ఆంక్షలు లేకుండా రుణమాఫీ అమలు

హైదరాబాద్ : ఆంక్షలు లేకుండా రుణమాఫీ అమలు చేస్తామని తెలంగాణ మంత్రి పోచారం శ్రీనివాసరెడ్డి అన్నారు. ప్రజలకిచ్చిన ప్రతి హామీని నెరవేరుస్తామని ఆయన తెలిపారు. టీఆర్ఎస్ సిద్ధాంతకర్త ప్రొఫెసర్ జయశంకర్ మూడవ వర్థంతి సందర్భంగా శనివారం తెలంగాణ భవన్లో పలువురు తెలంగాణ మంత్రులు, నేతలు ఘనంగా నివాళులు అర్పించారు. ఈ సందర్భంగా పోచారం శ్రీనివాసరెడ్డి మాట్లాడుతూ జయశంకర్ ఆశయాలకు అనుగుణంగా తెలంగాణ ప్రభుత్వం వ్యవహరిస్తుందన్నారు. ఈ కార్యక్రమంలో నిజామాబాద్ ఎంపీ కవిత, మంత్రి జగదీశ్వర్ రెడ్డి తదితరులు పాల్గొన్నారు.