షకీబ్‌ @ 200

Bangladesh looks to Shakib Al Hasan to tame New Zealand  - Sakshi

నేడు న్యూజిలాండ్‌తో బంగ్లాదేశ్‌ ‘ఢీ’

లండన్‌: పటిష్టమైన దక్షిణాఫ్రికాను ఓడించిన ఉత్సాహంతో ఉన్న బంగ్లాదేశ్‌ మరో విజయంపై కన్నేసింది. బుధవారం జరిగే మ్యాచ్‌లో మరో మేటి జట్టు న్యూజిలాండ్‌ను ఎదుర్కొనేందుకు సిద్ధమైంది. ఇది బంగ్లాదేశ్‌ ఆల్‌రౌండర్‌ షకీబ్‌ అల్‌ హసన్‌కు 200 మ్యాచ్‌. గతమ్యాచ్‌లో అతని ఆల్‌రౌండ్‌ నైపుణ్యంతోనే బోణీ కొట్టింది. ఇపుడు ఈ మ్యాచ్‌ కూడా గెలిస్తే షకీబ్‌కిది చిరస్మరణీయం కానుంది. బంగ్లాదేశ్‌ తరఫున 200 మ్యాచ్‌లు పూర్తి చేసుకోనున్న మూడో క్రికెటర్‌గా షకీబ్‌ గుర్తింపు పొందుతాడు. ఈ జాబితాలో బంగ్లాదేశ్‌ కెప్టెన్‌ మష్రఫె మొర్తజా (208 మ్యాచ్‌లు), ముష్ఫికర్‌ రహీమ్‌ (206 మ్యాచ్‌లు) తొలి రెండు స్థానాల్లో ఉన్నారు. మరోవైపు కివీస్‌ అసాధారణ ఫామ్‌లో ఉంది. అటు బౌలింగ్, ఇటు బ్యాటింగ్‌లో చక్కని సమతూకంతో ఉంది. తొలి మ్యాచ్‌లో పది వికెట్ల తేడాతో శ్రీలంకను చిత్తు చిత్తు చేసింది. ఈ నేపథ్యంలో బంగ్లాకు ఇది క్లిష్టమైన మ్యాచే!   

Read latest Sports News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top