రోదసీలోకి తెలుగు తేజం (ఫొటోలు) | Sakshi
Sakshi News home page

రోదసీలోకి తెలుగు తేజం (ఫొటోలు)

Published Mon, May 20 2024 10:32 AM | Updated 30 Min Ago

1/18

తెలుగు తేజం గోపీచంద్‌ తోటకూర మే 19న దిగ్విజయంగా రోదసియాత్ర చేశారు. తద్వారా భారత తొలి అంతరిక్ష పర్యాటకుడిగా చరిత్ర సృష్టించారు.

2/18

గోపీచంద్‌ స్వస్థలం ఆంధ్రప్రదేశ్‌లోని విజయవాడ

3/18

అమెజాన్‌ వ్యవస్థాపకుడు జెఫ్‌ బెజోస్‌కు చెందిన బ్లూ ఆరిజిన్‌ సంస్థ రూపొందించిన న్యూషెపర్డ్‌-25 (ఎన్‌ఎస్‌-25) వ్యోమనౌకలో గోపీచంద్‌ ఈ యాత్ర పూర్తిచేశారు.

4/18

గోపీచంద్‌ వెళ్లిన న్యూషెపర్డ్‌ రాకెట్‌కు ఇది ఏడో మానవసహిత అంతరిక్షయాత్ర.

5/18

గోపీచంద్‌తోపాటు వెంచర్‌ క్యాపిటలిస్ట్‌ మేసన్‌ ఏంజెల్, ఫ్రాన్స్‌ పారిశ్రామికవేత్త సిల్వైన్‌ చిరోన్, అమెరికా టెక్‌ వ్యాపారి కెన్నెత్‌ ఎల్‌ హెస్, సాహస యాత్రికురాలు కరోల్‌ షాలర్, అమెరికా వైమానికదళ మాజీ కెప్టెన్‌ ఎడ్‌ డ్వైట్‌ రోదసీ యాత్రలో పాల్గొన్నారు.

6/18

టూరిస్ట్‌ హోదాలో హుషారుగా గోపీచంద్‌ ఈ యాత్రలో పాల్గొన్నారు

7/18

నేల నుంచి 100 కిలోమీటర్ల ఎగువన ఉండే కార్మాన్‌ రేఖను దాటాక గోపీచంద్‌ బృందం అక్కడి నుంచి అద్భుత దృశ్యాల్ని వీక్షించింది. ఈ రేఖను భూవాతావరణానికి, అంతరిక్షానికి సరిహద్దుగా పరిగణిస్తారు.

8/18

డ్వైట్‌ 1961లో అంతరిక్షయానానికి ఎంపికైన తొలి ఆఫ్రోఅమెరికన్‌ వ్యోమగామి. వివిధ కారణాల వల్ల ఆయనకు రోదసిలోకి వెళ్లే అవకాశం రాలేదు. ఇప్పుడు 90 ఏళ్ల వయసులో ఆ కల నెరవేరింది. రోదసియాత్ర చేసిన అత్యంత పెద్ద వయస్కుడిగా ఆయన గుర్తింపు పొందారు.

9/18

రాకేశ్‌ శర్మ తర్వాత రోదసియాత్ర చేసిన రెండో భారతీయుడిగా గోపిచంద్‌ తోటకూర గుర్తింపు పొందారు.

10/18

భారత్‌కు చెందిన రాకేశ్‌ శర్మ.. 1984లో అంతరిక్షయానం చేశారు. ఆ తర్వాత గోపీచంద్‌ ఈ ఫీట్‌ సాధించారు.

11/18

రాకేష్‌ శర్మ తర్వాత కల్పనా చావ్లా, సునీతా విలియమ్స్, రాజాచారి, శిరీష బండ్ల కూడా రోదసి యాత్రలు చేసినప్పటికీ.. వీరంతా భారత మూలాలున్న అమెరికా పౌరులు.

12/18

గోపీచంద్‌ ప్రస్తుతం అమెరికాలో ఉంటున్నప్పటికీ ఆయనకు భారత పాస్‌పోర్టు ఉంది.

13/18

అందువల్ల రాకేశ్‌ శర్మ తర్వాత రోదసిలోకి వెళ్లిన రెండో భారతీయుడిగా ఆయన గుర్తింపు పొందారు.

14/18

దీనికితోడు ఆయన పర్యాటకుడి హోదాలో అంతరిక్షయానం చేశారు. తద్వారా.. భారత తొలి స్పేస్‌ టూరిస్టుగా గుర్తింపు పొందారు.

15/18

విజయవాడలో పుట్టిన గోపీచంద్‌ తోటకూర.. పైలట్‌గానూ శిక్షణ పొందారు.

16/18

వాయు మార్గంలో రోగుల అత్యవసర తరలింపు విభాగంలో సేవలు అందించారు. హాట్‌ ఎయిర్‌ బెలూన్లు, గ్లైడర్లు, సీప్లేన్లు నడిపారు.

17/18

గోపీచంద్‌.. ‘ఎంబ్రీ-రిడిల్‌ ఏరోనాటికల్‌ యూనివర్సిటీ’ నుంచి ఏరోనాటికల్‌ సైన్స్‌లో బీఎస్సీ పూర్తి చేశారు.

18/18

ప్రస్తుతం గోపీచంద్‌ అట్లాంటా శివారులోని ‘ప్రిజర్వ్‌ లైఫ్‌’ సంస్థకు సహ-వ్యవస్థాపకుడిగా ఉన్నారు.

Advertisement
 
Advertisement
 
Advertisement