వరల్డ్‌ కప్‌ అధికారిక గీతం విడుదల

లండన్‌: మైదానాల్లో ప్రేక్షకులను ఉర్రూతలూగించేందుకు వన్డే ప్రపంచకప్‌ కోసం ప్రత్యేకంగా రూపొందించిన గీతం సిద్ధమైంది. శుక్రవారం అంతర్జాతీయ క్రికెట్‌ మండలి (ఐసీసీ) ప్రపంచకప్‌ అధికారిక గీతాన్ని విడుదల చేసింది. ‘స్టాండ్‌ బై’ పేరిట సాగే ఈ గీతాన్ని ఇంగ్లండ్‌లో ప్రఖ్యాతి గాంచిన మ్యూజిక్‌ బ్యాండ్‌ ‘రుడిమెంటల్‌’ సహకారంతో నూతన గాయకుడు లోరిన్‌ ఆలపించాడు. మే 30 నుంచి ప్రపంచకప్‌ జరిగే ప్రతి మైదానంలో ఈ పాట సందడి చేయనుంది.