TV
సెప్టెంబర్‌ 8న 'సరసుడు'
హీరో శింబు, అందాల తారలు నయనతార కాంబినేషన్ లో తెరకెక్కిన బ్యూటీఫుల్ లవ్ స్టోరి 'సరసుడు'.
హీరో శింబు, అందాల తారలు నయనతార కాంబినేషన్ లో తెరకెక్కిన బ్యూటీఫుల్ లవ్ స్టోరి 'సరసుడు'. ఆండ్రియా, ఆదాశర్మ కీలక పాత్రల్లో నటించిన ఈ సినిమాను 'ప్రేమసాగరం' టి.రాజేందర్‌ సమర్పణలో శింబు సినీ ఆర్ట్స్‌ అండ్‌ జేసన్‌రాజ్‌ ఫిలింస్‌ బేనర్స్‌ సంయుక్తంగా నిర్మిస్తున్నాయి. పాండిరాజ్‌ దర్శకత్వంలో తమిళ్‌, తెలుగు భాషల్లో ఒకేసారి ఈ సినిమాను తెరకెక్కించారు.
తమిళంలో కొద్ది రోజులు కిందట 'ఇదు నమ్మ ఆళు' పేరుతో రిలీజైన ఈ సినిమా 27 కోట్లకు పైగా కలెక్ట్‌ చేసి శింబు కెరీర్‌లోనే నెంబర్‌వన్‌ హిట్‌గా నిలిచింది. శింబు, నయనతార ప్రేమ వ్యవహరం తరువాత తెరకెక్కిన సినిమా కావటంతో ఈ మూవీపై భారీ అంచనాలు ఏర్పడ్డాయి. అన్ని కార్యక్రమాలు పూర్తి చేసుకున్న ఈ సినిమాను తెలుగులో సెప్టెంబర్‌ 8న రిలీజ్ చేస్తున్నట్టుగా ప్రకటించారు.
