లవ్‌ మాక్‌టైల్‌

కన్నడలో ఘనవిజయం సాధించిన ‘లవ్‌ మాక్‌టైల్‌’ సినిమాను తెలుగులో రీమేక్‌ చేయడానికి రంగం సిద్ధం అయ్యింది. ఇందులో సత్యదేవ్, తమన్నా జంటగా నటించనున్నారు. నాగ శేఖర్‌ మూవీస్‌ బ్యానర్‌పై నాగశేఖర్‌ దర్శకత్వంలో తెరకెక్కనుంది. భావనా రవి, నాగశేఖర్‌ నిర్మాతలు. ఈ సందర్భంగా దర్శక, నిర్మాతలు మాట్లాడుతూ– ‘‘ఈ రీమేక్‌కి సంబంధించిన రెగ్యులర్‌ షూటింగ్‌ని సెప్టెంబర్‌లో ఆరంభించడానికి సన్నాహాలు చేస్తున్నాం. కీరవాణి వారసుడు కాల భైరవ సంగీతం అందిస్తున్నారు. సత్య హెగ్డే సినిమాటోగ్రాఫర్‌గా వర్క్‌ చేయబోతున్నారు. మరిన్ని వివరాలు త్వరలో అధికారికంగా ప్రకటిస్తాం’’ అన్నారు.