హీరోహీరోయిన్ల అరుదైన ఫొటో

హీరోహీరోయిన్ల అరుదైన ఫొటో

ఈ ఫొటోలో ఐశ్వర్యరాయ్ బచ్చన్ పక్కనున్న యువకుడిని గుర్తించారా. అతడు మరెవరో కాదు బాలీవుడ్ యువ హీరో రణబీర్ కపూర్. వయసులో కంటే చిన్నవాడైన రణబీర్ తో కలిసి ఐశ్వర్యరాయ్ తాజాగా 'ఏ దిల్ హై ముష్కిల్' సినిమాలో నటించింది. ఈ నేపథ్యంలో 18 ఏళ్ల క్రితం తీసుకున్న ఈ ఫొటో వార్తల్లోకి వచ్చింది.

రిషికపూర్ తొలిసారిగా దర్శకత్వం వహించిన ‘ఆ ఆబ్ లాత్ ఛలే’  సినిమాలో అక్షయ్ ఖన్నా సరసన ఐశ్వర్య నటించింది. ఈ సినిమాకు రణబీర్ అసిస్టెంట్ డైరెక్టర్ గా పనిచేశాడు. షూటింగ్ సమయంలో అమెరికాలో ఐశ్వర్యతో కలిసి రణబీర్ ఫొటో దిగాడు. రమీ జాఫ్రే ఈ ఫొటోను ట్వీట్ చేశారు. భవిష్యత్ లో వీరిద్దరూ కలిసి నటిస్తారని ఊహించలేదని జాఫ్రే పేర్కొన్నారు.

కరణ్ జోహార్ దర్శకత్వంలో తెరకెక్కిన 'ఏ దిల్ హై ముష్కిల్' సినిమాలో రణబీర్, ఐశ్వర్య నటించారు. అనుష్క శర్మ కూడా ఈ సినిమాలో ఉన్నప్పటికీ రణబీర్, ఐశ్వర్య మధ్య సన్నివేశాలు చర్చనీయాంశంగా మారాయి. దీపావళి కానుకగా అక్టోబర్ 28న 'ఏ దిల్ హై ముష్కిల్' ప్రేక్షకుల ముందుకు రానుంది.