కేసీఆర్‌కు నచ్చినట్లు చెప్పుకుంటున్నారు: నాగం

హైదరాబాద్‌: ముఖ్యమంత్రి కేసీఆర్‌ తనకు నచ్చినట్లు చెప్పుకుంటున్నారనీ బీజేపీ నేత నాగం జనార్దన్‌ రెడ్డి అన్నారు. ముందు నుంచి మతపర రిజర్వేషన్లకు బీజేపీ వ్యతిరేకం అని, అయినా ముస్లిం రిజర్వేషన్లకు ప్రధాని ఒప్పుకున్నారని, ఒక వేళ ఒప్పుకోకపోతే పోరాటం చేస్తామని తనకు ఇష్టం వచ్చినట్లు మాట్లాడుతున్నారని ఆయన ఆగ్రహం వ్యక్తం చేశారు.

సోమవారం ఆయన విలేకరులతో మాట్లాడుతూ.. ఒక్క గజం భూమి, ఒక్క పైసా పోలేదని ముఖ్యమంత్రి నిర్ధారణకు ఎలా వచ్చారని ప్రశ్నించారు. ఈ కేసుతో సంబంధం ఉన్న గోల్డ్‌స్టోన్‌ ప్రసాద్‌ను ఇంకా ఎందుకు అరెస్ట్‌ చేయలేకపోతున్నారని నిలదీశారు. ఈ కేసులో సీబీఐ విచారణకు ఆదేశించాలని ఎంత ఒత్తిడి చేసినా నిమ్మకు నీరెత్తినట్లు వ్యవహరిస్తున్నారని దుయ్యబట్టారు.