సూర్యకు స్క్రిప్టు రెడీ

 

 ఇంతకుముందు జిల్లును ఒరు కాదల్, పరుత్తివీరన్, సింగం, చిరుతై, నాన్ మహన్ అల్ల, శకుని, అలెక్స్ పాండియన్, అళగురాజా వంటి భారీ చిత్రాలను నిర్మించిన స్టూడియో గ్రీన్ సంస్థ అధినేత జ్ఞానవేల్ రాజా, కార్తీతో రూపొందించిన బిరియాని విడుదలకు సిద్ధం అవుతోంది. తదుపరి సూర్య, వెంకట్ ప్రభు కాంబినేషన్లో భారీ చిత్రాన్ని నిర్మించడానికి సన్నాహాలు చేస్తున్నారు. ఈ చిత్రానికి సహ నిర్మాతలుగా ఎస్ ఆర్ ప్రకాష్బాబు, ఎస్ ఆర్ ప్రభు వ్యవహరిస్తున్నారు. సూర్య ప్రస్తుతం లింగుస్వామి దర్శకత్వంలో నటిస్తున్నారు. ఈ చిత్రం పూర్తి అయిన తరువాత వెంకట్ ప్రభు దర్శకత్వంలో నటించనున్నట్లు చిత్ర నిర్మాతలు అధికారికంగా ప్రకటించారు.