2వేల నోటులో ఈ సెక్యూరిటీ ఫీచర్ మీకు తెలుసా?

కేంద్ర ప్రభుత్వం 500, 1000 రూపాయల నోట్లను రద్దు చేసిన తర్వాత.. కొత్తగా విడుదల చేసిన 2000 రూపాయల నోటు గురించి ఇప్పటికే అనేక విషయాలు బయటకు వచ్చాయి. కానీ, అందులో ఉన్న ఒక సెక్యూరిటీ ఫీచర్ గురించి మాత్రం ఇంతవరకు ఎక్కడా పెద్దగా తెలియలేదు. తాజాగా ఆ విషయాన్ని కేంద్ర ఆర్థిక మంత్రిత్వశాఖ ఒక ట్వీట్ ద్వారా తెలిపింది. ఇందులో ''ఇంటాగ్లియో'' అనే ఫీచర్ ఉందని, ఇందులో భాగంగా కాగితంలోకి ఒక రకమైన డిజైన్‌ను చొప్పిస్తారని వివరించింది. అసలైన నోటు ఏదో.. నకిలీ నోటు ఏదో గుర్తించాలంటే ఒక వస్త్రాన్ని తీసుకుని దాంతో నోటు మీద రుద్దాలని, అలా రుద్దినపుడు టర్బో ఎలక్ట్రిక్ ఎఫెక్ట్ పుడుతుందని ఆర్థికశాఖ చెప్పింది. నోటులో ఉన్న ఇంకు వస్త్రంలోకి బదిలీ కావడం వల్ల అలా జరుగుతుందని తెలిపింది. చిన్నపాటి షాక్ లాంటిది తగిలితే అది అసలైన నోటు అని, తగలకపోతే అది నకిలీనోటు అని గుర్తించవచ్చని ఇప్పుడు స్పష్టమైంది.