dassara festival

మైసూర్: దసరా ఉత్సవాల సందర్భంగా మైసూర్ నగరంలో ఏర్పాటు చేసిన అద్భుత విద్యుద్దీపాల అలంకరణ పర్యాటకులను, స్థానికులను మంత్రముగ్ధులను చేస్తున్నాయి. విజయదశమి రోజున చాముండేశ్వరి అమ్మవారి విగ్రహాన్ని అంబారీపై మోసుకెళ్లే గజరాజుల ఊరేగింపు దసరాకు ప్రధాన ఆకర్షణ. రాత్రివేళల్లో కాంతులీనుతున్న మైసూర్ వారసత్వ నగరాన్ని వీక్షించేందుకు లక్షలాది మంది ప్రజలు తరలివస్తున్నారు. రోజురోజుకూ రద్దీ గణనీయంగా పెరుగుతోంది.ఈ ఏడాది చాముండేశ్వరి విద్యుత్ సరఫరా సంస్థ (సీఈఎస్‌సీ) నగరవ్యాప్తంగా 146 కిలోమీటర్ల మేర రోడ్లను విద్యుద్దీపాలతో అలంకరించింది. దీనితో పాటు 123 ట్రాఫిక్ సర్కిళ్లు, 80 ప్రత్యేక లైటింగ్ ఇన్‌స్టాలేషన్లు, అలంకరణ తోరణాలు, రంగురంగుల విద్యుత్ దీపాలను అమర్చారు. ఈ వెలుగుల పండుగ అక్టోబర్ 31 వరకు మొత్తం 21 రోజుల పాటు కొనసాగనుంది. సోషల్ మీడియా వేదికల్లో మైసూర్ విద్యుద్దీపాల దృశ్యాలు షేర్ అవుతూ వైరల్ కావడంతో, ప్రజల్లో ఉత్సుకత పెరిగి నగరానికి వచ్చే సందర్శకుల సంఖ్య మరింత పెరుగుతోంది.ఈ సారి ప్రధాన ఆకర్షణగా ఎల్ఐసీ మిలీనియం సర్కిల్ వద్ద ఏర్పాటు చేసిన భారీ ‘గీతోపదేశ రథం’ విద్యుత్ నమూనా నిలిచింది. వీటితో పాటు రాష్ట్ర సాంస్కృతిక వారసత్వం, సంస్కృతి, అభివృద్ధి, ప్రభుత్వానికి చెందిన పంచ గ్యారెంటీ పథకాలను ప్రతిబింబించేలా ప్రత్యేక లైటింగ్ ఇన్‌స్టాలేషన్లను రూపొందించారు.బెంగళూరుకు చెందిన కళాశాల ప్రొఫెసర్ కావ్య మాట్లాడుతూ ‘టీవీ, మొబైల్స్‌లో లైటింగ్ చూసిన మా ఐదేళ్ల బాబు మైసూర్ వెళ్లాలని పట్టుబట్టాడు. దసరా ఏనుగులను చూడటం కూడా వాడికి ఎంతో ఇష్టం. మేం ఈ విద్యుద్దీపాల కాంతులను చూస్తూ ఫోటోలు దిగి బాగా ఎంజాయ్ చేశాం. విజయదశమి రోజున రద్దీ ఎక్కువగా ఉంటుందని, బాంబూ బజార్ రోడ్డులో జరుగుతున్న ఏనుగుల శిక్షణను చూపించడానికి వాడిని తీసుకెళ్తున్నాను’ అని చెప్పారు.నగరాన్ని బంగారుమయంగా, కళాత్మక ఎల్‌ఈడీ వెలుగులతో తీర్చిదిద్దడం వెనుక సీఈఎస్‌ఈ ఉద్యోగుల కృషి ఎంతో ఉంది. దసరా విద్యుద్దీపాల నిర్వహణ పర్యవేక్షణ కోసం మొత్తం 642 మంది అధికారులు, సిబ్బందిని నియమించారు. ఇంధన శాఖ మంత్రి కెజె జార్జ్ మార్గదర్శకత్వంలో సీఈఎస్‌సీ చైర్‌పర్సన్ రమేష్ బండిసిద్దెగౌడ, టెక్నికల్ డైరెక్టర్ ఎల్. లోకేష్, మేనేజింగ్ డైరెక్టర్ ఎం.ఎస్. అర్చన, సూపరింటెండింగ్ ఇంజనీర్ (మైసూర్ సర్కిల్) సునీల్ కుమార్, ఎగ్జిక్యూటివ్ ఇంజనీర్లు మాదేష్, సందీప్ ఈ పనులను పర్యవేక్షిస్తున్నారు.‘దసరా వేళ విద్యుద్దీపాలు నగర సౌందర్యాన్ని ఇనుమడింపజేసి, సందర్శకులకు ప్రత్యేక అనుభూతిని ఇస్తాయి. తెరవెనుక ఉండి పనిచేసిన ఈ సిబ్బంది శ్రమ పండుగ విజయవంతం కావడంలో కీలక పాత్ర పోషిస్తోంది" అని సీఈఎస్‌సీ మేనేజింగ్ డైరెక్టర్ ఎం.ఎస్. అర్చన తెలిపారు. అక్టోబర్ 17 నుండి 21 వరకు బన్నిమంటప్ మైదానంలో సీఈఎస్‌సీ ఆధ్వర్యంలో అధికారిక డ్రోన్ ప్రదర్శనలు జరుగుతున్నందున, ప్రైవేట్ వ్యక్తులు లేదా సంస్థలు స్వంత డ్రోన్లను ఎగరేసి దృశ్యాలను చిత్రీకరించడం లేదా సోషల్ మీడియాలో పోస్ట్ చేయడంపై నిషేధం విధించారు. ప్రభుత్వ అనుమతి లేకుండా డ్రోన్లు ఎగరేసినా, వీడియోలు తీసినా లేదా సోషల్ మీడియాలో సర్క్యులేట్ చేసినా కఠిన చర్యలు తీసుకుంటామని, అటువంటి డ్రోన్ కెమెరాలను జప్తు చేస్తామని అధికారులు స్పష్టం చేశారు. ఇదీ చదవండి: Punjab: పట్టాలు తప్పిన గూడ్సు రైలు.. రాకపోకలకు తీవ్ర అంతరాయం

‘దుర్గమ’మైన సంసార చక్రంలోని కష్టనష్టాలను దూరం చేసే జగద్రక్షకి దుర్గాదేవి. దుర్గముడనే రాక్షసుడు వేదాలను అపహరించి, యజ్ఞయాగాదులను నిలిపివేసి ప్రకృతిని అతలాకుతలం చేసిన వేళ.. ఆదిపరాశక్తి శాకంభరిగా ఆవిర్భవించి ఆ దానవుడిని సంహరించింది. దుర్గముడిని అంతమొందించిన ఆ తల్లే ‘దుర్గ’గా ఖ్యాతికెక్కింది. శక్తి ఆరాధనకు ప్రతీకలైన వసంత, ఆషాఢ, మాఘ నవరాత్రుల కంటే ఆశ్వయుజ మాసంలో వచ్చే శరన్నవరాత్రులకు విశేష ప్రాధాన్యం ఉంది. అష్టాదశ శక్తిపీఠమైన శ్రీశైల మహాక్షేత్రంలో నేటి నుంచి దసరా మహోత్సవాలు అత్యంత వైభవంగా ప్రారంభమవుతున్న నేపథ్యంలో.. భక్తులను అనుగ్రహించే అమ్మవారి నవదుర్గా స్వరూప విశేషాలివీ..శైలపుత్రి (ఆరోగ్య ప్రదాయిని) పర్వతరాజైన హిమవంతుని పుత్రిక కనుక తొలి దుర్గ గా శైలపుత్రిని అర్చిస్తారు. నవరాత్రులలో మొదటిరో జు కొలిచే ఈ తల్లిని సేవించడం వల్ల సకల వ్యాధులు నశించి, సంపూర్ణ ఆయురారోగ్యాలు చేకూరుతాయి. బ్రహ్మచారిణి (దీక్షా దక్షత) నారద మహర్షి ఉపదేశంతో పరమశివుడిని పతిగా పొ ందేందుకు ఆహార పానీయాలు విడిచి కఠోర తపస్సు ఆచరించిన స్వరూపమిది. ఆమె నిశ్చల తపస్సుకు పరవశించిన శంకరుడు ఆమెను అర్ధాంగిగా స్వీకరించి అర్ధనారీశ్వరుడయ్యాడు. ఈ తల్లిని ఆరాధిస్తే భక్తులలో ఆ త్మస్థైర్యం, ఏకాగ్రత, అంకితభావం రెట్టింపవుతాయి. చంద్రఘంట (సకల దుఃఖహారిణి) శిరస్సున అర్ధచంద్రుడిని ధరించి, స్వర్ణకాంతులతో విరాజిల్లే సింహవాహిని చంద్రఘంట. పది చేతుల్లో ధనుర్భాణాలు, త్రిశూలం, ఖడ్గం, గద వంటి ఆయుధాలతో దుష్టశిక్షణకు సిద్ధంగా ఉంటూనే.. కమలం, కమండలం, జపమాలలతో పాటు అభయ, వరద ముద్రలతో భక్తులపై కరుణ కురిపిస్తుంది. ఈమె ఆరాధనతో సమస్త బాధలు, భయాలు పటాపంచలవుతాయి. కూష్మాండ (తేజోమయి.. ఆయుర్దాయ ప్రదాత) బంగారు వర్ణపు కాంతులతో ప్రకాశించే అష్టభుజి కూష్మాండ దేవి. నాలుగు చేతులలో ఆయుధాలు, మూడింటిలో తామర, జపమాల, కమండలాన్ని ధరించిన ఈ తల్లి.. ఎనిమిదో చేతిలో అమృతకలశాన్ని కలిగి ఉంటుంది. ఆ దివ్య అమృతమే మానవాళికి సంపూర్ణ ఆయుష్షును, ఆనందాన్ని ప్రసాదిస్తుందని ప్రతీతి. స్కందమాత (సంతాన సౌభాగ్యం) కుమారస్వామి (స్కందుడు)ని ఒడిలో లాలించే జగన్మాత రూపమిది. నాలుగు చేతులతో, ఒక చేత కలువ పువ్వు, మరో చేతులతో అభయ, వరద ముద్రలను కలిగి ఉంటుంది. ఈ దేవిని ఉపాసిస్తే సంతాన ప్రాప్తి కలగడంతో పాటు దివ్య తేజస్సు లభిస్తుంది. కాత్యాయని (మోక్ష ప్రదాయిని) కాత్యాయన మహర్షి తపస్సుకు మెచ్చి ఆయనకు పుత్రికగా జన్మించిన మూర్తి. చతుర్భుజిగా, సింహవాహినిగా సాక్షాత్కరించే కాత్యాయనీ దేవిని కొలిస్తే చతుర్విధ పురుషార్థాలు (ధర్మ, అర్థ, కామ, మోక్షాలు) సిద్ధిస్తాయి. జన్మజన్మాంతరాల పాపాలు సమసిపోతాయి. కాళరాత్రి (భయ వినాశిని – శుభంకరి) చిక్కటి నల్లని మేనిఛ్ఛాయ, విరబోసిన కురులు, త్రినేత్రాలతో రౌద్రరూపంలో దర్శనమిచ్చే తల్లి కాళరాత్రి. గార్దభవాహినిగా ఖడ్గం ధరించి ఉండే ఈమె నామస్మరణతో భూతప్రేతాలు పలాయనం చిత్తగిస్తాయి. చూడటానికి భయంకరంగా ఉన్నా నిరంతరం భక్తులకు శుభాలు చేకూర్చే మాత కావడంతో ‘శుభంకరి’గా పూజలందుకుంటోంది. మహాగౌరి (శాంతి స్వరూపిణి) శివుడి కోసం ఘోర తపస్సు చేసి మేనిఛాయ నల్లబడగా.. పరమేశ్వరుడు గంగాజలంతో అభిõÙకించి గౌరవర్ణాన్ని అనుగ్రహించిన రూపం మహాగౌరి. ఎనిమిదేళ్ల కన్యారూపంలో అర్చించే ఈ తల్లి భక్తుల జీవితాల్లోని చీకట్లను తొలగించి శాంతిసౌఖ్యాలను ప్రసాదిస్తుంది. సిద్ధిధాత్రి (అష్టసిద్ధుల అనుగ్రహం) కమలాసనురాలై శంఖ, చక్ర, గదా, పద్మాలను ధరించే తల్లి సిద్ధిధాత్రి. అణిమాది అష్టసిద్ధులను అనుగ్రహించే దివ్య స్వరూపం. సాధకుల ఇహపర సాధనలను పరిపూర్ణం చేసి మోక్షమార్గాన్ని సుగమం చేస్తుంది. రమావాణి సేవిత రాజరాజేశ్వరి (విజయ ప్రదాయిని) శరన్నవరాత్రుల ముగింపు రోజైన విజయదశమి నాడు అమ్మవారు రమావాణి సేవిత రాజరాజేశ్వరీ దేవిగా దర్శనమిస్తారు. లక్ష్మీ, సరస్వతులు ఇరువైపులా సేవలు చేస్తుండగా.. పాశాంకుశాలు, చెరకుగడ, వరద ముద్రలతో త్రిపురసుందరిగా వెలుగొందే ఈ పరాశక్తిని ఆరాధిస్తే ఇచ్ఛా, జ్ఞాన, క్రియా శక్తులు సిద్ధించి సకల కార్యాల్లో విజయం చేకూరుతుంది.

రాబోయే దేవీ నవరాత్రుల్లో దుర్గాష్టమి, మహా నవమి పూజల తేదీలపై భక్తుల్లో గందరగోళం నెలకొంది. అష్టమి వ్రతం ఎప్పుడు చేయాలి? కుమారీ పూజ ఏ రోజు నిర్వహించాలి? నవమి పూజకు సరైన సమయం ఏది? అనే సందేహాలకు పండితులు సరైన శుభ సమయాలు తెలియజేశారు. 2026లో శారదా నవరాత్రులు అక్టోబర్ 11న ప్రారంభమై, అక్టోబర్ 20న విజయదశమితో ముగుస్తాయి.అక్టోబర్ 19న దుర్గాష్టమిఅష్టమి తిథి అక్టోబర్ 18న ఉదయం 8:27 గంటలకు ప్రారంభమై, అక్టోబర్ 19న ఉదయం 10:51 గంటలకు ముగుస్తుంది. ఉదయ తిథి ప్రకారం అక్టోబర్ 19నే అష్టమిగా పరిగణిస్తారు. అందువల్ల ఆ రోజున అష్టమి వ్రతం, ప్రత్యేక పూజలు, హోమాలు, కుమారి పూజ నిర్వహించవచ్చు. ఈ రోజు దుర్గాదేవి ఎనిమిదో రూపమైన మహాగౌరి అమ్మవారిని పూజిస్తారు.‍కుమారి పూజకు అష్టమి సమయంఅష్టమి సందర్భంగా కుమారి పూజ నిర్వహించే వారు అక్టోబర్ 19న చేయవచ్చు. వీలైనంత వరకు అష్టమికి సంబంధించిన పూజలు, కుమారి పూజను ఉదయం 10:51 గంటలకు ముందే పూర్తి చేయాలని పండితులు సూచించారు. అయితే కొన్ని కుటుంబాల్లో దుర్గాష్టమి పూజను రాత్రివేళ నిర్వహించే సంప్రదాయం ఉంది. అలాంటి వారు అక్టోబర్ 18 రాత్రి అష్టమి తిథి ప్రారంభమైన తర్వాత తమ కుటుంబ సంప్రదాయం ప్రకారం పూజ చేయవచ్చు.10:51 తర్వాత మహానవమిఅక్టోబర్ 19న ఉదయం 10:51 గంటలకు అష్టమి ముగిసి, వెంటనే నవమి తిథి ప్రారంభమవుతుంది. దీంతో అదే రోజు ఉదయం 10:51 గంటల తర్వాత మహానవమి పూజ, హోమాలు, కుమారిపూజ నిర్వహించవచ్చు. అంటే అక్టోబర్ 19న అష్టమి, నవమి రెండింటికీ సంబంధించిన కుమారిపూజ చేసే అవకాశం ఉంది.అక్టోబర్ 20న కూడా నవమి పూజఉదయ తిథికి ప్రాధాన్యం ఇచ్చేవారు అక్టోబర్ 20న కూడా మహానవమి పూజ, కుమారిపూజ చేసుకోవచ్చు. అయితే ఆ రోజు నవమి తిథి మధ్యాహ్నం 12:50 గంటల వరకు మాత్రమే ఉంటుంది. కాబట్టి అక్టోబర్ 20న నవమి పూజ, హోమాలు లేదా కుమారిపూజ చేసేవారు మధ్యాహ్నం 12:50 గంటలలోపు పూర్తి చేయాలి. మహానవమి వ్రతం పాటించేవారు అక్టోబర్ 19న ఉపవాసం ఉండి, దుర్గాదేవిని పూజించి, మరుసటి రోజు విజయదశమి నాడు వ్రతాన్ని విరమించవచ్చని పండితులు పేర్కొన్నారు.సంధి పూజకు 48 నిమిషాలు2026లో సంధి పూజకు అక్టోబర్ 19న ఉదయం 10:27 నుంచి 11:15 గంటల వరకు సమయం ఉంది. మొత్తం 48 నిమిషాల ఈ కాలంలో అష్టమి చివరి 24 నిమిషాలు, నవమి ప్రారంభమైన తొలి 24 నిమిషాలు ఉంటాయి. ఈ సమయాన్నే సంధి కాలంగా పరిగణించి పూజ నిర్వహిస్తారు. మత నమ్మకాల ప్రకారం ఈ సమయంలో దుర్గాదేవి చాముండి రూపంలో చండ, ముండ అనే రాక్షసులను సంహరించిందని చెబుతారు. అందుకే సంధి పూజలో చాముండి రూపంలో అమ్మవారిని ప్రత్యేకంగా ఆరాధిస్తారు.ఇదీ చదవండి: ప్రజాసేవలో 25 ఏళ్లు.. విఘ్నేశునికి ప్రధాని మోదీ పూజలు

శరన్నవరాత్రుల సందర్భంగా పూజ్య గురుదేవ్ శ్రీ శ్రీ రవిశంకర్ ఆశీస్సులతో ఆర్ట్ ఆఫ్ లివింగ్ సంస్థ హైదరాబాద్‌లోని నాంపల్లి ఎగ్జిబిషన్ గ్రౌండ్‌లో ఇవాళ సోమవారం(సెప్టెంబర్‌ 29, 2025) నుంచి మూడు రోజుల పాటు నవరాత్రి హోమాలను నిర్వహిస్తోంది. ప్రముఖ ఆధ్యాత్మిక వేత్తలు స్వామి సూర్యపాద, స్వామి శ్రద్ధానందల ఆధ్వర్యంలో జరుగుతున్న ఈ ఉత్సవాలలో తెలుగు రాష్ట్రాల నుంచి వేలాది భక్తులు పాల్గొంటున్నారు. ఈ ఉత్సవాలలో భాగంగా 28వ తేదీ ఆదివారం ఉదయం గం. 8.30 ల నుంచి శ్రీ మహాగణపతి హోమం, నవగ్రహ హోమం, సుబ్రహ్మణ్య హోమం, వాస్తుహోమం అనంతరం ప్రసాద వితరణ తదితరాలను ఘనంగా జరిగాయి. కాగా, ఈ రోజు సాయంత్రం 5గం.ల నుంచి స్వామి సూర్యపాద గారిచే ప్రత్యేక ఆధ్యాత్మిక సత్సంగం, సామూహిక లలితా సహస్రనామ పారాయణ, కుంకుమార్చన, మహాలక్ష్మి హోమం, శ్రీ సుదర్శన హోమం, అనంతరం ప్రసాద వితరణ ఉంటాయి. అలాగే ఈ వేడుకులో పాల్గొనదలిచని భక్తులందరికీ ఉచితప్రవేశం కల్పిస్తున్నారు నిర్వాహకులు. (చదవండి: చిత్తూ చిత్తుల బొమ్మ..శివుని ముద్దుల గుమ్మ)

మైసూరు: కర్ణాటకలోని మైసూరులో ఈరోజు(సోమవారం) అత్యంత వేడుకగా దసరా ఉత్సవాలు ప్రారంభమయ్యాయి. అంతర్జాతీయ బుకర్ ప్రైజ్‌ గ్రహీత రచయిత్రి బాను ముష్తాక్ నవరాత్రుల తొలిరోజున మైసూరు దసరా ఉత్సవాలకు అంకురార్పణ చేశారు. దసరా ఉత్సవాల ప్రారంభాన్ని సూచిస్తూ, చాముండి కొండలపై కొలువైన చాముండేశ్వరి ఆలయ ప్రాంగణంలో పూజారులు వేద మంత్ర పఠనాల మధ్య అమ్మవారి విగ్రహంపై పూల వర్షం కురిపించారు. #WATCH | Mysuru: Karnataka Chief Minister Siddaramaiah, Booker prize-winning author Banu Mushtaq, and other dignitaries inaugurated Dasara 2025 by performing a floral offering to Goddess Chamundeshwari on the silver chariot. pic.twitter.com/lDunOoKZuA— ANI (@ANI) September 22, 2025ప్రసిద్ధ మైసూరు దసరా ఉత్సవం సంప్రదాయ వేడుకల నడుమ ప్రారంభమైంది. ఈ కార్యక్రమంలో ముఖ్యమంత్రి సిద్ధరామయ్య, పలువురు రాష్ట్ర మంత్రులు, ఇతర ప్రముఖులు పాల్గొన్నారు. ఈ సారి మైసూరు దసరా వేడుకల ప్రారంభానికి రచయిత బాను ముష్తాక్‌ను ఆహ్వానించాలని కర్ణాటక ప్రభుత్వం తీసుకున్న నిర్ణయాన్ని కొందరు బీజేపీ నేతలు, వామపక్ష నేతలు వ్యతిరేకించారు. దీనికి సంబంధించిన పాత వీడియో ఒకటి వైరల్‌గా మారింది. దీనిలో బాను ముష్తాక్‌.. కన్నడ భాషను, అమ్మవారిని భువనేశ్వరిగా పూజించడంపై అభ్యంతరాలు వ్యక్తం చేసినట్లు ఉంది.#WATCH | Mysuru: Karnataka Chief Minister Siddaramaiah, Booker prize-winning author Banu Mushtaq, Mysuru district-in-charge minister Mahadevappa, ministers Shivraj Tangadgi, HK Patil and K Venkatesh and other dignitaries inaugurate Mysuru Dasara festivities. pic.twitter.com/EXOdIEDUSI— ANI (@ANI) September 22, 2025ఈ నేపధ్యంలో దసరా ఉత్సవాలను ప్రారంభించే ముందు బాను.. చాముండేశ్వరి దేవతపై ఆమెకున్న వైఖరిని స్పష్టం చేయాలని పలువురు బీజేపీ నేతలు కోరారు. అయితే బాను ముష్తాక్ దీనికి సమాధానమిస్తూ.. తన పాత ప్రసంగంలోని కొన్ని భాగాలను సోషల్ మీడియాలో వైరల్ చేసి, తన మాటలను వక్రీకరించారని ఆరోపించారు. మరోవైపు బాను ముష్తాక్‌ను మైసూర్ దసరా వేడుకల ప్రారంభానికి కర్ణాటక ప్రభుత్వం ఆహ్వానించడాన్ని సవాలు చేస్తూ దాఖలైన పిటిషన్‌ను సుప్రీంకోర్టు తోసిపుచ్చింది.

శివుడు స్థాణువు. కదలడు. అమ్మవారు కదలిక. సైన్సు పరిభాషలో అయితే అయ్య స్టాటిక్‌ ఎనర్జి. అమ్మ కైనెటిక్‌ ఎనర్జీ. జగతి గతికి రెండు శక్తులూ కావాలి. ఇద్దరూ కలిస్తేనే మన మనుగడ కు కావాల్సిన జడ శక్తి; చిత్‌ శక్తి దొరుకుతున్నాయి.శివః శక్త్యా యుక్తో యది భవతి శక్తః ప్రభవితుం న చేదేవం దేవో న ఖలు కుశలః స్పందితుమపిం అని అంటాడు శంకరాచార్యులు సౌందర్యలహరిలో. శక్తితో కలిసి ఉంటేనే శివుడు ఏదైనా చేయగలుగుతాడు. శివుడు– శక్తి వేరు కాదని శంకరుడు సౌందర్యలహరి మొట్టమెదటి శ్లోకంలోనే సూత్రీకరించాడు.‘కలాభ్యాం చూడాలంకృత–శశి కలాభ్యాం నిజ తపః ఫలాభ్యాం’’ అంటూ శివుడిని పొందడానికి పార్వతి; పార్వతిని పొందడానికి శివుడు తపస్సు చేయడాన్ని అనన్యసామాన్యంగా ఆవిష్కరించాడు శంకరులు శివానందలహరి మొట్టమొదటి శ్లోకంలో. ఒకరినొకరు కలవడానికి, కొలవడానికి వారిది నిజమైన తపోఫలం. ఆధునిక జీవనంలో మన మనుగడ సుఖంగా ఉండడానికి ఈ రెండు శ్లోకాలను పట్టుకుంటే చాలు. వీటి అర్థాన్ని, అంతరార్థాన్ని ఆకళింపు చేసుకుని... ఆచరిస్తే చాలు– శోకాలన్నీ మాయమవుతాయి. ఆధ్యాత్మిక కోణంలో శక్తిగా మనం అమ్మవారిని కొలుచుకుంటాం. లౌకిక విషయాల్లో మహిళల శక్తిని కొలిచేప్పుడు చిన్నచూపు చూస్తాం. అమ్మవారి శక్తి లేకపోతే అంతటి శివుడే కనీసం అటు గడ్డి పోచను ఇటు జరపలేడని శంకరుడన్న మాటను నోరు నొవ్వంగ స్తోత్రం చేస్తూ ఉంటాం కానీ... ఆచరణలో ఎంతవరకు పాటిస్తున్నామన్నది ఎవరికివారు ఆత్మపరిశీలన చేసుకోవాల్సిన విషయం.‘సర్వతీర్థాత్మికే; సర్వమంత్రాత్మికే; సర్వయంత్రాత్మికే; సర్వతంత్రాత్మికే; సర్వచక్రాత్మికే; సర్వశక్త్యాత్మికే; సర్వపీఠాత్మికే; సర్వవేదాత్మికే; సర్వవిద్యాత్మికే; సర్వయోగాత్మికే; సర్వవర్ణాత్మికే; సర్వగీతాత్మికే; సర్వనాదాత్మికే; సర్వశబ్దాత్మికే; సర్వవిశ్వాత్మికే; సర్వవర్గాత్మికే...’ అంటూ శ్యామలాదండకం చివరిలో కాళిదాసు అందరిలో, అన్నిటిలో, విశ్వమంతా అమ్మవారినే దర్శించాడు.‘అమ్మల గన్నయమ్మ, ముగురమ్మల మూలపుటమ్మ, చాల పెద్దమ్మ...’ అన్నాడు బమ్మెర పోతన. లక్ష్మి, పార్వతి, సరస్వతి– ముగ్గురు అమ్మలు. ఈ ముగ్గురు అమ్మలను కన్నది ఆదిపరాశక్తి దుర్గ. దేవతల తల్లి అదితి. రాక్షసుల తల్లి దితి. ఆ దితికి కడుపు కోత కలిగించిన తల్లి. అంటే రాక్షసులను సర్వనాశనం చేసిన తల్లి. తనను నమ్మే దేవతల మనసులో కొలువై ఉండే తల్లి. అలాంటి తల్లి నాకు గొప్ప పటుత్వం ఉన్న కవిత్వం ప్రసాదించుగాక. ఇది పైకి ధ్వనించే అర్థం.ఇంతకుమించి ఇందులో ఇంకా లోతయిన అర్థం ఉంది. పద్యం మొదట ఉన్న అమ్మలగన్న అమ్మ... ముగ్గురమ్మలను మహత్వ, కవిత్వ, పటుత్వ, సంపదలను క్రమాలంకారంలో అన్వయించుకుంటే–మహత్వం – ఓం,కవిత్వం– ఐం,వశిత్వం– క్లీం పటుత్వం– హ్రీమ్,సంపద– శ్రీమ్‌ అవుతుంది. బీజాక్షరాలను ఎలాపడితే అలా, ఎక్కడ పడితే అక్కడ చెప్పకూడదు కాబట్టి– వాటి సంకేతాలను పోతన ఈ రూపంలో ఆవిష్కరించాడు. ‘చాల పెద్ద’ అద్భుతమయిన ప్రయోగం. సంస్కతంలో ‘మహా శక్తి’ అన్న మాటకు తెలుగు అనువాదం. చ‌ద‌వండి: ల‌లితా స‌హ‌స్ర నామాల్లో ఏముంటుందంటే?దురితాలను పోగొట్టేది; దుర్గంలా మన చుట్టూ రక్షణకవచంలా నిలబడేది దుర్గ. మనలో, మన చుట్టూ ఉండి నడిపించే శక్తిని కాళిదాసు దర్శించినట్లు మనం కూడా సర్వవిశ్వాత్మికగా దర్శించగలిగితే మనకు కూడా దుర్గ కట్టని కోటగా నిలబడి రక్షణనిస్తుంది.– పమిడికాల్వ మధుసూదన్‌ సీనియర్‌ పాత్రికేయులు

మైసూరు: కర్ణాటకలో మైసూరు పట్టణంలో దసరా ఉత్సవాల్లో ప్రధాన ఘట్టమైన జంబూ సవారీ ఏనుగుల ఊరేగింపు మంగళవారం అంగరంగ వైభవంగా జరిగింది. ప్రముఖుల పూజలు, వేలాది మంది జనం మధ్య గజరాజులు ప్యాలెస్‌ నుంచి బన్ని మండపం వరకూ సుమారు 5 కిలోమీటర్లు ఊరేగింపుగా వెళ్లి వచ్చాయి. చాముండేశ్వరి అమ్మవారి విగ్రహంతో కూడిన 750 కిలోల బరువైన బంగారు అంబారీని అభిమన్యు ఏనుగుపై ప్రతిష్టించారు. మరో 13 ఏనుగులకు సీఎం సిద్దరామయ్య, మైసూరు రాజవంశీకులు తదితరులు ప్యాలెస్‌ వద్ద పూజలు చేసి మధ్యాహ్నం ఊరేగింపునకు నాంది పలికారు. అంతకుముందు, సీఎం సిద్దరామయ్య నంది ధ్వజ పూజలో పాల్గొన్నారు. సాయుధ బలగాల కవాతు, మేళతాళాలు, కళాకారుల ప్రదర్శనలు, 31 జిల్లాకు చెందిన శకటాల నడుమ ఏనుగులు ముందుకు సాగాయి. కర్ణాటక ప్రభుత్వం రాష్ట్ర ఉత్సవం(నాదహబ్బ)గా దసరా వేడుకలను నిర్వహిస్తుంది.  10 రోజులపాటు సాంస్కృతిక కార్యక్రమాలు ఏర్పాటయ్యాయి. వీటిని తిలకించేందుకు  విదేశాల నుంచీ జనం తరలివచ్చారు. Glimpse of Jumboo Savari reaching Bannimantapa and Ambaari taken back to Mysuru Palace 🙏🙏 VC : Suhas Shivaay#MysuruDasara2023 pic.twitter.com/gX3ykOOn3K — Mysuru Memes (@MysuruMemes) October 25, 2023

జిమ్‌లో తెగ కష్టపడిపోతున్న యాంకర్ అనసూయ చీరలో క్యూట్‌గా అనిపిస్తున్న అను ఇమ్మాన్యుయేల్ లంగా ఓణీలో అబ్బా అనిపిస్తున్న నభా నటేశ్ బ్లాక్ చీరలో మెరిసిపోతున్న హాట్ బ్యూటీ ఈషా రెబ్బా హాట్ పోజుల్లో మెల్ట్ అయ్యేలా చేస్తున్న ఈషా గుప్తా చీరలో పరువాల విందు చేస్తున్న కావ్య కల్యాణ్ రామ్ పుట్టినరోజు సెలబ్రేషన్స్ వీడియో పోస్ట్ చేసిన మలైకా అరోరా టైగర్ నాగేశ్వరరావు బ్యూటీ అనుకృతి సోయగాలు View this post on Instagram A post shared by Anasuya Bharadwaj (@itsme_anasuya) View this post on Instagram A post shared by Anu Emmanuel (@anuemmanuel) View this post on Instagram A post shared by Nabha Natesh (@nabhanatesh) View this post on Instagram A post shared by Nikita Sharma (@nikitasharma_official) View this post on Instagram A post shared by Eesha Rebba (@yourseesha) View this post on Instagram A post shared by Esha Gupta (@egupta) View this post on Instagram A post shared by Kavya Kalyanram (@kavya_kalyanram) View this post on Instagram A post shared by Malaika Arora (@malaikaaroraofficial) View this post on Instagram A post shared by Kriti (@kritisanon) View this post on Instagram A post shared by Amore by BK (@amorebybk) View this post on Instagram A post shared by Chandrika Ravi • ॐ (@chandrikaravi) View this post on Instagram A post shared by Ketika (@ketikasharma) View this post on Instagram A post shared by Pragya Jaiswal (@jaiswalpragya) View this post on Instagram A post shared by Raashii Khanna (@raashiikhanna) View this post on Instagram A post shared by sitara 🪩 (@sitaraghattamaneni)

సాక్షి, కరీంనగర్‌: ఆశ్వయుజ శుద్ధ పాడ్యమి నుంచి ఆశ్వయుజ శుద్ధనవమి వరకు తొమ్మిదిరోజులు దేవీ నవరాత్రులు జరుపుకుని పదోరోజు విజయదశమిని ఘనంగా నిర్వహించుకుంటారు. శక్తి ఆరాధనకు ప్రాధాన్యం ఇచ్చే పండుగ ఇది. చెడుపై మంచి విజయానికి సూచికగా నిర్వహించుకునే వేడుకే విజయదశమి. దసరా రోజున చేపట్టిన ప్రతీపనిలో విజయం లభిస్తుందని నమ్మకం. అందుకే శక్తి స్వరూపం ఆశీస్సులతో ప్రతిపని చేస్తుంటారు. దసరా అంటే పది దుర్గుణాలపై విజయం సాధించే శక్తినిచ్చేది. రాముడు రావణుడిపై గెలిచిన రోజుగానే గాకుండా పాండవులు వనవాసం వీడుతూ.. జమ్మిచెట్టుపై ఉన్న తమ ఆయుధాలు తిరిగితీసిన రోజు అని కూడా చర్రిత చెబుతోంది. అందుకే దసరా రోజు రావణవధ, జమ్మి ఆకు పూజ చేస్తుంటారు. దుర్గాదేవి మహిషాసురడనే రాక్షసునితో నవరాత్రులు యుద్ధం చేసి విజయం సాధించిన రోజును విజయదశమిగా కూడా చెబుతుంటారు. 'పాల పిట్టల దర్శనం..' దసరా రోజు సాయంత్రం పాలపిట్టను చూస్తే శుభం కలుగుతుందనే నమ్మకం. ఈ రోజున మూడు రకాల పక్షులను చూడడం ఆనవాయితీ. పాలపిట్టను చూస్తే పాపాలు, కర్రెపిట్టను చూసే కష్టాలు, గరత్మంతుడు అంటే గద్దను చూసే గండాలు తొలుగుతాయని ప్రజల నమ్మకం. శమీ పూజ విశేషం.. దసరా రోజున శమీ పూజ ప్రత్యేకం. శమీ వృక్షం సువర్ణ వర్షం కురిపిస్తుందని శాస్త్రాలు చెబుతున్నాయి. విజయదశమి రోజున పూజలు చేసిన జమ్మిచెట్టు ఆకులను ఇంట్లోని పూజాస్థలంలో, నగదుపెట్టెలో ఉంచుతారు. దీంతో ధనవృద్ధి జరుగుతుందని ప్రతీతి. శ్రీరాముడి వనవాస సమయంలో కుటీరం జమ్మిచెట్టు చెక్కలతో నిర్మించారని చెబుతారు. శమీ అంటే పాపాల్ని, శత్రువులను నశింపచేసేదిగా, అందుకే జమ్మి చెట్టుకు అంత ప్రాముఖ్యం. ఆయుధ పూజ మహిషాసురుడిని వధించడానికి దుర్గదేవి అష్టభుజాలతో అవతరించింది. దేవతలు తమ ఆయుధాలను అందించడంతో ఆదిశక్తి మహావిరాట్‌ రూపాన్ని సంతరించుకుంది. హిమవంతుడు ఇచ్చిన సింహాన్ని అధిరోహించి మహిషాసురుడిని వధించి వి జయవిలాసిగా మూర్తిమత్వాన్ని చాటుకుంది. అందువల్లే పూర్వం రాజులు ఆయుధాలను పూజించేవారు. ఆ ఆచారంతోనే దసరా రోజు యంత్రం, వా హన, పనిముట్లకు పూజలు చేయడం ఆనవాయితీ. బంగారం ఇచ్చి ఆశీర్వాదం! పెద్ద, చిన్న తేడా లేకుండా అందరూ కలిసి జమ్మిచెట్టు ఆకులను కుంకుమ కలిపిన బియ్యంలో కలుపుతారు. పూజ చేసిన జమ్మి, ఆకులు, బియ్యాన్ని ప్రతి ఒక్కరు తీసుకవెళ్తారు. దీనిని బంగారం అని పిలుస్తారు. ఈ బంగారం తీసుకెళ్లి తల్లిదండ్రులకు, పెద్దలకు చేతిలో పెట్టి ఆశీర్వాదం పొందడం అనవాయితీ. ఒకరికి ఒకరు ఇచ్చుకుని అలయ్‌బలయ్‌ చేసుకుంటారు.

హైదరాబాద్, బిజినెస్‌ బ్యూరో: మల్టీ బ్రాండ్‌ మొబైల్స్‌ రిటైల్‌ చైన్‌ బిగ్‌ ‘సి’ దసరావళి తొలి లక్కీ డ్రా విజేతలను ప్రకటించింది. సంస్థ ఫౌండర్‌ ఎం.బాలు చౌదరి, డైరెక్టర్లు స్వప్న కుమార్, బాలాజీ రెడ్డి ఈ వివరాలను బుధవారం వెల్లడించారు. మొత్తం 20 మందిని లక్కీ డ్రాలో ఎంపిక చేశారు. వీరిలో 10 మందికి మారుతీ ఆల్టో 800 కార్లు, 10 మందికి బజాజ్‌ ప్లాటినా బైక్‌లను బహుమతిగా అందిస్తారు. అక్టోబరు 29 వరకు ఉండే ఈ ఆఫర్‌ కింద మొత్తం 30 మారుతి ఆల్టో కార్లు, 30 బజాజ్‌ ప్లాటినా బైక్‌లను కస్టమర్లు గెలుచుకోవచ్చు. అలాగే 10% హెచ్‌డీఎఫ్‌సీ క్యాష్‌ బ్యాక్, సులభ వాయిదాల్లో మొబైల్‌ కొన్నవారికి ఒక ఈఎంఐ ఉచితం, 30% పేటీఎం క్యాష్‌బ్యాక్‌ అందుకోవచ్చు. ప్రతి మొబైల్‌ కొనుగోలుపై కచ్చితమైన బహుమతి ఉంది.


 విజయవాడ: దసరా సందర్భంగా ఇంద్రకీలాద్రి కనకదుర్గమ్మ అమ్మవారి దర్శనానికి భక్తులు పెద్దసంఖ్యలో తరలివస్తున్నారు. అమ్మవారి దర్శనం కోసం వచ్చిన భక్తుల రద్దీ ఎక్కువగా ఉండటంతో దేవస్థాన ప్రైవేట్‌ సెక్యూరిటీ భద్రత కట్టుదిట్టం చేసింది. ఈ నేపథ్యంలో భద్రతా సిబ్బంది భక్తులపై అత్యుత్సాహం ప్రదర్శించింది.
 
 అమ్మవారి గర్భగుడి దగ్గర దర్శనం చేసుకుంటున్న భక్తులను ఒక్కసారిగా సిబ్బంది బయటకు తోసివేశారు. దాంతో దర్శనానికి వచ్చిన భక్తులంతా ప్రైవేట్‌ సెక్యూరిటీ తీరుపై ఆగ్రహం వ్యక్తం చేశారు.


  ►దసరా రోజున ఇదే సమయంలో అన్ని కొత్త జిల్లాల ప్రారంభోత్సవం
  ► దాదాపు 300 ఉత్తర్వుల విడుదలకు ఏర్పాట్లు
  ► తొలుత కొత్త జిల్లాల ఏర్పాటుకు గెజిట్ నోటిఫికేషన్
 ►  ఆ వెంటనే కలెక్టర్, ఎస్పీల నియామకాలు..
 ► ఉద్యోగులకు ఆర్డర్ టు సర్వ్ ఉత్తర్వులు
 ► 11.13 గంటలకు జాతీయ జెండా ఆవిష్కరణ
 ► ఏర్పాట్లు చేసుకొనేందుకు అధికారులకు ముందుగానే మౌఖిక ఆదేశాలు
  
  సాక్షి, హైదరాబాద్: రాష్ట్రంలో కొత్త జిల్లాల ఏర్పాటుకు ముహూర్తం ఖరారైంది. దసరా రోజున అంటే ఈ నెల 11వ తేదీన ఉదయం 11.13 గంటలకు కొత్త జిల్లాల ప్రారంభోత్సవం జరుగనుంది. అన్ని జిల్లాల్లోనూ ఇదే సమయంలో ప్రారంభోత్సవం జరగాలని సీఎం కె.చంద్రశేఖర్‌రావు ఆదేశించారు. ఇక కొత్త జిల్లాలను ఏర్పాటు చేస్తూ ప్రభుత్వం దసరా పండుగ రోజే ఉత్తర్వులన్నీ జారీ చేయనుంది. ఆ రోజు ఉదయమే దాదాపు 300కు పైగా ఉత్తర్వులు జారీ కానున్నాయి. తొలుత కొత్త జిల్లాల ఏర్పాటును ప్రకటిస్తూ గెజిట్ నోటిఫికేషన్ జారీ అవుతుంది. ఆ వెంటనే కొత్త జిల్లాలకు కలెక్టర్లు, ఎస్పీలు, ఇతర శాఖల అధికారులను నియమిస్తూ ఆదేశాలు జారీ అవుతాయి.
  
  తాత్కాలిక ఏర్పాట్లలో భాగంగా ఆర్డర్ టు సర్వ్ విధానంలో అధికారులను నియమిస్తారు. అయితే కొత్త జిల్లాలకు వెళ్లి తమ కార్యాలయాల ప్రారంభోత్సవాలకు ఏర్పాట్లు చేసుకునేందుకు సంబంధిత అధికారులకు ప్రభుత్వం ముందుగానే మౌఖిక ఆదేశాలు జారీ చేయనుంది. మొత్తంగా కొత్త జిల్లాల ఏర్పాటు, అన్ని శాఖల కార్యాలయాల ప్రారంభోత్సవాలను ఘనంగా జరపాలని రాష్ట్ర ప్రభుత్వం నిర్ణయించింది. కొత్త జిల్లా కేంద్రాల్లో ఉదయం 11.13 గంటలకు జాతీయ జెండా ఆవిష్కరించి.. పోలీసు పరేడ్‌ను నిర్వహిస్తారు. ముఖ్యమంత్రి కె.చంద్రశేఖర్‌రావుతో పాటు మంత్రులు, జిల్లాధికారులు తమకు నిర్దేశించిన జిల్లాల్లో జరిగే ఉత్సవాల్లో పాల్గొంటారు.
  
 నమూనా ఉత్తర్వులు సిద్ధం
 కొత్త జిల్లాలు, రెవెన్యూ డివిజన్లు, మండలాలకు ప్రభుత్వ ఉద్యోగులను ఆర్డర్ టు సర్వ్ విధానంలో కేటాయించేందుకు జారీ చేయాల్సిన తాత్కాలిక ఉత్తర్వుల నమూనాను శనివారం సాధారణ పరిపాలన శాఖ విడుదల చేసింది. ఆ నమూనాను అనుసరించి అన్ని ప్రభుత్వ శాఖలు, విభాగాలు ఉద్యోగుల కేటాయింపు ఉత్తర్వులు జారీ చేయాలని ఆదేశించింది. ఉద్యోగులు ఈ నెల 11న కొత్త జిల్లాల్లో విధుల్లో చేరే విధంగా వారిని సంబంధిత అధికారులు తక్షణమే రిలీవ్ చేసేలా ఆదేశించాలని.. ఇందుకోసం శాఖల వారీగా ఉద్యోగుల కేటాయింపు ఉత్తర్వులు జారీ చేయాలని సూచించింది. కొత్త జిల్లాల ఏర్పాటుకు సంబంధించిన తుది ప్రకటన సిద్ధమయ్యాక ప్రభుత్వం అన్ని శాఖల కార్యదర్శులు, జిల్లా కలెక్టర్లతో వీడియో కాన్ఫరెన్స్ నిర్వహించనుంది. కొత్త జిల్లాల ఏర్పాటు సంబురాలకు సంబంధించిన మార్గదర్శకాలను ప్రత్యేకంగా జారీ చేయనుంది.
  
 త్వరలో కొత్త పోస్టుల మంజూరు
  జిల్లా కలెక్టరేట్లు, కొత్త మండలాలకు తహసీల్దార్లు సహా వివిధ పోస్టులను మంజూరు చేస్తూ రెవెన్యూ శాఖ త్వరలోనే ఉత్తర్వులు జారీ చేయనుంది. 119 మండలాలకు ఓఎస్డీలు, ఎంఈవోలు, వ్యవసాయాధికారుల పోస్టులను మంజూరు చేస్తూ పంచాయతీరాజ్, విద్యా, వ్యవసాయ శాఖలు ఉత్తర్వులు జారీ చేయనున్నాయి. ప్రభుత్వం కొత్త జిల్లాల ముసాయిదాలో 27 జిల్లాలను ప్రకటించగా.. అనంతరం వాటిని 31కి పెంచిన విషయం తెలిసిందే. దీంతో అదనంగా పెరిగిన నాలుగు జిల్లాలకు కలెక్టర్, జేసీ, ఎస్పీ, అదనపు ఎస్పీ పోస్టులను ప్రభుత్వం మంజూరు చేయనుంది.


 తెలంగాణ రాష్ట్రంలో దసరా పండుగ నాడు కొత్తగా 17 జిల్లాలను ప్రారంభించబోతున్నట్లుగా ప్రకటించి, క్రొత్త జిల్లాలకు అవసరమైన ప్రభుత్వ యంత్రాంగం కేటాయింపుపై కేసీఆర్ ప్రభుత్వం ముమ్మరంగా కసరత్తు  చేస్తోంది. ‘‘పరిపాలనా సౌలభ్యం, ప్రజలకు సౌకర్యం’’ పేరిట క్రొత్తగా 17 జిల్లాల ముసాయిదా ప్రకటన 22.8. 2016న విడుదల చేసింది. నెలరోజుల్లో ఆయా జిల్లాల ప్రజల అభిప్రాయాలు కోరింది. ప్రభుత్వం చెప్పుకుం టున్న ‘‘ప్రజల అభిప్రాయం’’, ప్రత్యేకంగా సమాజంలో నేటికీ అన్ని విధాలుగా వెనకబడి ఉన్న ఆది వాసుల అభిప్రాయాలను పరిగణనలోనికి తీసుకోలేదు.
  
 గతంలో ఒకటి, రెండు జిల్లాల ఏర్పాటుకు నిర్దేశించిన 1974 జిల్లాల పునర్విభజన చట్టం, దాని నియమ నిబంధనలు, ప్రస్తుతం పెద్దఎత్తున చేపట్టిన జిల్లాల పునర్విభజనకు సరిపోదు. ఆదివాసీ స్వయంపాలిత కౌన్సిల్ ఏర్పాటుకు బదులుగా, ఆదివాసీ ప్రాంతాలను చీల్చి, మరింతగా విచ్ఛిన్నం చేయటానికి కేసీఆర్ ప్రభుత్వం పూనుకుంది.
 
 ఆదివాసీల స్వయంపాలన హక్కును శాశ్వతంగా సమాధి చేసే విధంగా జిల్లాలను ఏర్పాటు చేయుట రాజ్యాంగ స్ఫూర్తికి విరుద్ధం. పైగా, కేసీఆర్ ప్రభుత్వం జిల్లాలను విభజించి, 10, 12, 13 మండలాలతో చిన్న చిన్న జిల్లాలుగా ఏర్పాటు చేసే సందర్భంలో కూడా ఆదివాసులకు ప్రత్యేకంగా జిల్లాలు ఏర్పరచే విషయాన్ని ఏ దశలో కూడా ఆలోచించలేదు.
  
   తెలంగాణ రాష్ట్రంలో 10 శాతంగా ఉన్న ఆదివాసులు.. ఖమ్మం, ఆదిలాబాద్, వరంగల్, మహ బూబ్‌నగర్ జిల్లాలలో ఎక్కువగా నివసిస్తున్నారు. షెడ్యూల్డు ప్రాంతాలుగా ప్రకటించిన ప్రాంతాలు ఈ 4 జిల్లాలలోనే వున్నాయి. పై నాలుగు జిల్లాల్లోనే కాక,  కరీంనగర్, నల్ల గొండ, రంగారెడ్డి జిల్లాల్లో కూడా గిరిజన గ్రామాలు ఉన్నాయి. అయినప్పటికీ, ఆదివాసు లకు ప్రత్యేక జిల్లాలు, కనీసం ఒక్క జిల్లా కూడా ఏర్ప ర్చలేదు. షెడ్యూల్డు ప్రాంతాలను వివిధ జిల్లాల కింద విభ జించేశారు.
  ఖమ్మం జిల్లాలో భద్రాచలం కేంద్రంగా, ఆది లాబాద్ జిల్లాలో ఉట్నూరు కేంద్రంగా, వరంగల్ జిల్లాలో ములుగు లేక ఏటూరునాగారం కేంద్రంగా ప్రత్యేకంగా ఆదివాసీ జిల్లాలు ఏర్పాటు చేయాలని ఎన్నో ఏళ్లుగా ఆదివాసులు, వివిధ గిరిజన సంఘాలు, కొన్ని రాజకీయ పార్టీలు కోరుతున్నాయి. కానీ వీరి డిమాండ్లను ప్రభుత్వాలు పట్టించుకోలేదు.
  
  ఆదివాసులకు ప్రత్యేక తెలంగాణ ఉద్యమకాలంలో, ఎన్నికల ప్రణాళికలో చేసిన ఒక్క వాగ్దానం కూడా అమలు చేయ లేదు. గిరిజనులకు 3 ఎకరాల భూమి ఇవ్వకపోగా, వీరిని పోడు భూముల నుండి దౌర్జన్యంగా గెంటివే యడం, పంటలు ధ్వంసం చేసి, తప్పుడు కేసులు బనా యించే కార్యక్రమం చేపట్టింది.
 
 ఆదివాసుల ప్రత్యేక అస్తిత్వాన్నీ, సంస్కృతీ, సాంప్రదాయాలనూ వీరికిగల ప్రత్యేక చట్టాలు, రక్ష ణలు, హక్కులను దృష్టిలోకి తీసుకుని వీరు నివసిస్తున్న షెడ్యూల్డు ప్రాంతాలు, వీటితో కలసి ఉన్న గిరిజన ప్రాంతాలను ప్రత్యేక ఆదివాసీ జిల్లాలుగా ఏర్పాటు చేయాలి. ఆదివాసీలకు ప్రత్యేక జిల్లాలు, స్వయం పరి పాలనా కౌన్సిల్‌ను ఏర్పాటు చేయాలి.
 - వ్యాసకర్త సీపీఐ(ఎంఎల్) న్యూడెమోక్రసీ
  రాష్ట్ర సెక్రటేరియట్ సభ్యులు  94907 00066
  - వేములపల్లి వెంకట్రామయ్య


 హైదరాబాద్: దసరా పండుగ నాటికి తెలంగాణ రాష్ట్రంలో కొత్త జిల్లాల ఏర్పాటు చేయాల్సివుందని.. అందుకు అవసరమైన సూచనలు చేయండి అంటూ తెలంగాణ ముఖ్యమంత్రి కేసీఆర్ ఎమ్మెల్యేలను కోరారు. బుధవారం కొత్త జిల్లాలు, మండలాల ఏర్పాటుపై టీఆర్ఎస్ఎల్పీ సమావేశమైంది. ఈ సమావేశంలో జిల్లాలు, మండలాల ఏర్పాటుపై చర్చకొనసాగుతోంది. పరిపాలన సౌలభ్యం కోసమే కొత్త జిల్లాల ఏర్పాటు జరుగుతుందని కేసీఆర్ తెలిపారు. కొత్తగా 14 జిల్లాలు, 74 మండలాలుగా విభజిస్తున్నట్టు వెల్లడించారు. కొత్త జిల్లాలపై త్వరలో అఖిలపక్షం సమావేశం ఏర్పాటు చేస్తామని కేసీఆర్ చెప్పారు.
 
 ఈ నేపథ్యంలో జిల్లాల వారీగా టీఆర్ఎస్ ఎమ్మెల్యేలు కూడా భేటీ అయ్యారు. జిల్లా, మండల పునర్ వ్యవస్థీకరణపై చర్చించారు. తమ ప్రతిపాదనలకు కేసీఆర్కు ఎమ్మెల్యేలు అందజేయనున్నట్టు తెలుస్తోంది. అయితే ఒక్కొక్కరూ తమ జిల్లాలో ఏర్పడే కొత్త జిల్లాకు పలు పేర్లను సూచిస్తున్నారు. సంగారెడ్డి జిల్లాకు మంజీర పేరు పెట్టాలని మెదక్ జిల్లా ఎమ్మెల్యేలు ప్రతిపాదించారు. వరంగల్ జిల్లాలో కొత్తగా ఏర్పడే జిల్లాకు ప్రొఫెసర్ జయశంకర్ పేరు, ఆదిలాబాద్ జిల్లాలో కొత్తగా ఏర్పడే జిల్లాకు కొమరం భీం పేరు పెట్టాలని ఎమ్మెల్యేలు తీర్మానించారు. టీఆర్ఎస్ ఎమ్మెల్యేలంతా తమ ప్రతిపాదనలను కే.కేశవరావుకు అందజేశారు.