శృతి నాతో ఉండదు

శృతి నాతో కలసి ఉండదు. అలా కలిసుండాలని కోరుకోవడం కూడా సరికాదు అంటున్నారు ఆమె తల్లి, నటి సారిక. నటుడు కమలహాసన్‌తో మనస్పర్థల కారణంగా విడిపోయి సారిక ముంబయిలో నివసిస్తున్న సంగతి తెలిసిందే. ఆమె ఇద్దరు కూతుళ్లు ముంబయిలోనే ఉంటున్నారు. పెద్ద కూతురు శృతిహాసన్ వేరుగా జీవిస్తున్నారు. చిన్న కూతురు అక్షర మాత్రం సారికతోనే ఉంటున్నారు. ఇటీవల ముంబయిలో ఒక దుండగుడు శృతి ఇంటిలో చొరబడడానికి ప్రయత్నించిన విషయం తెలిసిందే. పోలీసులు అతన్ని పట్టుకుని విచారిస్తున్నారు. ఈ సంఘటన తరువాత శృతి మీతో కలసి నివసిస్తారా? అన్న ప్రశ్నకు సారిక బదులిస్తూ శృతి ఇంటిలో జరిగిన సంఘటన తనను భయబ్రాంతులకు గురి చేసిందన్నారు.