‘యు ట‌ర్న్’కు డేట్‌ ఫిక్స్‌

Samantha U Turn Release On 13th September - Sakshi

స్టార్‌ హీరోయిన్‌ సమంత ఓ డిఫరెంట్‌ రోల్‌ నటిస్తున్న సినిమా యు టర్న్‌. కన్నడలో సూపర్‌ హిట్ అయిన యు టర్న్‌ కు రీమేక్‌ గా తెరకెక్కుతున్న ఈ సినిమాలో ఆది పినిశెట్టి మరో కీలక పాత్రలో నటిస్తున్నాడు. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమాను సెప్టెంబర్‌ 13న రిలీజ్ చేస్తున్నట్టుగా చిత్రయూనిట్ అధికారికంగా ప్రకటించారు.

మిస్టరీ థ్రిల్లర్‌గా తెరకెక్కిన ఈ సినిమాకు పవన్‌ కుమార్‌ దర్శకుడు. ఇప్పటికే విడుద‌లైన యు ట‌ర్న్ ట్రైల‌ర్‌కు మంచి రెస్పాన్స్‌ రావటంతో సినిమాపై అంచనాలు పెరిగిపోయాయి. తెలుగు, తమిళభాషల్లో ఒకేసారి తెరకెక్కిన ఈ చిత్రాన్ని రెండు భాషల్లో ఒకే రోజు రిలీజ్ చేసేందుకు ప్లాన్‌ చేస్తున్నారు. యువ నటుడు రాహుల్ ర‌వీంద్రన్, సీనియర్ హీరోయిన్‌ భూమికా చావ్లా ఇతర కీలక పాత్రల్లో నటిస్తున్న ఈ సినిమాకు పూర్ణ చంద్ర తేజ‌స్వి సంగీతమందిస్తుండగా శ్రీ‌నివాస సిల్వర్ స్క్రీన్ మ‌రియు వివై కంబైన్స్ బ్యాన‌ర్స్ పై శ్రీ‌నివాస చిట్టూరి, రాంబాబు బండారు నిర్మిస్తున్నారు.

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top