భూపతిరాజు లక్ష్మికి లేడీ లెజెండ్‌ అవార్డు

హైదరాబాద్‌ : కూచిపూడి  నాట్య గురువు శ్రీమతి భూపతిరాజు లక్ష్మీకి  అంతర్జాతీయ లేడీ లెజెండ్‌-2020 అవార్డు వరించింది. అంతర్జాతీయ స్థాయిలో ప్రతి ఏటా బెక్కంటి శ్రీనివాస్‌ చారిటబుల్‌ ట్రస్ట్‌, ఆటా ఆధ్వర్యంలో  ఖమ్మం జిల్లా భద్రాచలంలో మార్చి 8న మహిళా దినోత్సవాన్ని పురస్కరించుకుని ఈ అవార్డును ప్రదానం చేస్తారు. ఈ మేరకు  ట్రస్ట్‌ చైర్మన్‌, ఆట జాతీయ అధ్యక్షులు బెక్కంటి శ్రీనివాస్‌రావు ఉత్తర్వులు జారీ చేశారు. కాగా భూపతిరాజు లక్ష్మి వద్ద పలువురు నాట్యంలో శిక్షణ తీసుకుంటున్నారు.