బాండ్‌కి బ్రేక్‌
బాండ్‌ స్పీడ్‌కి బ్రేక్‌ పడింది. ‘జేమ్స్‌బాండ్‌’ సిరీస్‌ 25వ చిత్రంలో హీరోగా నటిస్తున్న డేనియల్‌ క్రెగ్‌ గాయపడ్డారు. క్యారీ జోజి ఫుకునాగ ఈ సినిమాకు దర్శకత్వం వహిస్తున్నారు. ఆస్కార్‌ అవార్డు విజేత రామీ మాలిక్‌ ఇందులో విలన్‌గా నటిస్తున్నారు. నోమి హ్యారిస్, లియా సేడౌస్‌ హీరోయిన్లుగా నటిస్తున్నారు. ఇటీవల ఈ సినిమా షూటింగ్‌ జమైకాలో ప్రారంభం అయ్యింది.
ఓ యాక్షన్‌ సీన్‌ను షూట్‌ చేస్తున్న సమయంలో డేనియల్‌ క్రెగ్‌ కాలికి గాయం అయ్యిందని హాలీవుడ్‌లో వార్తలు వస్తున్నాయి. కానీ గాయం పెద్దదేం కాకపోవడంతో మరో వారంలో ఈ సినిమా షూటింగ్‌ తిరిగి ప్రారంభం అవుతుందని టాక్‌. బాండ్‌ సీరిస్‌లో 21వ చిత్రం ‘క్యాసినో రాయల్‌’ (2006)తో బాండ్‌ చిత్రాల్లో హీరోగా వచ్చారు క్రెగ్‌. ఈ సినిమా షూటింగ్‌ అప్పుడు కూడా క్రెగ్‌ గాయపడ్డారు. గత నాలుగు బాండ్‌ చిత్రాల్లో క్రెగ్‌నే హీరోగా నటించారు. ఇక బాండ్‌ సిరీస్‌ 25వ చిత్రం వచ్చే ఏడాది ఏప్రిల్‌ 8న రిలీజ్‌ కానుంది.
*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి