ఎస్సెమ్మెస్‌లతో సహా 500 పేజీల చార్జిషీటు

న్యూఢిల్లీ: ది ఎనర్జీ రిసెర్చ్ ఇన్స్టిట్యూట్ మాజీ డైరెక్టర్ ఆర్కే పచౌరీ లైంగిక వేధింపుల కేసులో పోలీసులు 500 పేజీల చార్జిషీటును సిద్ధం చేసినట్లు అధికార వర్గాల సమాచారం. వీటిల్లో ఆయన పంపించిన మెయిల్స్, ఎస్సెమ్మెస్లు, కాల్ డేటా తదితరమైనవి చాలా ఉన్నట్లు తెలుస్తోంది.

గత ఏడాది ఇదే ఫిబ్రవరిలో తనపై లైంగిక వేధింపులకు ఆర్కే పచౌరీ పాల్పడ్డారంటూ ఆయన వద్ద రిసెర్చ్ స్కాలర్ గా పని చేస్తున్న ఓ 29 ఏళ్ల మహిళ పోలీసులకు ఫిర్యాదు చేసిన విషయం తెలిసిందే. ఈ కేసును అన్ని విధాలుగా పరిశీలించిన వారు చివరకు భారీ మొత్తంలో 500 పేజీల చార్జిషీటును సిద్ధం చేసినట్లు తెలిసింది.