TV
జీఎస్టీపై ఆ వార్తలు తప్పు
వస్తు సేవల పన్ను(జీఎస్టీ)పై సోషల్మీడియాలో నకిలీ వార్తలు షేర్ అవుతున్నాయని ప్రెస్ ఇన్ఫర్మేషన్ బ్యూరో పేర్కొంది.
వస్తు సేవల పన్ను(జీఎస్టీ)పై సోషల్మీడియాలో నకిలీ వార్తలు షేర్ అవుతున్నాయని ప్రెస్ ఇన్ఫర్మేషన్ బ్యూరో పేర్కొంది. జీఎస్టీ చట్టంలో ఒక మతానికి సంబంధించి ఎలాంటి నిబంధనలు లేవని తెలిపింది. ఈ మేరకు ఓ ప్రకటన విడుదల చేసింది.
ఆలయ ట్రస్టులు జీఎస్టీ పన్ను చెల్లించాల్సివుంటుందని, ఇదే సమయంలో చర్చిలకు, మసీదులకు మాత్రం జీఎస్టీ నుంచి ఉపశమనం కల్పించారనే నకిలీ వార్తలు సోషల్మీడియాలో తిరుగుతున్నాయని చెప్పింది. ఈ వార్తల్లో ఎలాంటి నిజం లేదని చెప్పింది. ఇలాంటి వార్తలను షేర్ చేయొద్దని కోరింది.
