ఎట్టకేలకు పెళ్లికి శుభం కార్డు..!

సాక్షి, అన్నానగర్‌: పెళ్లిళ్లు స్వర్గంలో నిర్ణయమవుతాయని మన పెద్దలు చెబుతుంటారు. అలంగుడిలో జరిగిన ఓ ఘటన అక్షరాల ఇది నిజమని చెబుతుంది. ఓ యువతి నిశ్చితార్ధం అయిన  తర్వాత అదృశ్యం కావడంతో.. మరో యువతి పెళ్లి కూతురైంది. ఆ అమ్మాయి పెళ్లికి ఒప్పుకోవడంతో శుభం కార్డు పడింది. వివరాలివి.. పుదుకోట జిల్లా ఆలంగుడికి చెందిన ఓ యువతికి కరమ్‌పక్కుడి తాలుకా గిత్తానిపట్టి షణ్ముగనాథన్‌ కుమారుడు నదీష్ కి  ఏప్రిల్‌ 4న పెళ్లి నిశ్చయమైంది.

ఏప్రిల్‌ 3వ తేదీన పెళ్లి కూతురు హఠాత్తుగా అదృశ్యమైంది. దీంతో వరుడి బంధువులు ఎలాగైనా పెళ్లి జరిపించాలని నిర్ణయం తీసుకున్నారు. ఆ యువతి తండ్రి కార్తీక్‌ వివాహనికి ఒప్పుకోవడంతో ఏప్రిల్‌ 3వ తేదీ రాత్రే నిశ్చితార్ధం చేశారు. అదే మూహూర్తంలో కుమారమలై మురుగన్‌ సన్నిధిలో నదీష్‌కి, దేవదర్శినికి పెద్దలు వివాహం జరిపారు. పెళ్లికి ఒప్పుకున్న దేవదర్శినిని బంధువులు, స్నేహితులు ఆశీర్వదించారు.