TV
కూలి పనులు చేసుకుంటూ జీవనం సాగిస్తున్న ఓ మహిళ కల్లు తాగడం కోసం కల్లు కంపౌడ్కు వెళ్లింది.
రాజేంద్రనగర్: కూలి పనులు చేసుకుంటూ జీవనం సాగిస్తున్న ఓ మహిళ కల్లు తాగడం కోసం కల్లు కంపౌడ్కు వెళ్లింది. అక్కడ పరిచయమైన ఇద్దరు మహిళలు ఆమెకు పూటుగా కల్లుతాగించారు. అనంతరం ఆమె మెడలోని బంగారు గొలుసును ఎత్తుకెళ్లారు. ఈ సంఘటన రంగారెడ్డి జిల్లా రాజేంద్రనగర్ హైదర్గూడలోని ఓ కల్లు దుకాణంలో శుక్రవారం రాత్రి చోటు చేసుకుంది.
శనివారం ఉదయం మత్తు నుంచి తేరుకున్న సదరు మహిళ పుస్తెలుతాడు మెడలో కనిపించకపోవడంతో పోలీసులను ఆశ్రయించింది. పోలీసులు కేసు నమోదు చేసి దర్యాప్తు చేస్తున్నారు.
