హాస్టల్‌కు వెళ్తున్నామని చెప్పి...అదృశ్యమయ్యారు

విజయనగర్‌కాలనీ(హైదరాబాద్): హాస్టల్‌కు వెళ్తున్నామంటూ ఇంటి నుంచి బయలుదేరిన ఇద్దరు బాలురు కనిపించకుండా పోయారు. ఈ సంఘటన శనివారం ఆసిఫ్‌నగర్ పోలీస్‌స్టేషన్ పరిధిలో చోటుచేసుకుంది. బోజగుట్టలో నివాసం ఉండే ఎ.మల్లేశ్ కుమారులు అరుణ్(7), అశోక్(9) కార్వాన్ ప్రభుత్వ బాలుర వసతి గృహంలో ఉంటున్నారు. ఈ నెల 3వ తేదీ సాయంత్రం 6 గంటలకు హాస్టల్‌కు వెళ్తున్నామంటూ ఇంటి నుంచి వెళ్లిన విద్యార్థులు హాస్టల్‌కు చేరలేదు. తండ్రి బంధుమిత్రులు, తెలిసినవారి చోట వెతికినా ప్రయోజనం లేకపోవడంతో శనివారం పోలీసులకు ఫిర్యాదు చేశాడు. బాలుర ఆచూకీ తెలసిన వారు 94906 16557 నంబర్‌కు సమాచారం అందించాలని కోరారు.