రోబో 2 ట్రైలర్ ఎప్పుడంటే.?

రోబో 2 ట్రైలర్ ఎప్పుడంటే.?

భారతీయ సినీ చరిత్రలోనే అత్యంత భారీ బడ్జెట్తో తెరకెక్కుతున్న సినిమా 2.0. శంకర్, రజనీకాంత్ల కాంబినేషన్లో తెరకెక్కిన రోబోకు సీక్వల్గా తెరకెక్కుతున్న ఈ సినిమాకు ఇప్పటికే 400 కోట్ల బడ్జెట్ను కేటాయించారు. ఒక పాట మినహా మిగతా భాగం షూటింగ్ పూర్తి చేస్తున్న రోబో 2 థియేట్రికల్ ట్రైలర్ రిలీజ్ డేట్ను కన్ఫామ్ చేశారన్న ప్రచారం జరుగుతోంది. క్రియేటివ్ డైరెక్టర్ శంకర్, హాలీవుడ్ స్థాయి గ్రాఫిక్స్తో ఈ సినిమాను రూపొందిస్తున్నారు.

ఇప్పటికే పోస్ట్ ప్రొడక్షన్ కార్యక్రమాలు కూడా జరుపుకుంటున్న రోబో 2 అఫీషియల్ ట్రైలర్ను సెప్టెంబర్ 29న రిలీజ్ చేసేందుకు ప్లాన్ చేస్తున్నారు. అంతర్జాతీయ స్థాయి గ్రాఫిక్స్తో తెరకెక్కుతున్న ఈ సినిమాకు నిర్మాణాంతర కార్యక్రమాలకే ఎక్కువ సమయం కేటాయిస్తున్నారు. అందుకే షూటింగ్ తరువాత 6 నెలలకు పైగా సమయాన్ని పోస్ట్ ప్రొడక్షన్కే కేటాయించారు. ట్రైలర్ రిలీజ్ అయిన నెల తరువాత అక్టోబర్ లో దీపావళి కానుకగా సినిమాను రిలీజ్ చేసేందుకు ప్లాన్ చేస్తున్నారు.