాడు. ఇప్పటి వరకు కూడా ఆమె అక్కడే శిక్షణ కొనసాగిస్తోంది. 2020లో జాతీయ సబ్‌ జూనియర్‌ చాంపియన్‌షిప్‌లో రాణించడంతో కుంకుమ్‌ అసలు ప్రయాణం మొదలైంది. ఆ తర్వాత 365 రోజులూ ఆమెకు ప్రాక్టీస్‌ చేయడంలోనే ఆనందం లభించేది. దసరా, దీపావళిలాంటి పండగలను కూడా ఏ రోజూ పట్టించుకోలేదు. కొన్నాళ్ల క్రితమే కోచ్‌ ఆమెను సోషల్‌ మీడియాకు దూరంగా ఉండమని చెప్పడంతో వెంటనే తన ఫోన్‌లోంచి యూట్యూబ్‌ను కూడా తొలగించి పూర్తిగా ఆర్చరీపైనే దృష్టి పెట్టింది. స్వీట్‌ షాప్‌లలో ఉపయోగించే బాక్స్‌లను ఇంట్లోనే తయారు చేసి సప్లై చేయడం ఆమె తండ్రి అనిల్‌ జీవనాధారం.సహజంగానే క్రీడల కోసం ఎక్కువ మొత్తం కేటాయించే అవకాశం లేదు కాబట్టి ఇతర ప్రయత్నాలతోనే ఆమె కూతురుకు అండగా నిలిచాడు. ఇప్పుడు చిన్న వయసులోనే తన ఆటతో అరుదైన ఘనతలు సాధిస్తున్న కుంకుమ్‌ తండ్రి కళ్లల్లో ఆనందాన్ని నింపింది. ఆర్చరీని మొదలు పెట్టిన ఎనిమిదేళ్లలో ఆమె ఇప్పుడు భారత్‌ తరఫున అత్యుత్తమ ఆర్చర్లలో ఒకరిగా గుర్తింపు తెచ్చుకుంటోంది. ఈ ఏడాది ప్రపంచకప్‌లో 2 స్వర్ణాలు సాధించడంతో ఆమెకు ప్రత్యేక గుర్తింపు లభించింది. ఇప్పుడు ఆసియా క్రీడలనుంచి 3 పతకాలతో వెనుదిరుగుతున్న కుంకుమ్‌ ఒలింపిక్స్‌ పతకాన్నే లక్ష్యంగా పెట్టుకుంది. ‘ఆసియా క్రీడల్లో స్వర్ణం సాధించాలనే లక్ష్యంతోనే ఇక్కడికి వచ్చాను. గత నెల రోజులుగా దీని కోసం చాలా కష్టపడ్డా. ఇప్పుడు దానిని అందుకోగలిగా. నాపై నాకు నమ్మకముంది. ఇతర సహచరులంతా కూడా నన్ను బాగా ప్రోత్సహించారు. ఒలింపిక్స్‌పైనే నా గురి’ అని ఆమె వ్యాఖ్యానించింది.

అంతర్జాతీయ ఆర్చరీలో దక్షిణ కొరియాకున్న రికార్డు అసాధారణం... విభాగంతో సంబంధం లేకుండా... ప్రపంచ చాంపియన్‌షిప్‌ అయినా... ఒలింపిక్స్‌ అయినా... ఆసియా క్రీడలైనా... పసిడి పతకాలతో తిరిగి వెళ్లడం కొరియా ఆర్చర్లకు అలవాటుగా మారింది. అందుకే ఇప్పటికి కొరియా 10 సార్లు ఒలింపిక్స్‌ చాంపియన్‌గా... 10 సార్లు ఆసియా క్రీడల చాంపియన్‌గా నిలిచింది. ఇంతటి ఘనమైన రికార్డు కలిగిన దక్షిణ కొరియాను భారత మహిళల ఆర్చరీ జట్టు బోల్తా కొట్టించి పెను సంచలనం సృష్టించింది. శుక్రవారం జరిగిన మహిళల రికర్వ్‌ టీమ్‌ ఈవెంట్‌ ఫైనల్లో అంకిత, కీర్తి శర్మ, కుంకుమ్‌లతో కూడిన భారత జట్టు 5–3 (54–54, 56–56, 55–51, 54–54) సెట్‌ పాయింట్లతో కాంగ్‌చెయంగ్, లీ యున్‌జీ, ఒయెజిన్‌లతో కూడిన దక్షిణ కొరియా జట్టును ఓడించి స్వర్ణ పతకాన్ని సొంతం చేసుకుంది. సెట్‌లో భాగంగా ఇరు జట్లు ఒక్కో సిరీస్‌లో ఆరు బాణాల చొప్పున సంధిస్తాయి. సెట్‌ గెలిచిన జట్టుకు రెండు పాయింట్లు లభిస్తాయి. స్కోరు సమమైతే ఒక్కో పాయింట్‌ దక్కుతుంది. భారత్‌; కొరియా తుది పోరులో తొలి రెండు సెట్‌లలో స్కోర్లు ‘టై’గా ముగిశాయి. దాంతో రెండు జట్లు 2–2తో సమంగా నిలిచాయి. మూడో సెట్‌ను భారత్‌ గెలిచి 4–2తో ముందంజ వేసింది. చివరిదైన నాలుగో సెట్‌లో స్కోర్లు సమం కావడంతో భారత్‌ 5–3తో విజయాన్ని ఖాయం చేసుకుంది. 1978 బ్యాంకాక్‌ ఆసియా క్రీడల్లో మహిళల రికర్వ్‌ టీమ్‌ ప్రవేశపెట్టగా... దక్షిణ కొరియా 10 సార్లు స్వర్ణ పతకాలు నెగ్గింది. జపాన్‌ (1978), చైనా (1994) ఒక్కోసారి విజేతగా నిలిచింది. ధీరజ్‌కు రెండు రజతాలు మరోవైపు భారత పురుషుల రికర్వ్‌ జట్టు రజతంతో సంతృప్తి పడింది. ఆంధ్రప్రదేశ్‌ ప్లేయర్‌ బొమ్మదేవర ధీరజ్, నీరజ్‌ చౌహాన్, యశ్‌దీప్‌లతో కూడిన భారత జట్టు ఫైనల్లో 1–5 (56–56, 50–57, 54–56) సెట్‌ పాయింట్లతో కిమ్‌ జెడియోక్, లీ వూ సియోక్, కిమ్‌ వూజిన్‌లతో కూడిన దక్షిణ కొరియా జట్టు చేతిలో ఓడిపోయింది. ఆసియా క్రీడల చరిత్రలో కొరియా పురుషుల జట్టుకిది పదో స్వర్ణం కావడం విశేషం. రికర్వ్‌ మిక్స్‌డ్‌ టీమ్‌ విభాగంలో ధీరజ్‌–కుంకుమ్‌లతో కూడిన భారత జట్టు 3–5 (34–38, 35–37, 37–36, 37–37) సెట్‌ పాయింట్లతో జు జింగీ–లీ మెంగ్‌కి (చైనా) జంట చేతిలో ఓడిపోయింది.

అంటాల్యా (టర్కీ): ప్రపంచకప్‌ ఆర్చరీ స్టేజ్‌–3 టోర్నమెంట్‌లో భారత్‌కు తొలి పతకం ఖరారైంది. రికర్వ్‌ మిక్స్‌డ్‌ టీమ్‌ ఈవెంట్‌లో బొమ్మదేవర ధీరజ్‌ (ఆంధ్రప్రదేశ్‌)–కుంకుమ్‌ (మహారాష్ట్ర) ద్వయం ఫైనల్లోకి దూసుకెళ్లి భారత్‌కు పతకాన్ని అందించనుంది. శుక్రవారం జరిగిన మిక్స్‌డ్‌ టీమ్‌ సెమీ ఫైనల్లో ధీరజ్‌–కుంకుమ్‌ జోడీ 6–2 (36–37, 39–37, 38–36, 38–37) సెట్‌ స్కోరుతో కత్రినా బాయెర్‌–మోరిట్జ్‌ వీసెర్‌ (జర్మనీ) జంటను ఓడించింది. తొలి రౌండ్‌లో ‘బై’ పొంది నేరుగా రెండో రౌండ్‌ ఆడిన ధీరజ్‌–కుంకుమ్‌ 6–0 (38–37, 37–35, 37–35) సెట్‌ స్కోరుతో క్రిస్టీన్‌–డాల్స్‌గార్డ్‌ (డెన్మార్క్‌)లపై, క్వార్టర్‌ ఫైనల్లో 6–2 (38–36, 36–37, 40–36, 40–36) సెట్‌ స్కోరుతో కేసీ కౌఫోల్డ్‌–నికోలస్‌ డామూర్‌ (అమెరికా)లపై గెలిచారు. ఆదివారం జరిగే ఫైనల్లో ఒ యెజిన్‌–కిమ్‌ జె డియోక్‌ (దక్షిణ కొరియా)లతో ధీరజ్‌–కుంకుమ్‌ తలపడతారు. మరోవైపు కాంపౌండ్‌ మిక్స్‌డ్‌ టీమ్‌ విభాగంలో వెన్నం జ్యోతి సురేఖ–సాహిల్‌ (భారత్‌) జోడీ క్వార్టర్‌ ఫైనల్లో 154–156తో ఒడోనూస్‌ సవన్నా–కర్టిస్‌ బ్రాడ్‌నక్స్‌ (అమెరికా) జంట చేతిలో పరాజయం పాలైంది.

షాంఘై (చైనా): ఐదేళ్ల నిరీక్షణకు భారత మహిళల ఆర్చరీ జట్టు తెరదించింది. ఆదివారం ముగిసిన ప్రపంచకప్‌ స్టేజ్‌–2 టోర్నీలో మహిళల టీమ్‌ రికర్వ్‌ విభాగంలో టీమిండియా భారత జట్టు స్వర్ణ పతకాన్ని సొంతం చేసుకుంది. వరుసగా నాలుగు ఒలింపిక్స్‌లో పోటీపడ్డ ప్రపంచ మాజీ నంబర్‌వన్‌ దీపిక కుమారి, అంకిత, కుంకుమ్‌లతో కూడిన భారత జట్టు ఫైనల్లో 5–4 (54–53, 52–55, 56–57, 54–53, 28–26) సెట్‌ పాయింట్లతో జు జింగీ, యు కి, హువాంగ్‌ యువెలతో కూడిన ఆతిథ్య చైనా జట్టును ఓడించింది. తొలి సెట్‌ను నెగ్గిన భారత్‌ 2–0తో ముందంజ వేయగా... రెండో సెట్‌ను గెలిచి చైనా స్కోరును 2–2తో సమం చేసింది. మూడో సెట్‌ను కోల్పోయి 2–4తో వెనుకబడ్డ భారత్‌ నాలుగో సెట్‌ను సొంతం చేసుకొని స్కోరును 4–4తో సమం చేసింది. విజేతను నిర్ణయించేందుకు ‘షూట్‌ ఆఫ్‌’ నిర్వహించారు. భారత బృందం 28 పాయింట్లు స్కోరు చేయగా... చైనా 26 పాయింట్లకే పరిమితమైంది. దాంతో 2021 తర్వాత భారత మహిళల రికర్వ్‌ జట్టు ప్రపంచకప్‌లో బంగారు పతకాన్ని దక్కించుకుంది. చివరిసారి 2021లో దీపిక కుమారి, కోమలిక, అంకితలతో కూడిన భారత జట్టు గ్వాటెమాలా సిటీలో జరిగిన ప్రపంచకప్‌ స్టేజ్‌–1 టోర్నీలో, పారిస్‌లో జరిగిన ప్రపంచకప్‌ స్టేజ్‌–3 టోర్నీలో పసిడి పతకాలు గెలిచింది. మరోవైపు మహిళల రికర్వ్‌ వ్యక్తిగత విభాగంలో భారత ఆర్చర్‌ సిమ్రన్‌జీత్‌ కౌర్‌ కాంస్య పతకాన్ని చేజార్చుకుంది. సెమీఫైనల్లో సిమ్రన్‌జీత్‌ 0–6 ( 25–26, 24–29, 26–28)సెట్‌ పాయింట్లతో కాంగ్‌ చెయంగ్‌ (దక్షిణ కొరియా) చేతిలో ఓడిపోయింది. అనంతరం కాంస్య పతక మ్యాచ్‌లో సిమ్రన్‌జీత్‌ 4–6 (29–27, 27–29, 28–28, 28–29, 28–28) సెట్‌ పాయింట్లతో జాంగ్‌ మిన్‌హీ (దక్షిణ కొరియా) చేతిలో పరాజయం పాలైంది. సెట్‌ గెలిస్తే రెండు పాయింట్లు, స్కోరు సమమైతే ఒక్కో పాయింట్‌ కేటాయిస్తారు. తదుపరి ప్రపంచకప్‌ స్టేజ్‌–3 టోర్నీ టర్కిలోని అంటాల్యా నగరంలో జూన్‌ 9 నుంచి 14 వరకు జరుగుతుంది.

విడాకులు అనే పదం ఈ రోజుల్లోనే కామన్ అయిపోయింది. సినీ ఇండస్ట్రీలో ఈ పదం ఎక్కువగా వినిపిస్తూ ఉంటుంది. పెళ్లైన కొన్నేళ్లలోనే పెళ్లి బంధానికి ఎండ్ కార్డ్ పడేస్తున్నారు. అలా తాజాగా ప్రముఖ బుల్లితెర నటి తన వైవాహిక బంధానికి గుడ్‌ బై చెప్పేసింది. బాలీవుడ్ బుల్లితెర నటి ముగ్ధా చాఫేకర్ విడాకులు తీసుకున్నట్లు తీసుకుంది. ఈ విషయాన్ని ఆమె భర్త, నటుడు రవీశ్ దేశాయ్ సోషల్ మీడియా ద్వారా ప్రకటించారు. తనకు పెళ్లైన తొమ్మిదేళ్ల తర్వాత భర్త రవీశ్ దేశాయ్‌తో విడిపోయింది.రవీశ్ దేశాయ్ తన ఇన్‌స్టాలో రాస్తూ.. "చాలా ఆలోచనల తర్వాత, ముగ్ధ , నేను మా సొంత మార్గాల్లో ప్రయాణించేందుకు నిర్ణయించుకున్నాం. అందుకే భార్య,భర్తలుగా విడిపోవాలని డిసిషన్ తీసుకున్నాం. ఈ నిర్ణయం తీసుకోవడానికి ఒక సంవత్సరం కంటే ఎక్కువ కాలం పట్టింది. ఇప్పటివరకు పరస్పరం ప్రేమ, స్నేహం, గౌరవంతో కలిసి ప్రయాణించాం. ఆమెతో ఉన్న రోజులు జీవితాంతం గుర్తుంటాయి." అని పోస్ట్ చేశారు. ఈ సమయంలో తమకు గోప్యత కావాలని అభిమానలను అభ్యర్థించాడు. అభిమానులు, మీడియా మాపై దయతో మద్దతుగా ఉండాలని.. ఎటువంటి తప్పుడు కథనాలను నమ్మవద్దని నటి భర్త కోరారు.కాగా.. రవీశ్ దేశాయ్, ముగ్ధా చాఫేకర్ 2014లో సత్రంగి ససురల్ సెట్స్‌లో మొదటిసారి కలుసుకున్నారు. ఈ సీరియల్‌లో వీరిద్దరి మధ్య ప్రేమ చిగురించింది. ఆ తర్వాత డిసెంబరు 2016లో ముంబయిలో జరిగిన గ్రాండ్‌ వేడుకలో వీరి వివాహం జరిగింది. ప్రముఖ టీవీ సీరియల్‌ కుంకుమ భాగ్య సీరియల్‌లో ప్రాచీ మెహ్రా కోహ్లి పాత్రకు గానూ ముగ్ధా చాఫేకర్ బాగా ఫేమస్ అయింది. అలాహే రవీశ్ దేశాయ్ మేడ్ ఇన్ హెవెన్, షీ (సీజన్ 2), స్కూప్‌ లాంటి వెబ్ సిరీస్‌ల్లో కనిపించారు. చివరిసారిగా స్పోర్ట్స్ డ్రామా విజయ్ 69లో కనిపించారు.

బాదామి: కర్ణాటక మాజీ ముఖ్యమంత్రి సిద్దరామయ్య మరోసారి వివాదస్పద వ్యాఖ్యలు చేశారు. గతంలో పలు వివాదాలు కేంద్ర బిందువుగా నిలిచిన ఆయన.. తాజాగా మరో వివాదానికి తెరతీశారు. నుదిటిపై కుంకుమ బొట్టు, విభూది పెట్టుకునేవారిపై ఆయన సంచలన వ్యాఖ్యలు చేశారు. వివరాల్లోకి వెళితే.. సిద్దరామయ్య మంగళవారం బాదామిలో జరిగిన ఓ కార్యక్రమంలో పాల్గొన్నారు. ఆ కార్యక్రమం ప్రారంభోత్సవం సందర్భంగా అర్చకులు తొలుత పూజలు నిర్వహించారు. ఆ తర్వాత ప్రసంగించిన సిద్దరామయ్య.. నుదుటిపై పొడవాటి బొట్టు పెట్టుకున్న ఓ వ్యక్తిని చూపిస్తూ బాధ్యత రహితమైన వ్యాఖ్యలు చేశారు.  ‘నుదుటిపై పొడవైన కుంకుమ బొట్లు, విభూది పెట్టుకున్న వారిని చూసి నేను భయపడుతున్నాను. మీరు నుదిటిపై కుంకుమ బొట్టు పెట్టుకుంటారు. అయితే సక్రమంగా పని చేస్తారా?. ఎవరైనా సరే సకాలంలో వారికి కేటాయించిన పనిని సక్రమంగా పూర్తి చేయాలి. నుదిటిపై పొడవైన బొట్లు పెట్టుకున్నవారిని చూస్తే నాకు ఎందుకు భయమేస్తుందో అర్థం కావడం లేద’ని సిద్దరామయ్య వ్యాఖ్యానించారు. ప్రస్తుతం ఇందుకు సంబంధించిన వీడియో వైరల్‌గా మారింది. ఈ వ్యాఖ్యలపై పలువురు నెటిజన్లు సిద్దరామయ్యపై ఆగ్రహం వ్యక్తం చేస్తున్నారు. #WATCH Former Karnataka CM and Congress leader Siddaramaiah, says, "I am scared of people who put long tikas with kumkum or ash", at an event, in Badami, Karnataka, yesterday pic.twitter.com/2UMjVI3DkL — ANI (@ANI) 6 March 2019


 కొత్త సంవత్సరానికి శ్రీకాంత్ శుభారంభం పలకబోతున్నారు. 2014 జనవరి 1న శ్రీకాంత్ హీరోగా నటించిన ‘క్షత్రియ’ చిత్రం విడుదల కాబోతోంది. నిధి అన్వేషణే ప్రధానాంశంగా ఈ చిత్రం రూపొందింది. కుంకుమ్ కథానాయిక. కె.ఉదయ్‌చంద్ దర్శకుడు. మహేంద్రవర్మ, మొదుళ్ల జియేందర్‌రెడ్డి నిర్మాతలు. ఈ చిత్రం ప్రివ్యూను హైదరాబాద్‌లో తిలకించిన శ్రీకాంత్... ప్రేక్షకులకు తప్పక నచ్చే సినిమా ఇదని నమ్మకం వ్యక్తం చేశారు. సస్పెన్ థ్రిల్లర్‌గా తెరకెక్కిన ఈ చిత్రం శ్రీకాంత్ కెరీర్‌లో మైలురాయిగా నిలుస్తుందని నిర్మాతలు చెప్పారు. ఈ చిత్రానికి కెమెరా: రాజు తోట, సంగీతం: విశ్వ.


 శ్రీకాంత్, కుంకుమ్ జంటగా కె.ఉదయ చందు దర్శకత్వంలో వి.మహేందర్-మొదుళ్ల జయేందర్‌రెడ్డి నిర్మిస్తున్న ‘క్షత్రియ’ పాటల ఆవిష్కరణ హైదరాబాద్‌లో జరిగింది. డి.రామానాయుడు ఆడియో సీడీని ఆవిష్కరించి, తొలి ప్రతిని తమ్మారెడ్డి భరద్వాజ్‌కు అందించారు. ఇందులో పాటలు ఆకట్టుకుంటాయని సంగీత దర్శకుడు విశ్వ తెలిపారు. ఈ కార్యక్రమంలో ఇంకా సాగర్, భరద్వాజ్, వీరశంకర్, మల్టీ డెమైన్షన్ వాసు, సురేష్ కొండేటి తదితరులు మాట్లాడారు.


  ‘‘ఈ కథ చాలా కొత్తగా అనిపించింది. అలాగే చాలా థ్రిల్లింగ్‌గా కూడా అనిపించింది. నేను ఇటువంటి థ్రిల్లర్ మూవీ చేయడం ఇదే తొలిసారి’’ అని శ్రీకాంత్ చెప్పారు. శ్రీకాంత్, కుంకుమ్ జంటగా కె.ఉదయ చందు దర్శకత్వంలో వి.మహేందర్-మొదుళ్ల జయేందర్‌రెడ్డి నిర్మిస్తున్న ‘క్షత్రియ’ పాటల ఆవిష్కరణ హైదరాబాద్‌లో జరిగింది. డి.రామానాయుడు ఆడియో సీడీని ఆవిష్కరించి, తొలి ప్రతిని తమ్మారెడ్డి భరద్వాజ్‌కు అందించారు. ఈ సందర్భంగా భరద్వాజ్ మాట్లాడుతూ -‘‘శ్రీకాంత్ 110 సినిమాలు చేసినప్పటికీ తన మొదటి సినిమా సమయంలో ఎలా ఉన్నాడో ఇప్పుడు కూడా అలానే ఉన్నాడు. అతను 200 సినిమాలు పూర్తి చేయాలి’’ అని అన్నారు. ఇందులో పాటలు ఆకట్టుకుంటాయని సంగీత దర్శకుడు విశ్వ తెలిపారు. ఈ కార్యక్రమంలో ఇంకా సాగర్, వీరశంకర్, మల్టీ డెమైన్షన్ వాసు, సురేష్ కొండేటి తదితరులు మాట్లాడారు.
  


 శ్రీకాంత్ కథానాయకునిగా రూపొందుతోన్న చిత్రం ‘క్షత్రియ’. కుంకుమ్ కథానాయికగా నటిస్తున్న ఈ చిత్రానికి కె.ఉదయ్‌చంద్ దర్శకుడు. మహేంద్రవర్మ, మొదుళ్ల జయేందర్‌రెడ్డి నిర్మాతలు. చిత్రీకరణ పూర్తి చేసుకున్న ఈ చిత్రం గురించి దర్శకుడు మాట్లాడుతూ -‘‘టైటిల్‌కి తగ్గట్టే ఇందులో శ్రీకాంత్ పాత్ర చాలా శక్తిమంతంగా ఉంటుంది. 
  
  ఆయన కెరీర్‌లోనే ఇది గొప్ప పాత్ర అని కచ్చితంగా చెప్పగలం. సాంకేతికంగా సినిమా ఉన్నతంగా ఉంటుంది. విశ్వ స్వరాలందించిన ఈ చిత్రం పాటలను ఈ నెలాఖరున విడుదల చేస్తాం. 
  
  అన్ని కార్యక్రమాలనూ పూర్తి చేసి త్వరలోనే సినిమాను ప్రేక్షకుల ముందుకు తెస్తాం’’ అని తెలిపారు. ఈ చిత్రానికి ఛాయాగ్రహణం: రాజు తోట, కళ: సాయిమణి, కూర్పు: శంకర్, లైన్ ప్రొడ్యూసర్: తమ్మినీడి సతీష్‌బాబు.