సాహసం... వినోదం!

‘వైరం’ ధనుష్‌ గుర్తుండే ఉంటాడు. హీరోకి ధీటైన విలన్‌ అని ‘సరైనోడు’ చిత్రంలో ఆ పాత్రలో ఆది పినిశెట్టి అందరి ప్రశంసలు అందుకున్నారు. హీరోగా చేస్తున్నప్పటికీ వైవిధ్యమైన పాత్రల పట్ల మక్కువ ఉండటంతో ఆది ఈ విలన్‌ పాత్ర చేశారు. ఇప్పుడు ‘మరకతమణి’ అనే చిత్రంలో హీరోగా నటిస్తున్నారు. ఆది పినిశెట్టి , నిక్కి గర్లాని జంటగా రిషి మీడియా, శ్రీచక్ర ఇన్నోవేషన్‌ సంస్థలు సంయుక్తంగా నిర్మిస్తున్నాయి.

తెలుగు, తమిళ భాషల్లో రూపొందుతోన్న ఈ చిత్రానికి ఎ.ఆర్‌.కె శర్వనణ్‌ దర్శకుడు. ఇటీవలే ఈ చిత్రం ఫస్ట్‌ లుక్‌ను విడుదల చేశారు. ‘‘ఫస్ట్‌ లుక్‌కు మంచి రెస్పాన్స్‌ వస్తోంది. అడ్వెంచరస్‌ అండ్‌ కామెడీ ఎంటర్‌టైనర్‌ ఇది. తమిళ, తెలుగు భాషల్లో ఈ నెలలోనే రిలీజ్‌ చేసేందుకు ప్రయత్నిస్తున్నాం. ‘కబాలి’ మ్యూజిక్‌ డైరెక్టర్‌ సంతోష్‌ నారాయణ్‌ అసిస్టెంట్‌ దిబు థామస్‌ పాటలు స్వరపరిచారు. కోట శ్రీనివాసరావు, బ్రహ్మానందం మంచి పాత్రలు చేశారు’’ అని రిషి మీడియా–శ్రీ చక్ర ఇన్నోవేషన్‌ సంస్థ ప్రతినిధులు తెలిపారు.