అనవసరంగా ఏదో ఊహించుకున్నారు

తాను ప్రెగ్నెంట్ అని మీడియాలో వస్తున్న వార్తలను అస్కార్ అవార్డు విజేత, హాలీవుడ్ తార జూలియా రాబర్ట్స్ ఖండించారు. జూలియా రాబర్ట్స్ నాల్గవ బిడ్డకు తల్లి కాబోతుందని మీడియాలో రూమార్లు షికారు చేస్తున్నాయి. తాను వదులుగా ఉండే స్వెట్టర్‌ను ధరించడమే ఈ రూమర్లకు కారణమని ఆమె పేర్కొన్నారు. తన దుస్తుల స్టైల్ కారణంగానే ఏదో ఓ యాంగిల్‌లో ఫొటోలు తీసుకుని.. అనవసరంగా ఏదో ఉహించుకున్నారని జులియా ఓ ప్రకటనలో తెలిపారు. ఇటీవల ఓ టెలివిజన్ కార్యక్రమంలో పాల్గొన్న జూలియాను ‘మరో బిడ్డను కనడం మీకు ఇష్టమేనా?’ అని అడిగిన ప్రశ్నకు ‘అవును’ అని నవ్వుతూ సమాధానమిచ్చారు. జూలియా, డానియల్ మోడర్‌లకు కవల అమ్మాయిలతో పాటు ఆరేళ్ల కుమారుడు కూడా ఉన్నాడు.