మహేష్‌ మేనల్లుడు అశోక్‌ లుక్‌ రివీల్‌..

Galla Ashok Look Revealed From His First movie - Sakshi

హీరో మహేష్‌బాబు మేనల్లుడు, ఎంపీ గల్లా జయదేశవ్‌ కుమారుడు గల్లా అశోక్‌ హీరోగా ఓ సినిమా తెరకెక్కుతున్న సంగతి తెలిసిందే. శ్రీరామ్‌ ఆదిత్య దర్శకత్వం వహిస్తున్న ఈ చిత్రంలో నిధి అగర్వాల్‌ హీరోయిన్‌గా నటిస్తున్నారు. సూపర్‌స్టార్‌ కృష్ణ, గల్లా అరుణకుమారి సమర్పణలో.. అమరరాజా మీడియా అండ్‌ ఎంటర్‌టైన్‌మెంట్‌ బ్యానర్‌పై పద్మావతి గల్లా ఈ చిత్రాన్ని నిర్మిస్తున్నారు. అయితే ఆదివారం అశోక్‌ పుట్టిన సందర్భంగా ఈ చిత్రంలో ఆయన లుక్‌ను విడుదల చేశారు. టేబుల్‌పై కూర్చొని ల్యాంప్ వెలుగులో  పుస్త‌కం చ‌దువుతున్న అశోక్ లుక్ ఆక‌ట్టుకునేలా ఉంది. 

ఈ సందర్భంగా నిర్మాత ప‌ద్మావ‌తి మాట్లాడుతూ.. లాక్‌డౌన్ నేప‌థ్యంలో అంద‌రూ ఇళ్ల‌ల్లో సుర‌క్షితంగా ఉండాల‌ని కోరారు. ప్ర‌భుత్వాలు, డాక్ట‌ర్లు, పోలీసులు చెబుతున్న స‌ల‌హాలు, సూచ‌న‌లు త‌ప్ప‌నిస‌రిగా పాటిస్తూ క‌రోనా వైర‌స్ వ్యాప్తి కట్టడిలో భాగ‌స్వాములు కావాల‌న్నారు. ఇంకా ఈ చిత్రంలో జ‌గ‌ప‌తిబాబు, న‌రేష్‌, స‌త్యా, అర్చ‌నా సౌంద‌ర్య కీల‌క పాత్రల్లో నటిస్తున్నారు. ఈ చిత్రానికి జిబ్రాన్ సంగీతం అందిస్తున్నారు. ఇప్పటికే ఈ చిత్ర షూటింగ్‌ 50 శాతం పూరైనట్టుగా చిత్ర బృందం పేర్కొంది. ప్రస్తుతం క‌రోనా వైర‌స్ వ్యాప్తి నియంత్రణకు దేశవ్యాప్తంగా లాక్‌డౌన్ విధించడంతో  సినిమా షూటింగ్ నిలిచిపోయింది.

Read latest Movies News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top